محتاجة مشورة

[محتارة]

السلام عليكم، انا امرة في الثلاثنيات متزوجة منذ اربع سنوات وعندي ولد واحد، مشكلتي ان راجلي مستواه الدراسي ومهنتة اقل بكثير مني وقبل والزواج وفي بداية الزواج كنا متفاهمين لكن الان اصبح الامر لا يطاق وراجلي ولا موسوس من الخدمة تاعي والاشخاص اللي نخدم معاهم ونقصت الثقة .مانيش فاهمة واش ندير وزيد انا عندي سيارة خير من سيارتو وراهو محسسني بلي ما هوش متقبل الامر .من الاخير راجلي تبدل بزاف وراني خايفة.

 

[{مُدَلَّلَتُهُ}]

السلام عليكم
حبيبتي ربي يصلح ذات البين ..
ما نشوفش ابدا أنو المستوى الثقافي يقدر يكون عائق لنجاح الزواج و صدقيني زوجك مين تبدل عليك أكيد لأنو لاحظ حاجة بالاك مثلا كاش نهار قارنتي بينك و بينو ولا كاش ما قلتي ولو من باب المزاح حليتي باب للشيطان .. بالاك الناس برا راهم يقارنو و دخلو الوسواس ربي عالم .. المهم حاولي أنك تصلحي العلاقة بينكم و تجبدي زوجك ليك و تحسسيه بلي انت راكي قابلة بيه كيما راه و تبغيه كيما راه لأنو الراجل مهما كانت القوة تاعو كلش ينصهر قدام حنان زوجتو و محبتها ليه

 

[محتارة]

السلام عليكم
حبيبتي ربي يصلح ذات البين ..
ما نشوفش ابدا أنو المستوى الثقافي يقدر يكون عائق لنجاح الزواج و صدقيني زوجك مين تبدل عليك أكيد لأنو لاحظ حاجة بالاك مثلا كاش نهار قارنتي بينك و بينو ولا كاش ما قلتي ولو من باب المزاح حليتي باب للشيطان .. بالاك الناس برا راهم يقارنو و دخلو الوسواس ربي عالم .. المهم حاولي أنك تصلحي العلاقة بينكم و تجبدي زوجك ليك و تحسسيه بلي انت راكي قابلة بيه كيما راه و تبغيه كيما راه لأنو الراجل مهما كانت القوة تاعو كلش ينصهر قدام حنان زوجتو و محبتها ليه

مرسي حييبتي، صدقيني انا من قبل الزواج وانا متخوفة من هذا الامر ولهذا حرصت كل الحرص على عدم الوقوع في اخطاء حتى بالمزاح يعني الامر خارجي وليس من داخل البيت.من جانب الحنان والمحبة كل شيء جيد الحمد لله وللاشارة فقط اخوة واخوات زوجي كلهم لديهم مستوى عالي وعلاقتي معهم جيدة جدا الحمد لله، يعني حتى هذا الباب مستبعد.