ليليا نجمة من نجمات اللمة الساطعات

[السلطانة]

السلام عليكم ورحمة الله وبركاته

هي أختنا ومن الواجب علينا ان ندعو لها بالشفاء
وكيف ننساها وهي احدى بنات اللمة الأصيلات واخت طيبة عرفناها من سنوات؟

اختي @ليليا مرام
ربي يشفيك ويحفظك
نحن نحبك




اللهمّ ألبسها ثوب الصحّة والعافية عاجلًا غير آجل يا أرحم الراحمين، اللهمّ اشفها، اللهمّ اشفها، اللهمّ اشفها

 

[ليليا مرام]

السلام عليكم
اااه اختي سلطانة لو تعرفي موضوعك هذا شعال أثر فيا ورفعلي معنوياتي ربي يرفعك درجات فالجنة اي كلمة شكر قليلة عليك انت وطل طاقم اللمة والأعضاء وادارة من اول ما دخلت المنتدى وقفتكم معايا كلشي عملتوه معايا وعلجالي ربي عالم دايكا نتفكرو فصلاتي وندعي لكل واحد منكم
آمين اختي الغالية رلي يهنيكم ويعطيكم صحتكم لأنها أهم شي ربي يسعد قلب كل عضو منكم وانت ربي يفرحك بعائلتك وبصحتك ويرضي عليك والديك جزاك الله كل خير

 

[dahman kz]

نعم هي اختنا وعزيزة علينا ومكانتها غالية في قلوبنا
ربي يشفيها ويحفظها ويعافيها ويعطيها الصبر ان شاء الله

 

[ناصر dz]

اللهمّ إنّي أسألك من عظيم لطفك وكرمك وسترك الجميل أن تشفيها وتمدّها بالصحّة والعافية.

 

[الامين محمد]

ليليا اختي التوأم الكحلوشة تاع اللمة اللي تغير مني ههههههه

ليليا تعرفيني قداش نعزك طبعا كأخت مايروحش عقلك هاك و لا هاك هههههه

و الله لديك مكانة في القلب و من الدعاء
و خليها بيني و بين ربي

 

[إلياس]

اللهم ارزقها شفاءا يغادر سقما يا رب و اشفي جميع مرضى المسلمين يا رب العالمين
اختي ليليا انا اخوك إلياس اذا احتجت شيء اتصل بي نعاونك حتى بكلمة طيبة راني هنا معاك في السراء والضراء
كون جاءت بيدي ندير لتكريم كبير

 

[إلياس]

تقبلي مني هذه الهدية المتواضعة من اخوك إلياس

 

[جليلوس]

ليليا نعتبرها اخت مش صديقة مواقع وخلاص اسراري وحكاياتي ضحكتي وفرحتي وحزني كلش نشاركوا معاها عشنا الحلوة والمرة هادي سنوات يا حسراه على يامات الزينة وربي يدومها ان شاء الله

وهنا نقولها ربي يشفيك ويعافيك وطهور يارب اللهم البسها ثوب الصحة والعافية ونقها من هذا المرض كما ينقى الثوب الابيض ياااا رب

 

[وۣۗهۣۗہۣۗم]

اخيتى والله كم من مرة تخطرين على البال واتذكرك بالدعاء​

اللهم إني نسألك بأسمائك الحسنى وبصفاتك العلا وبرحمتك التي وسعت كلّ شيء، أن تمنّ عليها بالشفاء العاجل، وألّا تدع فيها جرحًا إلّا داويته، ولا ألمًا إلا سكنته، ولا مرضًا إلا شفيته، وألبسها ثوب الصحة والعافية عاجلًا غير آجل، وشافِها وعافِها واعف عها واشملها بعطفك ومغفرتك، وتولّها برحمتك يا أرحم الراحمين​

​

 

[ليليا مرام]

نعم هي اختنا وعزيزة علينا ومكانتها غالية في قلوبنا
ربي يشفيها ويحفظها ويعافيها ويعطيها الصبر ان شاء الله

