مشكلتي انصحوني اريد الالتحاق بسلك الشرطة

[مشكلتي]

السلام عليكم ورحمة الله وبركاته

انا شاب 23سنة مقبل هذه السنة ان شاءالله للدراسة ماستر 2

اريد الالتحاق بسلك الشرطة
لكني طرحت الامر على والدتي حفظها الله فهي ترفض الامر قلت على الاقل وظيفة واكون داخل البلاد.
وفي نفس الوقت لدي اخ متغرب في الخارج تريدني الالتحاق به دايما تقول لي تكون قريب من خوك في الغربة وتخدم على روحك خير من وحدك ونكونو مطمنين عليك.
لكني لااريد الابتعاد عنها وعن والدي
اتذكر لما سافر اخي كم عانت والدتي ودخلت في حالة نفسية صعبة
فكيف ستعيش وانا ساكون ايضا بعيد
اخي قرر الاستقرار هناك
وانا لاادري متردد وخائف
وارى ان الابتعاد عن الوالدين ليس بالامر السهل
انتم في مكاني ماذا تقررون

 

[Hakan]

وعليكم السلام :
أخي الكريم الرزق بيد الله سبحانه و تعالى ممكن في بلادك وممكن في غير بلادك والسعي مطلوب والإيمان بالقسمة مطلوب أيضا .

هذي نصيحة نقدمها لنفسي قبل لا تكون ليك :
اذا تهاجر بالفيزا والوثائق نتاعك تروح تخدم و تشوف الحالة فمكانش حاجة خير منها ،و خدام في الخارج افضل من جنرال في الجزائر لانك ماكش رايح تتهنى في هاذ البلاد خاصة خاصة في سلك الشرطة لأنو مافيها حتى فائدة دنيوية بما انك تشوف مصالحك المالية .

واذا قاتلك أمك دير حاجة معينة غير ديرها ولو تكون ضد رغباتك و النية نتاعك لازم تكون رضى ربي سبحانه قبل انو تكون رضى الوالدة نتاعك .

اما اذا تروح حراق وهذاك الشكيل غير فكك وربي يرزقك الطيب .

 

[rafid2]

انصحك بالبقاء هنا ودخول سلك الشرطة وبما ان مستواك جامعي وماشاء الله راح يساعدك ذلك
اما بالنسبة للاغتراب راك تشوف اليوم اوروبا كيفاش غارقة وحاصلة في روحها وتعاني من الازمات في كل ناحية
اعتقد ان والدتك حفظها الله غالطة في حسابها حاول تفهمها

 

[dahman kz]

خوذ راي اميمتك تربح رضايتها و تربح دعوة الخير
روح اخدم البرا وكون روحك في الخارج خيرلك اذا كانت عندك الفرصة
فرصة العمل في الخارج ربما تروح وتضيع وربما ماتزيدش تتكرر لهذا ننصحك تروح تخدم و تستغل لفرصة خيرلك.

 

[بنت الـ25]

انا نشوف انو راي امك هو الاصلح خصوصا انو عندك خوك لهيه عندك على من تسند
بلادنا نحبوها بصح الله غالب مقهورين فيها وراك تشوف فالمعيشة هنا كيفاش من سيء لاسوء
الغربة صعيبة ولكن الحقرة في بلادك أصعب
امالا خود راي ميمتك ولكان قدرتو انت وخوك تبعثولها تجي عندكم مينداك

 

[إلياس]

نصحتي لك اعمل امام والديك و بر بيهم تربح اجرهم في الدنيا و الاخرة