بركوكس بالدجاج .... من مطبخي

[ام أمينة]

السلام عليكم و رحمة الله تعالى و بركاته

بركوكس أو العيش من مطبخي

المقادير و طريقة التحضير :

في طنجرة الضغط حطيت
2 ملاعق زيت + ملعقة زيت زيتون
قطع دجاج انا درت كويس
بصلة متوسطة مرحية أو مقطعة رقيق
4 فصوص ثوم رحيتهم مع حبة طماطم
فنجان صغير جلبانة
فنجان صغير فول مدشش شمختو 4 ساعات
حبات حمص طايبة من قبل
حبة صغيرة بطاطا مقطعة مربعات صغيرة
حبة قرعة صغيرة مقطعة مربعات صغيرة
حبة جزر مقطعة مربعات صغار
قصبر أو حشيش مقطفة مقطعة

نقليهم مليح على نار من متوسطة الى هادئة
و نضيف التوابل
ملح و فلفل أسود و عكري حلو و عكري حار ( اختياري ) 1 جومبو دجاج رشة رأس الحانوت و قصبر حب مرحي
و ملعقة طماطم مصبرة و نقلي جيدا و نمرق بالماء يكون يغلي

البركوكس أنا شريتو واجد نغسلو 2 مرات و نخليه يقطر مليح
نديرو في إناء و ندهنوه بالزيت و نحطوه يفور 2 مرات

كي تطيب المرقة نحي الدجاج و نحط البركوكس داخل المرق و نحرك كل مرة باش ما يلصقش
كي يطيب و بحوالي 3 دقائق قبل ما نطفي نزيد نحط فص ثوم كبير مبشور مع شوية قصبر مقطع
عند التقديم نزينوه بالدجاج و القصبر المقطع

النتيجة





شهية طيبة
​

 

[سحائب الشوق]

يعطيك الصحة تشهي..
و من بين الأطباق لي نحبها بالخصوص لما تكثريلها الخضر الموسمية.. و مع هريسة الله الله
بصحتكم

 

[dahman kz]

روعه ربي يباركلك
في الواد نسموه البركوكش ( بحرف الشين )
ومن الاكلات التقليدة للي عندنا وبكري ماكانوش يشروه جاهز من الحانوت
كانو النسا يخدموه باليدين
و العادة ناكلوه في الشتا ياسر وفي البرد وكي تصب المطر
وعندنا مثل وكلمة مشهورة
يقلك اليوم نهار بركوكش
يعني نهار بارد ياسر و لازمه البركوكش و البركوكش معروف يدفا لواحد بعد ما ياكله

 

[يوسےفے]

ما شاء الله عليك
عنا البركوكس من ذاك لذاك يفتلوه و يدسوه يشدلنا حتى شهور
عندنا نديرو بركوكس بالقطايع و التعمير و مرات بكفتة بولات ..و بليدام تاعه و يفضل في نهارات تع الشتا و البرد يقلع البرد من العظم
أما هذاك البركوكس تع النفاس ما نهدروش يجي سبيسيال ما نعرف علاه

ربي يبارك فيك ​

 

[ام أمينة]

يعطيك الصحة تشهي..
و من بين الأطباق لي نحبها بالخصوص لما تكثريلها الخضر الموسمية.. و مع هريسة الله الله
بصحتكم

الله يسلمك
أنا نحب الخضر فيه و أحيانا نرحيها باش ما تبانش
و صح مع الحار بنة خيالية
شكرا لتواجدك في موضوعي

روعه ربي يباركلك
في الواد نسموه البركوكش ( بحرف الشين )
ومن الاكلات التقليدة للي عندنا وبكري ماكانوش يشروه جاهز من الحانوت
كانو النسا يخدموه باليدين
و العادة ناكلوه في الشتا ياسر وفي البرد وكي تصب المطر
وعندنا مثل وكلمة مشهورة
يقلك اليوم نهار بركوكش
يعني نهار بارد ياسر و لازمه البركوكش و البركوكش معروف يدفا لواحد بعد ما ياكله

يبارك فيك
صح هو طبق شتوي بامتياز
أنا حسالبي غير التوانسة لي يسموه بركوكش ظهر حتى في منطقتكم
الله يبارك
شكرا لتواجدك في موضوعي

ما شاء الله عليك
عنا البركوكس من ذاك لذاك يفتلوه و يدسوه يشدلنا حتى شهور
عندنا نديرو بركوكس بالقطايع و التعمير و مرات بكفتة بولات ..و بليدام تاعه و يفضل في نهارات تع الشتا و البرد يقلع البرد من العظم
أما هذاك البركوكس تع النفاس ما نهدروش يجي سبيسيال ما نعرف علاه

ربي يبارك فيك ​

سبحان كل منطقة تختلف عن الأخرى في طريقة التحضير
بركوكس التعمير تع الغرب ثاني نطيبو مي ماشي دايما
شكرا لتواجدك في موضوعي

 

[إلياس]

انا من عشاق هذا الطبق اللذيذ خاصة في فصل الشتاء ايام البرودة القارصة
بورك فيك على طبقك القيم

 

[ام أمينة]

انا من عشاق هذا الطبق اللذيذ خاصة في فصل الشتاء ايام البرودة القارصة
بورك فيك على طبقك القيم

طبق شتوي بامتياز
شكرا على تواجدك في موضوعي

 

[لمعانُ الأحداق]

الشتاء يكون برعايتو
تحس فيه شعور لمة زمان
خاصة إذا كان مفتول باليد ..
من بين أطباقي المفضلة

شكرا أم أمينة

 

[ام أمينة]

الشتاء يكون برعايتو
تحس فيه شعور لمة زمان
خاصة إذا كان مفتول باليد ..
من بين أطباقي المفضلة

شكرا أم أمينة

العفو عزيزتي
نورتي موضوعي

 

[أبو عاتكة]

عيش ماشاء الله بصحتكم
ان شاء الله يستفيد اهل الطبخ

تعرفي المقطعة انا لاحظت انو مبقاتش الناس طيبها؟

من بعد نزيد نسقسي الذكاء الاصطناعي ههه

يعطيك الصحة وحفظك الله وبارك في رزقك