صحيح المرأة نشرة أخبار 24/24 سا

[أبو عاتكة]

مساء الخير

مقارنة

الراجل كي يتلاقى مع راجل في الطريق

1: السلام عليكم
2: وعليكم السلام ، وشراك بوعلام.
1: لاباس خويا رابح انت بخير؟
1: واش الاحوال؟
2: لاباس وانت ؟
1: والله غير bien
2: يخي لاباس؟
1: لاباس الحمد لله
2: ايا بالسلامة _ 1: بالسلاااامة

المراة كي تتلاقى مع امراة في الطريق في الدروج في السماء في الارض :











السؤال :
تعياو بعد الهدرة ولا نورمال تحسوا بلي مهدرتوش كامل ؟

 

[يسرى 16]

هههههههههههه انا وحدة نحس مهدرتش خلاص ههههههههههههههههههههه واخبار نتاع شهر قاع نحطها في اقل من 5 دقائق

 

[الامين محمد]

ههههههههههههههههههه
جبتها قد قد حبيبي فريد

آلك واحد الخترة زوج نسا حكموا عليهم بالحبس
10 سنين و دخلوهم مع بعض في زنزانة صغيرة
المهم نهار كملوا العشر سنين و خرجوهم
قالت ليها المهم كي نعاودوا نتلاقاو و نكملوا كلامنا ههههههههههههههههه

 

[sana barhoumi]

غير صحيح ليس كل النساء ثرثارة كما ليس كل الرجال كلمة وقص

 

[السها]

على حسب نوع الثرثرة كاين الي تحكي استلطافا و تضفي على اللقاء حلاوة اشهى مالبقلاوة ما تشبعش من هدرتها و ظرافتها و ضحكتها و كاين الي تحكم تشكي على همها و مرضها احيانا تزيد عليك ما تفكك حتى تحس بالي انت لمريض و لهموم لعبت على قلبك و تروح طايحلك المورال و كاين النمامة الذمامة الي تحكي عالناس و فعايل الناس ما تجي تتفك منها حتى بليس يدير عرس من كثرة الذنوب الي حطتها على كتافك لكن يا خويا حنّا غيييير ما تستثنيش رواحكم راكم فوتونا يا بن عمي عادت الرجالة تحكي كثر من النسا و تشكي كثر مالنسا و تصرح بالناس اقسم بالله اكثر من النسا تقلب الزمان و تبدلت لفكار و قدور رجع دودو اكيد مازالوا الراجل مول الخفرة الي يحكي بالخزرة كيما مازالت لمرا مولات الشان و الطبع الي اذا حكات تبرع و اذا سكتت تنفع ...و ربي يجيب الخير
تقديري

 

[السها]

مساء الخير

مقارنة

الراجل كي يتلاقى مع راجل في الطريق

1: السلام عليكم
2: وعليكم السلام ، وشراك بوعلام.
1: لاباس خويا رابح انت بخير؟
1: واش الاحوال؟
2: لاباس وانت ؟
1: والله غير bien
2: يخي لاباس؟
1: لاباس الحمد لله
2: ايا بالسلامة _ 1: بالسلاااامة

المراة كي تتلاقى مع امراة في الطريق في الدروج في السماء في الارض :

مشاهدة المرفق 153823

مشاهدة المرفق 153824


مشاهدة المرفق 153825




السؤال :
تعياو بعد الهدرة ولا نورمال تحسوا بلي مهدرتوش كامل ؟

على حسب نوع الثرثرة كاين الي تحكي استلطافا و تضفي على اللقاء حلاوة اشهى مالبقلاوة ما تشبعش من هدرتها و ظرافتها و ضحكتها و كاين الي تحكم تشكي على همها و مرضها احيانا تزيد عليك ما تفكك حتى تحس بالي انت لمريض و لهموم لعبت على قلبك و تروح طايحلك المورال و كاين النمامة الذمامة الي تحكي عالناس و فعايل الناس ما تجي تتفك منها حتى بليس يدير عرس من كثرة الذنوب الي حطتها على كتافك لكن يا خويا حنّا غيييير ما تستثنيش رواحكم راكم فوتونا يا بن عمي عادت الرجالة تحكي كثر من النسا و تشكي كثر مالنسا و تصرح بالناس اقسم بالله اكثر من النسا تقلب الزمان و تبدلت لفكار و قدور رجع دودو اكيد مازالوا الراجل مول الخفرة الي يحكي بالخزرة كيما مازالت لمرا مولات الشان و الطبع الي اذا حكات تبرع و اذا سكتت تنفع ...و ربي يجيب الخير
تقديري

