والله ماهو وقتها

[الامين محمد]

السلام عليكم يا سكان كوكب زحل الشقيق

خطرات ـ في بعض الأحيان ـ Parfois


توقع معاك واحد الامور فعلا في الوقت و الزمان الغير مناسبين تماما
تلقى روحك حاصل و حاير و عقلك و سقفك طاير

مثلا

واحد عمرك ما تتلاقى بيه
لكن نهار يكون يسالك كريدي راح تلقاه
في الطريق
و في الجامع
و في السطاد
و في الحانوت
و في لامجي
و في لاميري
حتى انه يجيك في المنام

مثال آخر
التليفون خسر
و كل المحاولات اللي قريتهم في قوقل من اجل إصلاحه
ما تجيبش نتيجة
تروح تدبر رقم هاتف اللي يصلح الهواتف
و تهتفله و تواعده
و تروح للمحل و تلقاه غالق و تنتظره في الشمس الحارقة
و يجي و يفتح و انت تقوله راك طولت علي و الهاتف راح خاسرلي
يقولك هات الهاتف
المفاجأة أنه بمجرد ما يشغله
يبدأ يشتغل و كأنه عمره ما حبس ,,,,,,,,,,,,,,,,,, يااا الإحراج

مثال آخر آخر ـ تعمدت كتابة آخر deux fois ههههههه
التليفون يمر عليه الايام و ما يصونيش
و كي تدخل للدوش يبدأ
يرن و لا يقطع

مثال آخر آخر أخر troisième exemple ههههههه

أشياء كل يوم تلقاها
و نهار تحتاجها والله ما تلقاها
مفتاح
تورنيفيس
كولاب
راجل
شخص
و
و
و


إليكم الخط ما شابههههها ههههههه​

 

[sana barhoumi]

أولاً كثير من الناس عايزة تتهرب من سداد الديون ومن أخذ أموال الناس يريد اتلافها مع القدرة على إرجاع الحقوق إلى اصحابها وقد يحلف بالله ويحلف بالقرأن بإرجاع الديون ويقول الله شهيد وهي في الأصل يمين غموس لأنها تغمس صاحبها في النار لذلك دفع الديون في الدنيا خير من الموت ويأخذها من حسناتك يوم القيامة يعني الناس بتبوص العلاقة إلي بينها علشان دراهم معدودة.

ثانياً كثير من الناس لا تريد العمل في الوقت وهذا تعطيل لمصالح الناس بدها حتى ما تشتغلش. مثل مصلح الهاتف الجوال كرمال إتقان العمل مفقود في وقتنا.

 

[وۣۗهۣۗہۣۗم]

اهم شئ يتودر كى تسحقووو
هو الكوبونڨل ولا منعرف وش تسموه المهم مقص الاظافر كى متسحقوش وين تروح تلقاه ساعة يظهرلك عليك والله وتحوس تحت لبلاط ماهو باينلك هههههههههههههههه وركزولى على الشخص اللى تفاتنوو ولا تكونو متضايقين من بعض مين دوور تلقاه سبحان الله هههههههههههههههه وبطبيعت الحال الكونيكسيوو طول كاينة نهار يكون عندك خدمة ضرورية ولا مسحقها مستعجل تلقاها وفات ولا تبقي بالعوام تدوور ​

 

[أستاذ الفلسفة]

عندي لكوبونقل
والكيتمان
ولي مش وقتها صح
تكون في نقل اجتماعي ومسافر وفجاة تكون داير موسيقى فكيتمان تلقاه نخرب وحده ورجع يسمع ناس لي جنبك
وانت لا تشعر
ياله من موقف محرج

 

[صلوا على النبي]

ههههه كارثة و صايي أكثر حاجة تقلق كي تكون مع ناس متعرفهمش لانو تجي تفهمو قادر ميفهمش و يقول راك تكذب عليا سيرتو نهار يطلبك فحاجة تقولو عندي مبعد تحوس عليها متلقهاش ويدير فبالو راك تليكيدي فيه ..... يصراو هذ الامور المهم الواحد يستغفر ربي و يعرف كيفاش يتصرف