السلام عليكم
اخي الغالي دحمان انت بتحديد ربي يهنيك ويعطيك الصحة والرزق ويفىجك بعائلتك من ناس لي مدولي يد عون هو وعائلته جامي تروحو من بالي بالدعاء كنت ومازلت شهم وابن اصل ندعيلك ربي تلقاهم فالجنة يا رب كل وقفة وقفتها معايا توقفلك ملائكة عند ربي وتدعيلك ويرزقك من أبوابو الواسعة بارك الله فيك

 

[ليليا مرام]

اللهمّ إنّي أسألك من عظيم لطفك وكرمك وسترك الجميل أن تشفيها وتمدّها بالصحّة والعافية.

السلام عليكم أخي ناصر
بارك الله فيك اللهم آمين انت من اعضاء قدامى ومن خير رجال اللمة بارك الله فيك اخي الله يرزقك الصحة انا نحب نظعيلكم هكذا لانو صحة واعرة ويرزقك من ابوابه الواسعة يا رب
شكرا لك

 

[ليليا مرام]

ليليا اختي التوأم الكحلوشة تاع اللمة اللي تغير مني ههههههه

ليليا تعرفيني قداش نعزك طبعا كأخت مايروحش عقلك هاك و لا هاك هههههه

و الله لديك مكانة في القلب و من الدعاء
و خليها بيني و بين ربي

السلام عليكم
اه يا ألماني المزيف ياه حوجي توم وجيري عالعام تجري ورايا ها راجل اخطيني هههه...
اه للاسف انا مخي جامي راح قبالة دايما رايح هاك وهاك مكاش نعزك كأخت ههه. ..انت اروع أخ وأطيب قلب وأغمق بئر اسرار كلش فيك الأمين من ناس لي فعلا نحسهم توأم ليا فالمعاناة وواش عانينا وسوفرينا الحمد لله كلش يفوت وقفتك انت والاخوة اذا انا نسيتها راه ريي ما ينساهاش
ربي يرزقك صحة قد العمر ويرزقك من ابوابو واسعة ويقدرك تعيش اولادك وما يحتاجو لاي انسان ان شاء الله يطول ربي عمرك وتزوجهم وتتهنى
بارك الله فيك خويا الأمين شكرا

 

[ليليا مرام]

اللهم ارزقها شفاءا يغادر سقما يا رب و اشفي جميع مرضى المسلمين يا رب العالمين
اختي ليليا انا اخوك إلياس اذا احتجت شيء اتصل بي نعاونك حتى بكلمة طيبة راني هنا معاك في السراء والضراء
كون جاءت بيدي ندير لتكريم كبير

السلام عليكم خويا الياس
بارك الله فيك وجزاك الله كل خير كي قتلي هكذا راك مديتلي دنيا كلها ردودكم هذي راهي اصلا رفع معنويات وفرحتني بزاف مش لازم مساعدة بالماديات كفيتو ووفيتو خيركن على راسي يكرمك ربي بالجنة أنت وكل أحبابك يا رب
شكرا

 

[ليليا مرام]

مشاهدة المرفق 145677تقبلي مني هذه الهدية المتواضعة من اخوك إلياس

هايل راح نحطو فصورة الخلفية
بارك الله فيك هدية غالية عندي شكرا اخي

 

[ليليا مرام]

ليليا نعتبرها اخت مش صديقة مواقع وخلاص اسراري وحكاياتي ضحكتي وفرحتي وحزني كلش نشاركوا معاها عشنا الحلوة والمرة هادي سنوات يا حسراه على يامات الزينة وربي يدومها ان شاء الله

وهنا نقولها ربي يشفيك ويعافيك وطهور يارب اللهم البسها ثوب الصحة والعافية ونقها من هذا المرض كما ينقى الثوب الابيض ياااا رب

