🔻رواية الهوارية

[الرومانسي الجاد]

سلام..
bon جيت نحكي في سوجي حديث الساعة بالاك نقدرو نشوفوه من شحال من جيهة لي هو رواية الهوارية ولي دارت حالة اليومين لي فاتو.. شغل تواسات.. رواية ربحت ديجا جائزة اسيا جبار 2024 ل الرواية وبلاك هذي لي تسببت ف الضجة لي صرات كامل.. مالغري هي صح رافدة شحاال من صفحة فيها عبارات تاع "طياح* هدرا وتخساار بصح هذه ماشي جديدة كاين شحال من عمل ادبي هنا ف دزاير ومعمر فضايح وهذا ماشي جديد (الجانب الثقافي يستوعب كلش)
وشنو تحيير ف الحالة كيفاش ليه ليه كبرت ودخّل فيها مام برلمانيين اعتررضو وبزااف دعوات باش تتسحب من المكتبات ومام باش تتسحب جائزة آسيا جبار من صاحبة الرواية إنعام بيوض وحتى مطالب باش تتحاسب لجنة التحكيم ومزااال كل يوم تقريب فيه تطور جديد تخطى النقد الادبي الى اموور اخرى بعيدة تماما..

الحكاية كامل صرات شغل بدون تعليق من طرف اتحاد الكتاب الجزائريين لي ممكن يكون باين علاه كيشغل ميقدرش يتبنا فكر معين علا حساب فكر آخر باش يضمن حرية الفكر والابداع..

بزااف اعلاميين ودكاترة وكتاب انقسمو والاغلبية تشوف ف الرواية شغل حاجة غير اخلاقية برغم انو كامل نعرفو لأي فئة مجتمية هاذ الرواية مقدمة وانو القرّاء مراهمش يشوفو في الرواية من الجانب اللااخلاقي تقريبا..!!

انا بانتلي ظلم كبير وجياحة وتخلاط وصح صح لوكان جا همهم وهدفهم "أخلاقي" كانو يعالجو السمعي البصري قبل ما يتجرأو علا الادب.. وتزيد تتفكر ياسمينة خضرا و واش كتب في اعمال اخرى علا وهران بالذات من الجانب التاريخي والروائي وكتاب وحدوخرين علا مناطق وحدوخرا و واحد ما تجرأ ب كلمة لانو الادب و العمل الروائي حاضنة كبيرة كيما حال الثقافة بصفة عامة..

مانعرف.. هي ف الصح كنا من قبل نشوفو سحب كتب سورتو ف معرض الكتاب سورتو ايلا كان يمس ب العقيدة ولا فكر ار@ابي متطرف ايا كان وايلا تم سحب الرواية هاذي ب الذات بانتلي رانا في فيراج جديد و واعر يقدر يكون انتكاسة كيما يقدر يكون طفرة ف العمل الروائي صاديبو علا حساب تخمام تاع اي واحد.. علا حساب خلفياتك حول العمل الادبي -الغير اخلاقي خاصة-

وش رايكم ف السوجي.. وهل يستاهل الضجة لي تصرا علا جالوو..؟؟ وقبل ماتمد رايك.. نتا قبل..كاش ما فات عليك ديجا عمل ادبي -باش مانبعدووش- غير اخلاقي من قبل..؟؟

اعطينا رايك مواطن🌶

 

[ام أمينة]

لي عودة باذن الله

 

[إلياس]

لي عودة إن شاء الله

 

[ام أمينة]

السلام عليكم
هذه الرواية مثيرة للجدل و جريئة جدا غايتها نشر ثقافة الرذيلة في مجتمع محافظ و مسلم و أنها مثيرة للفوضى و الفتنة
و سؤالي يبقى مطروح أين الرقابة في دار النشر ؟ و موقف وزارة الثقافة و سلطة الضبط من هذه الرواية ؟
و انا محتارة من الجائزة التي فازت بها
من المُنظم ؟ و من هي لجنة التحكيم ؟


مشكور على الموضوع
اتمنى من الجميع المشاركة و ابداء آرائكم

 

[الامين محمد]

اهلا خويا الغالي
والله الكتعارف عليه يكون التكريم على حاجة عندها مستوى ما
حتى ان كرمنا حاجة تاع رذيلة و زبالة كان الاجدر اختيار شي نوعي و مميز
على الاقل ادبيا حتى و هي غير مؤدبة
كان لازم يكون عمل فني و ادبي ذا مستوى يخلي اللي كرم عنده شوي وجه باش
يقابل و يقول كرمناها لأن الاسلوب الادبي كان راقي و مميز

اما عن هوارية يبدوا انها تكريم لحاجة ماهيش في الكتاب
ممكن في الفنادق او في باريس
الاكيذ كاين حاجة ماهيش في الرواية بسببها تم تكريم الغواية

مازال التيار الفرونكوفون مسيطر على الاعلام
بدعم غربي و فرنسي تحديدا

كما قالها مالك بن نبي
فرنسا راحت لكن مايزال اذنابها و اطرافها باقية في بعض
الزوايا كيما الرتيلة الله لا تربحهم

