دجاج محمر مع أرز لذيذ و سهل ..... من مطبخي

[ام أمينة]

السلام عليكم و رحمة اللّه تعالى و بركاته
دجاج محمر مع أرز لذيذ و سهل ..... من مطبخي



مقادير تتبيلة الدجاج
الكمية تكون حسب كمية الدجاج

ثوم مبشور
عكري حلو
كمون
زنجبيل
توابل دجاج محمر
موطارد ( خردل )
فلفل أسود
زعيترة و رند
شوية زيت

نتبل بيه الدجاج نغطيه و نحطوه على الأقل 6 ساعات

نحطوه في صينية الفرن مدهونة و ندير فنجان صغير ماء
نغطيه بورق الطهي papier cuisson
بعدها بورق الأليمنيوم
و ندخلوه للفور يكون سخون من قبل
و نحطوه على نار متوسطة في الرف الأوسط

كي يطيب نحي الغطاء نحط قطع من الزبدة و نحمروه جيدا

بالنسبة للأرز
كيلة أرز مفور نغسلوه عدة مرات و ننقعوه فالماء ربع ساعة
بصلة متوسطة نقطعوها صغير نقلوها في شوية زبدة و زيت نزيد معاها كمية من الجزر و الجلبانة نكون فورتهم من قبل + الأرز بعد ما نصفيه و نقليه شوية + التوابل ( ملح +فلفل اسود +رشة كركم + 1 مكعب دجاج) نكمل نقلي و نمرق ب 2 كيلات و نصف ماء يغلي
نحرك و نغطيه و ننقص للنار ربع ساعة و نطفي نلقى الأرز طاب مفرق
+ الصوص لي بقات في الصينية لي حمرنا فيها الدجاج و نحرك و نقدموه بجانب الدجاج

بالصحة و العافية


​

 

[إلياس]

لذيذ سلمت يمناك على الطبق القيم

 

[أبو عاتكة]

يأتي دورنا للتقييم كالعادة هههه اجبدو رواحكم
اي والله يعطيك الصحة يا أم أمينة الصورة معبرة والبنة طاغية دون ان نتذوق
الدجاج واضح أنو اخذ كل وقته في الطهي والتبرج والزينة والروز قالهم اسكتو شكونوكيفي في الزين والبنة والحلاوة

 

[ام أمينة]

يأتي دورنا للتقييم كالعادة هههه اجبدو رواحكم
اي والله يعطيك الصحة يا أم أمينة الصورة معبرة والبنة طاغية دون ان نتذوق
الدجاج واضح أنو اخذ كل وقته في الطهي والتبرج والزينة والروز قالهم اسكتو شكونوكيفي في الزين والبنة والحلاوة

بارك الله فيك

 

[ام أمينة]

لذيذ سلمت يمناك على الطبق القيم

بارك الله فيك

 

[السلطانة]

خرج يشهي
يعطيك الصحة وتاكلوه بالصحة

 

[ام أمينة]

خرج يشهي
يعطيك الصحة وتاكلوه بالصحة

شكرا حبيبتي

 

[لمعانُ الأحداق]

ماشاء الله

بوركتِ أختي

و بصحتكم ^^

 

[ام أمينة]

ماشاء الله

بوركتِ أختي

و بصحتكم ^^

تِسلمي غاليتي