كسرة الشحمة (لمخلعة)

[حفياد آدم]

المقادير
مقادير الكسره:
500غ سميد رقيق
1 ملعقة صغيرة خميرة الخبز
تقريبا نصف كأس زيت
ماء دافئ
ملح
مقادير الحشو:
بصل
طماطم
ملح و فلفل اسود
طريقة التحضير
نخلط السميد مع خميرة الخبز ثم نضيف الزيت و نواصل الخلط
نضيف الملح و نخلط قليلا ثم نجمع الخليط بماء دافئ حتى نتحصل على عجينة متماسكة
ندلكها فوق طاولة العمل لمدة دقيقة او دقيقتين ثم نقسمها على جزئين
نقسم كل جزء الى نصفين لكن يكون نصف اكبر من النصف الثاني قليلا ثم نغطيهم و نتركهم يرتاحوا 15 دقيقة
لتحضير الحشو نقلي بصل مقطع مع طماطم مبشورة في قليل من الزيت مع الملح و الفلفل الاسود
ثم نقطرها جيدا من الزيت و نتركها تبرد قبل الاستعمال و يبقى الحشو اختياري
نأخذ النصف الاكبر من العجين و نفتحه على شكل دائري بالحلال ثم نفتح النصف الاصغر بنفس الطريقة
نضع الحشو فوق النصف الاكبر
ثم نضع فوقها النصف الاصغر ثم نغلق الاطراف جيدا
بعد غلقها نخبزها قليلا من الجهتين ثم نطيبها في طاجين مسخن مسبقا و نضع الجزء المغلوق من الاسفل اولا
لما تطيب من الاسفل نقلبها حتى يطيب الوجه الاخر حتى تحمر من الجهتين

​

 

[dahman kz]

عندها شعبية كبيرة عندنا ثاني في واد سوف ولكن حنا عندنا يطيبوها رقيقة والحشو تاعها يكون خفيف موش بكثرة ومايديرولهاش البصل.
ولو ذكرتلنا المناطق المشهورة بيها لمخلعه على الاقل نعرفوها وكان رحنا نهار نطلبوها و ناكلوها ثاتي .

 

[sanaya mery]

سخفتييييني وراح نجربها عندي مدة ونا نشوفها في تيك توك وهاني تحصلت على الوصفة يعطيك الصحة

 

[خديجة ph]

فكرتنا فيها صحيت اخي
ناس بكري يديروها بالشحمة مع البصل و الطماطم و هذا اصل التسمية تاعها
لان ناس بكري كان اللحم عزيز ياكلوه بالفال لذلك يخبوا الشحمة خصوصا تاع الكبش تاع العيد و يديرو بيها المحاجب كسرة الشحمة و حوايج بزاف و تخليهم يشبعوا و تزيد في مخزون الدهون عندهم خصوصا في الشتاء تدفيهم لكن حنا ضرك الناس شاااااابعة لحم و واحد ما ياكل الشحمة ولا الحاجة اللي طابت بالشحمة يشموا ريحتها برك يعافوا وصلنا لدرجة لحم الكبش تاع العيد واحد ما ياكلها حتى اللي تصدق عليهم الكتف تاع الاضحية يرموه في المزابل اكرمكم الله شفنا بعينينا اكتاف الصدقات مرمية في المزابل اكرمكم الله ثاني و ثالث ايام العيد
المهم اللي يحب يجربها الاخت @sanaya mery لازم ترققيها على قد ما تقدري باه ما تجيكش معجنة الداخل و تطيب و ما تكثريش الحشو و اغلقي مليح الجوانب و النار خفيفة مش كيما تاع الكسرة تكون أخف و ما تقلبيش حتى تتأكدي أنها طابت و شاحت شوي من الفوق الذوق تاعها كيما كي تجوزي شطيطحة بطرف كسرة تقدري تضيفيلها شوية لحم مفروم طايب و متفتف ما تكثريش و تقدري تضيفي الفلفل الحلو او الحار كذلك الهريسة الحارة المهم الطبقة تاع الحشو خفييييفة باه ما تعجنش
ان شاء الله تجربيها و تعجبك
سلام

 

[ذكريات]

ماشاء الله راه عندنا شيف في المنتدى، ربي يحفظك أخي وشكرا على الوصفة

 

[sanaya mery]

فكرتنا فيها صحيت اخي
ناس بكري يديروها بالشحمة مع البصل و الطماطم و هذا اصل التسمية تاعها
لان ناس بكري كان اللحم عزيز ياكلوه بالفال لذلك يخبوا الشحمة خصوصا تاع الكبش تاع العيد و يديرو بيها المحاجب كسرة الشحمة و حوايج بزاف و تخليهم يشبعوا و تزيد في مخزون الدهون عندهم خصوصا في الشتاء تدفيهم لكن حنا ضرك الناس شاااااابعة لحم و واحد ما ياكل الشحمة ولا الحاجة اللي طابت بالشحمة يشموا ريحتها برك يعافوا وصلنا لدرجة لحم الكبش تاع العيد واحد ما ياكلها حتى اللي تصدق عليهم الكتف تاع الاضحية يرموه في المزابل اكرمكم الله شفنا بعينينا اكتاف الصدقات مرمية في المزابل اكرمكم الله ثاني و ثالث ايام العيد
المهم اللي يحب يجربها الاخت @sanaya mery لازم ترققيها على قد ما تقدري باه ما تجيكش معجنة الداخل و تطيب و ما تكثريش الحشو و اغلقي مليح الجوانب و النار خفيفة مش كيما تاع الكسرة تكون أخف و ما تقلبيش حتى تتأكدي أنها طابت و شاحت شوي من الفوق الذوق تاعها كيما كي تجوزي شطيطحة بطرف كسرة تقدري تضيفيلها شوية لحم مفروم طايب و متفتف ما تكثريش و تقدري تضيفي الفلفل الحلو او الحار كذلك الهريسة الحارة المهم الطبقة تاع الحشو خفييييفة باه ما تعجنش
ان شاء الله تجربيها و تعجبك
سلام

يعطيك الصحة خديجة راح نشارككم التطبيق كنجربها شكرا جزيلا