ارجوكم اغيثوني بالحل

[نقاء السطايفية]

السلام عليكم يا جماعه انا نقاء من سطيف عندي مشكله وحبيت نطرحها عليكم والي عندو حل ربي يسترو مايبخلش عليا يقولهولي خاطر راني محتاجاتو بالزاف مشكلتي هي اني مدمنه علا النت وخصوصا على الشات الشات داتلي معظم وقتي سييت باه نبطلها وماقدرتش وكون غير داتلي الوقت وخلاص حت عقلي داتو وليت نخمم غير في الناس الي نشاتي معاهم ونفكر فيهم كلي راهم عايشين معايا وهدا الشي اثر على حياتي العاديه نتمنى نلقى الحل في اقرب وقت من خلالكم خاطر كون نكمل هكدا علابالي بلي حياتي تضيع علا جال حاجه وهميه

 

[amin00]

رد: ارجوكم اغيثوني بالحل

السلام عليكم يا اختي
صح هادا مشكل او مشكل كبير
و كاين ناس بزاف ايعانو منو
لكن انا نعطيك حل يا اختي


النت هادي مافيهاش غير الشات يا ختي
فيه بزاف اصوالح اخرين تقدري تعمليهم
تحاولي تستفادي منهم و اتبعيهم
على احساب الاهتمامات ديالوك و الميولات او هوياتك
او دراستك ادا كنت تدرسي او طبيعة عملك

مثلا انا كان عندي هاد المشكل لكن الحمد لله
تخلصت منو و الان راني انتبع مجال الجرافيكس اي التصميم
عدت ننسى بلي كاين الشات في النت


حوسي كيفاه انك تستفادي
لانو الشات مضيعة للوقت
وتقدر حتى اتاثر في عقلك وتفكيرك


انشا الله تستفادي من كلامي يا ختي

 

[نقاء السطايفية]

رد: ارجوكم اغيثوني بالحل

ربي يعيشك يا امين يا خويا ربي يخفضك كلامك فادني بالزاف وبربي ان شاء الله نبطل الشات ونلتا بحوايج خير من الشات ومرسي بالزااااااااااااااااااااااااااااااااااااااااااااااااااااااااااااااااااااااااااااااااف

 

[عاشقة مجهول]

رد: ارجوكم اغيثوني بالحل

ياختي واش رايحة نقولك ............اللي كان مريض بالشات كيما انا مازال ماخلقش ودرك صدقيني عندي قريب 6 اشهر مادخلتلوش وماحوستش عليه ...................ياختي خممي مليح مع روحك درك تلقيه وهم في وهم والناس اللي فيه كامل ناس تافهة تعقب في وقتها وتطيش فيه ...........مايدوم خير الصح وماتضيعيش وقتك في حاجة ماتفيدش كيما قالك خوك امينوا .....النت مافيهاش غير الشات فيها بزلف صوالح .......... ملاح ومش ملاح ............والشات هذا حاجة مش مليحة وبالبزاف تاني ................امالى اسمعي لكلامي واخطيك .............
ولا نقولك حل مليح اخر .............خليك هنا في اللمة رايحة تعقبي وقتك في واش يفيد تاع الصح
ومش رايحة تحسي بالقلقة خلاص ..............اوكي حنونة ربي يسهل

تقبلي مروري

 

[احساس طفل]

رد: ارجوكم اغيثوني بالحل

اول شي لازم التغيير يكون نابع من الداخل
ولازم تكونِ ذات عزيمه وإراده قويه
وهاتِ ورقه اكتبي فيها ايجابيات وسلبيات الدردشه مع اني متأكد ان السلبيات كثيره جدا واكتبي التغيرات التي حدثت في حياتك منذ دخولها هذا علشان يكون الدافع قوي للتغير
وهاتِ ورقه ثانيه اكتبي فيها الاهداف والطموحات اللي تبين توصليلها
اجمع ِمعلومات عن هذه الاهداف (ارهاف الحواس)
لازم يكون عندك مرونه حتى اذا فشلت مره اعيدي المحاوله مره ثانيه وبطريقه أخرى حتى تصلي للهدف المنشود باصرار ومعرفه
أختي ان ان تحديد الهدف وارهاف الحواس والمرونه هي القوائم الثلاث للبرمجه اللغويه العصبيه
وخلي وقت للعبادات وذكر الله واعلمي ان كل عمل خالص لوجه الله هو عباده واستعيني بالله اذ لاحول ولا قوة إلا بالله هو المعين وحده لاشريك له اكثري الدعاء ولا تقولي عندي هم كبير بل قولي ياهم عندي رب كبير
أكيد عندك هوايات أهملتيها ارجعي ومار سيها مره أخرى
لازم يكون عندك وقت لأهلك وصديقاتك وأولادك وبيتك اذا كنت متزوجه
بامكانك الالتحاق بدورات ثقافيه تعليميه حتى تستفيدي وتقللِ من اوقات الفراغ
وبعدين النت فيه أشياء وايد تقدري تستفيدي منها كما قال أخي السابق
وفيه موضوع للأخت مسلم جزائريه جدا رائع عن الوقت جزاها الله كل خير ممكن تستفيدي منه
اختي دائما خذي نفس عميق ثم رددي أنا قويه وسأصل لِهدفِ بإذن الله سبحانه وتعالى
ودائما خلي تفكيرك ايجابي ولا تحبطي نفسك لانه احنا بشر ومعرضين للخطأ و خير الخطائين هم التوابين

