مافائدة القنوات الفضائية الجزائرية؟

[أبو عاتكة]

جيد تتوفر حزمة القنوات الفضائية الجزائرية على عدد لا بأس به من قنوات مرت عليها سنوات منذ زمن القناة الوحيدة ما أطلق عليها ( اليتيمة ) البعض منها تدعي الخبرة والأخرى الأسبقية وبعضها يتسابقون الى التقرب من العائلة الجزائرية وأخرى نصبت نفسها الناطق الرسمي باسم الشعب وباسم الدولة كمن يصطاد عصفورين بحجر لكن الملاحظ والمشاهد بكآبة وملل لكيفية سير خطها و منهجيتها وما تبرمجه لا يخرج سوى بانطباعين ونتيجتين يتيمتان يتم القناة الرسمية ربي يذكرها على خير اجابتان تجيبات على السؤال المطروح في ذهن من لايزال يعرج من حين لاخر الى شاشة التلفاز في زمن تكنولوجيا التواصل العصرية.

مافائدة هذه القنوات الجزائرية؟

الجواب الأول هو مرافقة ورعاية التوجه العام للسلطة القائمة مهما كانت سياستها ومهما تبدلت ومهما عثرت.
الجواب الثاني اغراق المشهد والراي العام الجزائري بفكرة ضرورية كرة القدم في حياة المواطن كمجرى الدم في العروق.
مع بعض الرتوشات الفضائحية والجياحة الجهوية المعتادة لجذب إنتباه ذباب مواقع التواصل.


وروح اتفرج وشوف

 

[إلياس]

القنوات الجزائرية في رأي لا تسمن و لا تغني من جوع

 

[حاتم خليفة]

صراحة أنا نتفرج غير القنوات الجزائرية مانتفرج لا قنوات عربية ولا أجنبية

 

[السلطانة]

على ذكر اليتيمة تفرجت النشرة مع العجوز (حماتي) تشتي تشوفها مسكينة
وراو فيها جماعة التيليفيزيون زي لي حفل ولامدري واش للبرامج والمسلسلات الرمضانية وحد الشعشوطة يجبد فيها راجلها من الشعر وهي تندب يندبو فوق راسها (زعم احد المشاهد تاع المسلسلات الخلابة الرمضانية)


القنوات لوخرا تاع القيل والقال والفضائح
وكي خلاصت عليهم كل دورة يجيبو لي،مسميينهم مؤثرات يرفعو بيهم نسبة المشاهدات
كل مرة تطل علينا فطشة لي علمتنا الصلاة ولي علمنا طاعة الوالدين...
الخ الخ

 

[ذكريات]

القناة اليتيمة هي أحسن القنوات الجزائرية تشبه منتدى اللمة كثيرا، (تدور تدور وتوليلها) فيها ريحت زمان ومازالت تفكرنا ببرامج وأفلام ومسلسلات شاهدناهم مع الي غابو علينا، يعني مانقدروش نستغناو عليها، بالنسبة للقنوات الأخرى فهي مصدر دخل لأصحابها والمستفادين منها ماديا وإشهاريا، نعرجو عليها من رمضان لرمضان، وأغلب الأوقات نتفرجو اليوتيوب واش نحبو، أوافلام محملة في فلاشة، وقناة النهار الأخبار والأحوال الجوية، وذباب المواقع حتى حاجة ما تشدو

 

[أبو عاتكة]

القنوات الجزائرية في رأي لا تسمن و لا تغني من جوع

هذا لانو ليس لها وجه واضح ونهج محدد تشابهو جميعا وفشلو جميعا

صراحة أنا نتفرج غير القنوات الجزائرية مانتفرج لا قنوات عربية ولا أجنبية

ممكن تقولنا لماذا؟

 

[أبو عاتكة]

على ذكر اليتيمة تفرجت النشرة مع العجوز (حماتي) تشتي تشوفها مسكينة
وراو فيها جماعة التيليفيزيون زي لي حفل ولامدري واش للبرامج والمسلسلات الرمضانية وحد الشعشوطة يجبد فيها راجلها من الشعر وهي تندب يندبو فوق راسها (زعم احد المشاهد تاع المسلسلات الخلابة الرمضانية)


القنوات لوخرا تاع القيل والقال والفضائح
وكي خلاصت عليهم كل دورة يجيبو لي،مسميينهم مؤثرات يرفعو بيهم نسبة المشاهدات
كل مرة تطل علينا فطشة لي علمتنا الصلاة ولي علمنا طاعة الوالدين...
الخ الخ

مانيش عارف علاه لو كان ميكونش النداب والعياط في المسلسلات الجزائرية ميتسماش مسلسل، خاصنا من النديب زعما في بلادنا.

قوطي وطاح على مقطاه كيما نقولو كي القنوات كي السامطين اللي يقولو عليهم مأثرين يستعملوهم لجلب الطائفة نتاعهم للمشاهدة وفي الاخير يخرجو آخر العام كأكثر قناة مشاهدة في العام واش كانو يشوفو! ربي يعلم.
على حساب مشاهدتي لهاذ للقنوات الجزائرية

الصباح: أخبار بايتة من البارح
وسط النهار: الطبخ والمسلسلات الهابطة
في الليل: طوابل مشايخة كرة القدم حتى يطلع النهار

 

[أبو عاتكة]

القناة اليتيمة هي أحسن القنوات الجزائرية تشبه منتدى اللمة كثيرا، (تدور تدور وتوليلها) فيها ريحت زمان ومازالت تفكرنا ببرامج وأفلام ومسلسلات شاهدناهم مع الي غابو علينا، يعني مانقدروش نستغناو عليها، بالنسبة للقنوات الأخرى فهي مصدر دخل لأصحابها والمستفادين منها ماديا وإشهاريا، نعرجو عليها من رمضان لرمضان، وأغلب الأوقات نتفرجو اليوتيوب واش نحبو، أوافلام محملة في فلاشة، وقناة النهار الأخبار والأحوال الجوية، وذباب المواقع حتى حاجة ما تشدو

القنوات الرسمية تستطيع ولديها إمكانيات لتقديم الأفضل والأشمل لكنها غير تنافسية وبطيئة ورتيبة بعض الشيء وتعمل حسب المناسبات فقط.
أظنها شبيهة بالادارات كل شيء متوفر لكن العمال متقاعسين.
لكنها تبقى بعيدة عن مستنقع الفضائح والانحطاط تبقى شاشة مأمونة عموما.
البقية مكانش الأمان لانهم يستعملو طريقة الاثارة والاستفزاز والصدمة.

 

[حاتم خليفة]

ممكن تقولنا لماذا؟

أولا: القنوات العالمية حذفتهم على خاطر مانفهم لا اللغة الفرنسية ولا انجليزية

ثانيا: إن شاء الله مايزعفوش مني الإخوة العرب
أكثر برامجهم فيها (الإباحية)
وتاني اللهجات شوي صعيبة
على هذي نحب نشاهد قنوات بلادي

 

[أبو عاتكة]

أولا: القنوات العالمية حذفتهم على خاطر مانفهم لا اللغة الفرنسية ولا انجليزية

ثانيا: إن شاء الله مايزعفوش مني الإخوة العرب
أكثر برامجهم فيها (الإباحية)
وتاني اللهجات شوي صعيبة
على هذي نحب نشاهد قنوات بلادي

اخي حاتم مايزعفو ماوالو من الحقيقة المرة
الخوف أن نخطو خطاهم ونقع في شرك المحضورات