متنزه أبوفيصل لذكريات الزمن الجميل ( °80/70°/°90 ..... )

[أبو عاتكة]

​

مرحبا بكم في تجمع الأجيال الخاص لذكريات الزمن الجميل




طرائف وحكايات
مواقف وذكريات
طبائع وعادات
ألعاب وأدوات
صور وفيديوهات

المتنزه مفتوح للجميع لتبادل الحديث والذكريات والمشاركة في نزهة عبر مروج الذاكرة لزمن الطفولة والبدايات






​

 

[حاتم خليفة]

مبارك علينا هذا الصرح الجديد

مركي عندك واحد من الجيل الذهبي

جيلنا أحلى جيل
جيل كبر قبل وقته
جيل عاش وقت الإرهاب
جيل إخترع ألعابه من أشياء بسيطة

لابنين مالح وبنين كان يجينا على 6:30 صباحا
​

 

[Hakan]

هذي صورة كانت معلقة في غرفة أمي وابي ،توحمت عليها أمي كي كانت بااحمل بيا وسبحان الله ما خرجتش كاع نشبهلوا ههههههه ،المهم صورة تاريخية وخلاص .

 

[أبو عاتكة]

اشهر زوج كوادر نتاع الطفل يدعي وهذا الشيخ في مكة.

 

[ريحـان]

مبارك علينا هذا الصرح الجديد

مركي عندك واحد من الجيل الذهبي

جيلنا أحلى جيل
جيل كبر قبل وقته
جيل عاش وقت الإرهاب
جيل إخترع ألعابه من أشياء بسيطة

لابنين مالح وبنين كان يجينا على 6:30 صباحا
مشاهدة المرفق 151256​

طليتو على قلبي
هذي مدة ونا متفكراته حوست
نطيبه ماعرفتش الوصفة كيفاه كانوا يخدموه بنة وحدها واش كنتو تسموه؟

 

[ريحـان]

افتتاح موفق ​

 

[ذكريات]

طليتو على قلبي
هذي مدة ونا متفكراته حوست
نطيبه ماعرفتش الوصفة كيفاه كانوا يخدموه بنة وحدها واش كنتو تسموه؟

عمري ما طيبتو، وأظن أنو فقط الحمص والماء والملح والكمون يطيب فالكوكوط ويرشو عليه الكمون، ربما بقية الأعضاء يفيدوك أكثر.

 

[ذكريات]

قطعة ثمينة غالية على قلبي، من مصنع النسيج حيث كان يعمل الوالد رحمه الله

 

[حاتم خليفة]

طليتو على قلبي ​

هذي مدة ونا متفكراته حوست
نطيبه ماعرفتش الوصفة كيفاه كانوا يخدموه بنة وحدها واش كنتو تسموه؟

أسمه (لابنين) مالح وبنين
يطيب كيما الدوبارة يصفوه من الماء ويديرولوا التوابل نفس الطريقة لي قالت عليها @ذكريات

في بسكرة مزال يتباع بصح ماشي بنين كيما نتاع بكري​

 

[أبو عاتكة]

عمري ما طيبتو، وأظن أنو فقط الحمص والماء والملح والكمون يطيب فالكوكوط ويرشو عليه الكمون، ربما بقية الأعضاء يفيدوك أكثر.

هذا في اول التحضير يبات ليلة عادي مثل حمص الطعام ( الكسكس ) من بعد يقلوه في قلاية مثل القهوة



يخرج بهذا بالشكل المطلوب.

والمالح وبنين هو الفول اما الحمص نقولولو في جيهتنا ( لبلابي )

 

[حاتم خليفة]

مشاهدة المرفق 151257


هذي صورة كانت معلقة في غرفة أمي وابي ،توحمت عليها أمي كي كانت بااحمل بيا وسبحان الله ما خرجتش كاع نشبهلوا ههههههه ،المهم صورة تاريخية وخلاص .

أمي توحمت على هذا وجيت نشبهلوا شوي ههه​

 

[السلطانة]

شكون يشفى للڨازوز الأسطوري
لي جامي ننسى ذوقو اصلا بعدو مكاتش ڨازوز عجبني قد تاع بكري
كنا ندو القرعة فارغة يمدولنا القرعة معمرة

 

[dahman kz]

مبارك الافتتاح خويا فريد
و رجعتونا لايام الطفولة وحركتولنا الذاكرة المنسية

 

[dahman kz]

شكون يشفى للڨازوز الأسطوري
لي جامي ننسى ذوقو اصلا بعدو مكاتش ڨازوز عجبني قد تاع بكري
كنا ندو القرعة فارغة يمدولنا القرعة معمرة

مشاهدة المرفق 151336

الڨازوز والسانية يا حصراه

 

[dahman kz]

البوست كاسيت الاسطوري
والمعاناة مع الشريط

 

[حاتم خليفة]

هذو مشاغبات اللمة @ريحـان و @السلطانة
​

 

[حاتم خليفة]

أول سيارة صنع جزائري
الرولمة

كنت نخدمهم ونبيعهم
​

 

[أبو عاتكة]

ليلة باردة ياجماعة.

 

[السلطانة]

البوست كاسيت الاسطوري
والمعاناة مع الشريط

مشاهدة المرفق 151340


مشاهدة المرفق 151341

كان عندنا واحد شراه بابا شغل راه كنز ثمين
يقولنا كون نلقاكم تلعبو بيه تشوفو ههههه
نخلوه مايروح ونبداو نفتحو ونركبو في الكاسات هههه حقا كانو يقولولها البوبينا
نشفى لخالتي كانت تخلي خالي يروح وتجبد البوست تاعو تدير بيه عرس قبل ميرجع
تسلف هي وخالاتي كاسيتات تاع غنا وكانت وحدة من خالاتي تسمع هاني شاكر
ويرجعو البوسط لبلاصتو قبل ميرجع خالي
كلي مصرا والو ويخبو الكاسيتات يرجعوهم لصحباتهم.

 

[السلطانة]

أول سيارة صنع جزائري
الرولمة

كنت نخدمهم ونبيعهم
مشاهدة المرفق 151344​

كان حلم حياتي نكسب وحدة
كانو خوالي الصغار عندهم وحدة نحللهم باه نركب فيها والووووووو
متحكرينها غير ليهم