سلفي صغير ما نحجبش منه

[خديجة ph]

السلام عليكم اخواني و اخواتي


اليوم تعمر قلبي من اخت زوجي التي تعتقد ان حجابي امام سلفي البالغ من العمر 21 سنة امر مبالغ فيه بما ان عمري 39 سنة مع العلم انه في صغره اي سلفي هذا كنت احممه عادي فقد كان يدرس بالسنة الاولى ابتدائي لكن عندما كبر اتى ليسلم علي كالعادة ضحكت و قلت له الله يبارك خويا عاد راجل منا و هاك غير نسلمو بالكلام ضحك هو ايضا و انتهى الموضوع لكن اخته تعتقد انه امر محرج و يدل على تفلسف زائد مني لاني اعتقد ان سلفي الصغير هذا سينظر الي و استهزأت بي قائلة انه لا ينظر الى العجائز اللواتي في سني و يجب علي تحسين نيتي و ازالة هذا التفكير المتسخ من عقلي
هي في ال28 من عمرها تزوجت حديثا و تسكن مع عائلة زوجها و زوجها له اخ يبلغ من العمر 20 سنة بطول و عرض الباب ما شاء الله تقول عنه انه صغير و لا تتحجب منه
الصراحة خلات دمي فاير لانها وصفت تفكيري بالمتسخ
واش رايكم حيرتني كفاش نرد عليها مع العلم ان زوجها نفسه كان يشتكي من زوجة اخيه التي لا ترتدي الحجاب امامه و ان هذا الوضع كان سبب طلب امه من اخيه ان يأخذ زوجته و ينتقلا الى بيت منفرد
والله ما فهمت الانسانة هذي نعرف اللي يغلط مع ربي يقول انا مخطئ و ان شاء الله ربي يغفرلي و يتوب عليا بصح اللي يقول كلامي صح و الدين غالط يعجزوك العباد هذو
اليكم الخط

 

[secret de coeur]

وعليكم السلام اختي
سلفك سلفك صغير كبير يبقى مش محرم. وانتهى الكلام
لالا تفكيرك مش متسخ ماعاد الله متقوليش هكا ، هي شوية مزال مافهمت ، راهي روطار.
يمكن قلة نضج ومعرفة
اما فكرة السكن العائلي والله بروبلام. العروسة ولوايسها، انا خويا ونديرونجا منو. في بعض الاحيان ...

 

[الامين محمد]

صباح الخير اختي خديجة
بل بالعكس تفكيرك نقي و هو الاضمن و الاحوط
و هو الشرع فالحمو يحوم كما تحوم الموت كما جاء في الحديث
الانفس البشرية تفتن و هي مزاجية في الكثير من الاحيان
و احيانا يغيب العقل و يحضر ابليس
ما فعلته هو العفاف و النقاء و الطهر بعينه اي عكس ما قالت

اما قولها هي فالمدقق و الخبير يفهم انها لها حالتان
الحالة الاولى فيها نوع من الغيرة و الحسد الله المستعاان
الحالة الثانية انها تريد ان تجعل الامر طبيعي لأنها تمارسه و هي تعرف
انه خطأ تريد ان يعم الخطأ ليصبح تصرفها ضمن الخطا العام و يصبح مشروعا و مباحا و عرفا

اوافقك على تصرفك اختي خديجة

 

[Hakan]

هذا هو التصرف الصحيح ،مرت خوك حرام عليك تشوفها ،والنساء هذو يدوخوك يا بن عمي ،علابابك كاين نساء للأسف الشديد غير في اعراس ولا مناسبات تشارشي عليك بااسيف غير باش تسلم عليك ، والطفل نتاع الوقت الحالي راهو يعرف كلش فمابالك بواحد 21 سنة ، هذا راهو صاي لحق البلوغ التام في عقلوا ،
الله يعافينا وربي يسهلك هذا جهاد راكي تجاهدي فيه والله يوفقك .

 

[خديجة ph]

وعليكم السلام اختي
سلفك سلفك صغير كبير يبقى مش محرم. وانتهى الكلام
لالا تفكيرك مش متسخ ماعاد الله متقوليش هكا ، هي شوية مزال مافهمت ، راهي روطار.
يمكن قلة نضج ومعرفة
اما فكرة السكن العائلي والله بروبلام. العروسة ولوايسها، انا خويا ونديرونجا منو. في بعض الاحيان ...

