السعادة عند الجزايري

[السلطانة]

اَلَسَلَاَمَ عَلَيَكَمَ وًّرَحَمَةٍ اَلَلَهَ وًّبَرَكَاَتَهَ
ان شاءالله تكونون بألف خير يامعشر اللمة وشعب واش راك تهدر


وانا شفت لمحاجب تاع اختنا @Rayhan
جاني الالهام وتفكرت نهدر فوحد الموضوع
وتفكرت غنااااية آه كم أحبها
كم أهواها كم أعشقها آه آه
حاجة يحبوها كامل الجزاييريين والعرب والناس كااامل
ولي هي

المآكلة



علابالك السعادة تاع الجزايري كي تقولو راك معروض للعرس يبقئ يستنئ في اللحظة الاسطورية لي يحطو فيها لعشااااا
قد لمعت عينااااااه
تيراااراراارا
ويقعد يستنئ في الطرف تاع اللحم والدجاااج والشخشوخة والحريرة والرولي وووو
وحييلي التقليدي بانواعو

ومنحكيلكمش في رمضان قمة السعادة عندو كي يفطر وينطلق للمايدة ويبدا ياكل عالبوراااك والشربة والحلو والمراقي والفلووون والكسرة وكي يزيد يتصحر


كي كنا صغار بكري ونروح للعراس مننساش منظر هاذاك الڨازوووز حبيب قلبي
ومتنساوش الجزايري في العيد لكبير لجزايري يشمر على ذرعيه ويبدا ليا ليك
البوزلوف والمشوي لمقلي العصبانة الدوااارة ..

تجي بنكهة خاصة

الجزايري يشعر بالسعادة كي تعرضو ل
عرس
طهور
خطبة
عقد
حفلة نجاح
عيد
..حنا شعب قلبو بيض بصح نحبو ناكلو هههه منكذبوش عرواحنا

يعني حنا شعب تاع كرشو

​

 

[Malika miko]

السلام عليكم
هههههه يعطيك الخير حبيبتي
والله جبتيها فالصواب
يقولك الا عيب عرضوني الواجب نروح بعدا نغلقها
وفي رنضان هليها وسكتي هههه ملي يفتح عينيه وهو يدور فالاسواق ويتشهى
وحتي النساء كاين لي تخمم هكذا عندي وحده قريبتي كي يعرضونا لكانش مناسبة نقوللها أنا منمشيش تقولي الا انا نمشي بعدا نتعشى عشا شباب هههههههه
شكرا علي ااموضوع
تقبلي نحياتي سلطاااانة

 

[الامين محمد]

ههههههههههه
الله يعطيك الربح اختي السلطانة
لي عودة اريد أن امنشر معكم ههههههه

 

[إلياس]

كلامك صواب اختي شفتها بعيني سعادة الجزائري كي يعود معروض ليس في عرس فقط بل في جميع المناسبات حيث أنه ياكل بشراهة تقول سبع راه ياكل قدامك رايتهم حتى في العزاء ، وانه يذهب لصاحب العرس او العزاء او غيرها يطلب منه خلي العظم نديه الكلاب تاعي والله حقا سعادة الجزائري هنا
لي عودة ان شاء الله مرة أخرى

 

[السلطانة]

السلام عليكم
هههههه يعطيك الخير حبيبتي
والله جبتيها فالصواب
يقولك الا عيب عرضوني الواجب نروح بعدا نغلقها
وفي رنضان هليها وسكتي هههه ملي يفتح عينيه وهو يدور فالاسواق ويتشهى
وحتي النساء كاين لي تخمم هكذا عندي وحده قريبتي كي يعرضونا لكانش مناسبة نقوللها أنا منمشيش تقولي الا انا نمشي بعدا نتعشى عشا شباب هههههههه
شكرا علي ااموضوع
تقبلي نحياتي سلطاااانة

اهلا بيك نهارك منور

هههه في رمضان حالة خاصة يخلطها مباعد يقول راني مريض
هههه شفت بعيني نسا يروحو عجال لعشا
وكاين حتى ليتروح للجنازة باهر تاكل تقعد ثلاث ايام غدا وعشا...
صحيتي اختي

 

[السلطانة]

ههههههههههه
الله يعطيك الربح اختي السلطانة
لي عودة اريد أن امنشر معكم ههههههه

في انتظارك

 

[السلطانة]

كلامك صواب اختي شفتها بعيني سعادة الجزائري كي يعود معروض ليس في عرس فقط بل في جميع المناسبات حيث أنه ياكل بشراهة تقول سبع راه ياكل قدامك رايتهم حتى في العزاء ، وانه يذهب لصاحب العرس او العزاء او غيرها يطلب منه خلي العظم نديه الكلاب تاعي والله حقا سعادة الجزائري هنا
لي عودة ان شاء الله مرة أخرى

