تجربتي في تربية القطط ؟

[Andy_Delort]

واحد يمات حكمني الهوس تاع القطوطة وين نصيب قط نجيبو نوكلو ايمات ومبعد منصيبوش نكتئب شوية نروشارشي عليه فلحومة شوية نوصي عليه شوية بصح ميبانش... ابا مرة شيباني راح رحلة عمل ايمات كي رجع لقاني مربي سبع قطوطة فدار هذا حمر هذا قهوي هذا زنجي المهم كل قط كيداير.... ستناني حتى جيت داخل مع الباب ويروشني بسبرينشة على الوجه بدون سبب... راك فاهم باباك يضربك بلا سبة بصح لازم سمعا وطاعة.... زادني دوزيام سبرينشة فلاڨوش... رغرغت عيناي بصح راك فاهم لازم تبقى سمعا وطاعة... طروزيام يجيني ببونيا للوجه وينطق ااه يا العيدااري علبالك بروحك دايرها ثماك نقطت انا واش داير مدرتش وهوا تدي الكف وتسكت علبالك بروحك ااه يا الحلوف....

المهم كي خرج قاتلي الوالدة مكان لاه تحوس على لقطوطة راه بعثهم لمطونهم الاصلي (الزنقة)..
شرح كلمات:
سبرينشه: كف حار
بونيا: دبزة
العيداري: مفهمتهاش بصح كلمة متوارثة عبر الاجيال صاديبو شا هيا.

العبرة: مكاش كيفاش نفهمك بلي الوالد لازم نحترموه ونقدروه بصح الكف مرات يكون بار طرونش ومرات فاصيليتي المهم يكون عندك روح التقبل ❤

العبرة اثنين: متربوش قطوطة يديرو الحساسية

 

[ذكريات]

بصحتك البونية و(سبرينشه: كف حار) لوكان ما شرحتهاش ما نفهمهاش حنا نڨولو السقلة ولا الصفعة، مي راك جزائري حر كي راك متقبل واقع الشاب الجزائري الي يحترم والديه ومهما عملو فيه يتحدث بروح الدعابة، انا تاني كنت نحب القطوطة كي كنت صغيرة وكان عندنا قط فالدار، ودرك مانيش حابة ولدي يربي قط فالدار، خاطر يديرلي فوضى ومع خاوتو ما نسلكش.
بصح حتى أنت فضحت سبع قطوطة بزاف

 

[Andy_Delort]

/

ههههه كنت نحس روحي مغومر كيما تاع ناتيونال جوڨرافيك علابيه هاذيك لابريود كان غير صبت سبع نربيه ايمات المراهقة اك شايفة
ههههه الوالدان سمعا وطاعة باينة هههه سورتها الوالد شغل دايرني كي صاحبو علابيه كلش يجيني ساهل

بصحتك البونية و(سبرينشه: كف حار) لوكان ما شرحتهاش ما نفهمهاش حنا نڨولو السقلة ولا الصفعة، مي راك جزائري حر كي راك متقبل واقع الشاب الجزائري الي يحترم والديه ومهما عملو فيه يتحدث بروح الدعابة، انا تاني كنت نحب القطوطة كي كنت صغيرة وكان عندنا قط فالدار، ودرك مانيش حابة ولدي يربي قط فالدار، خاطر يديرلي فوضى ومع خاوتو ما نسلكش.
بصح حتى أنت فضحت سبع قطوطة بزاف

 

[ذكريات]

/

ههههه كنت نحس روحي مغومر كيما تاع ناتيونال جوڨرافيك علابيه هاذيك لابريود كان غير صبت سبع نربيه ايمات المراهقة اك شايفة
ههههه الوالدان سمعا وطاعة باينة هههه سورتها الوالد شغل دايرني كي صاحبو علابيه كلش يجيني ساهل

بالفعل هي مرحلة وتمر، ربي يحفظك ويسترك ويفرح والديك بيك

 

[Andy_Delort]

بالفعل هي مرحلة وتمر، ربي يحفظك ويسترك ويفرح والديك بيك

/
اللهم اميين جوزيتي بالمثل اختنا في الله

 

[الامين محمد]

هههههه انا ننصحك تربي قرودة باش تدي دعاوي الخير
من عند الوالد و الوالدة و كامل شيوخة تاع الحومة ههههههه

 

[Andy_Delort]

هههههه انا ننصحك تربي قرودة باش تدي دعاوي الخير
من عند الوالد و الوالدة و كامل شيوخة تاع الحومة ههههههه

/

هههههه راك حاب ينفيني لزحل واقيل

 

[ام عبد الله]

ههههه ماعليش تكبر وتنساها
وليدي عبد الجميل قالك ياسيدي لازم يربي قط وليدي 5سنين قلت لباباه جابلي قط صغير مي تاع عرب أيا شهر شهرين تلاثة وبديت نتقلق منو بيناتنا مانحبهمش مي ربيت عليه الكبدة أيا خممت كيفاه نرميه بلا مايفيقلي وليدي قلت نروحو لدارنا ووصيت المسيو غير يولي لدار يطيشو هههه خطة جهنمية ونقولو هرب و كيما كان الحال بكا يومين ونساه المهم درنا يامات ورحنا نقضو ويا ربي القط عند باب مول الحانوت سبحان الله عقل وليدي ووليدي عقلو وبدات حصة البكاء والناس مجمعين وعلاش يامدام اديه ربيه ف وجه وليدك ولخرا تقولي تربحي حسنة وانا ليناغ طلعولي ماصاب وين يرميه هبطو الحومة ل ورانا وحطو المهم خلاصت ع وليدي بكف باه يبلع ويحبس عليا سمير قدام الغاشي وللان يقولي جيبيه
العبرة ماتخليش واحد خلاف ينفذ الفكرة ديالك