والله يا اختي حبستلي مخي مش غير معايا ابنتي ايضا لبست الحجاب عادي بعمر ال11 فهمتها انها لازم تحجب من زوج عمتها والله ماكانش يوم اجتمعنا ولا بعثت فيه بنتي عندهم الا تخطفلها الخمار و تقنعها تبقى مع زوجها بدون حجاب هبلتها و هبلتني ما لقيتلها جواب ربي يهدي ما خلق
و فوق هذا كي تقوليلها ربي اللي قال هاك تقولك لا لا ما قالش هاك هي صغيرة ما تحجبش على روحها
ربي يهديها و يهدينا

 

[خديجة ph]

صباح الخير اختي خديجة
بل بالعكس تفكيرك نقي و هو الاضمن و الاحوط
و هو الشرع فالحمو يحوم كما تحوم الموت كما جاء في الحديث
الانفس البشرية تفتن و هي مزاجية في الكثير من الاحيان
و احيانا يغيب العقل و يحضر ابليس
ما فعلته هو العفاف و النقاء و الطهر بعينه اي عكس ما قالت

اما قولها هي فالمدقق و الخبير يفهم انها لها حالتان
الحالة الاولى فيها نوع من الغيرة و الحسد الله المستعاان
الحالة الثانية انها تريد ان تجعل الامر طبيعي لأنها تمارسه و هي تعرف
انه خطأ تريد ان يعم الخطأ ليصبح تصرفها ضمن الخطا العام و يصبح مشروعا و مباحا و عرفا

اوافقك على تصرفك اختي خديجة

هذيك هي خويا الامين
تحوس على الذنب يعم باه يخف المه عليه كيما يقولو اذا عمت خفت ربي يهدي ما خلق كما اظن اخي ماكان حتى عجوزة تفرح اذا رأت زوجة احد ابنائها سافرة امام اخيه

 

[خديجة ph]

هذا هو التصرف الصحيح ،مرت خوك حرام عليك تشوفها ،والنساء هذو يدوخوك يا بن عمي ،علابابك كاين نساء للأسف الشديد غير في اعراس ولا مناسبات تشارشي عليك بااسيف غير باش تسلم عليك ، والطفل نتاع الوقت الحالي راهو يعرف كلش فمابالك بواحد 21 سنة ، هذا راهو صاي لحق البلوغ التام في عقلوا ،
الله يعافينا وربي يسهلك هذا جهاد راكي تجاهدي فيه والله يوفقك .

ربي يهدي ما خلق
ما نعرفش كفاش يخمم شاب مثلكم لكن بالنسبة ليا اذا حجبت منك معناها عطيتك قدر ليك و للشلاغم اللي في وجهك و اني نشوفك راجل كامل الرجولة مش ذراري او هذوك ربي يعافينا
كما اني نظن اني اذا ما تحجبتش من رجل ما فذلك سيزيده نفورا مني و راح يفهم اني احاول اغريه او شيء من هذا القبيل و سيتقزز مني و هنا اللي يستمى تفكيري متسخ ولا لا

 

[أفنانوه]

تفكيرك صواب لكن تأخرتي جدا على فعل هذا
فالولد اذا ما ظهرت عليه علامات البلوغ يحجب منه
والاغلب يكون في سن 15و ما فوق يعني تظهر عليهم اللحية والشوارب
ف ب بلوغه ال واحد والعرين تاخرت كثيرا غاليتي
اسأل الله الثبات لنا ولكم ولجميع المسلمين

 

[خديجة ph]

تفكيرك صواب لكن تأخرتي جدا على فعل هذا
فالولد اذا ما ظهرت عليه علامات البلوغ يحجب منه
والاغلب يكون في سن 15و ما فوق يعني تظهر عليهم اللحية والشوارب
ف ب بلوغه ال واحد والعرين تاخرت كثيرا غاليتي
اسأل الله الثبات لنا ولكم ولجميع المسلمين

يا اختي الكريمة انا لم انتظر حتى 21 بل عندما كان بعمر 17 قبل حتى زواج اخت زوجي
و لازالت سلفتي ليمنا هذا و هو بعمر 21 تقنعني باني على خطأ و انه مازال صغير راني قتلك هبلتني
و كي نهدر معاها و الله تعود تعيط مازال صغير رايحا تعقديه يعود يكره منك و هو والله ماراهو سامع

 

[أفنانوه]