اهلا وسهلا بيك اخي
صح ماش غير فالعرس حتى فالجنائز
شفت نسا ياكلو فشراهة
على العموم الجزايري يحب الماكلةوين تكون يكون

 

[ريحـان]

si, جبتيها ههههه
يعني ماشي غير سعادة و أكثر
تقولي راكي تحكي عليا باينا الدم الجزائري ههه
وخاصة مين يكون الطعام ينادي
الامر ماش متعلق بالاكلة فقط لخاطر مام حنا نطيبوها في الدار بصح تجي ماكلة المناسبات عندها بنة
خاصة الاطباق التقليدية
​

 

[أبو عاتكة]

حتى مواضيع اللي تتحدث عن الاكل تفرحنا وتسعدنا المهم فيها اخبار الماكلة... لهذا نشكروك على هاذي العرضة هههه

كاين زوج من الناس أب ووليدو اختصاصيين في الحضور الى اي مأدبة كانت كيما قلتي في القائمة عراس ،،،جنائز،،،عرضات،،،مناسبات سباقات خيل مؤتمرات سرية المهم يكونو حاضرين دايما واجدين في المواعيد الفايدة جمعو في واحد المائدة وبداو ياكلو الطفل ياكل ويشرب في الماء كل مقرف بكاس ما فالاب تقلق لخاطر هاذ الطريقة في الماكلة ماهيش عملية فقال لابنو ياطفل كول وخليك من الماء الماء راه كاين في الدار بالستيرنة هكول كيما موالفين وخلاص.
بنو قالو يابوي ماكش فاهم راني نشرب في الماء باه" ndami" بيه الماكلة ويبقى الوسع في المعدة ونزيد ناكل .( ndami ) معناها يرص بيه الماكلة قد مايقدر
ايا باباه عارف هاذ الفكرة تصلح الا في التراب خاطر هوما زوج ديماصو نتاع حفير و بنيان كاليفي.
قال لابنو ياوليدي علاه مقلتهاليش من الاول نعمل كيما انت ذرك هاذ الماكلة شكون ياكلها .
ويوم من الايام حصلي الشرف اني تواجدت معاهم في نفس المايدة وهوما اصلا معروفين في منطقتنا ونسمع بيهم بحكايتهم فقط.
واول شيء سمعتو من بعيد في هاذيك الجلسة وهوما يتخابرو عليه انو الاب قال لولدو شوف: ارواح نقعدو عند المايدة الهابطة( القصيرة) خاطر العالية متسعدناش !!!
اهاهاه راها هاكذا الحكاية وانا كي البهلول قاعد نحسب مافيهاش تخطيط مسبق.
ايا في الاخير مخرجتش من هاذيك الصالة الا ونصف الطرف نتاع اللحم نتاعي عندهم خطفولي من بين ايدي وهو يقول: اواه انت متعرفش تاكل اللحم يخي كملت الماكلة هاتو اهنا نعلمك كيفاش تاكل.
خرجت وانا نقول في نفسي فعلا للشدائد رجال وللزردات والعرضات أغوال .
الله يلطف بينا.
والسعادة بالاكل هي من بين الاشياء المحببة في اغتنام الفرص التي ان ضيعتها لن تستطيع تحمل ما يروى لك عنها خاصة في اوقات الجوع و الرغبة بالاكل.
فالشبعان لن يعطف عنك حينها.

يعطيك الصحة سلطانة اليوم مطيبتيش راكي تحكيلنا برك.هههه

 

[الامين محمد]

يا لالة السلطانة العرضات و الموائد راهم احد اسباب الحرب و السلم ههههههه
كثير من الخصومات وقعت بسبب عملت عرضة و ما عرضتنيش
و كثير من الحب تناثر عشقا و هياما بسبب زلافة طعام

كاين وتحد الناس من جيهتنا الله يبارك غلاظا شداد و هم اب و خمس اولاد
زعمة عايلة ثورية و الناس مقدمتهم و ابوهم يدوا منه البراكة
يا لالة هادو كي تعرضي واحد يجيب كامل القبيلة و لا يذرون احضرا و لا يابسا
يعني ناس فايت فيهم الشر و لا زادو في عام المجاعة
و نزيدك ياكلوا و يهزوا معاهم اللي بقى لاوادهم
و زيدو يهزوا العظومة للكلاب تاوعهم هههههه يعني الماعن من عندهم حطيهم في الخزنة
ما عنك علاه تغسليهم ههههههه

المهم عن السعادة و الغبطة انا نعيشها بجوارحي نها يكون العشا كسكس
يعني ناكل و انا نتأمل تقدري تقولي ناكل بكل مشاعري هههههه
و نحس انه فيه رومنسية مع القصعة خصوصا لما تزوقها اختك امنة بالزبيب و الحمص و الخضروات و البيض
يعني راني قريب نطيح الذمعة في هته اللحظات هههههههههههههههه

 

[sana barhoumi]

نحن نقرن المناسبات بالولائم للأسف.

