واش من عالم راكم فيه!

[السلطانة]

السلام عليكم ورحمة الله وبركاته
واش راكم ياشعب اللمة؟
واش حوالكم

تشفاو للقطوط الكيوت تاع زمان راني جبتهم وجيت ولاتحسبو كي عادو عندي لولاد بطلت نكتب
في اللمة أواه الواحد لازم يخلي شوي وقت ليه أنا تاني انسان لي احساس أملك دوما خمس حواس

واش راني نخرف


ذرك نبهدل بروحي قدام جماعة التيك توك والانستغرام هوما ميطلعوش live غير كان لبسو الفييلتر وزينو فطشتهم
الناس لكلاااااس ماحلاهم


تخرجلي هاذيك لي تسكن في البلد القارة العظمى تعايرني وتقولي انتي معندكش ليزابوني قد ليزابوني دياولي وتصفقلي آيووما واش داني

ولاهاذوك لاستيكات لي يطوطو:هاااي كي راك واش راك وشووو حلو معندو ماداني للبرانية نهدر علئ تاعنا تطلع معايا نلعبو جولة كبسووو كبسوووووو ووواوو ربحت السبع مبرروووك عليك روحي للمالديف ماريا خانم وارواحي زوخي علينا بمالك وأملاكك وماركاتك


واحد الأشكال الغريبة كل دقيقة تطل فاطشا لي داير ماكياج ولي صابغ شعرو بلصفر ولي يحكي ويعمل حركات كيووت مفهمناش فصيلتو واش!
سؤال ديما نطرحو :عندهم عايلات ويشوفو فيهم نورمال!!!على الأقل يحشمو من فاميلاتهم اذا كانو ميخافوش ربي.
حسبنا الله ونعم الوكيل دمرتو المجتمع متزيدوش تقولو حنا from Algeria please


ارواحو تشو نضرب واحد نعوقو
قال أنا دقة قديييمة قال
كون نقولك ادخل سجل في اللمة متعرفش وكون نحطلك حاسوب قدامك تفريني قدامو يعرفو غير آيفون وكبس كبس أنا تاني سأصفق لكم قانون



ديجا لبلاصة الوحيدة لي منلقاكمش فيها هي اللمة

آيا تشاو.

 

[إلياس]

لي عودة إن شاء الله

 

[أم سلطان 16]

والله يااختي سلطانة عندك الصح وبردتي القلب
كي تشوفيهم وتسمعيهم تقولي احنا اللي غراب ومختلفين عليهم مي الصح هم اللي مختلفين ومتخلفين

 

[أبو عاتكة]

نورمالمو كل يوم نديرو موضوع على هاذ الظاهرة لانها اخذت أبعاد غير معقولة العقل قادر يتقبل امور وامور يحبس منها

انا قلت ق السلطانة هي اللي تبردلنا قلوبنا فيهم بموضوع بستيل واش راك تهدر اللي موالفينو ايا مالا يعطيك الصحيتو

الاف المشاهدات والمتابعات الغالبية من فايدتها لاشيء مجرد سخافات ولايفات لأي شيء المهم الغاية لاصحابها هي:
- عيش حياة افتراضية مرحة يكونون فيها هم فقط محط الانظار والاعجاب
- تعويض النقص والعجز في الشخصية التي لاتملك اي مؤهلات ذات قيمة وتأثير.
- الاشخاص الاكثر حيلة بينهم و اكثر تطور في التقنيات والامكانيات يفكرون في تحقيق مداخيل مادية يختارون دوما الفضائح واللامعقول والممنوع لاصطياد المغرر بهم والملهمين بعالم خيالي.

ولو كانت مقاطع مضحكة نقولو على الاقل تنشر البسمة والبهجة والتسلية ولكن المصيبة في الناس اللي تنشر الرذيلة والمنكرات والشذوذ والانحراف هؤلاء شخصيتهم ومحيطهم أكيد منغمس في هذه الاشياء وكل اناء بما فيه ينضح

كنا لن نلوم الاطفال بقدر مانلوم الكبار اذ ان الاطفال في مرحلة اكتشاف الذات و مرحلة التقليد والسذاجة والتأثر بالمغريات المركزة عليهم سرعانما يستفقون من هذا العالم الخيالي لكن ان نجد نساء ورجال ومنهم من يدعون الزواج ولا اظن انهم فعليا يعيشون الزواج الاصيل الشرعي داخلين عليها بكل جرأة ووقاحة ينشرون مالا يعقل فهنا تدخل مسؤولية سلطوية من المنظمات او المؤسسات داخل الدولة لفرض الاداب العامة على الواقع وفي المواقع كما تفعل عدة بلدان تعلم مايترتب على هذه الممارسات داخل مجتمعاتها.

