والله زوجتي و ليست صديقتي

[الامين محمد]

السلام عليكم احبتي ايها الاكارم
في اللمة الطيبة

قبل فترة بديت اشتغل
دعواتكم لي بالحفظ لأنه عمل أقل ما يقال عنه خطيير
و فيه مجال كبير من الريسك و الله خير حافظا و هو ارحم الراحمين
ـــــــــــــــــــــــــــــــــــــــــــــــــــــــــــــــــــــــ
أثناء عملي و هي عادتي ان أتصل بزوجتي او هي من تتصل بي
كل ما جات الفرصة فأتحدث أمام زملائي لدقايق
ثم آخذ مكانا قسيا لأكمل حديثي

بصراحة من هم معي في العمل لا اعرفهم بشكل جيد
و لا اعرف كيف يفكرون
الشي اللي تأكدت منه أن أغلبهم بعيد عن فكرة التدين تماما
بل لديهم بعض الانحراف .................

بصراحة و بصدق هي عادتي
اثناء حديثي مع زوجتي اعبر لها دائما عن حبي و اشتياقي

آلو .......... أهلا حبيبتي ,,,,,,,, لا باس
اهلا عزيزتي
اهلا صديقتي
واش راكي عينية ,,,,,,,,,
راكي مليحة
هذا وين لقيت فرصة باش نتصل بيك
و الله نعمل جهدي باش سعدك
حتى انا توحشتك
المكان الوحيد اللي نرتاح فيه لما نكون عندك
في اقرب فرصة راح اتصل بيك
فكري و خبريني
فكريني بوقت الدوا
راح نكملوا حياتنا مع بعض
ما نقدرش نعيش من بلا بيك ـ من دونك اقصد ـ
واش نجيبلك معايا
كيما اللي يحبها قلبك حبيبتي


في اتصالي مع زوجتي استعمل كثيرا هته المصطلحات
الغريب
ان الزملاء اليوم فتحوني في موضوع محتواه
او خلاصته
انني اتصل بصديقة هههههههه
و الغريب او الاشد غرابة انهم اقسموا على الاتهام هههههه
قالوا مستحيل الرجل يتصل بزوجته
و يكلمها بهته الكلمات او يغازلها
اقسموا بأغلظ الأيمان أني أتصل بعشيقة
قلت لهم نعم هي عشيقة
بل هي أكثر من عشيقتي هو زوجتي التي أعشقها
لم يصدفوني ههههه

لا يهمني رأيهم لكن
شد انتباهي امر و هو
لماذا الرجل يغازل العشيقة و الصاحبة
رغم ان العلاقة محرمة من الأساس

و يستحيي و ربما يجد الأمر ليس صائبا او أمرا غير سوي
أن يعشق زوجته و يهاتفها
و يمازححها
و يفكر معها
و يفكر لها
و يهديها

إليكم الخط أحبتي

​

 

[الامين محمد]