 

[Golden Man]

يحدث معي أحيانا ..عندما احتاج اشياء..نبحث عنها ولا أجدها..!
"وندخل في حكاية البحث عن إبرة في كومة قش هههههه -"وحد المرة وثيقة عندما احتجتها مالقيتهاش!.... اسبوع كامل وانا غارق وسط الورق باش لقيتها ههههههههه"

 

[السلطانة]

صح والله ماغلطت هههههه
انا اكثر حاجة تودرلي القلم منين نجي نحوس عليه منلقاهش ونكون راح نكتب حاجة مهمة ياسبحان الله يختفي
ومباعد نلقاه في بلاصة باينة خلاص
شريت 4اقلام وخبيتهم في صاكي بعيد علولاد

ولا الورق يابن عمي مرة ودرت لاكارت ديدونتيتي تاعي في لخر ظهرت طايحة في لقجر بالجنب برك


مرة راجلي ودرلو المفتاح تاع البيرو تاع الخدمة تقريب هبل
هههههه من الصباح وحنا نحوسو لغدوة الصباح
لقينا احمد خباه في العابو

الواحد مفهمتش واش يصرالو ويفقد لفرانات وتغيضك كي تلقى الحاجة مباعد كانت قدامك

 

[أبو عاتكة]

ماشابهها...
في العادة لما نكون وحدي في المنزل نغلق باب المنزل بالمفتاح ونتركو في مكانو لاصق في الباب . وديجا كاين نسخة مفتاح ثانية ديما معلقة في حامل المفاتيح ونسخة في درج في الغرفة. شوف ثلاث مفاتيح ديما يتفرجوا فيا كل يوم داخل خارج.
هاذي المرة كنت وحدي وبلا عشاء الجوع كارش فيا والو باڨيطة خبز مكانش الريزارف والمؤونة الغذائية تاع الزوجة كملتو البارح وتفنينت باه كاشما نقلي بيض ولا فريت المهم قاعد وقلت مانتعشى ماوالو نتفرج قناة سميرة ونرقد.
شوية هاك ودقدق الباب نضت نفتحو ملقيتش المفتاح وقبت من فتحة العين المكبرة على الشارع نشوف في بن الجيران هاز سنيوة ماكلة كبيرة ومغطية الله الله عدت نريڨ كالطفل الصغير.
طليت على حامل المفاتيح منلقاش النسخة 2 جريت كالعداء مخلوفي للغرفة قلبتها سافلها على عاليها تقول وحيد القرن دون فائدة رجعت نجري ههه راكم تجرو معايا يخي ؟ ههه رجعت طيران للباب نحلل ونترجى في الطفل ميروحش ويبقى يستنى وهو مقدرش يتم واقف اصبر وليدي نفتش على المفتاح دقيقة المهم انا نحوس ونعرق وفي حالة تقول ماتش دزاير الكامنيرون وهو يدقدق في الباب حتى لقيت بلي غلقت الباب وحطيت المفتاح في سروال نتاع العمل. ونهار لقيتو قريب قطعت الجيوب من اللهفة تقول لقيت مفتاح علاء الدين ماشي مصباح. ايا فتحتلو وتعشيت وانا نلهث وندعي عالمفتاح وحامل المفتاح واللي ينسى وين حط المفتاح ودعيت لسروال الخدمة بزاف بزاف.

داخلة فيها زهايمر مع افتقاد حاجة في وقت الصح ديما قدامك لكن تغيب.

