تجربتي مع الشوفة الشرعية

[Andy_Delort]

في واحد لابريود تزوجو زوج صحابي لعزاز عليا... بداو ينقولي في راسي على الزواج... شوف كش وحدة واخطب ودير خطوة... أسس حياتك... زوجة صالحة.... بيت صغير... تنسى ليسوندويش... حساء ساخن.... استقبال بإبتسامة... رسالة في الهاتف مع الصباح صباحك الالماس لاغلى الناس.... المهم عيشوني في عالم وحداخر... حتى نطق واحد صحبي... نعرف وحدة بنت فاميلا... شاطرة وتاا دار وكلش... سقسيتو تعرفها مليح... وي نعرفها وتعرفها المدام(الزوجة تاعو) .... ايا اوكي اعطيني لادراس... والمدام تاعو حكات معاها راو جايك فلان يخطب... مش مشكل... رحت مع صحابي تكسيت وكامل هدرت مع الواليد والواليدة... فرحو وليدهم لي كان صغير... حب يأسس عائلة ووو وكبر ولا ناضج... صااي الطفل يخمم لبعيد... يخلص تريستي... يشري القضيان تا الدار..... المهم رحت انا والفاميليا انا ويما وختي وخالتي والواليد... حتى جأءت لحظة لي موراهاش لحظة... قلك ادخل لصالو دك تجيك وتفاهمو... دخلت وجا خوها... انا ستراس داير حالة... كي دخلت قالتلنا سلام عليكم قتلها مساء النور... واش دير خو التوتر يديرها... المهم هدرنا فشروط ايه تفهمنا نوعا ما... حتى قاتلي واحد السؤال غريب؟ ... تربي قطوط فدار قتلها انعم ايه... واش ياكلو... نورمال وش ياكلو بقايا الاكل والڨرلو السائر في الباحة (وكاين لي يقولولو البخوش والا الخنفوس) مليح فيه البروتيين... حطت يدها على فمها شغل مصدومة وقاتلي زيد واش ياكلو... واش حبيتي مين داك كاش فأر عابر سبيل نورمال ينجاز كوجبة... ناضت تجري لالا لالا مش هاكا بطلت... قلي خوها مديرش عليها عندها قطة مدللتها توكلها الكومبار و مشتقاته... جيت خارج روحت لدار... خالتي واش قلت لطفلة قالولك مناش قابلين... واش خالتو سقساتني سؤال فالسيونتيفيك ريبونديلتها بلالوجيك.... ايه واش دير... ابقى عازب... خاطيك الريسبونسابيلتي(المسؤولية) ... نتا تاع اكل تا شوارع خامج وبنين...

قاتلو الكومبار قاتلو يخي هِر يخي

العبرة: من عندكم .

 

[razan roza]

هههه خافت تجيب قطتها معاها تولي تتغدى قرلو وتتعشى فار

 

[إلياس]

ههههه ربي معك

 

[السلطانة]

مزية راهي اختصرتلك هدفها فالحياة من البداية
كون تزوجت بيها مباعد تلقاها مهووسة بالقطط تهبل نورمال

 

[Andy_Delort]

هههه خافت تجيب قطتها معاها تولي تتغدى قرلو وتتعشى فار

هههههه اييه

 

[Andy_Delort]

مزية راهي اختصرتلك هدفها فالحياة من البداية
كون تزوجت بيها مباعد تلقاها مهووسة بالقطط تهبل نورمال

هههههههه دعوة خير

 

[Hakan]

انا طبيب بيطري كون قاتلي واش ياكلوا قطوطة نقلها اذا قلشتهم ياكلوا كاشير ههههه الله يغفرلك ضيعت عليا فرصة نتاع مربية قطط كون راني نخدم معاكم هههه

 

[زهور الشوق]

هههه نظن استنتجت بلي المكان لي تسكنو فيه معمر جرذان وصراصير خلعتها ههه
خيرها في غيرها الله يسرلك

 

[أبو عاتكة]

العبرة: من عندكم

العبرة انو قبل ما تخطب طفلة سقسي مليح على قطوطها

 

[Adem4dz]

"كون قلت لها عندي الكلاب ونوكلهم القطاط .. هههههه" (ياخي حالة ياخ تخمم في تربية القطاط بدلا من تربية الاولاد!!!)

 

[الامين محمد]

هههههههه
ياتل كنت تقولها حنا مربين التماسيح و الديناصورات و القطوطا ماهمش حاجة كبيرة هههههه
على الاقل كنت تفريمي عليها شوي ههههههه

 

[Andy_Delort]

انا طبيب بيطري كون قاتلي واش ياكلوا قطوطة نقلها اذا قلشتهم ياكلوا كاشير ههههه الله يغفرلك ضيعت عليا فرصة نتاع مربية قطط كون راني نخدم معاكم هههه

/
هههههه مزية كان الواحد كل شهر عندو تراتمو تاع دوصوميل للقط

 

[Andy_Delort]

هههه نظن استنتجت بلي المكان لي تسكنو فيه معمر جرذان وصراصير خلعتها ههه
خيرها في غيرها الله يسرلك

/
هههههه استنتاجك نتي هذا مش هي... ههههه

 

[Andy_Delort]

العبرة انو قبل ما تخطب طفلة سقسي مليح على قطوطها

/
هههههه هيهات دمروني صحابي... واش دير خو هههه صح فالاخلاق

 

[Andy_Delort]

"كون قلت لها عندي الكلاب ونوكلهم القطاط .. هههههه" (ياخي حالة ياخ تخمم في تربية القطاط بدلا من تربية الاولاد!!!)

هههههه تبدلت العقلية.... راك تشوف وعيش تزيد تشوف

 

[Andy_Delort]

هههههههه
ياتل كنت تقولها حنا مربين التماسيح و الديناصورات و القطوطا ماهمش حاجة كبيرة هههههه
على الاقل كنت تفريمي عليها شوي ههههههه

/
معلبالهاش بطاالع هههههه وقطط تاعها مفشش ..

 

[وۣۗهۣۗہۣۗم]

هههههههههههههههه نيفووو يتكرر ههه قلها حفاظااا على مشاعر القطة تاعك ابقاي معاها ههه

 

[Andy_Delort]

هههههههههههههههه نيفووو يتكرر ههه قلها حفاظااا على مشاعر القطة تاعك ابقاي معاها ههه

/
اهواك هو المعمول بيه ههههه

 

[*amani*]

كانت ممكن راح تقولك ديرلها دارها وحدها
سلامة راسك

 

[Andy_Delort]

كانت ممكن راح تقولك ديرلها دارها وحدها
سلامة راسك

/

سلامات خرجنا بأقل الاضرار