@همس الوُرود @Asseli Queen @سكون الفجر@طموحة @sana barhoumi @إلياس @Hakan@سعد606 @ذكريات @barca.moha @عبدالرؤوف1@aljentel @الامين محمد @dahman kz@أشــواق 19 @جليلوس @"viola"@السلطانة @adam doon alger @أم منيــــــر@بسمة القلوب @جمال عبدلي @زخرفة حرف @lale çiçeği @rafid2 @شجـ الروح ـون @Zamenhov @ملكة زوجي @Soumia hadj mohammed@الرومانسي الجاد @ahmedroyce339 @وصال اية @فريد أبوفيصل @*amani*
@{مُدَلَّلَتُهُ} @Golden Man @رحيق الفردوس @ليليا مرام @Ma$Ter @ℓσɴєℓу GĪяℓ @assinat @زاهية بنت البحر @حفياد آدم @بيسان بيبا @Oualid Kamel @حكايا الورد @Sanaya klara @هدية من الله @الفضل10 @AMH1398 @Andy_Delort @randa.hac @Rǿmẳņĉį LŎvès @خربشات غيمة @SOFIANE020 @إيمان~ @النجم البعيد @العَنْقَاءُ @Amine7N @ثَسْكُورْثْ نَثْدُوكْلِي @sami44 @أبو مارية @Adel Adel1 @Jorh @soso ana @صاحبة الأثر @الورد الأحمر @{هِشام} @ضآحكة مستبشرة
@متهجئ الحرف @زهور الشوق @لاريمان @the world @Skor m@k @ناسليهان @الريــان @بيسان بيبا @زاد الرحيل @امير الصحراءdz @ilina loulou @القطة الزهرية @خيرة الوهرانية @Oussama.GF @!≈[سُِـِيٌــِـِفّ اٌڷِخً‘يٌـرُ]≈! @اميرة المدائن
@الوهم @Malika Tlm @afnene @زهور الشوق @الفتاة الاميرة @الطيب الجزائري84 @طيور السلام @bilel.dz @ام أمينة @الملك الظليل @لاجودان شاف @فتاة حساسة @hamza__2006 @بوعزة عامر 77 @Chouaib28 @faith8 @الأميرة بلقيس @EL Generalة @حكايا المطر @Tama Aliche @عبد المـــالـــــك @حياة71 @بنت الشمال @اسيل الحياة @نبيل مسلم @dida007 @Bfatiha @ظل سيريالية @chirine zina @louai loulou @اسراء سروري @Oum Loukmane@الأستاذ مصطفى @خووخه
@فتى من الغد @@R@ZIK @ALIGSM @HAMZA USMA @visiteur @Moha le sage @يونس قاسم @نذير1 @طيور السلام @زخة مطر @وحي القلم @MARYTA @صاحبة الأثر @نرجس الريحان @شيماء شوشيشا @Asm90 @ديكتاتــــــور @tayeb20
@prince of love @naouri65 @Ra Off @Djamel.Dz @أشــواق 19 @الہٰوردة الہٰسہٰوداء @رضا ا̍ڸمۘڜٰا̍ڪ๛ @النورس @الفراشة الحساسة @Ozdemir Sirac @اليزابث @space-cowboy @randa.hac @نجمة الأرض @*ياسر* @rycerz @صمتي حكاية @صانعة الإبتسامة @NAPOLA @صدى الصورة. @أم أحمــــد يــسّ @هدوء المطر @sidali98 @نعمات @4LI_4LGERI4 @املي @secret de coeur @oumsif @حاتم خليفة @ناصر dz @🌌🔮متألقة🔮🌌 @prncess fifi@بنقابي افتخر @ضآحكة مستبشرة @طيور السلام @أحمدوا @مواكب الراحلين @أريج محمد@ahmedroyce339@ @rose09000@ @opira99@ام محمد24 @أمـيـر الـجـزائـر @خديجة ph @Rayhan @خديجة ph @فريد أبوفيصل

 

[ليليا مرام]

السلام عليكم
اسيدي دب قطبي رجع رومانسي يا سيدي قتلهم ما تحكموش على ضخم جثة راه قلبو مرهف
اسيدي فهمنا وراك تغزلت بينا وحركتنا محاسيس وربي يخليكم لبعضاكم
الاشكال مش أنك غالط ولا أنهم فظنهم غلطو الغريب هو مجتمع بحد ذاته الرجل الجزائري أو عربي ككل حنون ورومانسي مع إمرأة في إطار علاقة محرمة أم زوجته فتزوجها انته الأمر التغزل بها او الكلام الحنون يعتير عار بل هناك ولايات انو حتى ما يقعدذ معاها قدام أهله ويسمحولي نعتبره تخلف لانو فالدين زوجته وين آية يطلب فبها ربي من المرا أو راجل ما يقعدوش قدام بعضاهم الخلاصة يا سي روميو إنو المعنى فحب الحرام اكثر من حلال وهنا نقواو للرجال هاهو دب قطبي مثال دوه قدوة ليكم
ويبيناتنا ها انت ثاني نقص فلادوز قدام ناس تجيب فالعين

 

[الامين محمد]

السلام عليكم
اسيدي دب قطبي رجع رومانسي يا سيدي قتلهم ما تحكموش على ضخم جثة راه قلبو مرهف
اسيدي فهمنا وراك تغزلت بينا وحركتنا محاسيس وربي يخليكم لبعضاكم
الاشكال مش أنك غالط ولا أنهم فظنهم غلطو الغريب هو مجتمع بحد ذاته الرجل الجزائري أو عربي ككل حنون ورومانسي مع إمرأة في إطار علاقة محرمة أم زوجته فتزوجها انته الأمر التغزل بها او الكلام الحنون يعتير عار بل هناك ولايات انو حتى ما يقعدذ معاها قدام أهله ويسمحولي نعتبره تخلف لانو فالدين زوجته وين آية يطلب فبها ربي من المرا أو راجل ما يقعدوش قدام بعضاهم الخلاصة يا سي روميو إنو المعنى فحب الحرام اكثر من حلال وهنا نقواو للرجال هاهو دب قطبي مثال دوه قدوة ليكم
ويبيناتنا ها انت ثاني نقص فلادوز قدام ناس تجيب فالعين