جليل خويا وليد اما وبويا لي ما ولدوهش ..جليل معرفة عشر سنوات فالحلوة والمرة اسرارنا امورنا همومنا حقيقتنا جليل وقت بزاف ناس كذبوني كان بالمرصاد لانو يعرفني فالحقيقة جليل قصة اخوة حقيقية خرجت من مواقع للواقع لأسرنا اهله وامي حضرنا احزان بعضانا وافراح دموع والآلام كلشي كلشي جليل لي من اعضاء نصفي ثاني صح اخوة طاهرة حقيقية الف بالمئة نقولك نبغيك بزاف انت خويا صغير وامي تعزك بزاف بزاف عشرتنا كبيرة كبيرة يقدرها غي ليعرف قيمتها وندعيلك ربي تهنى فحياتك وجميع من آذاك وكيلو ربي فالدنيا قبل من آخرة لانو نيتك وطيبتك راح تخلص فيهم متأكدة
شكرا خويا الغالي ورانا على تواصل بارك الله فبك

 

[ليليا مرام]

اخيتى والله كم من مرة تخطرين على البال واتذكرك بالدعاء​

اللهم إني نسألك بأسمائك الحسنى وبصفاتك العلا وبرحمتك التي وسعت كلّ شيء، أن تمنّ عليها بالشفاء العاجل، وألّا تدع فيها جرحًا إلّا داويته، ولا ألمًا إلا سكنته، ولا مرضًا إلا شفيته، وألبسها ثوب الصحة والعافية عاجلًا غير آجل، وشافِها وعافِها واعف عها واشملها بعطفك ومغفرتك، وتولّها برحمتك يا أرحم الراحمين​

​

السلام عليكم أختي الغالية
اللهم آمين بارك الله فيك وجزاك الله كل خير هذي نتاع نخطر فبالك تعنيلي بزاف يكفي تتفكريني وتدعيلي وتدعو لك ملائكة بظهر غيب
الله يفرحك فحياتك شخصية ويرزقك الصحة ويرزقك راحة البال والهنا ويحققلك ربي ما تتمني ندعيلكم كلكم فكل صلاة كما وقفتو معايا تشهدلكم ملائكة ونشهد قدام ربي عاللي درتوه معايا
بارك الله فيك اختي

 

[جليلوس]

جليل خويا وليد اما وبويا لي ما ولدوهش ..جليل معرفة عشر سنوات فالحلوة والمرة اسرارنا امورنا همومنا حقيقتنا جليل وقت بزاف ناس كذبوني كان بالمرصاد لانو يعرفني فالحقيقة جليل قصة اخوة حقيقية خرجت من واقع للواقع لأسرنا اهله وامي حضرنا احزان بعضانا وافراح دموع والآلام كلشي كلشي جليل لي من اعضاء نصفي ثاني صح اخوة طاهرة حقيقية الف بالمئة نقولك نبغيك بزاف انت هةيا صغير وامي تعزك بزاف بزاف عشرتنا كبيرة كبيرة يقدرها غي ليعرف قيمتها وندعيلك ربي تهنى فحياتك وجمؤع من آذاك وكيلو ربي غالدنيا قبل من آخرة لانو نيتك وطيبتك راح تخلص فيهم متأكدة
شكرا خويا الغالي ورانا على تواصل بارك الله فبك

صح فاتوا علينا محاين كبار غ ربي لي داري بيهم ماكانوش قاع اهل اللمة سامعين بينا مي الحمد لله قدرنا نكسبو محبة الناس
ما لقيت مانقول والدمعة في عيني
غير ربي يخليك ليا ومايحرمنيش منك
نتي ختي يا جدك وميمتك هي ميمتي ربي يطول في عمرها ويخليها تاج فوق راسنا

دعوة وحدة نقولها ونثمن عليها ربي ياخذ الحق نتي تعرفي وانا نعرف وربي على ما نقول شهيد

 

[أبو عاتكة]

يعجز اللسان عن الكلام وتأبى الحروف الانعتاق أمام أخيتنا ذات القلبين ليليا نبيلة الصفات والاخلاق.
حتى في غيابها تحضر في وجداننا اذ انها تتقاسم نصف عهد وفائنا وبقائنا في المنتدى وتشاطره التقدير والمودة.
هي كريمة لدينا لا مِراء وعزيزة دون رياء وقريبة الينا بلا لقاء.
نتمنى لها كل خير كما تتمناه وندعوا لها بالشفاء الذي تترجاه ونساندها العزم والاصرار الذي تتبناه فصبر جميل أمام ابتلاء الله الذي قضاه.