هنا ونحبس ونتمنى ان تبقى اعين الاولياء صاحية وقلوبهم واعية على اطفالهم وخاصة الفئات في مرحلة اكتشاف الذات واختيار القدوة والطريق والمستقبل هؤلاء يقفون في مفترق الطريق قد يخطئون صحيح لكن وجب الاخذ بايديهم بطرق ذكية وسلسة بدون تعنيف وتشتيت.

 

[secret de coeur]

مرحبا بالبوليسية
والموضوع فيه بنة من القديم كاين تاني ليموجي تاع البصلة هدوك لقدم هههه جيبيهم ورواحي مرة جاية
كبسو هما الي ربحو ياختي رانا قاعدين فالكوانة نشوفو
ناس تكبس وتزدم
لكان يجي واحد يحط محتوى هادف يصيب روحو في خانة التجاهل
( العالم راهم يمشي بريتم خفيف حرقو كامل المراحل )
فيلتر وفيلر وبوتوكس وكلش عاد يمشي بخاصية التسويق
تسويق للجمال واناقة وتسويق للماركات وتكنولوجيا
ماولاتش كاين قيمة للمعنويات قدامهم ولا باي شكل
ولا قيمة للثقافة ولا قيمة للمبادئ
العقل صار في خبر كان
الصورة غلبت وان كانت مزورة.

هيا صحيتي شوشو ضربة مع العام جديد

 

[أبو عاتكة]

فيلتر وفيلر وبوتوكس وكلش عاد يمشي بخاصية التسويق
تسويق للجمال واناقة وتسويق للماركات وتكنولوجيا

نقطة جوهرية تطرقتِ اليها بارك الله فيك

هذا المد الجارف لعالم التسويق وتحقيق الارباح سينشر أمراض وعقد وكوارث نفسية واخلاقية تصيب الافراد حين ينوب تطبيق ما عن شخصية الانسان الحقيقية ويكون التطبيق هو المسيطر على جميع تفاصيل حياته.
سيختار هذا الفرد انفاق المزيد والمزيد على هذا التطبيق بدل الاهتمام بتحسين او تطوير او تقوية شخصيته وجوانب حياته.
بهذا النسق ينتج أفراد منفصلين عن الواقع منفصلين عن الحياة البشرية الطبيعية لا يحسنون العيش الحقيقي وابسط المعاملات معقدون ومحبطون من جسمهم شخصيتهم امكانياتهم المادية،،الخ.

صحيح ان العالم يسير بسرعة لكنه يبطئ الحركة الطبيعية للبشر وممكن يتلاشى الاحساس والعاطفة البشرية بسبب استبدال امور مهمة بآلة او تطبيق او تكنولوجيا ذكية.
مثال ممكن يستغني طفل عن أم بسبب تطبيق في هاتف ذكي ويتعلق به اكثر من تعلقه بالام وهذا ما نلاحضه في المدة الاخيرة الاولاد فقدوا بعض المشاعر والاحاسيس مع اهلهم.

 

[الامين محمد]

هههههه والله ق تبردي القلب كي تتقلقي اختي السلطانة العزيزة
و الله ق كائنات او حشرات فضائية
ما فهم حتى شي شباب او زين و تلقى ليهم متابعات
مستوى منحط بكل المقاييس لا زين لا دين لا طاعة الوالدين
هذا اذا صح عندهم والدين الله يستر و يعافي و الله يلطف
احيانا نحس انهم يستحقون الشفقة اكثر من العتاب
لأنهم بلا حياة و بدون روح و الى مزبلة التاريخ مرضى نفسيين او معتوهين
او مدمنين الشي الرسمي انهم مو طبيعيين تماما

نخبرك بحاجة اختي العزيزة و الله ق لامبا تاع الغرفة راها محروقة
و الله ق الحروف راني نحوس عليهم و نكتب و نمحي ههههههه

 

[Moha le sage]

اهلا بيكم و بيا ...

تحوشنا هاذو المقطط في المواضيع ... فكرتيني في اسراء و ريمة ... ( هــــيلدا ... معاك يا الخضراء ) .. الله يذكرهم بخير .. كانو يعمرو الموضوع بيهم

التيكتوك .. و كبسلي و نكبسلك .. و الناس التافهين و الفارغين شغل .... و الله يبين حاجة انو المجتمع انهار ..و القيم لي كنا محافظين عليها انهارت ...

