ادخل وحكيلنا

[روزاليندا]

مكاش واحد فينا ممرش بتجربة نتاع كوبياج ولا غش في ليسي .سيام. جامعة . مدا بيا كل واحد يحكيلنا على هذي التجربة ومتقلوليش مكناش نغشوا زعما عمرك ماغشيت بورقة.....بكراس.....كتيبة في الطابلة ولا على الحيط ....وانتوما ليجان مكنتوش تصاحبوا لبنات على جال مصلحة ( نهار الاختبار)
وكاش ما نهار حكموك الاساتذة :frown: واش صرا؟

 

[يسرى 2008]

رد: ادخل وحكيلنا

مشكورة لوزيلندا على موضوعك الجميلة
موفقة

​

 

[روزاليندا]

رد: ادخل وحكيلنا

حبيبتي اسمي روزاليندا واش تحكيلنا على الموضوع

 

[موجة بحر]

رد: ادخل وحكيلنا

حنونتي روزاليندا أنا الله يبارك عندي زوج تجارب
وهوما الوحيدتين لي كوبييت فيهم
لولا في السيام في التاريخ والجغرافيا انا عطيت لصحبتي
ورقة في التاريخ وهي الجغرافيا وقبضتنا الأستاذة ووصلتها
تجري لبابا طبعا عرفتني بلي كوبييت على خاطرش حماريت
في وجهي وحالتي ولت حلة
والزاوجة في الباك غاظتني وحدة قعدت تبكي في الفلسفة
عطيتها ورقة البغويون تاعي ومع أنهم م قبضونيش إلا أنه
ربي خرجها مني وديت 5 فيها ولي نقلت دات 12ههه
شكرا ليك على الموضوع
تحياتي

 

[alucard.x.zaraki]

رد: ادخل وحكيلنا

هههههههههههههه أسكتي برك حكموني أنقل في الباك....بصح دارولي غير تعهد.....
رح أفيدكم من خبرتي:
كاين بزاااف أساليب و كامل خدمت بيهم وهوما ناجحين 100%
1-اذا كانت الحراسة مشددة ..تقدرو تروحو للمرحاض..وتجبدو لحروووز تاوعكم بكل هددوء....
2-لازم تخبو لحرووز مليح..*في التقاشر مثلا ...الملابس الداخلية هههههههه
3-الميساجات تاع البورتابل...الي ميسلكوهاش.في الفرونسي و الأنجليزية...
أدو البورتابل للمرحاض على خاطر في الكلاصاا يحكموه عندكم ...بلا نقاش
4-أهدرو مع الحارسة تاعكم من البدية باااش تفهموهاا العقلية و التهديد يكون أخر وسيلة
على خاطر النسا يجو ملاح خير من الرجال .....يلعبوهاا قانونيين
5 -اذا كان أستاد يلعبها يزيير...ميخليكمش تنقلواا..و لأستاذان لخير ملاح..معليكم غير تتفاهموا و كل مرة يخرجوا تلميذ...للمرحاض....
و أخيرا متنساوش الدعاء
يا ربي قرب ورقة زميلي مني....وأبعد عيني الأستاذ عني
حتى أنقل بتهني.....
ومن الحكم و الأقوال
خذ الصفر و لاتباااي....................... فانه من علامات الرجااال شكله مدور ...0
ولونه أحمرن....
**من نقل انتقل...ومن اعتمد على نفسه بقي في قسمه **
اتمنى تستفيدوا و تفيدواا...
أخوكم ..خالد

 

[karima19]

رد: ادخل وحكيلنا

الكوبياج هو احد مغماراتي الجميلة..لكن انا بصراحة احب الاعتماد على نفسي لاني واثقة من نفسي وخاصة اليوم ...من غشنا ليس منا .

