الدوش🛀 الجزائري⁦🇩🇿⁩😂😂

[جليلوس]

علابالكم علاه كي كنا صغار نكرهو حاجة إسمها الدوش ؟؟ لاخاطر أمهاتنا ربي يحفظهم كانو يعذبونا تعذيب كي يكونو يدوشولنا ويغسلونا غسيل الدوارة #ربي اللي عالم بيا كي تقولي نوض ندوشلك نمووووت من الخلعة ...ونبدا نحوس وين نتخبا
وكي تحكمني هههههه تبدا رحلة التعذيب كي تنحيلي الحوايج تنحيلي التريكوتقول راهي تريش في دجاجة.. و وذنياكل وحدة في جيهة واش نقولكم أسكتو برك وكي نقولها راهم يوجعو فيا والله...تجيني واحد التسرفيقةمن حيث لا أدري ...بلع
أما بالنسبة للماء لازم يكون تحت درجة غليان 1000 درجة يا ماما آه يا ماما راكي طيبتيني .. وهاهي التسرفيقة الثانية ... أسكت و كي تكون تحكلي في وجهي قسما بالله تقول راها تحك في المصباح السحري تاع علاء الدين باش تخرج منو المارد اللي فيه .. وراسي ايدووورمن اليمين لليسار تقول الصفارة تاع الكوكوطة .. والمشكلة كي يهبطلي الصابون على عينيا⁦⁩و تكون حابة تنحيهولي تغيرلي الملامح نتاع وجهي كاملين ... ونجيو ملي تشدلك نيفك وتقولك دير نننففففففف.. اتولي تنفنف من وذنيكو كل المجاري التنفسية مسدودة ... #_فقرة_التكياس
تحكم الكياسة تحكها فالصابونة و تفوتها على ظهرك وتهبط عليك تقول بوشي يسن في موس الذبيحة ... طبعا ربي اللي يسترنا واللهراه التكياس تاعها يجيب شلل رباعي ...⁦⁩ بشوية يا نبع الحنان⁦⁩راني نحس شغل راكي تحكي في زربية⁦⁩ وملي تخرج من الدوش وتشوف وجهك فالمرايا وتشوف لحمك يتفور تقول كوكوطة هادوين فتحوها... رؤوس الأصابع⁦⁩يكونو مكمشين ولونك بين الحمرولبيض من كثرة الحكان ....
#_الآن_فقرة_تلبيس_الحوايج
كي تبغي تلبسلك الحوايج . ياه ياااه. راسك يولي كبير ب خمس مرات من الفم تاع التريكو وهي بسيييف دخلوا باش تولي تحس بلي راهم وذنيكمشاو مع التريكو ... تلبسك الأول ويجي التريكو الزاوج أطونسيون تنح يد تاع التريكو وتقولك شد باش تلبس اللي بعدو ... انجيو لمشيط الشعر ... حفاظا على سلامة الرأسمن القمل والشوائب لازم تحفر المشطةفالشعر ومن هنا يبدأ الحرث الطبيعي وطبعا كاين إحتمال أن أسنان تاع المشطة يوصلو لمخك...
------------------------------
شكون صراتلو متلعبوهاش جايين من الترك
حمامنبع الحنان يااااااااااه
يدي⁦⁩تكسرت من الكتبة والله ما نسمحلو لي قراها ومات من الضحك وماخلاليش كومنتار ​

 

[القطة الزهرية]

هههههههه علاه عليك فكرتني فالعداب لي عشناه ةركزلي على الودنين للدرك مازلت معقدة ههههه , ؤبي يحفهملنا ويخليهم تاج فوق راسنا

 

[بيسان بيبا]

ههههههههههه

 

[إلياس]

فكرتنا ايام كنت صغير كانت أمي ربي يطول في عمرها ان شاء الله كنت تدخلني بالدوش بضرب غير المبرح تقول ليا دوش فيا تغسلني من كل جسمي و تحك ليا بالكاسة الحرشة
وفي الاخير تكملها بشامبو