ههههههههههههه خلاص يا جوليات الكحلوشة
من اليوم راح نعيط ليها الكشرودة ههههههه


و الله كلامك كله صح التغزل الحرام اصبح شي عادي
و الحلال و الواجب اصبح شي يستحيا به و منه

 

[جليلوس]

يا عيني يا عيني
خممت وقلت لو كان الحديث باللغة العربية كما جئت به واحد مايسالك لكن الطامة الكبرى التنسنيس والتقرعيج عند الناس اصبح هرمونا يمشي في اجسادهم لا علينا
بعض الناس يقولك نعشقها ونبغيها ونعيطلها مل وقت بزاف ها نروح للدار ونعبر كيما نحب وكاين النوع لي كيفك بسم الله ماشاء الله عليك ربي يخليهالك ويطيب بيناتكم استر ماستر ربي العين حق ياجدك
نجو لموضوعنا راح نحكي بصراحة كوني رجل عشت وجربت وتخالطت مع الناس وحكاياتهم علابالك الراجل يجد اللذة في التمعشيق مع الخليلة للاسف لو كان يجسد هاد الشي في ارض الواقع يعني مع زوجته حليلته وهذا راجع لسببين اما لاهمال المرأة لزوجها او لان زوجها عينو زايغة وهذا النوع الاخطر على وجه الارض الله يعافينا ياتبغيها وتديرها في دارك يا تخلي بنت الناس ماتلعب بمشاعرها ماتخليها وسمحولي على الالفاظ الغير لائقة كان لازم نهدر بيها باش نوصل وحد النقاط لبعض الفئة

 

[Hakan]

هذا الكلام نقولو لميمتي كي نعيطلها ههههه ،ربي يهنيكم ياخويا ،ناس تاع هاذ الوقت ما تلومهمش بالاك لوكان كانت معاكم كاش امرأة رايحة تستغرب هاذ الهدرة وممكن تتوسولك لأنو اغلب المجتمع الجزائري يعاني من جفاف روحي كي شغل من تخرج للحياة وتكتشف بلي عندك الجنسية الجزائرية راك محكوم بأنو تخبي المشاعر نتاعك ولازم تكون بارد وخشين باش ناس ما تستضعفكش ،ومليح لي طحت في زوجة تتفهم هاذ الشيء بيسك للأسف الشديد كاين شيء نساء لوكان ما يقلهاش راجلها يا البقرة ويا الحمارة ولا ما يطيحلهاش ،تقلو فيك اللوش وانت انسان ضعيف الشخصية وهذي الثقافة راهي متجذرة في عقول النساء ،ربي يبارك فيكم واحرز روحك من العين الناس راهي تحسد حتى في الكلام الجميل.

 

[الامين محمد]

يا عيني يا عيني
خممت وقلت لو كان الحديث باللغة العربية كما جئت به واحد مايسالك لكن الطامة الكبرى التنسنيس والتقرعيج عند الناس اصبح هرمونا يمشي في اجسادهم لا علينا
بعض الناس يقولك نعشقها ونبغيها ونعيطلها مل وقت بزاف ها نروح للدار ونعبر كيما نحب وكاين النوع لي كيفك بسم الله ماشاء الله عليك ربي يخليهالك ويطيب بيناتكم استر ماستر ربي العين حق ياجدك
نجو لموضوعنا راح نحكي بصراحة كوني رجل عشت وجربت وتخالطت مع الناس وحكاياتهم علابالك الراجل يجد اللذة في التمعشيق مع الخليلة للاسف لو كان يجسد هاد الشي في ارض الواقع يعني مع زوجته حليلته وهذا راجع لسببين اما لاهمال المرأة لزوجها او لان زوجها عينو زايغة وهذا النوع الاخطر على وجه الارض الله يعافينا ياتبغيها وتديرها في دارك يا تخلي بنت الناس ماتلعب بمشاعرها ماتخليها وسمحولي على الالفاظ الغير لائقة كان لازم نهدر بيها باش نوصل وحد النقاط لبعض الفئة