جيل ما يحشمش .. مايتعرف الطفل من الطفلة ... لاتربية .. لا دين.. لا اخلاق .. لا ضرافة .. لا مبادئ .. لا قرايا .. لا احترام .... مجتمع تاع زومبي عايشين فيه و خلاص .

هاذي نتيجة زوج حوايج .. الوالدين تخلاو على التربية .. .. و المعلم نحاولو سلطة التربية .. و خلاولو غير التعليم ...

خلاصة القول .. لي يربي مكانش ........

 

[السلطانة]

والله يااختي سلطانة عندك الصح وبردتي القلب
كي تشوفيهم وتسمعيهم تقولي احنا اللي غراب ومختلفين عليهم مي الصح هم اللي مختلفين ومتخلفين

الحالة متعجبش خلاص
الخوف على ولادنا
وهاذ الجيل كيفاه راح تكون معاه الحالة
مشكورة اختي
تحياتي

 

[إلياس]

كلام لي جيت تقولوا قتله شكرا لك على الموضوع

 

[السلطانة]

نورمالمو كل يوم نديرو موضوع على هاذ الظاهرة لانها اخذت أبعاد غير معقولة العقل قادر يتقبل امور وامور يحبس منها

انا قلت ق السلطانة هي اللي تبردلنا قلوبنا فيهم بموضوع بستيل واش راك تهدر اللي موالفينو ايا مالا يعطيك الصحيتو

الاف المشاهدات والمتابعات الغالبية من فايدتها لاشيء مجرد سخافات ولايفات لأي شيء المهم الغاية لاصحابها هي:
- عيش حياة افتراضية مرحة يكونون فيها هم فقط محط الانظار والاعجاب
- تعويض النقص والعجز في الشخصية التي لاتملك اي مؤهلات ذات قيمة وتأثير.
- الاشخاص الاكثر حيلة بينهم و اكثر تطور في التقنيات والامكانيات يفكرون في تحقيق مداخيل مادية يختارون دوما الفضائح واللامعقول والممنوع لاصطياد المغرر بهم والملهمين بعالم خيالي.

ولو كانت مقاطع مضحكة نقولو على الاقل تنشر البسمة والبهجة والتسلية ولكن المصيبة في الناس اللي تنشر الرذيلة والمنكرات والشذوذ والانحراف هؤلاء شخصيتهم ومحيطهم أكيد منغمس في هذه الاشياء وكل اناء بما فيه ينضح

كنا لن نلوم الاطفال بقدر مانلوم الكبار اذ ان الاطفال في مرحلة اكتشاف الذات و مرحلة التقليد والسذاجة والتأثر بالمغريات المركزة عليهم سرعانما يستفقون من هذا العالم الخيالي لكن ان نجد نساء ورجال ومنهم من يدعون الزواج ولا اظن انهم فعليا يعيشون الزواج الاصيل الشرعي داخلين عليها بكل جرأة ووقاحة ينشرون مالا يعقل فهنا تدخل مسؤولية سلطوية من المنظمات او المؤسسات داخل الدولة لفرض الاداب العامة على الواقع وفي المواقع كما تفعل عدة بلدان تعلم مايترتب على هذه الممارسات داخل مجتمعاتها.

هنا ونحبس ونتمنى ان تبقى اعين الاولياء صاحية وقلوبهم واعية على اطفالهم وخاصة الفئات في مرحلة اكتشاف الذات واختيار القدوة والطريق والمستقبل هؤلاء يقفون في مفترق الطريق قد يخطئون صحيح لكن وجب الاخذ بايديهم بطرق ذكية وسلسة بدون تعنيف وتشتيت.

اضافة جد قيمة للموضوع
يعطيك الصحة.

فتحت التيكتوك مجرد فضول لقيت لعجب لمعجب
شباب وشابات من كل الاعمار والأعظم نساء متزوجات
ورجال من كل الاعمار
فتنا مرحلة المؤثرين والمؤثرات وصلنا ديراكت مرحلة الانحلال الخلقي في التيكتوك مقابل المال
لي،حيرني وين راحت الجهات المسؤولة!