 

[بيسان بيبا]

فكرتنا ايام كنت صغير كانت أمي ربي يطول في عمرها ان شاء الله كنت تدخلني بالدوش بضرب غير المبرح تقول ليا دوش فيا تغسلني من كل جسمي و تحك ليا بالكاسة الحرشة
وفي الاخير تكملها بشامبو

ههههههه لكن يبقى احسن دوش

 

[امير الصحراءdz]

ههة،احلى الايام ايام طفولة الله يحفظ جميع الامهات

 

[إلياس]

ههههههه لكن يبقى احسن دوش

كلامك صواب اختي كان احلى دوش نشفى كانت ندوش فيا بسينة كبيرة ندوشني أمي ربي يطول في عمرها يا العالمين ان شاء الله
هههه

 

[بيسان بيبا]

كلامك صواب اختي كان احلى دوش نشفى كانت ندوش فيا بسينة كبيرة ندوشني أمي ربي يطول في عمرها يا العالمين ان شاء الله
هههه

هههه ربي يحفظهالك

 

[إلياس]

هههه ربي يحفظهالك

اللهم امين يا رب العالمين اجمعين

 

[السلطانة]

نقرا وقلبي يضرب ههههههه
قريت الموضوع كيما كتبتو بعد مكانش نفس بعد
كيما الدوش تاع نبع الحنان الاسطوري
صح مننساهش هاذ الدوش ههههه
نشفى كي كانت الوالدة تدوشني بعد ماتسخن الدوش مليح يعود يفور
كنت نتخنڨ من هاذاك البخار
والكيسة هاذيك الاسطورية تبدا تغسل من الوجه مليح مليح

دووش لاينسى

وحنا لبنات بعد هاذ الخطوات تزيد تنشفلنا بالسشوار وتمشطلنا المشطة الاسطورية بالسلااااك وتحكم مليح بلاستييييك الابيض باه تحط عليه الشوشوات ههههه
وياويلها لي تمشطلها جدة

 

[أم منيــــــر]

السلام عليكم
وكامل هداك شي وتلك المعاناة تتفكرها درك تقول يا ماحلاها ديك ليام

 

[aljentel]

هههههههه
يبقى للذكريات طعم خاص

 

[أبو عاتكة]

هذا مايتسماش دوش هذا يتسمى اعادة برمجة المصنع الدليل انو بعد الدوش تبقى وقت باه ترجعلك الذاكرة والتطبيقات وتتعرف على الناس اللي حولك وترجعلك الحواس وحدة وحدة السمع ،،،الشم،،،الرؤية...الجلد نتاعك الدوريجين يرجعلك اذا كنت اكحل متفرحش طويلا ويمشي الدم في عروقك وتدب الحياة فيك من جديد.
الله يحفظ الاحياء ويرحم الاموات من الاباء والامهات.

 

[sana barhoumi]

هذا مايتسماش دوش هذا يتسمى اعادة برمجة المصنع الدليل انو بعد الدوش تبقى وقت باه ترجعلك الذاكرة والتطبيقات وتتعرف على الناس اللي حولك وترجعلك الحواس وحدة وحدة السمع ،،،الشم،،،الرؤية...الجلد نتاعك الدوريجين يرجعلك اذا كنت اكحل متفرحش طويلا ويمشي الدم في عروقك وتدب الحياة فيك من جديد.
الله يحفظ الاحياء ويرحم الاموات من الاباء والامهات.

