مشكلتي
كلمة المرور: 4algeria2025
- إنضم
- 19 أكتوبر 2013
- المشاركات
- 814
- نقاط التفاعل
- 4,572
- نقاط الجوائز
- 193
عندي اختين جدي اخواتي يجولها خطاب ملي كان عمرها سابعة عشر عام ووقتها كانت صغيرة المهم كي كبرت دخلت بالعشرينات وثلاثنيات وهي عندها خطاب بعض الخطاب يجيو عند صحابتها لهما بنات عمي وللاسف يطردوه بلا ما يقولولها وكي تسمع تقولهم علاه يقولوها ماشي من مستواك مش ملاح هدوا لعينة ليبعثه بنات عمي اما ليجولها هي ديراكت تبدا اختي لاصغر منها تضحك عليها وتقولها لوكان تقبليه حتولي مسخرة وتضحك عليها واختي هده مشكلتها انها تتاثر بكلام الناس تخاف الناس يضحكه ليها تخاف الناس يحتقروها مبعد اي واحد يجييلها اختي تحرضها تخليه وتقولها راح تولي مسخرة بين الناس وتبدا تتنمر علي لجالها مبعد اختي تطرده ضركا هي ولات فوق اربعين سنة وما تزوجتش واختي لاصغر منها راهي تدير المستحيل باش تتزوج صحيح راهي تخير بصح هي مستعدة تقبل باي واحد من ليجيو لاختي مع العلم غير كيما جالها لاختي الكبيرة عريس عنده دكتوراة واختي الاصغر تحب تسرقه منها وتقولهاهدا يليق بيا انا وندمتها فرفضاته يعني تاثر بزاف عليها هي تغار منها والاخري ماحبتش تفهم مع انه خالتي جات عندنا فاقت بيها قالتلها راهي تكلخلك بصح هي ماحبتش تصدق الثانية راهي تكلخلها