 

[السلطانة]

si, جبتيها ههههه
يعني ماشي غير سعادة و أكثر
تقولي راكي تحكي عليا باينا الدم الجزائري ههه
وخاصة مين يكون الطعام ينادي
الامر ماش متعلق بالاكلة فقط لخاطر مام حنا نطيبوها في الدار بصح تجي ماكلة المناسبات عندها بنة
خاصة الاطباق التقليدية
​

هنا لقيتيني نخمم هههه علاه بنة لعراس منقدروش نعاودوها فالدار
الاكل ليه نكهة خاصة

 

[زاد الرحيل]

الواحد كي يروح لمناسبة يستمتع بكل حاجة فيها من لقاء الأحبة و الازياء المستوردة و ليس الفاضحة التي تقلل من قيمة الفتاة و الأكل مرغوب بصح غير مفضل مع الاجانب خاصة الشوربة خاطر المرض منتشر
، نفضل الحلوى. و الأكل حاجة ثانوية لكنها ضرورية لصاحب الفرح

 

[aljentel]

طبيعي حينما تحب الناس الاكل فلا حياة بلا مأكولات ، الا تعلمي ان 80 بالمائه مما يجنيه الانسان تصرف على الاكل يعني تصرف على البطن هههه وتبقى النسبه الباقيه للكماليات من سيارات وبيوت وملابس وغيرها من مستلزمات الحياه ...
فكولوا واشربوا واستمتعوا ما احد واحد منها حاجه .. سلام .

 

[وۣۗهۣۗہۣۗم]

منورة اختى الغالية
خلينا من المناسبات والعرضات
برك مي تقرب 12:00 القاب الغاشي كامل طافي وينتظر في اللحظة الحاسمة ههههههههههههه إللى ينطلق فيها للدار باه يتغدى
والأغلبية تلقايهم يخمووا على رمضان كيفاه يفوتوه ههههههههههههه ربي يسترناا

وكى نجووو العرضات تلقايها جاية وجايبة معاها كامل الحكومة والعائلة الكريمة ههههههههههههه تقولك باه تجينا القعدة حلوة ههههه
ومتنساش يلي في رمضان نحبوو نعرضووا حبايبنا وناسنا باه نشاركوهم الذ وما طاب وصح الجماعة تببنن الماكلة
تفكرنا الشهر الفضيل ربي يبلغنا واياكم ​

 

[Golden Man]

اَلَسَلَاَمَ عَلَيَكَمَ وًّرَحَمَةٍ اَلَلَهَ وًّبَرَكَاَتَهَ
ان شاءالله تكونون بألف خير يامعشر اللمة وشعب واش راك تهدر
مشاهدة المرفق 140761

وانا شفت لمحاجب تاع اختنا @Rayhan
جاني الالهام وتفكرت نهدر فوحد الموضوع
وتفكرت غنااااية آه كم أحبها
كم أهواها كم أعشقها آه آه
حاجة يحبوها كامل الجزاييريين والعرب والناس كااامل
ولي هي

المآكلة

مشاهدة المرفق 140762

علابالك السعادة تاع الجزايري كي تقولو راك معروض للعرس يبقئ يستنئ في اللحظة الاسطورية لي يحطو فيها لعشااااا
قد لمعت عينااااااه
تيراااراراارا
ويقعد يستنئ في الطرف تاع اللحم والدجاااج والشخشوخة والحريرة والرولي وووو
وحييلي التقليدي بانواعو

ومنحكيلكمش في رمضان قمة السعادة عندو كي يفطر وينطلق للمايدة ويبدا ياكل عالبوراااك والشربة والحلو والمراقي والفلووون والكسرة وكي يزيد يتصحر
مشاهدة المرفق 140763

كي كنا صغار بكري ونروح للعراس مننساش منظر هاذاك الڨازوووز حبيب قلبي
ومتنساوش الجزايري في العيد لكبير لجزايري يشمر على ذرعيه ويبدا ليا ليك
البوزلوف والمشوي لمقلي العصبانة الدوااارة ..