يا اختي الكريمة انا لم انتظر حتى 21 بل عندما كان بعمر 17 قبل حتى زواج اخت زوجي
و لازالت سلفتي ليمنا هذا و هو بعمر 21 تقنعني باني على خطأ و انه مازال صغير راني قتلك هبلتني
و كي نهدر معاها و الله تعود تعيط مازال صغير رايحا تعقديه يعود يكره منك و هو والله ماراهو سامع

هههه حسيت الجو بينكم راه مسرحية
الله يعينك اختي ووكلي امرك لله

 

[Adem4dz]

السلام عليكم اخواني و اخواتي
اليوم تعمر قلبي من اخت زوجي التي تعتقد ان حجابي امام سلفي البالغ من العمر 21 سنة امر مبالغ فيه بما ان عمري 39 سنة مع العلم انه في صغره اي سلفي هذا كنت احممه عادي فقد كان يدرس بالسنة الاولى ابتدائي لكن عندما كبر اتى ليسلم علي كالعادة ضحكت و قلت له الله يبارك خويا عاد راجل منا و هاك غير نسلمو بالكلام ضحك هو ايضا و انتهى الموضوع لكن اخته تعتقد انه امر محرج و يدل على تفلسف زائد مني لاني اعتقد ان سلفي الصغير هذا سينظر الي و استهزأت بي قائلة انه لا ينظر الى العجائز اللواتي في سني و يجب علي تحسين نيتي و ازالة هذا التفكير المتسخ من عقلي
هي في ال28 من عمرها تزوجت حديثا و تسكن مع عائلة زوجها و زوجها له اخ يبلغ من العمر 20 سنة بطول و عرض الباب ما شاء الله تقول عنه انه صغير و لا تتحجب منه
الصراحة خلات دمي فاير لانها وصفت تفكيري بالمتسخ
واش رايكم حيرتني كفاش نرد عليها مع العلم ان زوجها نفسه كان يشتكي من زوجة اخيه التي لا ترتدي الحجاب امامه و ان هذا الوضع كان سبب طلب امه من اخيه ان يأخذ زوجته و ينتقلا الى بيت منفرد
والله ما فهمت الانسانة هذي نعرف اللي يغلط مع ربي يقول انا مخطئ و ان شاء الله ربي يغفرلي و يتوب عليا بصح اللي يقول كلامي صح و الدين غالط يعجزوك العباد هذو
اليكم الخط

بدون تعليق هههههههههه ياخي حالة ياخ

 

[Hakan]

ربي يهدي ما خلق
ما نعرفش كفاش يخمم شاب مثلكم لكن بالنسبة ليا اذا حجبت منك معناها عطيتك قدر ليك و للشلاغم اللي في وجهك و اني نشوفك راجل كامل الرجولة مش ذراري او هذوك ربي يعافينا
كما اني نظن اني اذا ما تحجبتش من رجل ما فذلك سيزيده نفورا مني و راح يفهم اني احاول اغريه او شيء من هذا القبيل و سيتقزز مني و هنا اللي يستمى تفكيري متسخ ولا لا

نحكيلك هذي وما نزيدكش :
كي كنت نقرى ثانوي ،كان عمي يسافر بالشهر ما يرجعش ،وكان ولادو صغار أقل من خمس سنوات ، كنت نروح نبات عندو باش نعس الدار بحكم غير انا لي قريب ليه ،و ماكنتش علابالي بالحكم نتاعها ، ملغري والله من الصالون ما نزيدش ،لحق الوقت لي عرفت فيه الحكم الشرعي حبست جاني عمي للدار و قلي علاه ماراكش حاب قتلوا صاي راني كبرت وحرام نبات عندك في غيابك ،والله ثلاثا غير قريب يبكي وانا راني حاطك وليدي و كيفاه تخمم هاذ التخمام ،ارواحي لوالديا كي الام كي الاب لي يعرش لي زعفان بحكم حنا لافامي والعرش نتاعنا مازالهم نية عادي يدخل السلف على مرت خوه وبنية صافية ، المهم ما نحكيلكش على مرتو راهي ليومنا هذا حاكمتهالي مي هوما ما يفهموش انو الشاب كي يبلغ خلاص راهو يولي يخمم في امور نستحي نذكرها ،مي الحمد لله مع الوقت انتشرت الظاهرة و شباب نتاعي لافامي و لله الحمد من الموقف نتاعي كل واحد يحترم دخول و الخروج من بيت العم والخال ، ملغري مازال مشكل الاعياد هذا راكي عارفة مرت خالك ولا عمك كبيرة عليك نسلم عليهم فقط يوم العيد باقي الايام ما نروحو ليهم ما نتغبنوا ،والله شي صعيب وربي يقدرنا .

