اعصري له الخل في عينيه

[خديجة ph]

السلام عليكم
وصايا ام لابنتها قبل دخولها القفص الذهبي
اشبحي روحك معاه
وريلو الشوم و حر الثوم
عزي روحك تتعزي
فهميه ما يداخلش في والديك تجي و تروحي وقت ما تحبي
ردي بالك عسيه
بينيله شكون انت
انت خير عليه
كاشما يديرلك هزي كابتك ارواحي عندي
ماكانش اللي خذات خوها ولا باباها الا اللي خذات عدوها
مرمديه خليه يتمنى يشوفك
وغيرها من وصايا الشؤم الكثيرة يزييييكم حبسو ما خربتوا ديار بناتكم قبل حتى ما يبنوهم
المحبة غير الشرعية ترتمي من كل مكان اذا عاملت زوجها هكذا فمن تعامله بالمودة و الرحمة و هو يبحث عن اخرى تعامله احسن في الحرام ربي يهدي هذا النوع من الامهات

 

[الامين محمد]

أواااه خوفتيني اختي خديجة
نسيبتي مانيش عارف واش زادة على هاذ الخطة الحربية
هههههههه
ــــــــــــــــــــــــــــــــــــــ
كاين هاذ النوع اختي و راه غالب
بلا ما تنساي اللي تدي بنتها للمشعوذين يعملوا حروز لرجالتهم
يرجعوهم صم بكم
ربي يستر

 

[إلياس]

ربي يقدر الخير هذا ليس زواج أصبحت الفتاة لعبة في يدي امها

 

[أبو عاتكة]

هي وزهرها فيمن طاحت كاين اللي تصلح فيه الضربة وكاين اللي يصلح فيها الضربة وترجعلها هب بقشها بنصائحها

وهاذي راح تتزوج ولا تحارب

 

[طموحة]

السلام عليكم و رحمة الله و بركاته
الله المستعان من هاد النصائح
ليست نصيحة لمقبلة على الزواج بل ( خطة أسرع طلاق في العالم)
ولا (كيف تكونين زوجة مبغوضة )
أنا امرأة و لا أطيق النساء النكديات فمابالك برجل يضعها في بيته !
​

 

[خديجة ph]

أواااه خوفتيني اختي خديجة
نسيبتي مانيش عارف واش زادة على هاذ الخطة الحربية
هههههههه
ــــــــــــــــــــــــــــــــــــــ
كاين هاذ النوع اختي و راه غالب
بلا ما تنساي اللي تدي بنتها للمشعوذين يعملوا حروز لرجالتهم
يرجعوهم صم بكم
ربي يستر

لا و الله خونا لمين راك طحت في بياض الكتبة كيما نقولو احنا ما عندك ما تزيد صلاح صبر ودود ولود تبارك الله و ما شاء الله
حكايات التشعويذ هذاك ملف آخر ربي ينجينا منه اجمعين
والله يا اخي واحد الظلم يوقع بسبب هذو النصائح و وحد الاذى لعريس جديد حياتو كلها تتهدم ربي يعافينا

 

[خديجة ph]

ربي يقدر الخير هذا ليس زواج أصبحت الفتاة لعبة في يدي امها

بالضبط اخي اختفى اي معنى للزواج
اذا هي جاية لكي تتحارب مع الزوج هي و امها كان من الاسهل ما تقبلش بيه ما دامها تكرهو لهذي الدرجة

 

[خديجة ph]

هي وزهرها فيمن طاحت كاين اللي تصلح فيه الضربة وكاين اللي يصلح فيها الضربة وترجعلها هب بقشها بنصائحها

وهاذي راح تتزوج ولا تحارب

اذا صلحت اخي
فرايحة تصلح غير فهذاك المسكين اللي يقرأ الاعذار و قلبه حنين يقول بالاك راها متوحشة مسكينة بالاك راها متوحمة اللي يصبر هو اللي الخل في عينيه يتعصر
لكن حتى لو ما تطلقتش وصار الزوج بين قوسين يخاف من غضبها و يعمل رايها محال مش راح يبحث عن امرأة اخرى يكون قلبها حنين عليه تدلله و تعمل بشوره
حرب يا خويا انعم