اهلا حبيبي جليلو الرائع
يعني حطيت اصبعك على الجرح
هي حالتين
اهمال من الزوجة
و عين زايغة من الرجل

بلا ما ننسى التقاليد و الافكار العرفية الغريبة المنتشرة في المجتمع
التي تذم الزين و تزين الشين ههههههه ان شااء الله فهمت الجملة الاخيرة هههههه

 

[الامين محمد]

هذا الكلام نقولو لميمتي كي نعيطلها ههههه ،ربي يهنيكم ياخويا ،ناس تاع هاذ الوقت ما تلومهمش بالاك لوكان كانت معاكم كاش امرأة رايحة تستغرب هاذ الهدرة وممكن تتوسولك لأنو اغلب المجتمع الجزائري يعاني من جفاف روحي كي شغل من تخرج للحياة وتكتشف بلي عندك الجنسية الجزائرية راك محكوم بأنو تخبي المشاعر نتاعك ولازم تكون بارد وخشين باش ناس ما تستضعفكش ،ومليح لي طحت في زوجة تتفهم هاذ الشيء بيسك للأسف الشديد كاين شيء نساء لوكان ما يقلهاش راجلها يا البقرة ويا الحمارة ولا ما يطيحلهاش ،تقلو فيك اللوش وانت انسان ضعيف الشخصية وهذي الثقافة راهي متجذرة في عقول النساء ،ربي يبارك فيكم واحرز روحك من العين الناس راهي تحسد حتى في الكلام الجميل.

ههههههه ربي يهديك خويا حكييم هههههه
راح توصلنا مع جماعة حقوق المراة

معليش راح ننتظروك نهار تعرس واش راح تقول ليها هههههه
الى ذالك الحين ارى ان الامر فيه ظلم للحياة الزوجية السوية التي علمها لنا
سيد الخلق عليه الصلاة و السلام
فالامر لم ينقص من رجولته بل زاد فيها و جملها و زادها انسانية
و كان ينادي و يقول فلانة حبيبتي او زوجتي في الجنة و غيرها من اجمل العبارات
و اوصى بهن خيرا و جعل الاحسان لهن خيرا و جعلهن نصف الدين
و جعلهن ديننا لباسا لنا

 

[حفياد آدم]

السلام عليكم احبتي ايها الاكارم
في اللمة الطيبة

قبل فترة بديت اشتغل
دعواتكم لي بالحفظ لأنه عمل أقل ما يقال عنه خطيير
و فيه مجال كبير من الريسك و الله خير حافظا و هو ارحم الراحمين
ـــــــــــــــــــــــــــــــــــــــــــــــــــــــــــــــــــــــ
أثناء عملي و هي عادتي ان أتصل بزوجتي او هي من تتصل بي
كل ما جات الفرصة فأتحدث أمام زملائي لدقايق
ثم آخذ مكانا قسيا لأكمل حديثي

بصراحة من هم معي في العمل لا اعرفهم بشكل جيد
و لا اعرف كيف يفكرون
الشي اللي تأكدت منه أن أغلبهم بعيد عن فكرة التدين تماما
بل لديهم بعض الانحراف .................

بصراحة و بصدق هي عادتي
اثناء حديثي مع زوجتي اعبر لها دائما عن حبي و اشتياقي

آلو .......... أهلا حبيبتي ,,,,,,,, لا باس
اهلا عزيزتي
اهلا صديقتي
واش راكي عينية ,,,,,,,,,
راكي مليحة
هذا وين لقيت فرصة باش نتصل بيك
و الله نعمل جهدي باش سعدك
حتى انا توحشتك
المكان الوحيد اللي نرتاح فيه لما نكون عندك
في اقرب فرصة راح اتصل بيك
فكري و خبريني
فكريني بوقت الدوا
راح نكملوا حياتنا مع بعض
ما نقدرش نعيش من بلا بيك ـ من دونك اقصد ـ
واش نجيبلك معايا
كيما اللي يحبها قلبك حبيبتي