 

[خديجة ph]

ربي يهدينا و يهديهم
والله يا اخي كي تجي من انسان كبير كي الوالدين تفهمهم و اذا ما فهمتهمش تستحي تقولهم راكم غالطين
بصح من وحدة تاع هذا الجيل فاهمة واعية و فوق هذا اصغر مني و ما عندها حتى سلطة عليا حرت يا تديرو كلكم مثلي يا تسماو معقدينو تفكيركم موسخ ربي يهدينا بارك الله فيكم جميع على المشاركة

 

[dahman kz]

رايك هو الصواب اختي وهذا خلق راقي يفهمه ويعرفه غير المتخلق و المحترم
و لمرا للي تستر وتحجب روحها هاذيك هي لمرا للي تستاهل الاحترام
ومن رايي الانسان الجاهل و للي يدافع على فساد ومعصية ماكالاه تناقشية

 

[fadila_alger]

السلام عليكم اخواني و اخواتي
اليوم تعمر قلبي من اخت زوجي التي تعتقد ان حجابي امام سلفي البالغ من العمر 21 سنة امر مبالغ فيه بما ان عمري 39 سنة مع العلم انه في صغره اي سلفي هذا كنت احممه عادي فقد كان يدرس بالسنة الاولى ابتدائي لكن عندما كبر اتى ليسلم علي كالعادة ضحكت و قلت له الله يبارك خويا عاد راجل منا و هاك غير نسلمو بالكلام ضحك هو ايضا و انتهى الموضوع لكن اخته تعتقد انه امر محرج و يدل على تفلسف زائد مني لاني اعتقد ان سلفي الصغير هذا سينظر الي و استهزأت بي قائلة انه لا ينظر الى العجائز اللواتي في سني و يجب علي تحسين نيتي و ازالة هذا التفكير المتسخ من عقلي
هي في ال28 من عمرها تزوجت حديثا و تسكن مع عائلة زوجها و زوجها له اخ يبلغ من العمر 20 سنة بطول و عرض الباب ما شاء الله تقول عنه انه صغير و لا تتحجب منه
الصراحة خلات دمي فاير لانها وصفت تفكيري بالمتسخ
واش رايكم حيرتني كفاش نرد عليها مع العلم ان زوجها نفسه كان يشتكي من زوجة اخيه التي لا ترتدي الحجاب امامه و ان هذا الوضع كان سبب طلب امه من اخيه ان يأخذ زوجته و ينتقلا الى بيت منفرد
والله ما فهمت الانسانة هذي نعرف اللي يغلط مع ربي يقول انا مخطئ و ان شاء الله ربي يغفرلي و يتوب عليا بصح اللي يقول كلامي صح و الدين غالط يعجزوك العباد هذو
اليكم الخط

واضحة وضوح الشمس هادي حقك اختي
بصح رغم ذالك ننصحك تجيها بلعقل برك حتى تقتنع. لانو العادات في مجتمعنا اليوم هما ألي راهم يحكمو في كثير من الامور

 

[وۣۗهۣۗہۣۗم]

اهلا خيتووو منورة ....
هذا مش جنون هاذي قمة الاخلاق والتربية والتشبع الديني حاجة برك اقتليهم بالبارد دامك عارفة انك فالطريق الصواب ارفدي راسك وامشي والله حالة عاد ولات الحرمة والتدين تعقاد ومنعرف واش ربي يهديهم وخلاص اجرك على الله حبيبتي

 

[أبو عاتكة]

دائما توقع مثل هذه الصدامات اذا تعلق الامر بالعلاقات العائلية الموسعة وحكم الشرع في كل علاقة لأنو العلاقات هذه في الاساس الاجتماعي بالخصوص الجزائر مبنية على النوايا الحسنة ظاهريا فالناس تميل الى الحكم على هذه العلاقات بالنوايا الفردية و الاحتكام الى قوة الروابط (حسب تجربتهم) التي تجمع الكل في مكان وكلما صادف هذا الاجتماع تطبيقا للحدود الشرعية اصطدمت الاحكام الفردية بالاحكام الشرعية ويميل الناس حسب هوى النفس الى اختيار الحكم الفردي بدل الخضوع وقبول الحكم الرباني لأنهم يربطون أمر هذه العلاقات باخلاقياتهم وحسن نواياهم وقوة علاقتهم فاذا قمنا بتنفيذ حكم ما يأولونه الى اتهام وطعن واحراج وشك في النية و تأويلات أخرى مثلما أولت السيدة طلبك على أنه طعن في نية الشاب نحوك.