 

[خديجة ph]

السلام عليكم و رحمة الله و بركاته
الله المستعان من هاد النصائح
ليست نصيحة لمقبلة على الزواج بل ( خطة أسرع طلاق في العالم)
ولا (كيف تكونين زوجة مبغوضة )
أنا امرأة و لا أطيق النساء النكديات فمابالك برجل يضعها في بيته !
​

الخطة هنا تكمن في اسغلال محبة العريس الجديد لعروسه و شوقه لها في السيطرة عليه يصبح كل ما يريد الاقتراب منها و لترضى عليه لازمه يقدم تنازلات و تضحيات لينالها مهر في كل يوم و ليلة

 

[Adem4dz]

السلام عليكم
وصايا ام لابنتها قبل دخولها القفص الذهبي
اشبحي روحك معاه
وريلو الشوم و حر الثوم
عزي روحك تتعزي
فهميه ما يداخلش في والديك تجي و تروحي وقت ما تحبي
ردي بالك عسيه
بينيله شكون انت
انت خير عليه
كاشما يديرلك هزي كابتك ارواحي عندي
ماكانش اللي خذات خوها ولا باباها الا اللي خذات عدوها
مرمديه خليه يتمنى يشوفك
وغيرها من وصايا الشؤم الكثيرة يزييييكم حبسو ما خربتوا ديار بناتكم قبل حتى ما يبنوهم
المحبة غير الشرعية ترتمي من كل مكان اذا عاملت زوجها هكذا فمن تعامله بالمودة و الرحمة و هو يبحث عن اخرى تعامله احسن في الحرام ربي يهدي هذا النوع من الامهات

أمهات جهنـــــــــم

 

[أم عبد الله]

نسيتي وصية الراجل ك السلوم كل يوم طلعي درجة
ايي والله ولينا نخافو كل يوم طلاق وخلع والسبب جايح تقولي واشو هذا
كانت بكري الطفلة تصبر بويسك ك تجي خارجة يقولولها تخرجي من نغرسو شجرة حنظل ف بلاصتك وهي كتابة بلي ك كنتي عندنا كنتي عزيزة وحلوة ك العسل ك تولي تولي ك المنزل مرة
ودوك تقولها ل يهدر معاك قابحيه ماتكونيش مدينة دار باباك مفتوحة
جا جيل ل رانا فيه ضك

 

[وۣۗهۣۗہۣۗم]

هذا اكل من القيم تاعنا اللى تخلينا علينا
وش تسني من عايلة اساسها عوج ......
نسبة كبيرة من نسب الطلاق في الجزائر اسبابها العائلة تاع الطفلة بلا كذب العائلة تاعها هى سبابها راحتلنا الحرمة الحشمة راحت ذيك الفوبيا تاع الطلاق زعادت شئ عادى على بيها وصلنا هناا


الموضوع يسحق نقاش طويل

منورة خيتوو...

 

[Amine7N]

شهر زواج وتطلق وترجع بكابتها كما قالت لها يماها ، الله يهديهم
الزواج يتبنى ع الاحترام ويكمله الحب
واللي حاب تعصر الخل ، السلاطة تديرها في دار باباها خير .

 

[sana barhoumi]

مورثات قبلية أحيانا أناس مثقفين يفعلونها.

 

[aljentel]

بقى تضربه كف على الصبح
خوش عرس هههههه

 

[ام أمينة]

السلام عليكم
موضوع مميز و اصبح آفة اجتماعية للأسف
من المفروض ان الأم هي التي توصي ابنتها بالخير و الاعمال الصالحة لتسود السعادة و راحة البال في حياتها
و اصبحت توصيها بما ذكرتي حاشا بعض الامهات و نسوا ان الزواج مودة و رحمة اساسه التفاهم و الاحترام
مشكورة على الموضوع
واصلي...

 

[أم أُنٌَيسة]

السلام عليكم ورحمة الله وبركاته
صح كاينين ناس هكذا؟
الحمد لله الذي عافانا مما ابتلى به غيرنا وفضلنا على كثير ممن خلق تفضيلا
نسأل الله العافية والسلامة
لا حول ولا قوة الا بالله العلي العظيم