 

[ذكريات]

الهدرة على حساب النساء الي نشيخ معاهم، والحديث مقياس، لخواتاتي، ساعة فالتيليفون الأحوال الشخصية ونشرة الدشرة وحصاد الأسبوع وكينتلاقاو تاني، ولصحاباتي غي الأخبار السطحية وحكايات الأولاد، مكانش الأمان، وكاين شي نساء تحكيلهم غي الهدرة الي تبغيها توصل تحسهم غي نتاع فتنة، فاضيين وحاطينا تحت المجهر،

 

[Tama Aliche]

السلام عليكم و رحمة الله
صباح الخير
ديجا على ما شفنا حنا النساء كلمة "الاخبار" لحقنا تم تم وسنشارك بقوة كي ننقل لكم الاخبار على موضوع هذا ههههه
إذن تابعوا ثرثرة الاخبار النسائية وكيفية الرد:
اسناوني نضحك
باختصار يطول عنده الكلام نحتاج نهدر هااا هههه
هي كون تكشفهم كامل تلقاهم نساء ورجال ما مكانش وقت يضيع بزاف كما يضيع فالكلام وهذوك العسات وووو صدقني.. دليل مين تخرج تشوف غير فلان تلاقا فلان يحكموها قال وقال و هذاك وهذيك وووو رجل ويحكي بزاف دليل القهوة هي مجلس للرجال والشارع مجلس للرجال ما يفرغوش الشوارع عانرة بيهم تلقاهم في كل زاوية وتوتوتوتوتوت والعسة والفم يخدم و ااقهاوي منين تفوت حتى كي تكون ماشي يخرجوك للتروتوار باش تهرب من الكراسي والطاولات حتى تخاف تخرج للطريق تديك طوموبيل
الحكم هنا لاويكون على المراة لان كلاهما الرجل والمراة مين يستناو وكتاش تبان حاجة يهدرو فيها كل الوقت و يوزعوها على الناس..
ومن تأمنه اه.. ؟؟ انا شخصيا تركت الكلام مع اغلب الناس الذي اعرفهم او حتى لا اعرفهم اذا التقيتهم سلمت وابتسمت وتركتهم في حيرة يحسبون خطواتي .. ذهابي ومجيئي و سكوتي عهخخههه نخاف نخرج كلمة يعكسوها ويشوهوها تروح بالغلط لشي ناس و تولي حكايات وقيل وقال ومشاكل و نصغر عقلي و نجهل ووو شكون تامنو وتعطيه كلمة من فمك لا لا.. الى ما خرجوش بيك هوما يمدوها للي يخرج بيك.. الاغلب لا يمسكون ألسنتهم يا يحرقوك يا يغتابوك يا نميمة يا يوزعولك اسرارك وحتى الطريقة اللي تتحدث بيها .. حتى وقت تجي تعمل خير تدير الف حساب لانه يخرجو عليك من بعد حكايات واتهامات ووووو لذلك اوصى الرسول عليه الصلاة والسلام و نصحنا ب "أن لا نكثر الكلام.. ان نقلل في النوم والأكل و الكلام" هذو يجيبولك صوالح عيانين يتلفولك مخك ما تنجحش بيهم هخخهههه

سمحولي بصح انا نضحك بزاف بىك هءا هووالطبع تاعي اللي مين نتلاقا واحد نضحك يعني و الكلام انا اللي ما نحكيهش بالصوت نجي لهنا للمة نحكيه لانه نكنب بزاااف و جرائد تعويضا عن الصمت في حياتي دعوني اكتب الاخبار كتابة على الاقل تنجح تبيع جريدة تدخل دراهم لجيبك
موضوع يستحق الكلام و الاخبار بزاااف هههه شكرا اخي فريد على طلتك الجميلة بهذه المواضيع..

