أيها الزوالي رواح ندبر عليك

[الامين محمد]

السلام عليكم
ايها الشعب العظيم
الزوالي و فحل اللي يموت بالجوع
و ما يطبطبش على الجار و يقولوا يرحم والديك بعثلي
خبزة مطلوع راهي الكوشة مبلعة

راهي السادسة بعد العصر
و راني وحداني في البيت

انا من الناس اللي يموت بالجوع و ما يطيبش حاجة

المهم عييت نتلوة بالجوع
لكن نداء البطن كان اقوى من اي مقاومة

و فعلا الحاجة ام و اب الاختراع و التفكير

لما اشتد بي الجوع لقيت تدبيرة
راح نسميها
سوندويتش الفقاقير

كي تكون عيان من القلب و ماكش قادر تطيب حتى حاجة
رواح لهاذ التدبيرة
جربها و ردلي الخبر

روح للكوزينة
جبد خبزة مطلوع
لكن يجب ان تختار المطلوع اللي يتفتح و ليس الملتسق
و اختر اجمل خبزة من المجموعة اللي عندك
يعني تقدر تقول خبزة تشبه اختي المجرمة
@ليليا مرام ماعيش خبزة يابسة كيما خويا@sami44
كيما اللي في الصورة


اقسم الخبزة على النص و افتح بين الطبقيتين بهدوء
باش ما تثقبش الخبزة
بعدما تفتح نص الخبزة حطها فوق الطاولة
و روح للفريجيدار
اكيد مانيش على هذا


راني على هذا
و الموجود في كل بيت جزايري


افتح الفريجيدار و حوس على
هاذ القوطي


راني سهلت عليك اي نوع الحارة الجارة لا يهم

ارفد مغرف مليحة و طلي بيها هذاك نص
الخبزة اللي حكينا عليه من قبيل

طلي مليح
و حط كاس ما بارد و بصحتك

سوندويتش الفقاقير
مع الشيف الامين
ههههههه
بصحتكم

و انتوما ماهي تدبيراتكم المضادة للفقر

@@​

 

[بسمة القلوب]

هههههه المهم راك دبرت على راسك و مقعدتش للجوع

 

[إلياس]

بدون تعليق

 

[جليلوس]

كنت راح نقولك السكر والخبز اليابس يجي روعة تشد بيه الجوع
لقيتك دبرت على روحك خويا العزيز معليش المهم سلكت راسك
ربي يفرجها على كل واحد خيي ​

 

[sana barhoumi]

عن أبي هريرة رضي الله عنه أن رسول الله صلى الله عليه وسلم قال: ((أتدرون ما المفلس؟))، قالوا: المفلس فينا من لا درهم له ولا متاع، فقال: ((إن المفلس من أمَّتي يأتي يوم القيامة بصلاة وصيام وزكاة، ويأتي قد شتَم هذا، وقذف هذا، وأكَل مال هذا، وسفَك دم هذا، وضرب هذا، فيُعطى هذا من حسناته، وهذا من حسناته، فإنْ فَنِيَتْ حسناته قبل أن يقضي ما عليه، أُخذ من خطاياهم فطُرحت عليه، ثم طُرح في النار))؛ رواه مسلم.

 

[kojak]

خويا ياخويا

 

[الفتاة الاميرة]

السلام عليكم
ايها الشعب العظيم
الزوالي و فحل اللي يموت بالجوع
و ما يطبطبش على الجار و يقولوا يرحم والديك بعثلي
خبزة مطلوع راهي الكوشة مبلعة

راهي السادسة بعد العصر
و راني وحداني في البيت

انا من الناس اللي يموت بالجوع و ما يطيبش حاجة

المهم عييت نتلوة بالجوع
لكن نداء البطن كان اقوى من اي مقاومة

و فعلا الحاجة ام و اب الاختراع و التفكير

لما اشتد بي الجوع لقيت تدبيرة
راح نسميها
سوندويتش الفقاقير

كي تكون عيان من القلب و ماكش قادر تطيب حتى حاجة
رواح لهاذ التدبيرة
جربها و ردلي الخبر

روح للكوزينة
جبد خبزة مطلوع
لكن يجب ان تختار المطلوع اللي يتفتح و ليس الملتسق
و اختر اجمل خبزة من المجموعة اللي عندك
يعني تقدر تقول خبزة تشبه اختي المجرمة
@ليليا مرام ماعيش خبزة يابسة كيما خويا@sami44
كيما اللي في الصورة
مشاهدة المرفق 136522

اقسم الخبزة على النص و افتح بين الطبقيتين بهدوء
باش ما تثقبش الخبزة
بعدما تفتح نص الخبزة حطها فوق الطاولة
و روح للفريجيدار
اكيد مانيش على هذا
مشاهدة المرفق 136523

راني على هذا
و الموجود في كل بيت جزايري
مشاهدة المرفق 136524

افتح الفريجيدار و حوس على
هاذ القوطي
مشاهدة المرفق 136525

راني سهلت عليك اي نوع الحارة الجارة لا يهم

ارفد مغرف مليحة و طلي بيها هذاك نص
الخبزة اللي حكينا عليه من قبيل

طلي مليح
و حط كاس ما بارد و بصحتك

سوندويتش الفقاقير
مع الشيف الامين
ههههههه
بصحتكم

و انتوما ماهي تدبيراتكم المضادة للفقر

@@​

قتلتني بالضحك سيرثو الفريجيدار...والله النوع لول نشوفوه غير في رمضان شهر الخير تلقاه شوية سمان ودار لاطاي ديك الفريجيدار ههههه نهار العيد حنا نفطرو هو يصومكلش يختفي سبهههههااااان الله هههههه
بالنسبة للصندويتش عندي خواتاتي البنات في زوج يضربو الطماطم النصبرة فوق الكسرة (حنا فالشرق وبالاخص عيلتي نحبو كسرة رخسيس ولازم رقيقة وحاطمة هههه) وياكلوها انا الحق والله ما نجمتلها نفضل بصلة مع الكسرة او زيت زيتون احسن...عالعموم بصحتك بصح مصرحتلناش نوع الطوماطيش هابالاك نتخدعو فالصندويتش وتاعك يجي بنين على تعنا

 

[الرومانسي الجاد]

الفايدة كي تشبع ههه معجون.. زبدة.. طوماطيش.. ثوم مرحي ههه كامل يصلحو.. و بصحتكم .

 

[prince of love]

يا خويا الجوع في الليل ما دار فينا ههه
انا نفضل الطماطم نتاع الحب و معاها شوية ملح أفضل هههه

 

[وۣۗهۣۗہۣۗم]

ياخويا ياخويا​

بصحتك المطلوع والله سخفنى فالصورة هههههههههههههه​

​

انا مرات كى يضربنى الجوع يجونى في بالى غير المواكل اللى فالعادة مناكلهمش ههههههههههههه ​

مقتليش بصح وش رايك فالخبر بالڨازوز هههههههههههههه ولا بالعنب ​

 

[بنت الشمال]

ههههه بصحتك وربي يرزق كل مومن وان شاءلله واحد مايجوع من أمة محمد يارب
أما بالنسبة للتدبيرة فأنا أفضل أكل المطلوعة وحدها دون أي اضافات

 

[بنت الشمال]