الاشياء الممنوعة في الكوزينة الحزائرية

[ملاك الرحمن]

السلام عليكم و رحمة الله تعالى و بركاته

بما انو المراة تقريبا نصف وقتها في المطبخ بين طبخ و تنظيف حبيت نطرح الموضوع هاذا
سيدتي واشي هي الحاجة لي تكرهي تشوفي وحدة دارتها في المطبخ يعني تعافيها مستحيل ديريها و مستحيل تتقبلي تشوفي وحدة ديرها نركزو على المطبخ بالدرجة الاولى و على اعمال المنزل بصفة عامة

انا شخصيا منحبش نشوف وحدة تذوق الماكلة بزاف وتعاود تكمل طيب بنفس المغرف

خلونا نشوفو و نكتشفو الامور الممنوعة في المطبخ و المنزل نثقفو و نولهو بعضانا

 

[إلياس]

بورك فيك على الموضوع الرائع

 

[ذكريات]

انا الحاجة الي نعيفها، تطيبي ديراكت فالماعون بلا ما تعاود تشليه، وطبعا حكاية المغرف الي قلتي عليها، وتاني مانحبش الأكل ولا الخبز يوضع بلا غطاء سورتو وقت الدبان نعيفه بزاف، وريحة البيض ما نقدرلهاش الماعن ينغسلو ابحدهم بالجافيل باش تروح الريحة

 

[ملاك الرحمن]

بورك فيك على الموضوع الرائع

وفيك بركة

 

[ملاك الرحمن]

انا الحاجة الي نعيفها، تطيبي ديراكت فالماعون بلا ما تعاود تشليه، وطبعا حكاية المغرف الي قلتي عليها، وتاني مانحبش الأكل ولا الخبز يوضع بلا غطاء سورتو وقت الدبان نعيفه بزاف، وريحة البيض ما نقدرلهاش الماعن ينغسلو ابحدهم بالجافيل باش تروح الريحة

صح خصوصا الماعون لي متستعمليهش بزاف ولا لي محطوط في بلاصة معرضة للغبرة و الذبان و الماكلة و الخبز لازم كلش يتغطا و ركزيلي على ريحة البيض لازم ماعنهم يتغسلو بقوووووة
مشكورة على مرورك

 

[{مُدَلَّلَتُهُ}]

السلام عليكم
لازم تلمي شعرك كي تدخلي للكوزينة تقلقني وحدة شعرها مطلوق فالكوزينة .

لازم تطيبي في بلاصة نقية يعني مثلا تقشري خضرا ارمي القشور ثم ثم مشي منا قشور و منا انت طيبي ....

نكره مرا طيب و ظفارها طوال ولا فيهم الفارني !

اغسلي يديك قبل ما تبداي فالطياب !

كاين بزاف أمور ممنوعة فالكوزينة .. المهم القاعدة لولا النظافة و الترتيب

 

[ملاك الرحمن]

السلام عليكم
لازم تلمي شعرك كي تدخلي للكوزينة تقلقني وحدة شعرها مطلوق فالكوزينة .

لازم تطيبي في بلاصة نقية يعني مثلا تقشري خضرا ارمي القشور ثم ثم مشي منا قشور و منا انت طيبي ....

نكره مرا طيب و ظفارها طوال ولا فيهم الفارني !

اغسلي يديك قبل ما تبداي فالطياب !

كاين بزاف أمور ممنوعة فالكوزينة .. المهم القاعدة لولا النظافة و الترتيب

وعليكم السلام
اكيييد و كيما قلتي اهم شيء فالطياب النظافة و الترتيب و ركزيلي على الشعر خصوصا لي يكون شعرها ينسل لازم دييييما يتغطا حفاظا على النظافة
مشكووورة حبيبتي على مرورك

 

[الامين محمد]

النظافة ثم النظافة
نكره نلقى قشور الخضرة باقية في الكوزينة

 

[ملاك الرحمن]

النظافة ثم النظافة
نكره نلقى قشور الخضرة باقية في الكوزينة

اكييييييد اساس الكوزينة و الدار النظافة لازم كلش نظيف و كلش في بلاصتو
بارك الله فيك

 

[وۣۗهۣۗہۣۗم]

موضوع بزااف مهم

اهم شئ تستعملى مواد التنظيف المناسبة هكاا يبقاو الماعن يلمعووو بلا مننساو منظفات الفايونس والفرن باه تحسي دايماا بالنظافة ويعطيك الدافع باه طيبي


راجعة ان شاء الله

 

[ريحـان]

موضوع بزااف مهم

اهم شئ تستعملى مواد التنظيف المناسبة هكاا يبقاو الماعن يلمعووو بلا مننساو منظفات الفايونس والفرن باه تحسي دايماا بالنظافة ويعطيك الدافع باه طيبي


راجعة ان شاء الله

فعلا نظافة ثم النظافة
اكره الدهون المتطايرة

 

[ملاك الرحمن]

موضوع بزااف مهم

اهم شئ تستعملى مواد التنظيف المناسبة هكاا يبقاو الماعن يلمعووو بلا مننساو منظفات الفايونس والفرن باه تحسي دايماا بالنظافة ويعطيك الدافع باه طيبي


راجعة ان شاء الله

اكيييد النظافة هي الرسمي تخليك مرتاحة نفسيا و تعطيك حافز باه طيبي

في الانظار ❤

 

[ملاك الرحمن]

فعلا نظافة ثم النظافة
اكره الدهون المتطايرة

صح الدهون المتطايرة دير الاحباط