تجي بنكهة خاصة

الجزايري يشعر بالسعادة كي تعرضو ل
عرس
طهور
خطبة
عقد
حفلة نجاح
عيد
..حنا شعب قلبو بيض بصح نحبو ناكلو هههه منكذبوش عرواحنا

يعني حنا شعب تاع كرشو

مشاهدة المرفق 140764​

منذ بدأ قرائتي للموضوع والردود . وانا نضحك

أسعدكم وأضحككم الله كما أضحكتمونا وأدخلتم البسمة على قلوبنا أخيتي

.. وأما عن رأيي فلا أتحدث عن / المأكولات (لا حيوانية ولا نباتية هههههههه ) فكلها خطيررررة عندي ولي معها قصص وقصص ههههههههه

" صادفت من يبغي المحمر برك هههههه .. وصادفت من يشترط انواع معينة الفواكه قبل التهامه للمأكولات الحيوانية المختلفة هههههههههه .. وصادفت من لا يأكل إلا بالحااار والزيت +... ههههههه ......... وصادفت من لا يستطيع دفع مستحقات طعامه !!!!
وقائمة الغرائب والعجائب طويلة ..


من ناحية الصحة ايضا..
الأكل الزاااااائد يضر بصحة الإنسان بشكل كبير ويسبب العديد من الامراض .

وجهة نظري
عموما .. أكل الطعام واحدة من النعم التي أنعم الله بها علينا... ولنأكل ونستمتع بشكل عادي .. ولكن لا بد أن لا نحولها الى نقمة ... ودالك
بالالتزام بما جااااء به الدين الحنيف ( فـ ثلث للأكل والثلث للماء والثلث الباقي للهواء وتنفس الانسان... )
كما أن على الانسان ان يحترم نفسه امام العامة ( فليس من المحبب الاكل بشراهة امام الناس عموما ... او اكل شئ في مائدة لا يأكله الآخر كـ المطاعم مثلا.. حدث لي وان كنت اتناول الغداء في المطعم . وكنت اتناول بعض من اللحم في دالك الغداء... فجلس في نفس المائدة شخص وطلب بطاطس فقط.. فلم استطيع ان ابتلع تلك اللحم بصراحة .. اين طلبت من مقدم الطعام ان ياتي الرجل بلحم من دون ان يخبره بأني من عملت دالك...)(اللهم لا رياء) ونجح الامر وتجاوزنا الموقف والحمد لله


بالمختصر........ المفيد : لابد ان نلتزم بالاخلاق في كل شئ . . بما فيها آداب الأكل .


شكرا على الموضوع الهادف المليئ بالفكاهة وخفة الدم اختي

 

[السلطانة]

حتى مواضيع اللي تتحدث عن الاكل تفرحنا وتسعدنا المهم فيها اخبار الماكلة... لهذا نشكروك على هاذي العرضة هههه

كاين زوج من الناس أب ووليدو اختصاصيين في الحضور الى اي مأدبة كانت كيما قلتي في القائمة عراس ،،،جنائز،،،عرضات،،،مناسبات سباقات خيل مؤتمرات سرية المهم يكونو حاضرين دايما واجدين في المواعيد الفايدة جمعو في واحد المائدة وبداو ياكلو الطفل ياكل ويشرب في الماء كل مقرف بكاس ما فالاب تقلق لخاطر هاذ الطريقة في الماكلة ماهيش عملية فقال لابنو ياطفل كول وخليك من الماء الماء راه كاين في الدار بالستيرنة هكول كيما موالفين وخلاص.
بنو قالو يابوي ماكش فاهم راني نشرب في الماء باه" ndami" بيه الماكلة ويبقى الوسع في المعدة ونزيد ناكل .( ndami ) معناها يرص بيه الماكلة قد مايقدر
ايا باباه عارف هاذ الفكرة تصلح الا في التراب خاطر هوما زوج ديماصو نتاع حفير و بنيان كاليفي.
قال لابنو ياوليدي علاه مقلتهاليش من الاول نعمل كيما انت ذرك هاذ الماكلة شكون ياكلها .
ويوم من الايام حصلي الشرف اني تواجدت معاهم في نفس المايدة وهوما اصلا معروفين في منطقتنا ونسمع بيهم بحكايتهم فقط.
واول شيء سمعتو من بعيد في هاذيك الجلسة وهوما يتخابرو عليه انو الاب قال لولدو شوف: ارواح نقعدو عند المايدة الهابطة( القصيرة) خاطر العالية متسعدناش !!!
اهاهاه راها هاكذا الحكاية وانا كي البهلول قاعد نحسب مافيهاش تخطيط مسبق.
ايا في الاخير مخرجتش من هاذيك الصالة الا ونصف الطرف نتاع اللحم نتاعي عندهم خطفولي من بين ايدي وهو يقول: اواه انت متعرفش تاكل اللحم يخي كملت الماكلة هاتو اهنا نعلمك كيفاش تاكل.
خرجت وانا نقول في نفسي فعلا للشدائد رجال وللزردات والعرضات أغوال .
الله يلطف بينا.
والسعادة بالاكل هي من بين الاشياء المحببة في اغتنام الفرص التي ان ضيعتها لن تستطيع تحمل ما يروى لك عنها خاصة في اوقات الجوع و الرغبة بالاكل.
فالشبعان لن يعطف عنك حينها.

