انا و المريض العقلي!

[Andy_Delort]

موقف مين كنت صغير:

نشفا مين كنت صغير كان عمري11 سنة كنت نتمشا انا وصاحبي فلمارشي... كاين واحد انسان مريض عقلي ربي يشفيه على كل حال.... يدير اصواات انورمال.... صحبي قلي هذاك مهبول.... وانا باش نثبتلو بلي هذاك انسان طبيعي مية مية100%.... وباش ميتنمرش عليه.... قتلو اودي لباس علييه هوا برك يحب يدير الاصوات هاذوك.... المهم رحت قربتلو قتلو سي عامر واش راك لباس؟ ..
هذاك المريض قلي شوف يعيطلك باباك انا دورت راسي شفت مورايا مكاين حتى واحد لسع مرجع راسي ويااطيني بواحد الكففف.... تحس ضرباتك زنزلة على سلم 9.1 ريشتر .... المهم من قوة الكف حسيت الفك تاعي ديمونطا... وهربت نجري... صحبي تقطع عليا بالضحك وقاعد يقولي شفت هذاك انسان طبيعي مية مية...

العبرة: متلعبهاش فاهم الحياة بزاف لخاطر قادر يجيك الكف من الانسان لي كنت ديفوندي عليه
العبرة 2: الفك تاعي مزال مين ذاك يسطر عليا نديرلو لاڨلاص
العبرة ثلاثة: قاع نغلطو ونتعلمو.

 

[razan roza]

ههههههه معليش تكبر وتنسى

 

[ذكريات]

كنت محامي فاشلصاحبك عندو الحق، ومزيا خذيت العبر

 

[أبو عاتكة]

هاذي اللي يقولو عليها العبرة بالخواتيم وانت ماشاء الله المسكين ختملك على وجهك عبرة لم تنساها للان.
هاذو المساكن ربي يرفع عليهم متقدرش تتوقع التصرفات منهم الله غالب
البارح فقط دخل لينا واحد مسكين للمحل واحنا جالسين في الليل متفتحلوش الباب جاه صعيب قعد ساعة وهو يتحدث معاه قالو المرة الجاية كي تشوفني انت اللي تفتح وحدك ،،،الخ وفي الاخير شاف فينا وقالنا بالفصحى مزلت شافيلها (.. اعتنوا بالطبيعة وارحموا الخلائق واطيعوا أمهاتكم ولا تظلموا النساء واعطفوا على الصغير فانهم من خلق يوسف ويوسف كان جميلا بهي الطلعة ،،، ومن بعد خلطها خلطها مسكين وقالنا اسمحولي ومشا في حال سبيلوا..)
بانلي بلي مثقف لكن الدنيا لا ترحم عاقلا

ولالا كاين اللي يلاوحك من بعيد لاثقافة لا جد مواليهم يصرعك ولا يجبد عليك بكف يخليك طافي ساعة

وبصحتك

 

[ام عبد الله]

ماكانش حاجة نخافها كيفهم الله يشفيهم علابالي الزهر طافي يضربني بسقلة كيف هاذي تلقاهم يوجدو ف القبر هههه

 

[Andy_Delort]

ههههههه معليش تكبر وتنسى

/
نتي مرشحة للاشراف نتي ههههه دوك نشارعك عند الادارة

 

[Andy_Delort]

كنت محامي فاشلصاحبك عندو الحق، ومزيا خذيت العبر

/
كي تكلمت فيا الصفعة سي بون ندي العبر ونقتدي وشبيك هههه

 

[Andy_Delort]

هاذي اللي يقولو عليها العبرة بالخواتيم وانت ماشاء الله المسكين ختملك على وجهك عبرة لم تنساها للان.
هاذو المساكن ربي يرفع عليهم متقدرش تتوقع التصرفات منهم الله غالب
البارح فقط دخل لينا واحد مسكين للمحل واحنا جالسين في الليل متفتحلوش الباب جاه صعيب قعد ساعة وهو يتحدث معاه قالو المرة الجاية كي تشوفني انت اللي تفتح وحدك ،،،الخ وفي الاخير شاف فينا وقالنا بالفصحى مزلت شافيلها (.. اعتنوا بالطبيعة وارحموا الخلائق واطيعوا أمهاتكم ولا تظلموا النساء واعطفوا على الصغير فانهم من خلق يوسف ويوسف كان جميلا بهي الطلعة ،،، ومن بعد خلطها خلطها مسكين وقالنا اسمحولي ومشا في حال سبيلوا..)
بانلي بلي مثقف لكن الدنيا لا ترحم عاقلا

ولالا كاين اللي يلاوحك من بعيد لاثقافة لا جد مواليهم يصرعك ولا يجبد عليك بكف يخليك طافي ساعة

وبصحتك

/
ايه بحكم خدمتي شفت بزاف حالات هكذاك ونسيي نعلونهم قدر والمستطاع ولكن الدنيا او الظروف عصفت بهم ربي يشافيهم ❤ فهم في الاخير رفع عنهم القلم

 

[Andy_Delort]

ماكانش حاجة نخافها كيفهم الله يشفيهم علابالي الزهر طافي يضربني بسقلة كيف هاذي تلقاهم يوجدو ف القبر هههه

/
ههههه انا قعدت ايمات منحسش بجنب تاع وجهي
ربي يشافيهم ويعافيهم

 

[ام عبد الله]

/
ههههه انا قعدت ايمات منحسش بجنب تاع وجهي
ربي يشافيهم ويعافيهم

مي بقاتلك عبرة طول حياتك ماتلعبهاش فاهم هههه

 

[Andy_Delort]