في اتصالي مع زوجتي استعمل كثيرا هته المصطلحات
الغريب
ان الزملاء اليوم فتحوني في موضوع محتواه
او خلاصته
انني اتصل بصديقة هههههههه
و الغريب او الاشد غرابة انهم اقسموا على الاتهام هههههه
قالوا مستحيل الرجل يتصل بزوجته
و يكلمها بهته الكلمات او يغازلها
اقسموا بأغلظ الأيمان أني أتصل بعشيقة
قلت لهم نعم هي عشيقة
بل هي أكثر من عشيقتي هو زوجتي التي أعشقها
لم يصدفوني ههههه

لا يهمني رأيهم لكن
شد انتباهي امر و هو
لماذا الرجل يغازل العشيقة و الصاحبة
رغم ان العلاقة محرمة من الأساس

و يستحيي و ربما يجد الأمر ليس صائبا او أمرا غير سوي
أن يعشق زوجته و يهاتفها
و يمازححها
و يفكر معها
و يفكر لها
و يهديها
مشاهدة المرفق 146311
إليكم الخط أحبتي

​

لي عودة بالخميس ان شاء الله والرد شكرا للاشارة

 

[ريحـان]

ربي يبقي عليكم الستر ويدوم المحبة
و الاجمل في الموضوع انه الولاد راح يكونوا متحابين بين بعضهم بنفس المحبة لي تجمع والديهم وهو شي تفتقر له بعض الاسر
التعبير هذا جاي من القلب هناك من يحسن تعبيرها وهناك من تبقى في داخله و ربما تترجم لافعال في كلتا الحالات المعاملة الحسنة و الاهتمام هذا يعتبر رابطة متينة ربي يقوي روابطكم و يديمك جنبا لجنب

 

[sana barhoumi]

 

[بسمة القلوب]

اولا ربي يحفظك و يوفقك في عملك
ثانيا هادي زوجتك و حبيبتك عبر لها كما تريد فالحب نعمة اما كلام الناس اضربه عرض الحائط فالكلاب تعوي و القافلة تسير

 

[sana barhoumi]

اولا ربي يحفظك و يوفقك في عملك
ثانيا هادي زوجتك و حبيبتك عبر لها كما تريد فالحب نعمة اما كلام الناس اضربه عرض الحائط فالكلاب تعوي و القافلة تسير

هناك ما نسميه خصوصية الأسرة أو خصوصية البيت فللزوج الحق في مغازلة زوجته لكن ليس أمام الناس فهذا الكلام محله أي مكان يكونان الزوجين على إنفراد وهذه ممكن النقطة التي قد يصيب فيها الناس التقدير لأنهم تعودوا على أن المتزوجين لا يتغزلون خارج البيت فللحياة الأسرية حرمة.

 

[sana barhoumi]

شد انتباهي امر و هو
لماذا الرجل يغازل العشيقة و الصاحبة
رغم ان العلاقة محرمة من الأساس

و يستحيي و ربما يجد الأمر ليس صائبا او أمرا غير سوي
أن يعشق زوجته و يهاتفها
و يمازححها
و يفكر معها
و يفكر لها
و يهديها
=>هو لدى الرجل مغازلة زوجته لكن ليس في الأماكن العامة وهذه ميزة المسلمين عن غيرهم من الشعوب فبقية الشعوب لا يجد حرجاً في تقبيل الزوجة حتى في الأماكن العامة أو مداعبتها أمام الأصدقاء لكن هذا الأمر منهي عنه في الإسلام لأنه قد يثير غرائز الرجال الأجانب

 

[Ra_nya]

شد انتباهي امر و هو
لماذا الرجل يغازل العشيقة و الصاحبة
رغم ان العلاقة محرمة من الأساس

و يستحيي و ربما يجد الأمر ليس صائبا او أمرا غير سوي
أن يعشق زوجته و يهاتفها
و يمازححها
و يفكر معها
و يفكر لها
و يهديها
=>هو لدى الرجل مغازلة زوجته لكن ليس في الأماكن العامة وهذه ميزة المسلمين عن غيرهم من الشعوب فبقية الشعوب لا يجد حرجاً في تقبيل الزوجة حتى في الأماكن العامة أو مداعبتها أمام الأصدقاء لكن هذا الأمر منهي عنه في الإسلام لأنه قد يثير غرائز الرجال الأجانب

أتفق معك

 

[{مُدَلَّلَتُهُ}]

السلام عليكم و رحمة الله وبركاته
أولا ربي يحفظك أخي الكريم في عملك و يسرلك الرزق الحلال .