اللهم أمين يا رب العالمين

 

[ilina loulou]

علابالكم علاه كي كنا صغار نكرهو حاجة إسمها الدوش ؟؟ لاخاطر أمهاتنا ربي يحفظهم كانو يعذبونا تعذيب كي يكونو يدوشولنا ويغسلونا غسيل الدوارة #ربي اللي عالم بيا كي تقولي نوض ندوشلك نمووووت من الخلعة ...ونبدا نحوس وين نتخبا
وكي تحكمني هههههه تبدا رحلة التعذيب كي تنحيلي الحوايج تنحيلي التريكوتقول راهي تريش في دجاجة.. و وذنياكل وحدة في جيهة واش نقولكم أسكتو برك وكي نقولها راهم يوجعو فيا والله...تجيني واحد التسرفيقةمن حيث لا أدري ...بلع
أما بالنسبة للماء لازم يكون تحت درجة غليان 1000 درجة يا ماما آه يا ماما راكي طيبتيني .. وهاهي التسرفيقة الثانية ... أسكت و كي تكون تحكلي في وجهي قسما بالله تقول راها تحك في المصباح السحري تاع علاء الدين باش تخرج منو المارد اللي فيه .. وراسي ايدووورمن اليمين لليسار تقول الصفارة تاع الكوكوطة .. والمشكلة كي يهبطلي الصابون على عينيا⁦⁩و تكون حابة تنحيهولي تغيرلي الملامح نتاع وجهي كاملين ... ونجيو ملي تشدلك نيفك وتقولك دير نننففففففف.. اتولي تنفنف من وذنيكو كل المجاري التنفسية مسدودة ... #_فقرة_التكياس
تحكم الكياسة تحكها فالصابونة و تفوتها على ظهرك وتهبط عليك تقول بوشي يسن في موس الذبيحة ... طبعا ربي اللي يسترنا واللهراه التكياس تاعها يجيب شلل رباعي ...⁦⁩ بشوية يا نبع الحنان⁦⁩راني نحس شغل راكي تحكي في زربية⁦⁩ وملي تخرج من الدوش وتشوف وجهك فالمرايا وتشوف لحمك يتفور تقول كوكوطة هادوين فتحوها... رؤوس الأصابع⁦⁩يكونو مكمشين ولونك بين الحمرولبيض من كثرة الحكان ....
#_الآن_فقرة_تلبيس_الحوايج
كي تبغي تلبسلك الحوايج . ياه ياااه. راسك يولي كبير ب خمس مرات من الفم تاع التريكو وهي بسيييف دخلوا باش تولي تحس بلي راهم وذنيكمشاو مع التريكو ... تلبسك الأول ويجي التريكو الزاوج أطونسيون تنح يد تاع التريكو وتقولك شد باش تلبس اللي بعدو ... انجيو لمشيط الشعر ... حفاظا على سلامة الرأسمن القمل والشوائب لازم تحفر المشطةفالشعر ومن هنا يبدأ الحرث الطبيعي وطبعا كاين إحتمال أن أسنان تاع المشطة يوصلو لمخك...
------------------------------
شكون صراتلو متلعبوهاش جايين من الترك
حمامنبع الحنان يااااااااااه
يدي⁦⁩تكسرت من الكتبة والله ما نسمحلو لي قراها ومات من الضحك وماخلاليش كومنتار ​

ههههههههههه والله قريت الموضوع و مع كل كلمة تقولها نتفكر ايام الصغر و العذاب خاصة
با حسرا على ليام هاديك صح كانت معاناة و لكن كانت عندها حلاوتها و طابعها الخاص .. توحشنا ايام و ذكريات الطفولة
شكراااااا على الطرح والله جا في وقتو صراحة

 

[Golden Man]

ههههههههههه والله قريت الموضوع و مع كل كلمة تقولها نتفكر ايام الصغر و العذاب خاصة
با حسرا على ليام هاديك صح كانت معاناة و لكن كانت عندها حلاوتها و طابعها الخاص .. توحشنا ايام و ذكريات الطفولة
شكراااااا على الطرح والله جا في وقتو صراحة

ايام الصغر لها طعم خاص.

مرحبا بيـك وبعودتك اختي

 

[أشــواق 19]

ههههههههه والله ميتنساا
بصح صح صحح ليت الزمان يعود يوما هههه هذاك هو دوووش تاع الصح

 

[barca.moha]

ايه نبع الحنان دوش و كنا نخافو ندوشو
رجعتنا للور خويا يعطيك صحة