في احد الايام وجدت طفل ضائع ويبكي ؟

Andy_Delort

Andy_Delort

:: عضو بارز ::
أحباب اللمة
إنضم
26 جويلية 2019
المشاركات
2,442
نقاط التفاعل
6,463
النقاط
116
محل الإقامة
الجزائر العاصمة
الجنس
ذكر
السلام عليكم خاوتي تا اللمة.. 🌹♥

واحد نهار ياسيدكش... كانت الساعة جوايهت 11سا 00د صيفا... السخانة ترعف جمل ايا كنت برا نتمشي لقيت طفل صغير يبكي قلت نروح نشوف مابه المسكين...
قتلو وشبيك قالي كنت مع يما وتبحرتلها
قتلو وينراهي يماك؟
قالي منيش عارف مشفتهاش
وين كنت معاها؟ منيش عارف كنا هنا وتبحرت
قلو تعرف داركم!
قالي كون نعرف دارنا علاه راني نبكي قتلو مراكش حافض نميرو تاعها؟
قالي عمو روح خطيني نتا حابس تاع الصح 🙂


العبرة: ارفدو اديه لابوليس وصاي 🫰🏻🌷
 
الأطفال خاص كي يبداو يهدرو يحفظوهم المعلومات الأساسية، لمثل هذه الحوادث، مرة طفل من العائلة تودر في وسط المدينة وماشاء الله عليه كان صغير وقافز، عائلته تفتش عليه في كل بلاصة وهو لقاه واحد قالو كامل المعلومات عليه، وداه للشرطي وبما أنو من ولاية أخرى قالو لوطوتنا راها فالبارك وعطاه رقم الولاية، كي رجعو للبارك صابوه مع الشرطي موقفو فوق السيارة😂شبعو ضحك عليه
 
قال ذكريات:
الأطفال خاص كي يبداو يهدرو يحفظوهم المعلومات الأساسية، لمثل هذه الحوادث، مرة طفل من العائلة تودر في وسط المدينة وماشاء الله عليه كان صغير وقافز، عائلته تفتش عليه في كل بلاصة وهو لقاه واحد قالو كامل المعلومات عليه، وداه للشرطي وبما أنو من ولاية أخرى قالو لوطوتنا راها فالبارك وعطاه رقم الولاية، كي رجعو للبارك صابوه مع الشرطي موقفو فوق السيارة😂شبعو ضحك عليه
إضغط للتوسيع...
/

هههههههه هذا طفل الله يبارك
ومن الاحسن طفل صغير اول حاجة تحفظهالو نميرو تاع احد الوالدين..... مرة تانيت كنا دوريات لقينا طفل صغير مبحر ايا عطانا نميرو تا يماه عيطنالها جات هيا وباباه ريكيبيراوه....
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top