مسابقة ادارة الغابات

[جليلوس]

السلام عليكم
هذا اعلان عن مسابقة ادارة الغابات

الملف
- طلب خطي للمشاركة في المسابقة .
- شهادة مدرسية حديثة ( الأصلية + النسخة)
- نسخة قياس القامة بالنسبة للرجل أن لا تقل عن 1.66 وبالنسبة للنساء أن لا تقل عن 1.58
- نسخة طبق الأصل عن بطاقة التعريف الوطنية مصادق عليها
- يودع ملف الترشح في أجل أقصاه 20 يوما بعد التاريخ هذا ...
الاعلان في الجرائد الوطنية لدى محافظة الغابات الولاية مكان ( إقامة المعني )
كل الرتب وما يقابلها ( المستوى والسن المطلوب )
- عون الغابات ( 4 متوسط ) ( 19.الى 28 سنة )
- مفتش فرقة ( مستوى بكالوريا) ( 21 إلى 30 سنة )
- مفتش ( تقني سامي أو ديوا ) ( 21 إلى 30 سنة )
- مفتش رئيسي ( ليسانس ) ( 21 إلى 30 سنة )
- مفتش رئيس ( مهندس أو ماستر ) (21 إلى 30 سنة)
- محافظ قسم ( ماجيستير )

الملفات تودع على مستوى ادارة الغابات بالولايات
يتم إعلان المترشحين بتاريخ ومكان إجراء الاختبارات عن طريق إستدعاءات فردية

سأوافيكم بكل ما هو جديد ان شاء الله
بالتوفيق للجميع.​

 

[ذكريات]

كنا نهدرو غي اليوم على الاعلان حتى لقيتك كاتب التفاصيل، مشكور أخي على المعلومات

 

[إلياس]

بالتوفيق للجميع ان شاء الله

 

[dahman kz]

ربي يوفق الجميع ان شاء الله

 

[جليلوس]

كنا نهدرو غي اليوم على الاعلان حتى لقيتك كاتب التفاصيل، مشكور أخي على المعلومات

واه ختي واه
كاش جديد نخبركم
العفو شكرا لمرورك

بالتوفيق للجميع ان شاء الله

ربي يوفق الجميع ان شاء الله

اللهم آمين
صحيتوا الشبيبة

 

[وۣۗهۣۗہۣۗم]

الجميع صباح
يحكوو عليه مى شغل مرديت البال
حاجة شابة ربي يفق الجميع ان شاء الله​

 

[جليلوس]

الجميع صباح
يحكوو عليه مى شغل مرديت البال
حاجة شابة ربي يفق الجميع ان شاء الله​

قاع صبحنا مجمعين عليه
هههههه ربي يوفق الجميع
شكرا يا شيشيك / زهرة نورمالمون

 

[وۣۗهۣۗہۣۗم]

قاع صبحنا مجمعين عليه
هههههه ربي يوفق الجميع
شكرا يا شيشيك / زهرة نورمالمون

صاحيتووو جماعت الاتراك ..ههههههه...☺​

 

[جليلوس]

صاحيتووو جماعت الاتراك ..ههههههه...☺​

الله يسلمك

 

[Hakan]

محافظ قسم لازملو ماجستير ، ناس قليلة لي عندها ماجستير سما لي عندو دكتوراه lmd ضربو باب من الاخير

 

[جليلوس]

محافظ قسم لازملو ماجستير ، ناس قليلة لي عندها ماجستير سما لي عندو دكتوراه lmd ضربو باب من الاخير

للاسف الشروط التعجيزية في بلادنا تخليك تكره نهار لي بغيت تكمل فبه قرايتك

 

[ناصر dz]

بالتوفيق للجميع

 

[جليلوس]

كاين زوج انواع في مسابقة التوظيف في ادارة الغابات :

1/على اساس اختبارات :
*العون :رابعة متوسط .السن 19_28سنة السطاج 12شهر في المدية ولا جيجل
امتحان سبور وطبي عام ونفسي بعدها امتحاني كتابي هو لتنجح بيه
*مفتش فرقة:شهادة باكالوريا .السن 21_30سنة . السطاج 24شهر في باتنة .الامتحان سبور و طبي عام ونفسي بعدها الامتحان الكتابي هو لتنجح بيه
*هذون زوج رتب عون ومفتش فرقة مايدخل فيها لا خبرة ولا شهادة ولا حتى حاجة الاختبار الكتابي هو لي يحدد النتيجة صافي واش كتبت في ورقتك
كي تدخل بعد سطاج تخدم تبقى مدة 9اشهر خدام نورمال وتترسم ديركت لانك فوتت سطاج

2/على اساس شهادة :
كاين ثلاث رتب لفيها توظيف :
*مفتش: تقني سامي في الغابات او البيئة مهم تابع لمجال لغابات مش فلاحة .السن هنا غير محدد .المسابقة تتم مش باختبارات بل بدراسة الشهادة يتم احتساب التنقيط على 30 حيث 27نقطة داخلة فيها اقدمية الشهادة +الخبرة(لخادم مش كما لمخدمش قبل )+الاول في دفعة +نوعية الشهادة وغيرها و 3نقاط فقط على مقابلة شفوية
تنجح تدخل تخدم ديركت مش كما لعون والمفتش فرقة مديرش سطاج تخدم قبل 9اشهر وبعدها كي يجو تيرسموك يبعثوك تفوت سطاج تاع شهرين فقط وانت تخلص نورمال في المدية غالبا .

2/مفتش رئيسي: ليسانس في الغابات او البيئة ...( شوف المرسوم في الجريدة الرسمية 11/127 تلقى التخصصات المقبولة وكل تخصص عليه نقطة مش كيفكيف ). السن غير محدد تشارك نورمال . المسابقة مش بالاختبارات بل بدراسة الشهادة والاوراق المدفوعةونفس الكيفية كما المفتش وتدخل تخدم ديركت حتى تكمل 9اشهر خدمة باه يبعثوك تفوت سطاج شهرين في المدية ولا باتنة كل مرة وكيفاه

3/مفتش رئيس : مهندس او ماستر 2 في الغابات او البيئة نفس شروط قاع مع المفتش والمفتش رئيسي لفاتو تتبدل حاجة فقطة انك بعد ما تدخل تخدم وتكمل 9اشهر تفوت 4اشهر سطاج باه يرسموك
المهم الرتب الثلاثة هاذو راهم بشهادة مش باختبار يعني اوراقك هما لي يقولو تنجح ولالا وتدخل تخدم ديركت مافيهمش سطاج في لالاول مش كما لعون والمفتش فرقة كي تخدم 9اشهر يبعثوك سطاج اعلى جال الترسيم
والتوظيف في هذا لقطاع يطولو بزاف كل 4سنين ولا 5باه يفتحو ولي بوست قلاق تاني بصح كل شيء بلمكتوب وتكل على ربي

 

[السلطانة]

مشكور اخي

كنت نحوس عليها لخويا

 

[جليلوس]

بالتوفيق للجميع

اللهم آمين يارب

مشكور اخي

كنت نحوس عليها لخويا

العفو بلا مزية
يلا كاش ماطلعوا الجديد حول عدد المناصب المرتقبة في كل ولاية نقولكم
ربي يسهل ليه والجميع

 

[أستاذ الفلسفة]

بورك فيك اخي اتمنى ان يفيد الجميع