عاند ولا تحسد

[أبو عاتكة]

آمس الخير عليكم كي مسيتو ولا كي صبحتو بتوقيت مشاهدة الموضوع

من بكري يقولو عاند ولا تحسد

المعاندة : هي التقليد ، تقليد ما يفعله الآخر

هالمثال :



هالتفصيل

المشهور في دزاير عموما عندما بدات الناس ادير صوارد وتفتح مشاريع صغيرة ومتوسطة وخاصة السنوات الاخيرة تقريبا من بداية الالفينات الجميع يقلد ويعاند مايخمم في فكرة المشروع تليق بيه اولا او هو يليق بيها ام لا ما يدرس الفكرة ما يوجدلها من كل النواحي ديراكت يشوف واحد فتح محل مثلجات وماشيتلو الخدمة هو يفتح كيفو يزيد صاحبو يزيد اللي بحذاه وهكذا المدينة تولي ألاسكا نتاع مثلجات.
يفتح مثلا واحد محل خدمات مكتبية وتمشيلو الخدمة بعد شهر الدنيا كامل راها مكتبية وتطبع وطباعة رسائل التخرج والامتحانات والفوتوكوبي داير حالة

نشفالها الدعوة بدات بمحلات خدمات الهاتف ( الطاكسيفون ) البلاد في شهرين تحولت الى هونكونغ بالجودلوميار والبلايك taxi phone في الشوارع وقبلها شاعت محلات الحلاقة مع الشاب حسني وتصاور جونكلود فوندام وقصات الشعر مع الجال والبوك وغيرها ومن بعد ظهرتلهم مقاهي الانترنت السيباركافي دارت حالة خمسالاف للساعة كاين مكانش الانترنت الله يسهل عليك راحت الموضة وتحولت الناس للبيتزيريا والڨرڨوتي والدوبارة أعجن وطيب ولوح زوج حبات زيتون وتونا ويالاه ومن بعد المقاهي والفاستفود محلات الملابس تركيا وماليزيا و لا شين

المهم المعاندة و البحث عن الربح مثلما يفعل الاخر مكانش ثقافة انشاء مشروع مبني على معطيات ودراسات و ميزات وقدرات ذاتية للتوظيف و الانشاء و التسيير ماعليك الا تعمل جولة او زوج عند المحال الاخرى وتعمل صورة طبق الاصل ليه وتبدى تبيع وتتڨوعر على خلق ربي وبعد مدة تلقى روحك مفلس ويسالوك الدين تغلق وتهرب.

حاليا حاليا في جوايهنا رانا هبلنا من فتيح المطاعم التقليدية ،، الشخشوخة والزفيطي والشواء ،،،الخ الخ حتى كرهنا الاكلات التقليدية سابقا كانت عندها بنة لانها تكون وراء عرضة وعزيمة نتاع صديق او حبيب من القلب وبنية طيبة الان تقصد صاحبك يقول في قلبو ماعليا غير بمطعم تقليدي نفطرو فيه ونتهنى من جدو ، المنزل نتاعو والله ماتشوفو ولا تشفى على طريقو.
تجي فايت تتڨهم من ريحة الشخشوخة في الطرقات تدخل للدار تلقاها قدامك تنوض تندب .


سؤال الحصة :
أنتوما واش راه شايع عندكم في منطقتكم في المعاندة نتاع الحوانت والمشاريع التجارية ؟ متقوليش مطاعم تقليدية برك.

 

[dahman kz]

نعم ظاهرة منتشرة خاصة اذا شافو محل عنده الخدمه وزباين بكثرة و مجال فيه الخدمه حاكمه
والنشاط للي فيه تقليد كبير عندنا مؤخرا في واد سوف هي الطوابل و لكيوسك تاع التاي .. و يكون عبارة على محل صغير يبيع التاي والمؤكولات لخفيفة و السريعه و كاين ثاني المطاعم الصغيرة للي تبيع الماكولات التقليدية كيما الدوبارة و الشواط (نوع محلي من الساندويتش)
هاذي الامور للي فيها تقليد حاليا و متواجده بكثرة عندنا و الايجابي فيها انها تخدم وعندها نشاط وطلب كبيىر في المنطقه

 

[ذكريات]

عندنا محلات البقالة باقي شويا وكل عمارة يكون عندها محل خصيصا لها، في كل جهة كاين واحد ولا ميني سوبيرات، الحومة الله يبارك راها منورة بالخضرة في الحوانت ولا برا فالطوابل، محلات الحلاقة كاين بزاف للرجال وللنساء، محلات كرانطيطا وتاني كوسميتيك ،الرزق على ربي سبحانه بصح كي الخير راه بزاف المدخول راه ناقص.

