لي راه باغي يسجل أول مرة المراسلة يتبع مليح هذا الشرح راه بالتفصيل الممل.
شرح تكوين ملف التسجيل لمسجلين الجدد:
التسجيل الاولي تروح عند السيبار يسجلك تدي معاك بطاقة التعريف فقط يسجلك يعطيك يعطيك 5 أوراق.
بعد مرور 24 ساعة من التسجيل عند سيبار، تبع معايا وش تدير:
- الورقة رقم 1 تروح بيها لابوست تخلص الدراهم تاع المراسلة السعر يتغير حسب وش اختاري نتا كتب ولا قرص مضغوط ولا أرضية تعليمية ، كي تخلص تاع لابوست يعطوك وصل احتفظ بيه.
- الورقة رقم 2 تصريح شرفي تمضيه البلدية.
- الورقة رقم 3 تديها لمدير المؤسسة لي كنت تقرى فيها (ثانوية ، متوسطة) يمضيهالك.
- الأوراق رقم 4 و رقم 5 تخليهم كيما راهم
من بعد ما تكمل هذا الخطوات هذو 5 أوراق + الوصل لي عطاوهلك في لابوست ، تزيد عليهم الوثائق التالية:
- شهادة ميلاد 1
- شهادة مدرسية أصلية 2
- كشف النقاط تاع آخر سنة دراسية
- 2 صور شمسية
بعد ما تشكل هذا الملف تديه لمركز المراسلة تاع الولاية لي تسكن فيها.
وربي يوفقكم