 

[razan roza]

ماشابهها...
في العادة لما نكون وحدي في المنزل نغلق باب المنزل بالمفتاح ونتركو في مكانو لاصق في الباب . وديجا كاين نسخة مفتاح ثانية ديما معلقة في حامل المفاتيح ونسخة في درج في الغرفة. شوف ثلاث مفاتيح ديما يتفرجوا فيا كل يوم داخل خارج.
هاذي المرة كنت وحدي وبلا عشاء الجوع كارش فيا والو باڨيطة خبز مكانش الريزارف والمؤونة الغذائية تاع الزوجة كملتو البارح وتفنينت باه كاشما نقلي بيض ولا فريت المهم قاعد وقلت مانتعشى ماوالو نتفرج قناة سميرة ونرقد.
شوية هاك ودقدق الباب نضت نفتحو ملقيتش المفتاح وقبت من فتحة العين المكبرة على الشارع نشوف في بن الجيران هاز سنيوة ماكلة كبيرة ومغطية الله الله عدت نريڨ كالطفل الصغير.
طليت على حامل المفاتيح منلقاش النسخة 2 جريت كالعداء مخلوفي للغرفة قلبتها سافلها على عاليها تقول وحيد القرن دون فائدة رجعت نجري ههه راكم تجرو معايا يخي ؟ ههه رجعت طيران للباب نحلل ونترجى في الطفل ميروحش ويبقى يستنى وهو مقدرش يتم واقف اصبر وليدي نفتش على المفتاح دقيقة المهم انا نحوس ونعرق وفي حالة تقول ماتش دزاير الكامنيرون وهو يدقدق في الباب حتى لقيت بلي غلقت الباب وحطيت المفتاح في سروال نتاع العمل. ونهار لقيتو قريب قطعت الجيوب من اللهفة تقول لقيت مفتاح علاء الدين ماشي مصباح. ايا فتحتلو وتعشيت وانا نلهث وندعي عالمفتاح وحامل المفتاح واللي ينسى وين حط المفتاح ودعيت لسروال الخدمة بزاف بزاف.

داخلة فيها زهايمر مع افتقاد حاجة في وقت الصح ديما قدامك لكن تغيب.

ههههه شوقتني نعرف واش هو العشاء

 

[أبو عاتكة]

ههههه شوقتني نعرف واش هو العشاء

ههه ادعيلي يتعاود من جديد ذاك العشاء .. لا داعي لقبش مشاعر خونا محمد الامين المهم قريب كليت المفتاح مع العشا هاذاك.

 

[razan roza]

ههه ادعيلي يتعاود من جديد ذاك العشاء .. لا داعي لقبش مشاعر خونا محمد الامين المهم قريب كليت المفتاح مع العشا هاذاك.

 

[الامين محمد]

ماشابهها...
في العادة لما نكون وحدي في المنزل نغلق باب المنزل بالمفتاح ونتركو في مكانو لاصق في الباب . وديجا كاين نسخة مفتاح ثانية ديما معلقة في حامل المفاتيح ونسخة في درج في الغرفة. شوف ثلاث مفاتيح ديما يتفرجوا فيا كل يوم داخل خارج.
هاذي المرة كنت وحدي وبلا عشاء الجوع كارش فيا والو باڨيطة خبز مكانش الريزارف والمؤونة الغذائية تاع الزوجة كملتو البارح وتفنينت باه كاشما نقلي بيض ولا فريت المهم قاعد وقلت مانتعشى ماوالو نتفرج قناة سميرة ونرقد.
شوية هاك ودقدق الباب نضت نفتحو ملقيتش المفتاح وقبت من فتحة العين المكبرة على الشارع نشوف في بن الجيران هاز سنيوة ماكلة كبيرة ومغطية الله الله عدت نريڨ كالطفل الصغير.
طليت على حامل المفاتيح منلقاش النسخة 2 جريت كالعداء مخلوفي للغرفة قلبتها سافلها على عاليها تقول وحيد القرن دون فائدة رجعت نجري ههه راكم تجرو معايا يخي ؟ ههه رجعت طيران للباب نحلل ونترجى في الطفل ميروحش ويبقى يستنى وهو مقدرش يتم واقف اصبر وليدي نفتش على المفتاح دقيقة المهم انا نحوس ونعرق وفي حالة تقول ماتش دزاير الكامنيرون وهو يدقدق في الباب حتى لقيت بلي غلقت الباب وحطيت المفتاح في سروال نتاع العمل. ونهار لقيتو قريب قطعت الجيوب من اللهفة تقول لقيت مفتاح علاء الدين ماشي مصباح. ايا فتحتلو وتعشيت وانا نلهث وندعي عالمفتاح وحامل المفتاح واللي ينسى وين حط المفتاح ودعيت لسروال الخدمة بزاف بزاف.

