أن تكون رجلا وسط وليمة نسائية

[space-cowboy]

في خريف 2014 كانت عندنا وليمة في إطار زفاف الأخت الصغيرة. طبيعة الوليمة تلك الليلة أن الحضور نسائي فقط. راكم عارفين نهار تكون عندكم وليمة نسائية, اعتبر نفسك شخص ثانوي مثلك مثل القط, او اقل شأنا, و احسب نفسك ضيفا على البيت. انسى الصالة وانسى الدوش وانسى الثلاجة (الثلاجة ديك الساعة تولي عندها قيمة غير),... انسى كل شيء. يبقى امامك إما أن تُخلِيَ البيت وتْبْدّلْ ساعة باخرى إلى حين إجلاء المكان, وإمّا تشد غرفة وتقوم باعتكافٍ ورجاؤُكَ أن لا يدخل عليك طفل متطفل, او شي امرا تخلطتلها بين باب الدوش وباب غرفتك. احيانا تحتاج طفلة صغيرة من قريباتك كدليل (éclaireur) ديرلك الطريق باش تخرج من الدار دون ان تتصادف مع مخلوق غير مرغوب في رؤيته. في اوقات الولائم النسائية, يضطر الذكور أن يأكلوا في اماكن وضروف غير مألوفة : كاراج, غرفة تاع خوك الصغير (باش تبقى غرفتك نظيفة وما فيهاش ريحة المرقة), كوزينة, فوق السطح, كولوار مظلم لا يتوفر على لامبة.

جاء الوقت الموعود الذي حطّت فيه اختي طابلة يتوسطها صحن تاع لحم بالبرقوق في غرفة اخي الصغير (عقلتو على لاستيس؟). قُمنا بحصار مُحكم للطاولة انا واختي واخي الصغير, وجميعنا مهيّفين من الجوع. من المعلوم عُرفا أنك حينما تكون جائعا, فإنك تصوم عن الكلام وتكره كرها أبدياً كل من يفاتحك في موضوع سياسي. انسى حديث ومغزل, وانسى آداب الأكل, لأنك تنصلت من صفاتك الآدمية ساعتها وتحولت لحيوان ضاري لا تنطبق عليه الآداب البشرية, وانسى التلفاز كذلك لأنك في حالة شرود وبصرك جاحظ لا يتململ عن الطبق قيد انملة, تدرس زاوية الهجوم القادمة, وتُقيّم حجم الإستيعاب المتبقية في بطنك, حتى لا يفوتك شيء مهم من الاطباق فيُصيبك الندم.

ونحن نأكل في حالة خشوع وهدوء تام, وضعتُ في فمي مورصو تاع اللحم قد الكعبة المكرمة. معنى هذا الكلام أني سأركز على عملية المضغ وادخل في مرحلة نيرفانا تغادر فيها الروح الجسد. انا نحط المورصو تاع اللحم في فمي وتْخْلْط علينا واحد صاحبة اختي لابسة الاصفر (من هول الصاعقة بقيت عاقل على لون لباسها). بنت من النوع الحماسي المندفع والفرفوش, الذي يفرض عليك الامر الواقع, الذي قبل ان تجيبه على سؤاله الاول يسألك سؤال ثاني "سلااااااام عبد الرحيم !!! صاااا فااااا؟ آآآآآآ صافي لونطووووو". جاتني الغوفة ديك اللحظة وبغيت نبكي لأنني لا استطيع ان ارد حتى السلام, هززت راسي ورفعت يدي وحييتها على طريقة ذوي الإحتياجات الخاصة. بقيت نمضغ داك المورصو لمدة لا تقل عن 20 ثانية قبل أن ارد السلام.

 

[صاحبة الأثر]

هههههههههه ، ضحكتني والله جمال الوصف لا حدود له ، الحمد لله مدخلتش في غيبوبة إثر الصدمة الصفراء

 

[أبو عاتكة]

ههه والله يا عبد الرحيم خويا من الصحي انه قبل خروجي من المنتدى بثانية صادفت موضوعك الساخر ضحكت وتفكرت هاذو المواقف والسرد والوصف علامة كانو اي واحد فينا لانها عوايد مشتركة بين الجزائريين وكيما سماتها الاخت

صاحبة الأثر الصدمة الصفراء ​

 

[Hakan]

