مشكلتي مشكلتي مع الاصوات والضجيج

[مشكلتي]

السلام عليكم ورحمة الله
حبيت اولا نشكر اصحاب هذا المنتدى والناس اللي تساعد في حل المشاكل تقديم النصائح مشكورين جزيل الشكر لما شفت هذ الفكرة حبيت نطرح مشكلتي من قبل اسبوع لكن معلاباليش محباتش تمشي واليوم سييت نحاول الحمد الله مشات هي مشكلة يشوفوها الناس حاجة عادية لكن انا شخصيا تزعجني بزاف وهي اني منتحملش الاصوات الكثيرة وكي نكون في وسط مجموعة يوجعني راسي ونتقلق ونتعصب ونحب نوض من بيناتهم ولما نسمع اي واحد يحدث صوت اثناء الاكل والشرب نتقلقل او يحرك طاولة او كرسي حاجات عادية واصوات خفيفةلكن منتحملهاش ونحب دايما الهدوء وقلة الاصوات منحكيش على اصوات الضجيج والعالية بزاف ممكن نتغاشى وونهرب من المكان قداش شمن مرة حبيت نرقي ولانعمل كاش حاجة منين نشوف مع اللي معايا نلقاهم نورمال ميتقلقوش اما انا الوحيدة اللي نحس بهذا الاحساس ساعدوني كيفاش نتخلص منو وهل انا عادية ام مريضة بمرض لا اعرفه. وادعولي ربي يهديني للصواب عمري 21 سنة على فكرة وسعدوني بالنصائح وشكرا.

 

[إلياس]

عليك التأقلم مع هذا الوضع مهما كان انصحك بزيارة طبيب نفسي يعالجك على ذلك

 

[A-Boudjema]

ممكن عندك مرض الميزوفونيا
أعانك الله

 

[rafid2]

الله المستعان
حاولي العلاج فقط شوفي طبيب عام وهو يوجهك للمختص وإذا كان الأمر لايتعلق باي مرض جربي الرقية

 

[السلطانة]

وعليكم السلام ورحمة الله وبركاته

ان شاءالله تلقاي حل لمشكلتك من طرف الاعضاء اول مرة اسمع عن هذه الحالة

 

[Hakan]

1 - نقصي المنبهات قهوة وشاي او نحيهم من حياتك بالكامل .
2 - ما تقعديش وحدك بزاف ،و نحي سماعات الأذن من حياتك بالكامل
3 - تجنبي اضاءة الهاتف او التلفاز .
4 - ما تقعديش في غرفة دائمة الظلمة يعني من واش فهمتو انت انسانة طفي ضوء الغرفة وتريحي وحدك .
5 - تعرضي لاشعة الشمس الصباحية وحاولي تستحمي بالماء البارد دائما .
مشكتلك ماهيش في السمع ،مشكلة عصبية نفسية ، من خلال واش قريت ، انت انسانة تنعزلي بزاف في بيتكم وممكن ديما تقعدي وحدك حتى عاىلتك ما تريحيش معاها ،هذه الوحدة تخليك لا شعوريا ترفضي كل ما له علاقة بالجماعة ، الحل أنو تستعيدي نشاطك النفسي أولا من خلال الخروج من العزلة و التفاعل مع المجتمع بداية من الأسرة نتاعك ، و تخلصي من عاداتك السيئة وربي يشافيك أختي .

 

[أبو عاتكة]

ممكن عندك مرض الميزوفونيا
أعانك الله

اميل الى هذا الرأي وهو اضطراب نعرف ناس تعاني منو واغلبهم يسببلهم العصبية والناس لاتعرف سبب هذه العصبية الا اذا باح لهم بسبب انزعاجه كاين اللي يساعفهم وكاين اللي يستهزى بيهم لكن هو فعلا يسببلهم حالة عصبية غير مفهومة.

 

[طموحة]

لم أكن أعرف عن هذا من قبل
ما أعرفه أن كل شخص متعود على الهدوء و الوحدة في الاجتماعات يحس بالإجهاد و الصداع
و هذا ملاحظ حتى لو كان من قبل يحتملها لكن مجرد التعود على الوحدة يكسبه هاته العادة
إن كان الأمر بدرجة مقبولة فبالتعود يتخلص منها تدريجيا إنما الحلم بالتحلم
و إن كان الأمر مرضي فلا بأس عليك شفاك الله
لكن في هاته الحالة استشيري الأخصائي
وحده يقدر على تحديد ما هو جيد لك
لأن ما قد ننصحك به يكون عكس الخطة العلاجية
و استعيني بالله و الدعاء أول الأسباب و أعظمها
هوني عليكِ ما من داء إلا و له دواء​

 

[dahman kz]

ننصحك بزيارة طبيب نفسي لانو مختص في الامور هاذي واذا كان عندك احراج او مشكلة من الطبيب النفسي لازم تتخلصي من الاحراج هذا
والطبيب النفسي يعطيك نصائح وارشادات وحلول تخليك تخرجي من مشكلتك و تتخلصي منها بكل اريحية وسهوله