تم الإجابة جاوبوني

[secret de coeur]

السلام عليكم
شريت unité جديدة
وبيان سير درت ليميزاجور تاع ويندوزز فيها بصح من لول جاني فيها بروبلام
عييت نحوس نريقلو وحدي ومعرفتش
كي نفتحو تبدا تجيني auto command
وتطلعلي ابليكاسيون تاع الة الحاسبة وحدها
الكلافيي منهدروش يبدا يكتب وحدو مرات
ايا شوفولي هادي ضاربها جن ولا
لكان قديمة ولا المشكل صرالي غير كام نقول بلاك راهم مهكريني
بصح هادي من لول جات هكا
متقولوليش بدليها راني عارفة مزال فالضمان بصح نحوس نصيب حل مانردهاش ... هبلتهم

 

[أبو عاتكة]

تأكدي من انو كل الوصلات مثبتة مليح في مكانها داخل الانيتي
متشعليش الانيتي حتى تكون ثابتة متحركيهاش و منبعد تشعليها مباشرة الديسكدير ينضر والديماراج نتاع النظام يفشل


الكلافي اذا كان يكتب وحدو وضاربو جن معناه الخلل في الكلافي خاصة اذا كان نوع USB سامطين وراح يفتح الصفحات وحدو والبرامج وواش كاين في النظام
تسلفي كلافي وحد اخرى وجربيها وشوفي الفرق

مادامو جهاز جديد فنظن المشكلة في التوصيلات فقط كاش كابل ملاشي

 

[secret de coeur]

شكرا دك نحاول نطفيها ونديبرونشي كلش ونعاود نبرونشي
ايه كلافي usb تظل تحل في حوايج
نشري وحدخرى؟

 

[أبو عاتكة]

شكرا دك نحاول نطفيها ونديبرونشي كلش ونعاود نبرونشي
ايه كلافي usb تظل تحل في حوايج
نشري وحدخرى؟

حاولي تجربي اخرى قبل ماتشري

 

[secret de coeur]

جربت ديبرونشيت كلش عادي راكب
مكانش حاجة مش نورمال فلي فيش
ونفس المشكل الة حاسبة كل دقيقة تطلع
مام ندير fin des taches ou fermer l'arborescence
تعاود ترجع
بلاك لكلافي هو المشكل ؟

 

[أبو عاتكة]

جربت ديبرونشيت كلش عادي راكب
مكانش حاجة مش نورمال فلي فيش
ونفس المشكل الة حاسبة كل دقيقة تطلع
مام ندير fin des taches ou fermer l'arborescence
تعاود ترجع
بلاك لكلافي هو المشكل ؟

99% لكلافي مسوطية
الكلافي هو المتحكم الوحيد في فتح اي برنامج
كيما قلتلك جربي كلافي اخرى اكيد منها

 

[secret de coeur]

99% لكلافي مسوطية
الكلافي هو المتحكم الوحيد في فتح اي برنامج
كيما قلتلك جربي كلافي اخرى اكيد منها

شريتها ل بمتين الف
ممكن ماركة تروكومنديهالي
معلاباليش من وين نسلف

 

[أبو عاتكة]

شريتها ل بمتين الف
ممكن ماركة تروكومنديهالي
معلاباليش من وين نسلف

صحا اذا حاولي تنزعي الكلافي وشغلي الجهاز بدون كلافي وشوفي
ايضا حاولي تغيير منفذ USB يعني برونشيه في مكان usb اخر في الاينيتي

عادي في المحل يعطيك نوع مناسب وفقط

 

[إلياس]

خذيه لمهندس كمبيوتر يصلح ليك الخلل

 

[secret de coeur]

صحا اذا حاولي تنزعي الكلافي وشغلي الجهاز بدون كلافي وشوفي
ايضا حاولي تغيير منفذ USB يعني برونشيه في مكان usb اخر في الاينيتي

عادي في المحل يعطيك نوع مناسب وفقط

جربتها بلا بيه والدنيا تمشي لاباس
مي نظن المشكل مش فالكلافي يبالي في مداخل usb
شكيت هكدا
مهم مهندس الكمبيوتر الي قال عليه خويا الياس قالي مدام كلافي جديد عطيه ضربات تشوفي بلاك يسرح
مهم ضربتو ضربات متان ويبالي مرات راه يسرح ومنعرف
ايه اخي ابو فريد حاولت بدلت المدجخل تاني والمشكل نقص شوية على الي كان
كنت مستحيل نقدر نكتب عادي كل حرف باتنين دك راني نطابي عادي
بصح يعاود يجيه الحال ....

 

[secret de coeur]

خذيه لمهندس كمبيوتر يصلح ليك الخلل

كرهتو كرهني

 

[أبو عاتكة]

جربتها بلا بيه والدنيا تمشي لاباس
مي نظن المشكل مش فالكلافي يبالي في مداخل usb
شكيت هكدا
مهم مهندس الكمبيوتر الي قال عليه خويا الياس قالي مدام كلافي جديد عطيه ضربات تشوفي بلاك يسرح
مهم ضربتو ضربات متان ويبالي مرات راه يسرح ومنعرف
ايه اخي ابو فريد حاولت بدلت المدجخل تاني والمشكل نقص شوية على الي كان
كنت مستحيل نقدر نكتب عادي كل حرف باتنين دك راني نطابي عادي
بصح يعاود يجيه الحال ....

المهم
اذا عولتي على كلافي جديدة اشتري Sans fil تتهناي من الكابلات

 

[secret de coeur]

تأكدي من انو كل الوصلات مثبتة مليح في مكانها داخل الانيتي
متشعليش الانيتي حتى تكون ثابتة متحركيهاش و منبعد تشعليها مباشرة الديسكدير ينضر والديماراج نتاع النظام يفشل


الكلافي اذا كان يكتب وحدو وضاربو جن معناه الخلل في الكلافي خاصة اذا كان نوع USB سامطين وراح يفتح الصفحات وحدو والبرامج وواش كاين في النظام
تسلفي كلافي وحد اخرى وجربيها وشوفي الفرق

مادامو جهاز جديد فنظن المشكلة في التوصيلات فقط كاش كابل ملاشي

وتم التوصل انو الخلل فالكلافي
لالا ماشرتيش واحد بلوتوث شريتو عادي بصح ستيل قديم ع الي كان عندي
حيولي لقدييم لقديم الي جاي ثقيل فالكتبة
شكرا جزييييلا ابو فريد ربي يحفظك
قريب هبلت معاه

 

[الروسي]

هذي الشرية العوجة رجعيه منين شريتيه
ويمكن من لكابل تاع لكلافي ولا كاش قفلة مكوانسيا تاستي تكتبي بيها وشوفي الضوء لي فوق الأرقام