موقف طريف😇😇

[sanaya mery]

قبل ما نحكي لازم كاااامل تحكولنا كاش موقف طريف
المهم أنا اليوم صراولي زوج مواقف موتوني ضحك... منعرفش اذا صح يضحكو ولا أنا اللي زدت عليها
رحت لديسبونسير باش نكاشي ورقة لتجديد رخصة السياقة ....
و ككنت نعمرها لقيت رقم الهاتف كتبت رقمي ومبعد توسوست عيطت لوحدة قتلها لازم الرقم؟
قاتلي نن مش لازم حتى الايمايل مش لازم....
رحت نبدل الورقة السيد اللي بدلهالي قالي علاش تبدلي؟
قتلو كتبت نمرو تاعي... قالي اعطيلي الورقة نحي منها تصويرتك و نحطها فالجديدة...
قتلو نن خلي نحيها أنا ....
قالي هاتي أنا نحيها وجبدها من يدي ....
قلت ماعليش نعمر الجديدة ونرجع ندي القديمة
كرجعت ماحبش يرجعهالي قالي واش ديري بيها؟؟؟
قتله نحب نقطعها راهو فيها رقمي قالي ايه ومبعد خلي أنا اللي نقطعها
حكمتني الضحكة باسكو السيد كبيييير وقلت يادرا راهو يدير هكذا من نيتو ولا بلعاني.....
المهم رحت من تماك مع بابا لمصلحة الوثائق البيوميترية.....
قالي بابا روحي أنا نريح ونتي مديلهم الدوسي و كتكملي نروحو
قتله واااااالو روح نتا احكي معاه انا مش موالفة( الناس فمواقع التواصل يتخيلوني اجتماعية ونا العكس)
المهم كمل بابا الدوسي عيطلي قالي اكتبي النمرو تاعك قتله واااالو منخليش نمرو تاعي هنا اكتبلهم رقمك نتا
ايا بابا كتب رقمو و قالو هي معندهاش تلفون
قالو السيد لازم زوج نوامر زيدلي نمرو تاع راجلها مالا
المشكل بابا راحلو النمرو واش درت خرجت تلفون من ساكي وبديت نكتب فالنمرو والسيد يعاود يشوف معانا

 

[Hakan]

ههههههه راهو صاري فيك الضحك في الادارات وتوسويس تاع التصاور والتلفونات راهي بارتو في دزاير كي شغل عندنا الحرمة كامل وهذي حاجة زينة في بلادنا ربي يحفظك على المشاركة .

 

[dahman kz]

ساعات لواحد يستره ربي وفالاخير يكشف ويفضح روحه بنفسه ههه
والادارة عموما عندنا فيها قوانين تعسفية وشروط تعجيزية ومفروض رقم واحد يكفي علاه دايرين زوج

 

[الامين محمد]

هههههه
نوصيك الحاجة مريم كي تكوني رايحة للادارة كتبي رقم زوجك
و وجديه لأي طاريء ـ حطيه في الورقة و قولي هذا تاعي
و خليهم يصونوا عند ابوشهاب هههههههه

 

[إلياس]

ههههه بدون تعليق

 

[السلطانة]

وهوما زعم علاه يطلبو الرقم
باه يكلموك تجي لورقتك ؟
ههههه
انا متهنية من هاذ الامور لوراق والبلدية لانو الزوج يخدم فالبلدية يدبر راسو فكلش
زمان كنت طفلة نضال نجري نخرج فوراقي ههههه
تزوجت برجل مخلانيش عتبت البلدية ولا بوسط ولا حتى ادارة

توحشت ذوك ليام منين كنت نطير مع الطيور
نخرج لوراق ليا ولبنات خالتي هههههه
ونعمر لي شاك ونروح مع صحاباتي يخلصو

 

[sanaya mery]

وهوما زعم علاه يطلبو الرقم
باه يكلموك تجي لورقتك ؟
ههههه
انا متهنية من هاذ الامور لوراق والبلدية لانو الزوج يخدم فالبلدية يدبر راسو فكلش
زمان كنت طفلة نضال نجري نخرج فوراقي ههههه
تزوجت برجل مخلانيش عتبت البلدية ولا بوسط ولا حتى ادارة

توحشت ذوك ليام منين كنت نطير مع الطيور
نخرج لوراق ليا ولبنات خالتي هههههه
ونعمر لي شاك ونروح مع صحاباتي يخلصو

مام انا مافهمتش الرقم علاش مدام اعطولي وقتاش نولي وندي البارمي مي بصحتك كي راجلك مهنيك من هاذ الجيهة حرت مالقري لاكارت ناسيونال بيوميترية و معاها يومين نخرج فالوثائق

 

[خديجة ph]

هههههه
والله يا اختي نعطيه رقمي و ارقام العائلة كامل المهم يكمل الملف بسبب عملي لازم رقم هاتفي يكون في كل الاوراق الرسمية و اذا ما رنش الهاتف عشرين مرة في اليوم فهناك شيء مش عادي بائعي الدواء بالجملة الادارات العمال في الصيدلية و نظن كبرنا على تمسخير تاع التيليفون اصلا اي ادارة او محل ندخل ليه ينادوني يا خالتي يا عمتي يا مدام تبانلي كبرنا لا
و اصلا اللي يحب ياخذ الرقم و يتصل لاغراض اخرى لن يجد رد و البلوك موجود او كما قال اخي @الامين محمد نعقبولو ابو شهاب يعمل معاه الواجب و زيادة
ما نكذبش عليك تجيني البنات اللي يمدو ارقامهم مجانا للشباب موجودات ربي يعافينا و يعافيك لما يجري وراء رقم امرأة مزوجة و متعففة عنه و الاكيد انها ستغلق الهاتف بوجهه ان هو اتصل
لا اعرف هذي وجهة نظري ربما لطبيعة عملي ربما ربي يهدينا اجمعين
سلام

 

[sanaya mery]

هههههه
والله يا اختي نعطيه رقمي و ارقام العائلة كامل المهم يكمل الملف بسبب عملي لازم رقم هاتفي يكون في كل الاوراق الرسمية و اذا ما رنش الهاتف عشرين مرة في اليوم فهناك شيء مش عادي بائعي الدواء بالجملة الادارات العمال في الصيدلية و نظن كبرنا على تمسخير تاع التيليفون اصلا اي ادارة او محل ندخل ليه ينادوني يا خالتي يا عمتي يا مدام تبانلي كبرنا لا
و اصلا اللي يحب ياخذ الرقم و يتصل لاغراض اخرى لن يجد رد و البلوك موجود او كما قال اخي @الامين محمد نعقبولو ابو شهاب يعمل معاه الواجب و زيادة
ما نكذبش عليك تجيني البنات اللي يمدو ارقامهم مجانا للشباب موجودات ربي يعافينا و يعافيك لما يجري وراء رقم امرأة مزوجة و متعففة عنه و الاكيد انها ستغلق الهاتف بوجهه ان هو اتصل
لا اعرف هذي وجهة نظري ربما لطبيعة عملي ربما ربي يهدينا اجمعين
سلام

اهلا أختي خديجة
في الحقيقة أخذت الموقف من باب كونه طريفا فقط... مش من جهة توسويس هههه وعلابالي لوكان نخلي رقمي مش حا يتصل الا للضرورة.....
وهنا لا مجال للمقارنة انت ماشاء الله تخدمي و يجب وجوبا تمدي رقمك و هذا طبيعي جدا....

 

[sana barhoumi]

إدارة المواقف