 

[ليليا مرام]

صح فاتوا علينا محاين كبار غ ربي لي داري بيهم ماكانوش قاع اهل اللمة سامعين بينا مي الحمد لله قدرنا نكسبو محبة الناس
ما لقيت مانقول والدمعة في عيني
غير ربي يخليك ليا ومايحرمنيش منك
نتي ختي يا جدك وميمتك هي ميمتي ربي يطول في عمرها ويخليها تاج فوق راسنا

دعوة وحدة نقولها ونثمن عليها ربي ياخذ الحق نتي تعرفي وانا نعرف وربي على ما نقول شهيد

فوتنا بزاف خويا ومازال نقدرو عليها موالفين بالمحاين وحمد لله لقينا بعضانا انت من ناس لي ما تبدلوش ولا دارو عليا ولا خلاوني فنص طريڨ دايما نلقاك انا نقصر وانت تعيط انا نلهى بمرضي وسبيطلدارات وهمي لاخر انت ادرى بيه وانت ما تنسانيش والله يا جليل يا خويا غير معزتك من معزة اخ حقيقي جامي حسيت العكس انت مش معرفة منتدى انت خويا والله يمى تموت عليك وتدعيلك وتسقسي على اخبارك وامورك واي مشكل تقولي جليل فراها وراك شفت كيفاه تعاملك ما تلغيش عليك انت تخلي ناس يحبوك تربيتك اخلاقك تبكي مع ڨاع ناس وربي والله ما يغبنك ...تفوت جليل راه ربي كاين ويخلص خويا كل دمعة طيحتها والله عند ربي كبيرة ومتأكدة ربي راح ينصرك وراح تخرج دعوتك خويا غي قول با رب برك
ربي يخليك ليا خويا ويهنيك وينحي غمامة من قلبك وحزن منو وتعيش مهني يا رب

 

[ليليا مرام]

يعجز اللسان عن الكلام وتأبى الحروف الانعتاق أمام أخيتنا ذات القلبين ليليا نبيلة الصفات والاخلاق.
حتى في غيابها تحضر في وجداننا اذ انها تتقاسم نصف عهد وفائنا وبقائنا في المنتدى وتشاطره التقدير والمودة.
هي كريمة لدينا لا مِراء وعزيزة دون رياء وقريبة الينا بلا لقاء.
نتمنى لها كل خير كما تتمناه وندعوا لها بالشفاء الذي تترجاه ونساندها العزم والاصرار الذي تتبناه فصبر جميل أمام ابتلاء الله الذي قضاه.

مشاهدة المرفق 145690

السلام عليكم اخي الفاضل
استاذنا فالاخلاق والرقي مثال الأخ الرزين الخلوق القلم المبدع كلماتك تفوت للقلب بلا رونديفو اخي لي من اخوة لقيتهم وقت شدة سنوات فالمنتدى وكنت دايما واقف وتسأل وتعاون وكلشي ندعي ربي يهنيك مع اسرتك يحفظلك اولادك وكل عائلتك ندعي ربي اي شي تقصدو ويكون ربي معاك فيه راقدة على فراش مرض ان شاء الله دعواتي مستجابة عند ربي من كل قلبي ندعيلك انت وكل اخوة متفكرتكم واحد واحد فوقفتي وعمليتي وسفري للاردن محال ننسى ذرة خير عملتوه معايا ولقب جميل جدا ذات قلبين اروع لقب بارك الله فيك وجزاك كل خير يا رب