 

[Oktavio_hinda]

اولا شكرا على الموضوع الرائع والي يتطرق لظاهرة انتشرت مؤخرا انا لاحظت خاصة في شارع بلوزداد كثرو محلات التوابل في شارع واحد تلقى من 5 إلى 6 محلات وكذلك محلات العطور الزيتية مع غلاء أو عدم دخول العطور العالمية جات هذ الفكرة ب50 الف وانت تتعطر بفيرزاتشي وشانال وكارتيي
هذا هو السوق الحاجة الي تمشي يمشو معاها
وربي يرزق كل مومن

 

[Hakan]

والله ياخويا وش نقلك بلاد العجائب صراحة هي كحيلة تسويقية مليحة ومش مليحة ،مثلا يكون عندك كارتي سبيسيال للحلاقين وكرتي سبيسيال للجزارين و هكذا بصح مش لدرجة الجنون ولكن من ناحية نحكيلك حاجة أنو في التجارة الديمومة للقوي مهما يفتحوا قدامك اذا تعرف تسير مشروعك رايح تنجح ولو بعد حين كلامي هذا موجه لصاحب الفكرة الأولى .
نجو للمقلدين كما قلت انت لي تعاند وما تحسدش وهي في الحقيقة حسدو من بعد عاندوا لانو مستحيل تكون معاندة بلا حسد أصلا كي تشوف الكلمة نتاع معاندة واصلها الحقيقي جاي من كلمة عناد واغلب عناد العرب في الباطل ،يعني راك تمشي على الباطل لأنو حلاوة المشاريع في التنافس ماشي في التكاثر وحنا عندنا تكاثر وتقليد كوبي كولي مكانش لي يحسن من فكرة المشروع ويضيف عليه باش يخلق تنافسية ناس كامل تجيب نفس السلعة ونفس الماتريال .

اما بالنسبة لينا حنا كمدينة ، كلشي تلقى منو 20 ولا 30
30 حلاق
30 جزار
30 فاست فود
وهكذا ولي قدام بعضاهم الجزارة و حوانيت الاليمونتاسيون وضركي راهي بدات ظاهرة السوبيرات لي عندو صوارد يفتح سوبيرات ما بقاتش بنة بكري .
والكوسميتيك ياودي معمرة مدينتي لحوانت الكوسميتيك بالاك وحد 40 حانوت من الكبار كوسميتيك مكانش لي جايب حاجة جديدة ربي يهدينا وربي يوفقنا في مشاريعنا .

 

[أبو عاتكة]

نعم ظاهرة منتشرة خاصة اذا شافو محل عنده الخدمه وزباين بكثرة و مجال فيه الخدمه حاكمه
والنشاط للي فيه تقليد كبير عندنا مؤخرا في واد سوف هي الطوابل و لكيوسك تاع التاي .. و يكون عبارة على محل صغير يبيع التاي والمؤكولات لخفيفة و السريعه و كاين ثاني المطاعم الصغيرة للي تبيع الماكولات التقليدية كيما الدوبارة و الشواط (نوع محلي من الساندويتش)
هاذي الامور للي فيها تقليد حاليا و متواجده بكثرة عندنا و الايجابي فيها انها تخدم وعندها نشاط وطلب كبيىر في المنطقه

وتقريبا هاذي النشاطات متطلبش ميزانية كبيرة او محلات واسعة خاصة الطوابل بزاف ناس تسترزق بيها وماشية أمورهم.
في المدة الاخيرة بانت بزاف نشاطات تحولت الى مشاريع صغيرة وخفيفة وفيها مدخول كريم.
تحية لناسنا في الواد ربي يحفظهم.

 

[أبو عاتكة]

عندنا محلات البقالة باقي شويا وكل عمارة يكون عندها محل خصيصا لها، في كل جهة كاين واحد ولا ميني سوبيرات، الحومة الله يبارك راها منورة بالخضرة في الحوانت ولا برا فالطوابل، محلات الحلاقة كاين بزاف للرجال وللنساء، محلات كرانطيطا وتاني كوسميتيك ،الرزق على ربي سبحانه بصح كي الخير راه بزاف المدخول راه ناقص.

شفتي اختي ذكريات الناس ماعادت تقدر تشري واستغنات على بزاف صوالح الشراء قليل واصحاب المحلات تقريبا راهم بين الغلق او تغيير النشاط او لاقتناع بالمدخول الحالي ربي يجيب الخير.

 

[أبو عاتكة]

اولا شكرا على الموضوع الرائع والي يتطرق لظاهرة انتشرت مؤخرا انا لاحظت خاصة في شارع بلوزداد كثرو محلات التوابل في شارع واحد تلقى من 5 إلى 6 محلات وكذلك محلات العطور الزيتية مع غلاء أو عدم دخول العطور العالمية جات هذ الفكرة ب50 الف وانت تتعطر بفيرزاتشي وشانال وكارتيي
هذا هو السوق الحاجة الي تمشي يمشو معاها
وربي يرزق كل مومن

اهلا اختي هند تغيير واضح في الحياة الاقتصادية والسلوك الاستهلاكي للناس بدات الناس تميل للبدائل الطبيعية لانها متوفرة بكثرة وباسعار مقدور عليها .
يعطيك الصحة وكيما قلتي ربي يرزقهم بالحلال.