أنو علاه الراجل يحشم باه يعبر على حبو لزوجتو أمام الملأ . أو هي تحشم من التعبير سواءا كان من طرفها أو طرفه "هاذي عادة فيا لوكان يقولي كلمة حلوة قدام اختو مثلا لي هي قريبة لينا بزاف نموت في بلاصتي" و حتى في مكان عملي زميلاتي كن نقول قدامهم عليه كلمة مليحة يولو يضحكو و يقولولي غي راكي مازلتي جديدة .. حتى الطاعة لي هي واجبة علينا يقولولي أنها "جياحة و رح يطغى كي راني نطيعو"
مانيش عارف بسبب التركيبة النفسية تع المجتمع ولا خاطر ما تربيناش على أنا نشوفو الزوجين يتعاملو مع بعض بشكل سوي و صحيح .. و هاذي كاينة فالمجتمع تاعنا برك التوانسا مثلا يعبو بحرية المغاربا شوية شوية .. سوريا و لبنان و مصر الرومنسية تتقاطر معناتها المجتمع يأثر بشكل كبير على تصرفاتنا . ​

 

[الامين محمد]

شد انتباهي امر و هو
لماذا الرجل يغازل العشيقة و الصاحبة
رغم ان العلاقة محرمة من الأساس

و يستحيي و ربما يجد الأمر ليس صائبا او أمرا غير سوي
أن يعشق زوجته و يهاتفها
و يمازححها
و يفكر معها
و يفكر لها
و يهديها
=>هو لدى الرجل مغازلة زوجته لكن ليس في الأماكن العامة وهذه ميزة المسلمين عن غيرهم من الشعوب فبقية الشعوب لا يجد حرجاً في تقبيل الزوجة حتى في الأماكن العامة أو مداعبتها أمام الأصدقاء لكن هذا الأمر منهي عنه في الإسلام لأنه قد يثير غرائز الرجال الأجانب

حتى نتفق اختي
نحن نقارن بين قبول المجتمع التغزل بالعشيقة
و تعيبه احترام و أعطاء الزوجة حقها في المعاملة الحسنة فسيد الخلق سمى عائشة بالحميراء و"عائش"
ويشرب الماء مكان فمها.. ووصف حبها بعقدة الحبل.. وتغزل فى نسائه ووصفهن بـ"القوارير".. ويسابقهن
وفى وصلة من وصلات الغزل الزوجى قال لعائشة حبى لك كعقدة فى حبل، فتضحك هى ثم كلما
مرت عليه سألته: كيف حال العقدة يا رسول الله؟، فيقول: كما هى.

 

[إلياس]

لي رجعة ان شاء الله

 

[sana barhoumi]

حتى نتفق اختي
نحن نقارن بين قبول المجتمع التغزل بالعشيقة
و تعيبه احترام و أعطاء الزوجة حقها في المعاملة الحسنة فسيد الخلق سمى عائشة بالحميراء و"عائش"
ويشرب الماء مكان فمها.. ووصف حبها بعقدة الحبل.. وتغزل فى نسائه ووصفهن بـ"القوارير".. ويسابقهن
وفى وصلة من وصلات الغزل الزوجى قال لعائشة حبى لك كعقدة فى حبل، فتضحك هى ثم كلما
مرت عليه سألته: كيف حال العقدة يا رسول الله؟، فيقول: كما هى.

صلى الله عليه وسلم

 

[Soumia hadj mohammed]

السلام عليكم اهل اللمة
ياودي علاه عليك اعمي الامين المواضيع المقبشة لمشاعر السيليباتيريين
مبارك عليك العمل ربي يثبتلك فيه ويوفقك ويحفظك من كل خطر
والله قاالعافية والخيرات مادامكم بالمودة هدي الله يبارك
اما بخصوص زملائك فكل واحد يشوف على حساب هو وش الوسط لي فيه ووش مخالط ولوكانو يعاملو ويتكلمو مع زوجاتهم بهذه اللباقة والمودة ماكانوش استغربو ولا حلفو على الباطل
ياسيدي الله يكثر من مثالك وما ديرش على زملاءك وربي يدوم المحبة بينك وبين زوجك ​