​

 

[أبو عاتكة]

هههههههههههه انا وحدة نحس مهدرتش خلاص ههههههههههههههههههههه واخبار نتاع شهر قاع نحطها في اقل من 5 دقائق

نستعرف بيك اعترافات شجاعة بصح نديروك مع اخبار النشرة الجوية هي اللي في خمس دقايق
شكرا على المشاركة اختنا يسرى 16

 

[أبو عاتكة]

ههههههههههههههههههه
جبتها قد قد حبيبي فريد

آلك واحد الخترة زوج نسا حكموا عليهم بالحبس
10 سنين و دخلوهم مع بعض في زنزانة صغيرة
المهم نهار كملوا العشر سنين و خرجوهم
قالت ليها المهم كي نعاودوا نتلاقاو و نكملوا كلامنا ههههههههههههههههه

ان شاء الله يزيدو يتلاقاو هههه

 

[أبو عاتكة]

غير صحيح ليس كل النساء ثرثارة كما ليس كل الرجال كلمة وقص

ممكن صح

 

[أبو عاتكة]

على حسب نوع الثرثرة كاين الي تحكي استلطافا و تضفي على اللقاء حلاوة اشهى مالبقلاوة ما تشبعش من هدرتها و ظرافتها و ضحكتها و كاين الي تحكم تشكي على همها و مرضها احيانا تزيد عليك ما تفكك حتى تحس بالي انت لمريض و لهموم لعبت على قلبك و تروح طايحلك المورال و كاين النمامة الذمامة الي تحكي عالناس و فعايل الناس ما تجي تتفك منها حتى بليس يدير عرس من كثرة الذنوب الي حطتها على كتافك لكن يا خويا حنّا غيييير ما تستثنيش رواحكم راكم فوتونا يا بن عمي عادت الرجالة تحكي كثر من النسا و تشكي كثر مالنسا و تصرح بالناس اقسم بالله اكثر من النسا تقلب الزمان و تبدلت لفكار و قدور رجع دودو اكيد مازالوا الراجل مول الخفرة الي يحكي بالخزرة كيما مازالت لمرا مولات الشان و الطبع الي اذا حكات تبرع و اذا سكتت تنفع ...و ربي يجيب الخير
تقديري

الراجل الي يحكم الحديث والكلام وميطلقوش يفسد التجمعات وتكرهو الناس متحبش تجمع معاه وانا جني وطيرتي من هذا الصنف المحضر اللي يكون فيه أحسنلي اني نخطيه وكاين رجال كلامهم كلام نسوان وهذا يليق فيه الاعدام
اما النساء فالبركة فيك شرحتيهم وشرشحتي اللي ماتسوى فيهم.
شكرا على المشاركة.

 

[أبو عاتكة]

الهدرة على حساب النساء الي نشيخ معاهم، والحديث مقياس، لخواتاتي، ساعة فالتيليفون الأحوال الشخصية ونشرة الدشرة وحصاد الأسبوع وكينتلاقاو تاني، ولصحاباتي غي الأخبار السطحية وحكايات الأولاد، مكانش الأمان، وكاين شي نساء تحكيلهم غي الهدرة الي تبغيها توصل تحسهم غي نتاع فتنة، فاضيين وحاطينا تحت المجهر،

المسكينة اللي تكون بهلولة ونية وتحكي اسرارها و كل اللي عندها لاي انسانة تقابلها يجي نهار وتلدغها ومن كثرة الهدرة توقع المرا في الغلطة وتزلق في الكلام وممكن تقول اسرار ولا اخبار نتاع ناس اخرى أمنوها عليها.
نفس الشيء بالنسبة للرجال ونادرا وين تصير لما الانسان يكون كلامو محدد ومقيوس.
شكرا شكرا

 

[أبو عاتكة]