 

[أبو عاتكة]

والله ياخويا وش نقلك بلاد العجائب صراحة هي كحيلة تسويقية مليحة ومش مليحة ،مثلا يكون عندك كارتي سبيسيال للحلاقين وكرتي سبيسيال للجزارين و هكذا بصح مش لدرجة الجنون ولكن من ناحية نحكيلك حاجة أنو في التجارة الديمومة للقوي مهما يفتحوا قدامك اذا تعرف تسير مشروعك رايح تنجح ولو بعد حين كلامي هذا موجه لصاحب الفكرة الأولى .
نجو للمقلدين كما قلت انت لي تعاند وما تحسدش وهي في الحقيقة حسدو من بعد عاندوا لانو مستحيل تكون معاندة بلا حسد أصلا كي تشوف الكلمة نتاع معاندة واصلها الحقيقي جاي من كلمة عناد واغلب عناد العرب في الباطل ،يعني راك تمشي على الباطل لأنو حلاوة المشاريع في التنافس ماشي في التكاثر وحنا عندنا تكاثر وتقليد كوبي كولي مكانش لي يحسن من فكرة المشروع ويضيف عليه باش يخلق تنافسية ناس كامل تجيب نفس السلعة ونفس الماتريال .

اما بالنسبة لينا حنا كمدينة ، كلشي تلقى منو 20 ولا 30
30 حلاق
30 جزار
30 فاست فود
وهكذا ولي قدام بعضاهم الجزارة و حوانيت الاليمونتاسيون وضركي راهي بدات ظاهرة السوبيرات لي عندو صوارد يفتح سوبيرات ما بقاتش بنة بكري .
والكوسميتيك ياودي معمرة مدينتي لحوانت الكوسميتيك بالاك وحد 40 حانوت من الكبار كوسميتيك مكانش لي جايب حاجة جديدة ربي يهدينا وربي يوفقنا في مشاريعنا .

يا والله ذكرت حاجة مهمة واللي تلقا سبعين محل بصح نفس السلعة او مكانش واش راك تبحث عليه مثلا محلات الهواتف الجميع ميصلحوش نوع ما من الهواتف وكلهم معندهمش الجديد صورة طبق الاصل من بعضهم بلا فايدة.
السومة نفسها والتعامل نفسو.
ظاهرة السوبيرات كاينة صح وبقوة واللي عندهم دوروها كامل هذا النشاط.
يعطيك الصحة .

 

[Tama Aliche]

مساء الليالي المظلمة في نوفمبر فصل الشتاء و السخانة فيه تقتل كون خلاو السياح يزيدو شوية عندنا ما فسداش قررت ندير مشروع نستغل فرصة مع السياح في جيجل من هنا نقولك بلي التخمام طافي.. ماشي شرط يكون النثل صحيح.. شخصيا و بالنسبة لي هذا النثل الشائع تاع عاند و ما تحسدش لم يعجبني يوما ولن ولن ولن يعجبني.. يا سيدي ما تلحق روحك تحسد الناس ما تعاند.. لابد من افكار جديدة. جيب فكرة اخرى علاه مين تشوف انسان نجح في عفسة تعاندو علاجال قال مهم مانحسدش الى ما تحسدش ما تعاندش يعني راك حاسب للسيد ربح تزيد تفتح قدامو نفس الحاجة تسما يا تلعب يا تحرم خليه يكمل بعدا المشوار وحدو شوية تاع يربح خمس سنوات او انت تزيد تفتح نفس واش فاتحو هو هنا في زوج تخلصوها مريحين تديو تقاعد حياتكم الباقية
مثلا عندنا منين تدور تلقى مطاعم عشرة في حومة وحدة وزيد حومة صغيرة هههههه سيرتو مطاعم حنا ومحلات الاكل السريع و محلات الحلويات و جمعيات ومدارس واكاديميات ومشكل منين كثرو تلقاهم مريحين كارهين مكاش طلب واقبال عليهم ايا انت وانتي واش هو الهدف والحلم والطموح تاعك.. ؟ هنا خمم ماشي تحسبها افاار دراهم قبل دراهم سمعة و تحقيق امور معنوية ترفع المورال والراس و تجيبلك الرزق الكثير إن شاء الله

دپما نقول ونعاود.. جيب فكرة جديدة او تقدر تخمم وحدك على حل و نجاح تجيبو من فكرة..
ربي يفتح على كل. واحد يااارب

​