هههههههههههه ياخويا اقسم بالله تقول راك تحكي عليا ،ديما تصرالي هذي المشاكل بصح مشكلتي ما نطيحش مع فتيات مع النساء الكبار فقط ، بعد ثلاثة ايام من وفاة جدي رحمه الله ،توحشت ميمتي كان عندي من نهار الوفاة ما شفتهاش قلت نروح نصبح عليها عند بيت جدي ، المهم دخلت صباح على 7 زعما بكري ،عيطتلها مع بنت عمي صغيرة جات ليا لوحد الغرفة معزولة في حوش جدي ،جابتلي قهوة وقعدت معايا حتان يجو وراها نساء كي شغل زوجات ولاد عم الوالد ،يعني في سن أمي ،ويا ذاك الاحراج ما لقيتش وش ندير هوما يعضمولي في الاجر بحكم جدي كان مربيني عندو ،وانا تلفتلي الهدرة ما ننساهش هذاك اليوم يعطيك الصحة والله وصف دقيق لهاذ المشاكل ،اما في الأعراس والافراح ما تصادفتش مع هذا المشكل لانو كي تكون حاجة في دارك ولازم عليك تتحرك الداخل ما علاباليش بيهم كاع لي دخلت ولي خرجت .

 

[إلياس]

بدون تعليق

 

[rafid2]

في خريف 2014 كانت عندنا وليمة في إطار زفاف الأخت الصغيرة. طبيعة الوليمة تلك الليلة أن الحضور نسائي فقط. راكم عارفين نهار تكون عندكم وليمة نسائية, اعتبر نفسك شخص ثانوي مثلك مثل القط, او اقل شأنا, و احسب نفسك ضيفا على البيت. انسى الصالة وانسى الدوش وانسى الثلاجة (الثلاجة ديك الساعة تولي عندها قيمة غير),... انسى كل شيء. يبقى امامك إما أن تُخلِيَ البيت وتْبْدّلْ ساعة باخرى إلى حين إجلاء المكان, وإمّا تشد غرفة وتقوم باعتكافٍ ورجاؤُكَ أن لا يدخل عليك طفل متطفل, او شي امرا تخلطتلها بين باب الدوش وباب غرفتك. احيانا تحتاج طفلة صغيرة من قريباتك كدليل (éclaireur) ديرلك الطريق باش تخرج من الدار دون ان تتصادف مع مخلوق غير مرغوب في رؤيته. في اوقات الولائم النسائية, يضطر الذكور أن يأكلوا في اماكن وضروف غير مألوفة : كاراج, غرفة تاع خوك الصغير (باش تبقى غرفتك نظيفة وما فيهاش ريحة المرقة), كوزينة, فوق السطح, كولوار مظلم لا يتوفر على لامبة.

جاء الوقت الموعود الذي حطّت فيه اختي طابلة يتوسطها صحن تاع لحم بالبرقوق في غرفة اخي الصغير (عقلتو على لاستيس؟). قُمنا بحصار مُحكم للطاولة انا واختي واخي الصغير, وجميعنا مهيّفين من الجوع. من المعلوم عُرفا أنك حينما تكون جائعا, فإنك تصوم عن الكلام وتكره كرها أبدياً كل من يفاتحك في موضوع سياسي. انسى حديث ومغزل, وانسى آداب الأكل, لأنك تنصلت من صفاتك الآدمية ساعتها وتحولت لحيوان ضاري لا تنطبق عليه الآداب البشرية, وانسى التلفاز كذلك لأنك في حالة شرود وبصرك جاحظ لا يتململ عن الطبق قيد انملة, تدرس زاوية الهجوم القادمة, وتُقيّم حجم الإستيعاب المتبقية في بطنك, حتى لا يفوتك شيء مهم من الاطباق فيُصيبك الندم.

ونحن نأكل في حالة خشوع وهدوء تام, وضعتُ في فمي مورصو تاع اللحم قد الكعبة المكرمة. معنى هذا الكلام أني سأركز على عملية المضغ وادخل في مرحلة نيرفانا تغادر فيها الروح الجسد. انا نحط المورصو تاع اللحم في فمي وتْخْلْط علينا واحد صاحبة اختي لابسة الاصفر (من هول الصاعقة بقيت عاقل على لون لباسها). بنت من النوع الحماسي المندفع والفرفوش, الذي يفرض عليك الامر الواقع, الذي قبل ان تجيبه على سؤاله الاول يسألك سؤال ثاني "سلااااااام عبد الرحيم !!! صاااا فااااا؟ آآآآآآ صافي لونطووووو". جاتني الغوفة ديك اللحظة وبغيت نبكي لأنني لا استطيع ان ارد حتى السلام, هززت راسي ورفعت يدي وحييتها على طريقة ذوي الإحتياجات الخاصة. بقيت نمضغ داك المورصو لمدة لا تقل عن 20 ثانية قبل أن ارد السلام.