 

[السلطانة]

مرحبا بالبوليسية
والموضوع فيه بنة من القديم كاين تاني ليموجي تاع البصلة هدوك لقدم هههه جيبيهم ورواحي مرة جاية
كبسو هما الي ربحو ياختي رانا قاعدين فالكوانة نشوفو
ناس تكبس وتزدم
لكان يجي واحد يحط محتوى هادف يصيب روحو في خانة التجاهل
( العالم راهم يمشي بريتم خفيف حرقو كامل المراحل )
فيلتر وفيلر وبوتوكس وكلش عاد يمشي بخاصية التسويق
تسويق للجمال واناقة وتسويق للماركات وتكنولوجيا
ماولاتش كاين قيمة للمعنويات قدامهم ولا باي شكل
ولا قيمة للثقافة ولا قيمة للمبادئ
العقل صار في خبر كان
الصورة غلبت وان كانت مزورة.

هيا صحيتي شوشو ضربة مع العام جديد

يسمعو بينا درنا عليهم موضوع يصفقولنا قانون

اصلا هوما ميسمعوش بحاجة اسمها منتديات
اكثرهم ميعرفش ميكرو ولايعرف يخدم بيه
فتحو عينيهم على حاجة اسمها بورطابل
دارو تيكتوك وفايس بووك ويوتيوب لمو بيهم دراهم وشهرة
كي عاد ميهمش واش يهدرو ويشتمو عادي بالنسبة ليهم واش بقى
المهم يسوقو لأي حاجة ولاعارفينها غالطة تعددت اهدافهم والفساد واحد.
ربي يحفظك خيتو.

 

[السلطانة]

نقطة جوهرية تطرقتِ اليها بارك الله فيك

هذا المد الجارف لعالم التسويق وتحقيق الارباح سينشر أمراض وعقد وكوارث نفسية واخلاقية تصيب الافراد حين ينوب تطبيق ما عن شخصية الانسان الحقيقية ويكون التطبيق هو المسيطر على جميع تفاصيل حياته.
سيختار هذا الفرد انفاق المزيد والمزيد على هذا التطبيق بدل الاهتمام بتحسين او تطوير او تقوية شخصيته وجوانب حياته.
بهذا النسق ينتج أفراد منفصلين عن الواقع منفصلين عن الحياة البشرية الطبيعية لا يحسنون العيش الحقيقي وابسط المعاملات معقدون ومحبطون من جسمهم شخصيتهم امكانياتهم المادية،،الخ.

صحيح ان العالم يسير بسرعة لكنه يبطئ الحركة الطبيعية للبشر وممكن يتلاشى الاحساس والعاطفة البشرية بسبب استبدال امور مهمة بآلة او تطبيق او تكنولوجيا ذكية.
مثال ممكن يستغني طفل عن أم بسبب تطبيق في هاتف ذكي ويتعلق به اكثر من تعلقه بالام وهذا ما نلاحضه في المدة الاخيرة الاولاد فقدوا بعض المشاعر والاحاسيس مع اهلهم.

لفتت انتباهي النقطة المهمة لي حكيتو عليها
سمعت محامية قالت انو جاتها قضية فتاة قاصر
فتحت قناة تيكتوك ترقص فيها وتعرفت على شاب اغتصبها
ولما رجع قاضي التحقيق للقضية تبين
انو هاذ الطفلة لما صراتلها الحادثة مقدرتش تقول لامها.امها مشغولة بالهاتف والتيكتوك...راحت خبرت ام صديقتها.قاتلها:يافلانة بنتك صرالها كذا وكذا لقاتها مداير مباشر مهيش سامعة ببنتها.

 

[السلطانة]

هههههه والله ق تبردي القلب كي تتقلقي اختي السلطانة العزيزة
و الله ق كائنات او حشرات فضائية
ما فهم حتى شي شباب او زين و تلقى ليهم متابعات
مستوى منحط بكل المقاييس لا زين لا دين لا طاعة الوالدين
هذا اذا صح عندهم والدين الله يستر و يعافي و الله يلطف
احيانا نحس انهم يستحقون الشفقة اكثر من العتاب
لأنهم بلا حياة و بدون روح و الى مزبلة التاريخ مرضى نفسيين او معتوهين
او مدمنين الشي الرسمي انهم مو طبيعيين تماما

نخبرك بحاجة اختي العزيزة و الله ق لامبا تاع الغرفة راها محروقة
و الله ق الحروف راني نحوس عليهم و نكتب و نمحي ههههههه

ناس معندهمش مبادئ تغيضني غير كي يقولو حنا من دزاير ههههه واللامبة تعود صلحتها
صحيت.