السلام عليكم و رحمة الله
صباح الخير
ديجا على ما شفنا حنا النساء كلمة "الاخبار" لحقنا تم تم وسنشارك بقوة كي ننقل لكم الاخبار على موضوع هذا ههههه
إذن تابعوا ثرثرة الاخبار النسائية وكيفية الرد:
اسناوني نضحك
باختصار يطول عنده الكلام نحتاج نهدر هااا هههه
هي كون تكشفهم كامل تلقاهم نساء ورجال ما مكانش وقت يضيع بزاف كما يضيع فالكلام وهذوك العسات وووو صدقني.. دليل مين تخرج تشوف غير فلان تلاقا فلان يحكموها قال وقال و هذاك وهذيك وووو رجل ويحكي بزاف دليل القهوة هي مجلس للرجال والشارع مجلس للرجال ما يفرغوش الشوارع عانرة بيهم تلقاهم في كل زاوية وتوتوتوتوتوت والعسة والفم يخدم و ااقهاوي منين تفوت حتى كي تكون ماشي يخرجوك للتروتوار باش تهرب من الكراسي والطاولات حتى تخاف تخرج للطريق تديك طوموبيل
الحكم هنا لاويكون على المراة لان كلاهما الرجل والمراة مين يستناو وكتاش تبان حاجة يهدرو فيها كل الوقت و يوزعوها على الناس..
ومن تأمنه اه.. ؟؟ انا شخصيا تركت الكلام مع اغلب الناس الذي اعرفهم او حتى لا اعرفهم اذا التقيتهم سلمت وابتسمت وتركتهم في حيرة يحسبون خطواتي .. ذهابي ومجيئي و سكوتي عهخخههه نخاف نخرج كلمة يعكسوها ويشوهوها تروح بالغلط لشي ناس و تولي حكايات وقيل وقال ومشاكل و نصغر عقلي و نجهل ووو شكون تامنو وتعطيه كلمة من فمك لا لا.. الى ما خرجوش بيك هوما يمدوها للي يخرج بيك.. الاغلب لا يمسكون ألسنتهم يا يحرقوك يا يغتابوك يا نميمة يا يوزعولك اسرارك وحتى الطريقة اللي تتحدث بيها .. حتى وقت تجي تعمل خير تدير الف حساب لانه يخرجو عليك من بعد حكايات واتهامات ووووو لذلك اوصى الرسول عليه الصلاة والسلام و نصحنا ب "أن لا نكثر الكلام.. ان نقلل في النوم والأكل و الكلام" هذو يجيبولك صوالح عيانين يتلفولك مخك ما تنجحش بيهم هخخهههه

سمحولي بصح انا نضحك بزاف بىك هءا هووالطبع تاعي اللي مين نتلاقا واحد نضحك يعني و الكلام انا اللي ما نحكيهش بالصوت نجي لهنا للمة نحكيه لانه نكنب بزاااف و جرائد تعويضا عن الصمت في حياتي دعوني اكتب الاخبار كتابة على الاقل تنجح تبيع جريدة تدخل دراهم لجيبك
موضوع يستحق الكلام و الاخبار بزاااف هههه شكرا اخي فريد على طلتك الجميلة بهذه المواضيع..

​

اهلا وسهلا في نشرتنا
هو صح واش تحكي والصراحة مناظر الناس في الشوارع خاصة خاصة الشباب وهي ماسكة في بعضها وتتتتتتت من الصباح لليل الاغلب من الفراغ الا اللي يقضي في صوالحو هذاك ربي يعينو اما الباقي اخذهم الفراغ للمنحدر الصعب النهار كامل حديث ومشايخات في النواصي والمقاهي وعند الابواب والطرقات ما يعمرو جوامع ما يمشو في جنايز ما يعينو محتاج مايتلهاو بديارهم وولادهم كلها مناظر سيئة مافيها فايدة. الوقت يجري والسنوات تجري ونورمالمو يستغل الفراغ والصحة والقدرة على الخرجة والدخلة في صوالح تفيدو دنيا واخرة لكن واش تنصح واش تخلي.
نختموها بخيار القول حديث الرسول صلى الله عليه وسلم ( املك عليك لسانك وليسعك بيتك وابك على خطيئتك )
هاذو كامل عاكسينهم اللسان مطلوق والبيت مهجور والقلب ميت.
ربي يهدينا.
ياو شكرا على المشاركة نخلفوهالك في كاش موضوع.