على العموم هذا يحصل لانو من كثرة تجاوزنا للحدود واهمالها للاحكام والتخاذل في تطبيقها اصبح لكل فرد دينه الخاص به معمول على مقاسه يقاوم للاسف الدين الحقيقي بغية الانتصار لنفسه وربما لاهدافه ومصالحه.
واصبح الاحتكام للشرع تجريحا واحراجا وتطبيقه رجعية وتخلفا والتمسك بالدين والالتزام به تشددا وتضييقا وتكبرا والدين عاد غريبا بعد ان بدأ غريبا في مجتمع يخضع للفردية والتحيز لهوى النفس.

تبقى نقطة مهمة ربما اريد الاشارة اليها هي انو من الافضل في رأيي لما نريد من الاخرين تنفيذ احكام شرعية ان نطلبها بعيدا عن العوام خاصة خاصة من نرى انهم يتجاوزون الحدود الشرعية بتساهل وعدم مبالاة تفاديا لتدخلهم وخوضهم في جدال عقيم لا شأن لهم فيه ولاعلم.

مارايك الاخت خديجة ماذا لو كنتِ طلبتِ منه ذلك بعيدا عن اخته وعن مسمعها و كان تقبله بصدر رحب لانه يحترمك ويحترم الشرع قبل كل شيء أكان الوضع يكون افضل من ان تدخل فيه هذه السيدة وتحوله الى موضوع جدال وتخلاط هدرة وربما انتقام؟

 

[خديجة ph]

دائما توقع مثل هذه الصدامات اذا تعلق الامر بالعلاقات العائلية الموسعة وحكم الشرع في كل علاقة لأنو العلاقات هذه في الاساس الاجتماعي بالخصوص الجزائر مبنية على النوايا الحسنة ظاهريا فالناس تميل الى الحكم على هذه العلاقات بالنوايا الفردية و الاحتكام الى قوة الروابط (حسب تجربتهم) التي تجمع الكل في مكان وكلما صادف هذا الاجتماع تطبيقا للحدود الشرعية اصطدمت الاحكام الفردية بالاحكام الشرعية ويميل الناس حسب هوى النفس الى اختيار الحكم الفردي بدل الخضوع وقبول الحكم الرباني لأنهم يربطون أمر هذه العلاقات باخلاقياتهم وحسن نواياهم وقوة علاقتهم فاذا قمنا بتنفيذ حكم ما يأولونه الى اتهام وطعن واحراج وشك في النية و تأويلات أخرى مثلما أولت السيدة طلبك على أنه طعن في نية الشاب نحوك.

على العموم هذا يحصل لانو من كثرة تجاوزنا للحدود واهمالها للاحكام والتخاذل في تطبيقها اصبح لكل فرد دينه الخاص به معمول على مقاسه يقاوم للاسف الدين الحقيقي بغية الانتصار لنفسه وربما لاهدافه ومصالحه.
واصبح الاحتكام للشرع تجريحا واحراجا وتطبيقه رجعية وتخلفا والتمسك بالدين والالتزام به تشددا وتضييقا وتكبرا والدين عاد غريبا بعد ان بدأ غريبا في مجتمع يخضع للفردية والتحيز لهوى النفس.

تبقى نقطة مهمة ربما اريد الاشارة اليها هي انو من الافضل في رأيي لما نريد من الاخرين تنفيذ احكام شرعية ان نطلبها بعيدا عن العوام خاصة خاصة من نرى انهم يتجاوزون الحدود الشرعية بتساهل وعدم مبالاة تفاديا لتدخلهم وخوضهم في جدال عقيم لا شأن لهم فيه ولاعلم.