 

[نقاء السطايفية]

رد: ارجوكم اغيثوني بالحل

ربي يعيشكم وجزاكم الله خيرا حقيقة منتدى رائع والشيء الاروع هما انتوما ربي يبارك فيكم ويحفضكم

 

[khaoula1991]

رد: ارجوكم اغيثوني بالحل

مساء الخير اختي
انا ننصحك انك تحاولي تبدلي الشات بحاجة تانية تحبيها هي تاني
شوفي الحاجة اللي تستمتعي بها و حاولي توالفيها

 

[الساجدة لله وحده]

رد: ارجوكم اغيثوني بالحل

اختي الكريمة..مارايح نزيدلك والو على اللي قالوهلك الاخوة الكرام قبلي.....واذا حسيتي بنفسك كل ماتقعدي عند الميكرو تروحي للشات.....حاولي ولو لمدة قصيرة ماتقربيش الميكرو...ونحي كامل الملفات اللي كنت تتكلمي فيها....
....وان شاء الله مايكون غير الخير...مادامك مقتنعة باش تبعدي على الشات ربي رايح يوفقك ....
.......تقبلي تحياتي...

 

[نقاء السطايفية]

رد: ارجوكم اغيثوني بالحل

ربي يعيشكم نشكركم كيما راكم علا النصائح تاعكم

 

[khaled.walid]

رد: ارجوكم اغيثوني بالحل

اختي الكريمة..مارايح نزيدلك والو على اللي قالوهلك الاخوة الكرام قبلي.....واذا حسيتي بنفسك كل ماتقعدي عند الميكرو تروحي للشات.....حاولي ولو لمدة قصيرة ماتقربيش الميكرو...ونحي كامل الملفات اللي كنت تتكلمي فيها....

....وان شاء الله مايكون غير الخير...مادامك مقتنعة باش تبعدي على الشات ربي رايح يوفقك ....
.......تقبلي تحياتي...

موفففففففففقة إنشاء الله.إن الله لا يغير ما بقوم حتى يغيروا ما بأنفسهم.

 

[أريج الفجر]

رد: ارجوكم اغيثوني بالحل

الشات هادا بروبلام كبير

وباش نقولك ماكنتش ندخلو مع الاول نكدب عليك

مي كي تشوفي العباد لي فيه و التخمام تعهم وعقليتهم تعيفيه

وزيد بزايدة تحسي روحك كبيرة على الميليو هادا

اكتر الناس تماك تخمامهم عيان وحدك تجبدي روحك

وزيد كي درتي موضوع وراكي حابة تحبسيه تقدري تحبسيه ان شاء الله
كي تدخلي النت سيي استفادي منو كي يديق خاطرك ريحي فالمنتديات شوفي تعلمي بزاف حاجات

سيي تتعلمي
les langages de programmations

جوزي الوقت

وان شاء الله تقدري تحبسيه ​

 

[موح موح موح]

رد: ارجوكم اغيثوني بالحل

السلااااااااام
و الله تعرف كنت كن لفراش تاع النوم للشات حتى لفطور مانفطرش
مي الحمد لله لقيت اللمة خير منو
مليحة و فيها الفايدة و شاملة فيها الشات بطريقة تخليك تتعلم و تتثقف خير
ننصحك باللمة الجزائرية للقضاء على هذه الافة
مووووووووووووح
التبسي
موح موح موح

 

[belle vue]

رد: ارجوكم اغيثوني بالحل

ليست مشكلة كبيرة يا أختي تستطيعين حل المسألة فقط بالتحاور مع نفسك ما تريدين من الشات ؟
بصراحة لقد كنت ادخل الشات سابقا لكن بعد وقت قصير وجدت أنه ليس المكان المناسب لتحصيل الأشياء المفيدة كل شيء فيه دون المستوى في حين أنني أطمح إلى حوار أرقى و أحسن و هذا ما وجدته في المنتديات

على كل الحال البديل موجود فما عليك سوى حسم الأمر مع نفسك:nerd:

ربي يوفقك​