 

[Vivek F]

رد: ادخل وحكيلنا

اييييييييييييييه الكوبياج

خطرة سنة اولى ثانوي فالاختبار تاع التاريخ و الجغرافيا مديت brouillon تاع الجغرافيا لواحد يقرى معايا لي فرح و قعد يطلبلي في ربي و الحارس سمعه جا بدلي البلاصة مقابل الحيط وكان باقي ربع ساعة للوقت الولد نقل و خرج و انا قعدت نكتب في الاجابة من اول وجديد

 

[نجاة40]

رد: ادخل وحكيلنا

انا مرة فالجامعة دارنا البروف واحد الكونترول صعيب بزاف او كانو يعسو فينا مراقبين المهم حصلنا وبقينا كامل نتفرجو في بعظانا راحت اختكم جبدت الكتاب نقلب فالاوراق وحدة ورا وحدة بصح ماعرفتش الاجابة شافني المراقب خلاني بالعكس هو لي يعس عليا كامل يستناو فيا مع الاخير قلتلهم ماعرفتش ياو قريب يموتو من الضحك حتى مديتو لطفلة وحدة جبدت الاجابة وردتلي الكتاب مي صعقني ربي بنقطة ضحكت صح صح على روحي

 

[راجية النجاح]

رد: ادخل وحكيلنا

انا ما نكوبيش وجامي نكوبي وعندنا في الكلاسا بزاف مغامرات وخطرة حبيت نجرب معا اني كنت حافظة
ارسمنا الروسومات نتاع العلوم في الحيط وفي الصبورة والاستاذ مينين بغا يدور ما صابش كيفاش يدير
بصح المهم كنت حافظة غير باش نعاون برك هههههههههههه

 

[narimane]

رد: ادخل وحكيلنا

انا عندي بزاف تجارب مه الكوبياج جربت كلش الكتيبة فالحيط الورق, اليدين..........
مادا بيكم طرق جديدة للافادة​

 

[nassim007]

رد: ادخل وحكيلنا

j'amais
:biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2::biggrin2:

 

[nassim007]

رد: ادخل وحكيلنا

nooooooooooooooooooooooooooooooooooooooooo

 

[ahras algerie]

رد: ادخل وحكيلنا

أنا عبقري تعلمت نكتب بالامازغية والدروس لي نشك فيهم نكتبهم ونحط الورقة فوق الطابلة وكي سقسوني عليها نقوليهم هذي وقيلا جابونية لقيتها مطيشا في الطريق وهكذا دواليها طوال المشوار الدراسي هههههههههههههههههههه المغامرة بدأت في السنة التاسعة هههههههه لوكان احطوني رئيس بلدية:party:

 

[imen23]

رد: ادخل وحكيلنا

كل مانتريشي يفيقو بيا
تقول عندي ماس في كايي

 

[روزاليندا]

رد: ادخل وحكيلنا

ذرك انا نحكيلكم على روحي كنت نقل في السيام ومكنت نجبد لا كراس لا ورقة كنت نقعد مع وحدة هي لي تنقل
بيناتنا كنت نحقرها انا نعس الاستاذ وهي تجبد الكراس ومباعد توريلي ومرة حكمنا الاستاذ وختكم جبدت روحا كلي ما دارت والوا وحصلت الطفلة لي كانت معايا ودات 0 و شبعت بكاء . بصح والله ذرك وليت عاقلة تحبوا الصح وليت نخاف الكوبياج والتبهدايل مع الاساتذة
شكرا على مروركم

 

[LOveLy cOmpLex]

رد: ادخل وحكيلنا

هاي موضوع حلو تعرفي نا بنت قراية صحبتي كيف كيف يعني في الاغلب نعاونوا بعضانا بكلمات و في ايامات الامتحان كي نكمل نبعث وراقي لكل القسم مي مفهمش الخير والله تشوشي غير روحك و ساعات يغلبوك في النقاط

 

[بربروس]

رد: ادخل وحكيلنا

كي كنت في الثانوية كنت نكوبي انا واحد صحيبي كان يريح ورايا وانا قداموا كنا نخدموافي الاوساخ اومبعدا نبدلوا لوراقي نتاعنا مع بعضانا انا نتكا علي الكرسي وندير الورقة مورى ضهري وهو يقدم بزاف للقدام ودير الورقة على ضهري وان نجبدها ونفري شغلي وهو ثاني
//الحصول على الجابة يستهلك وقت اقصر من التفكير فيها//