مارايك الاخت خديجة ماذا لو كنتِ طلبتِ منه ذلك بعيدا عن اخته وعن مسمعها و كان تقبله بصدر رحب لانه يحترمك ويحترم الشرع قبل كل شيء أكان الوضع يكون افضل من ان تدخل فيه هذه السيدة وتحوله الى موضوع جدال وتخلاط هدرة وربما انتقام؟

بارك الله فيك اخي فريد على التحليل المنطقي و الدقيق لما يجري في مجتمعنا ككل بما فيه هذه الحادثة
انه الاحتكام للاهواء الشخصية و كما قلت لكل دينه الخاص
بالنسبة لما حدث مع سلفي الصغير هو متقبله بصدر فوق الرحب بل بلا مبالاة قلتله اخي الله يبارك صار رجل و من الآن فصاعدا نسلمو على بعضنا غير بالكلام ضحكنا و خلص الموضوع و هي لم تكن هناك حتى يعني ما الفرق ان رآني بخمار او بدونه باقي لباسي هو نفسه يعني قطعة قماش اضعها على رأسي لن تغير ما بيني و بينه من اخوة لكن سلفتي هي من بقت تطلع في الافلام كيما نقولو افلام دراما هندية ولم اهتم لها لكن الامر جرى منذ ثلاث سنوات مازالت تلوك الموضوع و كلما اجتمعنا تعيد جلب الموضوع و تعدى الامر الى ابنتي التي منذ تحجبت منذ سنتين و هي و في كل مناسبة عائلية تحاول اقناعها ان تنزع خمارها بحضور زوجها اي زوج سلفتي هذه احرجتنا الصراحة و ساعات يكونو معانا في القعدة ناس من العائلة الكبيرة تحرجنا امامهم امام اهل زوجها كذلك و الله غلبتني في مخي و سكنتلي في راحة البال
هي لا تتحجب من سلفها بالصحة عليها فلتتركني في حالي انا و ابنتي

 

[أبو عاتكة]

اعادة الكرة في كل لقاء دليل على أنها بحاجة الى"تبهديلة صحيحة " لتقتنع ان ما تفعله في الحقيقة هو احراج لنفسها وليس لكم في الواقع وان تجاوزها حدود الاحترام والكلام دليل على عقدة وعجز وغيرة وغرور
ويفعل الجاهل السفيه بنفسه ما لا يفعله العدو بعدوه فعوض ان تعظم وتطبق او على الاقل تحترم اختيار والتزام الناس بشرع الله الذي يردع ويحمي الناس من شرور انفسهم ومطبات الشيطان فهي تريد ان تفتح الباب بمصرعيه على نفسها وعلى زوجها وعلى حياتها وحياة الاخرين بدعوى التفتح والتفسخ ومافيها والو و راجلي عاقل وحشام و هاذي صغيرة وهذا صغير ووو

يظن البعض ان الوقوع الصريح في الفاحشة فعل مستبعد وغير معقول قد يكون الامر صحيحا احيانا لكنهم يغفلون عن جوانب ثانوية من الاعراض النفسية والافكار المتراكمة والاستنتاجات المتزاحمة التي تقع في عقول وقلوب ونفوس الناس صغارا وكبارا اذا كان وضع العلاقات المجتمعية والاسرية وضع لاتسوده الحشمة والعفة والالتزام بتعاليم الدين الرادعة للكبائر والصغائر.

فرق شاسع بين ان تفقه التعاليم وان تعلمها مجرد علم سطحي وهذا ما يحصل للكثيرين لهذا ينتقدون دون تفقه يحسبون انفسهم قد أحاطوا بعلمهم البسيط كل جوانب القضية وجوهرها فيسيؤون لانفسهم ولمن يجاريهم فالناس تخوض في الدين تحسبه مرسوم وزاري او اعلان اداري بينما هو علم رباني لا يفقهه الا من أخذ بكل جوانبه العلمية وعرف غاياته النبيلة.

على العموم مثل هذا الصنف لا يحتاج جدالا لتقنعه او تدحض فهمه بل يحتاج الى تبهديلة من نتاوعنا على شاكلة واش اللي حامقك على بنتي وعليا وهلم ما جر

 

[السلطانة]

عندك ألف حق الشرع مفيهش لعب
مالا كون نحكيلك انا سلفي كبير ويدعي التدين
وقاسم علينا مرات يخرج فيا
دون سابق انذار .خاصة أيام الحر وايام كنت مريضة وحامل
لما نكون في الحمام أعزكم الله
يستناني نخرج باه يدخل!! (عندو ايطاجو وفيه حمامو ....)تسمى حجابي لصق على جلدي
كي جيت نهدر قالك دار والديه يجي وقت ميحب
ربي ينور طريقنا