 

[إلياس]

اقول شيء لصاحب الرواية حسبي الله ونعم الوكيل فيه

 

[فاتن سيلين]

وعليكم السلام ورحمة الله وبركاته
شكرا لك استاذي على التطرق لهذا الموضوع . لكن كما قيل اميتوا الباطل بالسكوت عنه وعدم نشره حتى لا يعرفه اكثر عدد من الناس .أنا لم أكن اعلم شيئا عن هذه القمامة الأخلاقية حتى قرأت الموضوع كلامي ليس موجه لشخصك الكريم أو عتاب لا ابدا أرجو أن تفهمنيلكن بالعموم لكل واحد نيته سليمة ينشر عن هاته الرواية المتسخة للتحذير منها لو لم يفعل احسن ولما سمع بها أحد الان الكثير سيكون له فضول لقراءة هذه المزبلة أكرمكم الله .والله مصدومة فقط مما وصفته انت فمابالك لو اقرؤها والعياذ بالله أن اضيع وقتي أو اجمع ذنوب من قراءة الرذائل.واسفاه ضاعت قيم بلادي وضاعت الاخلاق مادام يُسمخ بنشر هذه الأنواع من الرذيلة على العلن ليقرؤها الصغار والكبار وتلوث اخلاق المراهقين.لا تستبعد استاذي أن يتم تحويلها لمسلسل رمضاني .

 

[أبو عاتكة]

الخبر وصلني من خلال الفيسبوك ولم انشغل به طبعا الان كل شيء معوم هناك والجميع يدلوا بدلوه وحتى بكراعه
وبما أنكم فتحتم موضوع الحدث في اللمة للنقاش فسيكون الحديث بيننا بسيطا وهادئا وربما غير مسموع.

وش رايكم ف السوجي.. وهل يستاهل الضجة لي تصرا علا جالوو..؟؟ وقبل ماتمد رايك.. نتا قبل..كاش ما فات عليك ديجا عمل ادبي -باش مانبعدووش- غير اخلاقي من قبل..؟؟

نعم فات عليا ولا يخلوا عالم الأدب مما هو موجود في عالم الواقع خاصة اذا تم نسخه ونقله كما هو دون تعليب وتهذيب ،، فقط لك اختيار ان تسمعه او تقرأه كما جرى في هذه الرواية لا أحد مرغم في عالم الفن والادب والبرابول
لكن المشكلة الحقيقية هي في طرح سؤال بالغ الاهمية من وجهة نظري القاصرة، لماذا علينا أن نعيد نسخ الواقع بمشاهده التفصيلية وكلماته الأساسية خاصة الماجن البعيد عن جماليات الأدب واللغة والحياة السوية ونعيد حشره ونشره في نصوص مقالة او رواية لن تزيد في متعة القارئ ولا في فكره وقاموسه اللغوي سوى تكرار تجربة الواقع والشارع العفن القذر المخيب والمقزز. لماذا هذا التبرير والاصرار المكرر على نقل الواقع الى الشاشات والى صفحات الكتب بينما تقل حدة النقل لكل ماهو ايجابي وشائع
الا اذا اعجب الكاتب بالفاظ التطياح ووجدها تليق به وتليق ان تكون مفتاح النجاح والتتويج أو ربما تكون ثقب الباب الموصد الذي ستتهافت عليه أعين المتطفلين فيكون الحدث عالميا والقصة فاضحة لأنها جرت في منطقة تحرصها القيم والهوية وان كانت هذه القيم والهوية تعاني وتصارع للبقاء في مجتمع حريص على الانتقاد أكثر من الالتزام بتغيير وعلاج الواقع الذي بررت به الكاتبة سبب اختيارها للقصة والشخصيات والمكان والزمان،،،
ربما تلك الالفاظ والعبارات كانت موجهة من الكاتبة الى هذا الشعب الذي اقلقها ونرفزها لانه شعب عصي غير قالب للتشكيل والتغيير والتلوين والتشهير وفي نفس الوقت شعب يحمل كل التناقضات المحلية ويتعايش معها.

بالرغم من ان النفاق كان حاضرا في كل اختيارات الكاتبة هي تسلمت الجائزة ولم تسلم وهران كالعادة من روايتها وقصص الاخرين امثالها الا ان البعض فضل ان يتهم وهران بنشر الفاحشة بدل اللجنة.

هل يستاهل الحدث هذه الضجة؟
على مقياس الحاضر يستاهل مادام فيه الهوارية حاضرة.

 

[sami44]

هو ضرب القيم عمل مدروس من سنوات وهذه هي النتيجة
لقد وصلو للمبتغى المنشود بعد الحملة الشعواء لاشباه الملحدين على مواقع التواصل لضرب عقيدة الشعب المسلم
مع سكوت مطبق لصانعي القرار فالدولة قوت شوكة الجمعيات الماسونية واستسهلو الامر
اذا توجهو مباشرة الطبقة المثقفة بين قوسين لجس النبض واضنهم نجحو
والله المستعان