مغامرات الصغر

[السلطانة]

السلام عليكم ورحمة الله وبركاته

مالا بسلامة العم @أبو عاتكة لي فكرني بحكاية من الصغر كي هدر عالزعرور الأخضر


قالك زماااان...ايييه كنا صغار مالا ياسيداتي وسادتي خرجنا نلعبو في الشارع وكنا فدار الجد

الجيران جات عندهم وحد الطفلة جديدة أيا لعبنا مالعبنا مباعد هزت راسها لشجرة الزعرور ونقولولو تاني الموز هههه مادري اسمو واش بالعربية
كانت مغروسة في جنان دار جدي ايا قاتلنا :انحو الزعرور ونجبدو الحبات لي داخلو نمصوهم يتبدل لونهم ونحطوهم فالسكر يتحولو شيكولا

أيا طبقنا دبارة البوعريفو ضرب المغرب راحت روحت مزدنا شفناها وحنا جاو لكبار يفتحو الكونجيلاتور لقاو الكارثة
نصلنا الشجرة والزعرور عاد مزال خضر ماطاب
ناضت لينا جداتي خوذ خوذ بالبشماق الأحمر حتان قلنا فيكس
وخذتوني في السجرة ياوجوه الشر
العام هذا ماناكلو الزعرور كي لعباد

 

[الامين محمد]

هههههه
انتن سبب انقراض الزعرور ههههههه
البوعريفو الحمد لله ما قالت ليكم روحو لصندوف القديم
راح فيه كنز تاع الجدود ههههههه

 

[إلياس]

فكرتنا في صغري كنا نسرق المشمش من أشجار الجيران

 

[أفنانوه]

لواحد كي يتفكر هبالو يشعر بالحنين له
لكان نبقاو صغار مش خير

 

[آمِيْرَتُه]

السلام عليكم
حبات الموز ترجع شيكولا صحة صحة هههه

 

[loup seul]

كلمنا تقدم بنا العمر كلما اشتد حنينا الى الصغر.
الصغر بياية( جاية من كلمة الباي)

 

[فاتن سيلين]

ههههه شكرا على مشاركتنا اختي السلطانة . أنا مغون نحكي على مغامرات الطفولة والتي مازالت للان ما نخبسش

 

[ام أمينة]

فكرتيني كي كنت صغيرة ثاني جدي الله يرحمو كان عندو جنان و فيه كل خير و ما يحبش لي ينحي منه الفاكية دون علمو واحد النهار كنت مع بنت خالتي قلتلها نتي عسيه و انا نروح نسرق شوية فاكية نجوزو بيها العشية هي راحت و انا حبطت للجنان و تجيني حجرة في راسي كي طلعت راسي لقيتو جدي ضربني بالتيربولات كان يضرب بيه الزواوش مين يقربو للاشجار تاعو و بعدها دارلي محاضرة و شبعني هدرة و معاير
من هاذاك النهار تبت وليت نطلب الاذن باش ندي حاجة و لا هاذيك التبهديلة

مشكورة على الموضوع
الا تفكرت كاش قصة راني نولي باذن الله