هههههههههههههههههههههه
احسست بالمك
لاني جربتها انفا
الانكى في كل هذا ان تخرج الفتاة وتبقي الباب مشرعا ومن هناك تبصرنك النسوة اهو عبد الرحيم ارواحو نسلموا عليه وانت حاصل مع المورصو نتاع اللحم الي حاصلك في القرجومة
تحاول تزرطه بخفة لكنه يغيضك ماتستبنوش
ماجربتش في هذه الغارة الكسكسي كي تحط زوج مغارف كبار ضربة وحدة وتدخل عليك خالتك وبناتها ومعاهم جوارينها ارواحو تشوفو وليد اختي وهي في نيتها كاش ماتلصقلك وحدة منهم وانت مغبون في حالة تتكلم تجيفك الكسكسي تسكت تباصي معاهم
الله يكون في العون

 

[خديجة ph]

هههههههه
ذكريات لا يمحوها ايفاسور ولا تعوضها ولائم اليوم
و مورصو اللحم تاع الشخشوخة ناشف لا ينزلق بسهولة لازمه مضغ جيد والا ترك اخاديد في البلعوم في مثل هذه العرضات الحبس الانفرادي هو اسوء الحلول لانك تظن بما انك قريب من مركز عمليات الاطعام فستحصل على اجود الاطعمة لكن يا حسراه الشيء الوحيد الذي ستحصل عليه هو سندويتش روائح زكية يزيد قرقرة المعدة اصلا سينسون ان هناك روحا بشرية وراء ذلك الباب و ستفقد كل حقوقك في تلبية نداءات الطبيعة و فوق هذا يفكروك يا بن عمي روح جيب هات ودي و شيئًا فشيئًا يدصروك و يجيبولك الدراري الصغار هاهو عمو عبد الرحيم قولو يوريلك الالعاب اللي في pc تاعو و تتبعها الام الحنونة بغمزات و تهديد ان لم تمسك الذراري لانهم افسدو القعدة و الاسوء لما يروحو المعاريض انت تقرب للسينية و الكل يصيح خليهم مازال غدوة جاية عمتك و بنتها و خالة بنت عم مول الطاكسي ههههه و ختامها مسك كي يقولولك ما تزعفش هاك غريبية oh no oh no oh no no no no no

 

[rafid2]

هههههههه
ذكريات لا يمحوها ايفاسور ولا تعوضها ولائم اليوم
و مورصو اللحم تاع الشخشوخة ناشف لا ينزلق بسهولة لازمه مضغ جيد والا ترك اخاديد في البلعوم في مثل هذه العرضات الحبس الانفرادي هو اسوء الحلول لانك تظن بما انك قريب من مركز عمليات الاطعام فستحصل على اجود الاطعمة لكن يا حسراه الشيء الوحيد الذي ستحصل عليه هو سندويتش روائح زكية يزيد قرقرة المعدة اصلا سينسون ان هناك روحا بشرية وراء ذلك الباب و ستفقد كل حقوقك في تلبية نداءات الطبيعة و فوق هذا يفكروك يا بن عمي روح جيب هات ودي و شيئًا فشيئًا يدصروك و يجيبولك الدراري الصغار هاهو عمو عبد الرحيم قولو يوريلك الالعاب اللي في pc تاعو و تتبعها الام الحنونة بغمزات و تهديد ان لم تمسك الذراري لانهم افسدو القعدة و الاسوء لما يروحو المعاريض انت تقرب للسينية و الكل يصيح خليهم مازال غدوة جاية عمتك و بنتها و خالة بنت عم مول الطاكسي ههههه و ختامها مسك كي يقولولك ما تزعفش هاك غريبية oh no oh no oh no no no no no

الاكيد انك كنتي معاهم وانتي من دبرتي المكيدة والمقلب وجاب ربي انو مورصو اللحم الناشف انتاع الشخشوخة ماكانش ثم سينون كان يروح فيها