 

[ذكريات]

والله يا أخي الكريم @فريد أبوفيصل ما رانيش صغيرة والدنيا علمتني بزاف حوايج وباش وصلت نقيس حديث الناس حتى طحت ونضت والفضفضة ماشي لأي وحدة والأمان ماكانش وهاد الوقت راهم يسجلولك الهدرة حتى فالتيليفون بلا ما تعبى، نوصي كل وحدة تحضي عمرها وتدور لسانها سبع مرات قبل ما تهدر، نشوف بزاف نساء تمشي عند طبيبة ولا فالمدرسة نتاع الأطفال ولا أي مكان آخر وتحكي أي حاجة على الزوج ولا الحماة وفي راسها حتى وحدة ما تعرفها ومي يكون العكس وتوصل روحا لمشاكل كبار على هدرة زايد ناقص، وقت صعيب وصلناله ماراهش يرحم ماكانش الأمان والقلوب قصاحت

 

[أبو عاتكة]

كاينة ملاحظة وحبيتو تعتبروني قديم وبيريمي الله يسهل
نشوف في النساء ولات تحبس في الطرقات والشوارع وتقعد بالساعات حكايات ومشايخات وفيها ضحك وعياط وقسرة كيما نتاع البيوت والله معلابالهم بحد لا حشمة لا والو والذراري دايرة بيهم تقول راهم في حوش ولا صال دي فات يخي هاك تكتب بالفرونسي منحكيش على المواصلات منحكيش على قاعات الانتظار وحتى في المستشفيات بصح اللي قالتلهم اسكتو هي الشوارع
هاشوية حشمة مالكم
انا في شفايتي كانت مكانش والمرا كانت تخرج تجري ترجع تجري وحتى وتتلاقى مع مرا اخرى ثمثم يتفارقو ويحشمو من الوقفة في الطريق.

ولا التطور هاك ؟

 

[Tama Aliche]

اهلا وسهلا في نشرتنا
هو صح واش تحكي والصراحة مناظر الناس في الشوارع خاصة خاصة الشباب وهي ماسكة في بعضها وتتتتتتت من الصباح لليل الاغلب من الفراغ الا اللي يقضي في صوالحو هذاك ربي يعينو اما الباقي اخذهم الفراغ للمنحدر الصعب النهار كامل حديث ومشايخات في النواصي والمقاهي وعند الابواب والطرقات ما يعمرو جوامع ما يمشو في جنايز ما يعينو محتاج مايتلهاو بديارهم وولادهم كلها مناظر سيئة مافيها فايدة. الوقت يجري والسنوات تجري ونورمالمو يستغل الفراغ والصحة والقدرة على الخرجة والدخلة في صوالح تفيدو دنيا واخرة لكن واش تنصح واش تخلي.
نختموها بخيار القول حديث الرسول صلى الله عليه وسلم ( املك عليك لسانك وليسعك بيتك وابك على خطيئتك )
هاذو كامل عاكسينهم اللسان مطلوق والبيت مهجور والقلب ميت.
ربي يهدينا.
ياو شكرا على المشاركة نخلفوهالك في كاش موضوع.

عليه افضل الصلاة والسلام.. كلام موزون الله يسترك إن شآء اللّه
لا عادي ما فيهاش تخلفلي الله يعطيك الربح إن شاء الله كم انت طيب
انا هذو الايام غايبة شوية التعب دعواتك لي
​

 

[ذكريات]

كاينة ملاحظة وحبيتو تعتبروني قديم وبيريمي الله يسهل
نشوف في النساء ولات تحبس في الطرقات والشوارع وتقعد بالساعات حكايات ومشايخات وفيها ضحك وعياط وقسرة كيما نتاع البيوت والله معلابالهم بحد لا حشمة لا والو والذراري دايرة بيهم تقول راهم في حوش ولا صال دي فات يخي هاك تكتب بالفرونسي منحكيش على المواصلات منحكيش على قاعات الانتظار وحتى في المستشفيات بصح اللي قالتلهم اسكتو هي الشوارع
هاشوية حشمة مالكم
انا في شفايتي كانت مكانش والمرا كانت تخرج تجري ترجع تجري وحتى وتتلاقى مع مرا اخرى ثمثم يتفارقو ويحشمو من الوقفة في الطريق.

ولا التطور هاك ؟

هادي معك كل الحق فيها، ولا الهدرة فالتيليفون برا ولا فالحافلة تحسب راها فالدار هادي حتى الرجالمابقاتش الحشمة ربي يستر