السلام عليكم ورحمة الله وبركاته
انا واحد العام كنت حاب نروح من الجزائر مي خممت لقيت روحي راني خاسر علاه نروح بلاد الناس وانا في بلادي معزز مكرم؟ دورك انا نحير في شي ناس راهم حاطين في بالهم الحرقة والهجرة لبلاد البارانية ارواحو ننصحكم خير .................................
مهما يصير حتي لو حرقت للبلاد الناس دورك تتوحش لمة تاع ولاد بلادك.......... وانت لي راك حاب تروح تخدم عند البارنية ........... كيفاش راك متاكد ان الخدمة مضمونة عند الخارج ......... والقاوري هذاك راح يترك ولد بلادو شومار ويعطيك انت الخدمة؟جامي تسرا هذي.......
المثل واش يقول:قيص قبل ماتغيص......................................
ما احسن تعيش بين ولاد بلاك والا تعيش قلبك على ولاد بلادك وهوما بعاد عليك .....................
ولا وشرايكم خاوتي كلامي غالط ولا صحيح؟؟؟؟؟؟؟؟؟؟؟؟؟؟؟؟؟؟؟؟؟؟؟
نستانو الردود تاعكم ونشاله يكون عجبكم لموضوع