 

[السلطانة]

اهلا بيكم و بيا ...

تحوشنا هاذو المقطط في المواضيع مشاهدة المرفق 164599... فكرتيني في اسراء و ريمة ... ( هــــيلدا ... معاك يا الخضراء ) .. الله يذكرهم بخير .. كانو يعمرو الموضوع بيهم

التيكتوك .. و كبسلي و نكبسلك .. و الناس التافهين و الفارغين شغل .... و الله يبين حاجة انو المجتمع انهار ..و القيم لي كنا محافظين عليها انهارت ...

جيل ما يحشمش .. مايتعرف الطفل من الطفلة ... لاتربية .. لا دين.. لا اخلاق .. لا ضرافة .. لا مبادئ .. لا قرايا .. لا احترام .... مجتمع تاع زومبي عايشين فيه و خلاص .

هاذي نتيجة زوج حوايج .. الوالدين تخلاو على التربية .. .. و المعلم نحاولو سلطة التربية .. و خلاولو غير التعليم ...

خلاصة القول .. لي يربي مكانش ........

اهلا بييييك
ان شاءالله يكونو بخير توحشنا ناس اللمة تاع بكري
راك فالدومان تاع التعليم وشفت العينات تاع التلاميذ كيفاه دايرة
ربي يستر منلي جاي.

 

[أم أُنٌَيسة]

السلام عليكم ورحمة الله وبركاته
معنديش تيكتوك والحمد لله .. عندي فيس وثيليجرام وواتساب وهذا لاني بعيدة عن الاهل فقط ولكي اراسل الشيوخ والحمد لله للسؤال ... لذلك منيش عارفة وش راه صاير ومحددة وش نتابع فالفيس بفضل الله
انما الحاجة الوحيدة الي نعرفها انه المتابعة للتافهين هي اللي تطلعه مهما كانت النية، كاين اللي يستهزا ويسخر نسال الله العافية والسلامة وللاسف السخرية ليست من اخلاق المسلمين... وبهذا يطلعلهم الصفحة حب ولا كره .. وهكذا مهما كانت النية النتيجة واحدة
اللي باغي التفاهة تحبس ميتبعهاش لاي نية كانت ..
ارجو تقبل مروري
تحياتي

 

[أستاذ الفلسفة]

الحمد الله المنتديات لم يغزوها اشكال التفاهة وبقي هذا العالم نضيف من دنسهم لان المنتدى يطرح مواضيع في القمة تقدر تسجل عائلتك كامل معاك عادي ومتخافش لكن مواقع التواصل الاجتماعي لها حدين
كل انسان يعرف وش يختار لكن مع ذلك تكون مابوني رياضة وصفحات ثقافة العامة او اخبار منطقتك او مجموعات تلقى فيهم صور منطقتك واهل منطقتك من الماضي الجميل حتى تدخل ل ريلز تجي تتفرج حاجة تستفيد منها تجد نفسك في مستنقع من التفاهات

 

[أفنانوه]

الله يجيب الخير الوقت تبدل
كليا

 

[الرومانسي الجاد]

تبالي نورمال انا.. هي ف الصح مين نشوفولها الغلطة جات من ليزونسياا.. خلاو شوي ليستاع زدمو صحاب المحتوى الهابط تكلاساو لوالا..

الطبيعة لا تحتمل الفراغ.. ملّخر..

عندي تيك توك قريب 420k واينستا 160k وفايس بوك صح سمحت فيه وشنو معمّر اجانب سورتو دكاترة الاثار والصفحات والمجموعات موجود آدمن في شحااال سورتو تاع وين نسكن شايد الريزو بيااا... والغلطة تاعي لي مخممتش فيها هو يوتوب الا مؤخرا.. سناب يعيي وتيليغرام عندي بصح ميعجبنيش مالغري نسحقو بزاف ف تطلاع الكتب.. توينر حاجة لازمة خاصة الاخبار والتصريحات الرسمية بلا ما نعتمد علا رويترز ولا اي وكالة مضللة اخرى..

حبيت نقول.. قبل ما نرمو كلش ع الناس.. نتحملو مام حنا شوي مسؤولية.. برك..
هههه ايلا كان انطباع تاع واحد شاهد ع ميلاد كل هاذ التطبيقات ومقدش يتحكم فيها ولا يبلاصي روحه صافي الجيل جديد الهابط معدنا ما نلومو فيه..