قالك كاين واحد البخيل

[حفياد آدم]

قالك كاين واحد البخيل .. عايش في واحد القريه .. معروف بزاف بلبخل نتاعو .. أمالا أسيدي واحد النهار واحد السيد قال .. أنا والله مانصدق بلي الإنسان هذا بخيل حتى نجربو .. أيا هز روحو وراح طبطب عليه في دارو .. خرج هذاك البخيل حل الباب .. وتكلم الضيف .. قلو راني عابر سبيل ونطلب منك شوي ماء نشرب راني عطشان .. تكلم البخيل .. وقال لوليدو جيب الماعون تع الحليب للراجل يشرب راه عطشان .. جاب الطفل هذاك الماعون تع الحليب .. وشرب الضيف الحليب حتى روى .. وهو حاير قال حتى الناس ربي يهديها تكذب ودير الدعايات في الناس .. كي كمل شرب الحليب تلفت الضيف للبخيل وقالو نصارحك بالحقيقة .. راهي الناس تهدر عليك وقالو بلي أنت بخيل .. وانا رآني جيت باش نجربك .. وإذا بك أنت أكرمُ الناس .. طلبتُ منك الماء رويتني بالحليب ..

تكلم البخيل للضيف وقال له .. والله كون ماجاش بايت فيه فار ميت والله ماتذوقو .. إفتجع الضيف ومن الفجعة ..
طاح ماعون الفخار من يدو تكسر .. تكلم البخيل قالو زدت كملت علينا وكسرتنا الماعون لي يشرب فيه الكلب .

​

 

[الامين محمد]

ههههههههههههههههههههههه
بدون تعليق هههههههههههههههه

 

[dahman kz]

هههه هذا ماهوش بخيل برك
هذا زاد معاها مكار ولئيم ههه

 

[إلياس]

هههه سلمت يمنيك

 

[بسمة القلوب]

هههههه