داخلة فيها زهايمر مع افتقاد حاجة في وقت الصح ديما قدامك لكن تغيب.

ههههههه
حمبوك خبرني واش جابلك الطفل
قول الصح كليت في الكولوار بيديك ولا رحت للصالون و جبت مغرف و طابلة ههههههه

 

[razan roza]

ههههههه
حمبوك خبرني واش جابلك الطفل
قول الصح كليت في الكولوار بيديك ولا رحت للصالون و جبت مغرف و طابلة ههههههه

والله شوقني مام انا نتخيل في شخشوخة وحميس وسلاطة

 

[Hakan]

والله موضوع في وقتوا عندها شهرين بسبب التزامات العمل ما نريحش مع دار نجي تعبان نرقد ، المهم تيليفوني ما يصونيش كامل نهار الخدمة ،غير نريح مع والديا باش نقصر معاهم يبدا يصوني خخخخخ حتى أمي فاقتلوا ، وثاني حاجة كي يكون قلبك مهموم في جهة اخرى ساعات نكون رافد تيليفوني في يدي نرجع نحوس عليه وهو في يدي تالمون تالفتلي خخخخ ، و الحاجة الخرافية لي قالتلهم اسكتوا كاع ، ساعات نكون نمشي ولا قاعد نخمم في شخص معين ما نفوقش نلقاه خرجلي ونتلاقى بيه ، وحد القصة الخدامة لي يخدموا معايا كنت في البلاد ندور وحدي وحاطهم في بالي والله العظيم غير تلاقيتهم واحد واحد في هذيك الساعة كل ما نمشي 100 متر نتلاقى بواحد حتان كي كملتهم كاع قعدت نمشي ونضحك وحدي كي المهبول وناس تشوف فيا ههههه يعطيك الصحة .

 

[Hakan]

وكاينة حاجة اخرى ثاني في السيارات ،مثلا نحكي مع صاحبي على نوع معين من سيارات ياخويا ياخويا حنا نكملوا الحكاية وما نعرف كيفاش تخرج هذيك السيارة ما نقلك 100 ما نقلك 200 المهم نفس السيارة لي حكينا علينا حتان نجبدو نوع آخر باش تروح من قدامنا هذيك السيارة ههههه كارثة وخلاص

 

[الہٰوردة الہٰسہٰوداء]

عندي لكوبونقل
والكيتمان
ولي مش وقتها صح
تكون في نقل اجتماعي ومسافر وفجاة تكون داير موسيقى فكيتمان تلقاه نخرب وحده ورجع يسمع ناس لي جنبك
وانت لا تشعر
ياله من موقف محرج

هذا وحدو ههههه

 

[خديجة ph]

ههههه تصرا بزاف اخي
مثال عالحوايج اللي يتودروا فقط نهار تحتاجهم
المساك تاع الخمار و الطواط تاع الشعر هههه
حجرة التيمم نهار تروح العين
تيليكوموند بكل انواعه و احجامه مخدوم باه يتودر
الشارجور تاع الهاتف نهار تستنى مكالمة ضرورية
اما عن اللقاء اللي مش وقته فحدث ولا حرج
اكثر شيء الجارات نخرج مزروبة يبداو وانا نضحك تاع معليش نهار آخر والو المهم قالي راجلي راهم يعيطولي المتكبرة الخطرة الجاية نحل طابلة توانيس قدام باب العمارة
سلام

 

[جليلوس]

اودي نيشان والله
بزاف تصرا هادي سيرتو كي تكون في يدك الحاجة ونتا قالب الدنيا عليها
ولا مفتاح 10 ههههه اكدلي تكون مقيد وين راه نهار تحتاجو كان هنا وراح
والتليكوموند ههههههه صايي باغي نهبل بضحك
بصح راني نشوف الناس قاع راهي تهدر فرونسي تبدلتو عليا اااو

 

[إلياس]

لم اجد ماتقول