طلب مساعدة

[السلطانة]

السلام عليكم ورحمة الله وبركاته
افيدونا بقنوات
تطبيقات
صفحات افادتكم في تعليم أطفالكم اللغة الانجليزية

 

[secret de coeur]

وعليكم السلام شوشو
بون ماعنديش عناوين او قنوات محددة بصح نحكي بالعام
اساس تعليم اللغة للطفل هي استهداف الشي الذي يحفز او يجذب الطفل
بمعنى ولدك او بنتك في سن الطفولة ماراهوش متعلم بقدر ماهو مكتسب للغة
ماتروحيش تشوفي قنوات لتعليم اللغة
وانما خليهم يشوفو رسوم متحركة باللغة الإنجليزية فقط بدون ترجمة
اغاني اطفال باللغة الإنجليزية
خليهم يسمعو اللغة ويوالفوها
كاين فلوغات اطفال باللغة الإنجليزية شفت البعض في يوتيبو بصح مانيش عاقلة كيفاش اسمهم
مهم هما اطفال هكا يلعبو مع بعض ويستعملو العابهم ويحكيو في نفس الوقت
الطفل راه متلقي وقد ما سمع من لغة وكلمات راح يخزنهم
( عندي مثال حي على هاد الشئ ولد خالتي اتقن اللغة الأمانية بدون مايدرسها، منص غرو يتفرج رسوم متحركة المانية شوية بشوية مع الي كبر ولا يتفرج كل ماهو الماني في النت درك راه في المانيا ومتزوج المانية ، و حصل على درجة C1 متقدم في اختبار اللغة بدون شهادة جامعية ، لأنتو اكتسب اللغة وماتعلمهاش )
هيا شوشو زيري روحك وخلي وليداتك يتفرجو كل ماهو انجليزي
تصيبي ميل غيبسون قدامك
ربي يحفظهملك
كاش حاجة راني هنا
استاذة لغة انجليزية بطالة وفاضية شغل

 

[secret de coeur]

ملاحظة: الطفل اقل من 5 سنوات مراهوش متعلم وانما متلقي ومكتسب
اكتساب اللغة يكون تلقائي يسمع ويخزن ويتعرف على المعنى بمرور الوقت
نفس الشئ كيما الي راه يهدر الدارجة راه يسمع منك ومن المحيط واش يقولو
اليوم تقوليلو هاك الماء هو مايعرفش الماء واسم هو بصح غدا والي بعدو يعرف بلي الما هو الي راكي تمديهولو يشربو ومرة جاية كي يحب الماء يقولك الماء
الفعل ورد الفعل
نفس الشئ يحصل مع اي لغة ثانية لو الطفل اسمعها في سن مبكر راح تكون لغة مكتسبة وليست متعلمة

 

[ريحـان]

اهم حاجة الإستماع حتى يألف المخ اللغة ويتعرف عليها ، عندنا طفلة في العائلة تعلمت الانجليزية البسيطة اقصد مسميات الكلمات ليس تعلما كاملا و انما أيضا لدرجة ان جدتها لا تفهم ماتريده هذه الطفلة بسبب برامج و فيديوهات رغم. انها لازالت لم تدرس بعض تقول جدتها من الجيد اني اعرف بعض الكلمات التي حددها لي والديها كي أعرف ماتريد
حاليا وانا كذلك اتعلم لغة جديدة و ستكون الإنجليزية و الفرنسية من مخططاتي اذا نجحت في تعلم هذه اللغة ،، وجدت اني اتحسن بالمستوى عندما ركزت على الاستماع و لانني لست طفلة استعنت بالقراءة و الكتابة و التحدث

لذلك ضعي برنامجا لطفلتك ابدئي بجعلها تشاهد كرتون باللغة الانجليزية كذلك استعيني بالاناشيد لتعليمها الالوان و الارقام و الايام ستكتسب المفردات بالتدريج استعملت ههذه الطريقة مؤخرا حتى لا أمل من التعلم
اشتري لها قصص و اشياء مثلها بالإنجليزية حاولي ان تكون هذه اللغة موجودة دائما حولها و اهم شيء نوعي أساليب التعلم
يوجد تطبيق افادمي جدا لكنه ليس مجانا كما يمكنك تجربته إسمه mondly اذا سجلت هناك يمنحونك برنامجا خاصا للطفل

 

[سماء صافية]

تطبيق دولينجو

هايل

 

[آمِيْرَتُه]

السلام عليكم
كاين قناة شيراز معروفة كاين تطبيقات تعلم اللغة العربية حطيلها لفيديو أغاني مثلا للألوان للحروف بالإنجليزية راح تجيهم ساهلة
بالتوفيق

 

[خديجة ph]

اولادي كانو ما يعرفوا عالانجليزية واااالو
يا لالا حبو يلعبو هذي لعبة ماين كرافت اول شيء دخلو للفيديوهات تاع العرب باه يتعلمو كفاش يلعبوها و عرفو اسامي كلش فيها بالعربية هذي لعبة ماين كرافت كأنها محاكات للواقع تبني فيها منزل تصطادي حيوانات تخدمي ادوات المهم كلش في الحقيقة و الاساسيات موجودة هناك
بالشوي عرفو انه كاين يوتوبرز يتكلمو الانجليزية يلعبوها مع العلم ان اللعبة تستهدف الاطفال يعني لو واحد يغلط و يقول كلمة عيب تم تم يتشطب من اليوتوب المهم اولادي ماكانوش يحتاجو ترجمة لانهم يعرفو اسماء الاشياء هناك بالعربية اصلا و حافظينهم خلاص بالشوي ولاو يحبوا يتواصلوا مع اللاعبين بالكتابة اثناء اللعب في الاول كانت كل كتاباتهم خاطئة و جملهم ضعيفة و ركيكة لكن ولا واحد كان يضحك عليهم لان المهم هناك انك توصل المعلومة الاخطاء شيء ثانوي هذا ساعدهم يزيدوا من ثقتهم وبالشوي تعلموها حبا فيها و بالشوي صاروا يفهموا النكت و بالشوي صاروا ينكتوا عليا انا و ابوهم و الآن معضم كلامهم بيها هههههه و جملهم صحيحة و يقدروا حتى يعبروا بيها و الحمد لله
انت تاني ابحثي على لعبتها المفضلة

 

[وۣۗهۣۗہۣۗم]

ماكانش كيما الرسوم المتحركة تاع الانجليزية ولا هادووك الزوج اخوة اللى يتحدثوو بالانجليزية ويديروو مغامرات راح يتعلموو معاهم بزااف