مي بقاتلك عبرة طول حياتك ماتلعبهاش فاهم هههه

/

بالتأكيد ههههه زيدي وصي عبد الله باش يدير الموعضة وميغلطش كيفي

 

[Rochdi.dz]

العبرة رقم 4 : لا تذهب للمرشي في سن مبكرة

 

[Andy_Delort]

العبرة رقم 4 : لا تذهب للمرشي في سن مبكرة

/

او لا تذهب بدون والديك

 

[خديجة ph]

ربي يشافيهم و يردلهم عقولهم
نشفا مرة كنت طالعة في عقبة مع خلصت العقبة خرجت وجها لوجه مع مريض عقلي و كانو الاولاد يجرو من وراه و هو تعصب الرغاوي خارجين من فمو مسكين يبكي زادو عليه و هو يجري من وراهم هو في هاذيك الحالة و نخرج وجها لوجه معاه تسمرت و كنت لابسة اخضر vert militaire ما غاضتني غير شباب واقفين و يتفرجو ينادوه باسمو و يقولولو كولها سلاطة ربي من فوق سبع سماوات حجب عليا ما شافنيش ولا حطني شجرة المهم تسمرت في بلاصتي حتى فات
اما هاذوك الشباب حسبي الله فيهم ما نسامحهمش

 

[ام عبد الله]

/

بالتأكيد ههههه زيدي وصي عبد الله باش يدير الموعضة وميغلطش كيفي

اواه راني نوصي ونعاود بعدو عليهم غير الله غالب جا فاهم ك عمو هاذي خاطيني

 

[أبو عاتكة]

ربي يشافيهم و يردلهم عقولهم
نشفا مرة كنت طالعة في عقبة مع خلصت العقبة خرجت وجها لوجه مع مريض عقلي و كانو الاولاد يجرو من وراه و هو تعصب الرغاوي خارجين من فمو مسكين يبكي زادو عليه و هو يجري من وراهم هو في هاذيك الحالة و نخرج وجها لوجه معاه تسمرت و كنت لابسة اخضر vert militaire ما غاضتني غير شباب واقفين و يتفرجو ينادوه باسمو و يقولولو كولها سلاطة ربي من فوق سبع سماوات حجب عليا ما شافنيش ولا حطني شجرة المهم تسمرت في بلاصتي حتى فات
اما هاذوك الشباب حسبي الله فيهم ما نسامحهمش

كاين حالات اخت خديجة الناس هي اللي تزيد عليهم المرض ويعاملوهم بقسوة قلب واستهزاء ويزيدو يهبلوهم بالطوايش.
كاين حالات طفيفة وممكن اصحابها يتعالجوا لكن تلقاي حتى اصدقائهم وحتى اخوتهم يتمسخروا بيهم ويأذوهم ويستفزوهم عوض انهم يعاونوهم.
ولكن هاذي هي الدنيا بمجرد يسقط فيها الانسان مهما كان مقاموا وقدروا في السابق يتحول الى مادة دسمة لاخلاق عفنة من البعض مشافوش معاناتوا وكيفاش حتى صرالو هاذ الشيء. الله لا يطيح مومن ليهم.
أواه شعبنا لازملو اعادة التربية ولات لا حياء لا قدر في الشوارع وحاسبين الناس تلعب معاهم وحاطين رواحهم حاجة وهوما ڨاراڨوز
لكن الدنيا دوارة وربي يحاسب

 

[ام أمينة]

السلام عليكم
اولا ربي يشفيهم و يكون معاهم و ربي يهدي الناس لي تتنمر و تتمسخر على هاد الفئة
ثانيا سلامة راسك و المرة الجاية ما تلعبهاش ...
كامل كان عندنا حكايات معاهم المهم غير تع خلايع و جري
مشكور على الموضوع

 

[إلياس]

لي عوده باذن الله إن شاء الله يا رب العالمين

 

[Andy_Delort]

السلام عليكم
اولا ربي يشفيهم و يكون معاهم و ربي يهدي الناس لي تتنمر و تتمسخر على هاد الفئة
ثانيا سلامة راسك و المرة الجاية ما تلعبهاش ...
كامل كان عندنا حكايات معاهم المهم غير تع خلايع و جري
مشكور على الموضوع

صحيتي وزيدي وصي امينة...

 

[Andy_Delort]

ربي يشافيهم و يردلهم عقولهم
نشفا مرة كنت طالعة في عقبة مع خلصت العقبة خرجت وجها لوجه مع مريض عقلي و كانو الاولاد يجرو من وراه و هو تعصب الرغاوي خارجين من فمو مسكين يبكي زادو عليه و هو يجري من وراهم هو في هاذيك الحالة و نخرج وجها لوجه معاه تسمرت و كنت لابسة اخضر vert militaire ما غاضتني غير شباب واقفين و يتفرجو ينادوه باسمو و يقولولو كولها سلاطة ربي من فوق سبع سماوات حجب عليا ما شافنيش ولا حطني شجرة المهم تسمرت في بلاصتي حتى فات
اما هاذوك الشباب حسبي الله فيهم ما نسامحهمش

ايه ربي سترك برك ختي خديجة
وهي غالبا كاين حالات هي الي تزيدعلى المرضى العقليين وتخلي حالتهم تهيج
مثلا انا فالخدمة نخدمو معاهم بزاف...
الليلة لي فاتت برك رحنا لواحد كان فلوكورت باش نديقاجيوه من تماك وهوا هارب

الوغ حكمتو انا وصاحبي شبعنا طياح وبزاق... مي فتالي ديقاجيناه من بلاصة هاديك لبلاصة مفيهاش الريسك... الوغ ربي يشفس كل واحد من هذا الفئة