يعطيك الصحة سلطانة اليوم مطيبتيش راكي تحكيلنا برك.هههه

اهلا وسهلا
ديجا تقول كلمة اكل تحس عندها شارم كبير هههه وتضحك وحدك تشعر بالسعادة
هاذ الراجل وولدو بانولي كيما اشعب لي قرينا عليه بكري هههه
يعني يخططولها مليح ويروحو للمناسبات
تخطيط مسبق ههههه عاد خلاص في خطة الماء هاذي واحد ميخمم فيها
وياسعدهم طاحو معاك كلاو نصف اللحم نتاعك هههه اكيد يفرحو نهار تعود شخشوخة ولاطعام يعود اللحم بزاف
نورت ايها الطيب

 

[السلطانة]

يا لالة السلطانة العرضات و الموائد راهم احد اسباب الحرب و السلم ههههههه
كثير من الخصومات وقعت بسبب عملت عرضة و ما عرضتنيش
و كثير من الحب تناثر عشقا و هياما بسبب زلافة طعام

كاين وتحد الناس من جيهتنا الله يبارك غلاظا شداد و هم اب و خمس اولاد
زعمة عايلة ثورية و الناس مقدمتهم و ابوهم يدوا منه البراكة
يا لالة هادو كي تعرضي واحد يجيب كامل القبيلة و لا يذرون احضرا و لا يابسا
يعني ناس فايت فيهم الشر و لا زادو في عام المجاعة
و نزيدك ياكلوا و يهزوا معاهم اللي بقى لاوادهم
و زيدو يهزوا العظومة للكلاب تاوعهم هههههه يعني الماعن من عندهم حطيهم في الخزنة
ما عنك علاه تغسليهم ههههههه

المهم عن السعادة و الغبطة انا نعيشها بجوارحي نها يكون العشا كسكس
يعني ناكل و انا نتأمل تقدري تقولي ناكل بكل مشاعري هههههه
و نحس انه فيه رومنسية مع القصعة خصوصا لما تزوقها اختك امنة بالزبيب و الحمص و الخضروات و البيض
يعني راني قريب نطيح الذمعة في هته اللحظات هههههههههههههههه

هههه هاذو قريب يدو معاهم الطباسا ولمغارف يهنو مول العرس ضربة وحدة
ههههه مالا راك من عشاق الطعام
بصحتك

 

[السلطانة]

الواحد كي يروح لمناسبة يستمتع بكل حاجة فيها من لقاء الأحبة و الازياء المستوردة و ليس الفاضحة التي تقلل من قيمة الفتاة و الأكل مرغوب بصح غير مفضل مع الاجانب خاصة الشوربة خاطر المرض منتشر
، نفضل الحلوى. و الأكل حاجة ثانوية لكنها ضرورية لصاحب الفرح

يعطيك الصحة اشرتي الى عدة نقاط
مهمة كيما الواحد يشوف العايلة. ويتلاقى مع لحباب ماشي منلي يروح والحس تاع الديدجي عند راسو والبنات لي بلباس غير محتشم ينكزو حتان يروح
وزيد الشربة من الافضل كل واحد وصحنو لانو صرات كوارث في الصيف لي فاتت من وراء الماكلة في نفس الطبسي
صحيتي

 

[السلطانة]

طبيعي حينما تحب الناس الاكل فلا حياة بلا مأكولات ، الا تعلمي ان 80 بالمائه مما يجنيه الانسان تصرف على الاكل يعني تصرف على البطن هههه وتبقى النسبه الباقيه للكماليات من سيارات وبيوت وملابس وغيرها من مستلزمات الحياه ...
فكولوا واشربوا واستمتعوا ما احد واحد منها حاجه .. سلام .

عندي خالتي تقولي
الاكل هو هدفي في الحياة هههه
وهو حياتي وهو كلش عندي
منور اخي