ما ستنيتهاش منك يا البشير، تنساني فمورصو شيكولا، ونهار الاول زواج، ماننساهالكش
قتلك صحابي لهاوني بالشياخة، ماشي بلعاني نروح نجيبلك ونجيلا لا قعد نفرو الاسم نتاع الفيسبوك، هو الاول راهي عندي الشيكولا، ربي يخليلي ماما وخويا @الامين محمد ، رسلي من الغالية، ناكلها في وجهك وما ندوقكشخاطر جيعانة، ما تدوقيش راجلك عشرة نهار زواج على الورق، وعام ونص وحنا متزوجين إلكترونيا فالفيسبوك، ماما تقولي راكم تهدرو تحسب متزوجين هادي سنين، واسم هادا؟ايا على ذالكلمة هاك شوية مانتخاسروش على مورصو شيكولا، ايا هدر واسم راك حاب اسمواش تقولي في صقر قريشراك حاب تقول راني عايشا في قريش، لا لا فيل أبرهة خير، واسم هاد الاسم شوف وحداخرصقر العروبة مليح؟ ولا الطائر الجريح؟واسم صرالك مع الطيور، بدل وبعد على كامل الحاجة الي فيها منقار ولا عندها دوارة، وزيد واش جرحك راك بخير الحمد اللهواش رايك في عاشق الصمت، وتاني لا يهمني من يتكلم ورائيحبس حبس راك تجيبلي أسوما نتاع مراهقين تالفتلهم، أنا يهمني من يتكلم ورائي، وزيد هاذا اسم بروفايل نتاع فيسبوك يسمى شخصيتك الالكترونية راها تم، شوف اسم يليق بواحد متزوج، وشارب عقلو، نقولك سميه البشير وخلاص.ايا خلاص كملنا من الاسم، درك رواحي نوريلك حاجة، شوفي رمضان راه قريب كتبيلي كامل واسم تحتاجي باش نتسوقلك، راني داير دوسي نتاع الماكلا الي بارطاجيتيها عام الي فات، والي درتيها ستوري شوفي هاهوما من نهار لول رمضان حتى للعيد، ياك كلش قلتيلي انتي طيبتيهم.انا قتلك طيبتهم ها نشوف، وبعدا ما نسيت حتى وحدةانتي كنت تاكلي وأنا نتشهى، وحلفت نخبيهم كاملياربي باغي يحصلني هاد الراجل نصهم نتاع بنات خالتي كانو يبعثولي التصاور وانا نبارتاجي، يا حوجي واسم دالحصلةواش راكي تقوليوالو راني نتفكر وين راني كاتبا ليغوساتانتي تفكري وانا نخرج نشوف بابا يلا جادرك انا بنات خالتي بلوكيتهم بالزعاف، راح نديبلوكيهم ونحلل باش يبعثولي ليغوسات نتاع الماكلا الي داروها، يا ربي واسم دالحصلة، ونعرفهم سميات غادي ينقصولي حاجة باش مانجيش خير منهم، واش ندير درك؟
نفورماتيلو التليفون؟ ولا واسم ندير؟
عرفتها نشوف التصاور في جوجل ونفتش على ليغوسات هوما تاني يتبعو غي أم وليد والشاف غانو والي نحصل فيها نسقسي @أفنانوه ياك حتى هي اتبع الشاف غانو كويزين.
نروح نشوفو واسم راح يدير يشوف باباه ولا يقصر مع بنات عمو.
