*** خسرت الباك-bac- للمرة الثانية..

[ال - خليفة]

ما دا افعل
والله هل من حل............................

 

[ال - خليفة]

رد: *** خسرت الباك-bac- للمرة الثانية..

اريد رايكم لانني في حالة لا يرثى لها .....................

 

[أريج الفجر]

رد: *** خسرت الباك-bac- للمرة الثانية..

معليش خويا عسى ان تكرهو شيئا وهو خير لكم

زيد عاودو للمرة التالتة

عندي صحبتي هاد العام المرة التالتة لي عاوداتو فيها مافقدتش الامل وجابتو

والحمدلله على كل شيء خويا الانسان كي يكون بصحتو وبين العائلة تاعو هاديك هي الدنيا ومافيها وباك ان شاء الله يجي العام الجاي المهم انت ماتيئسش
​

 

[mimia2]

رد: *** خسرت الباك-bac- للمرة الثانية..

يا خويا هدا هو مكتوبك
لكن اياك واياك ان تفقد ثقتك بالله سبحانه وتعالى وتفقد الامل بالنجاح وتدفن احلامك وطموحاتك في المستقبل...
وما عليك غير تزيد تعاودو مرة اخرى وتحاول تعرف الامور اللى خلاتك تخسر لانه بمعرفة السبب يبطل العجب
والله يعطيك الصبر ياخويا ويعوضك خير.........
نتمنى نكون خففت عليك شوية الحزن
ليلة سعيدة

 

[Vivek F]

رد: *** خسرت الباك-bac- للمرة الثانية..

الله يكون معاك الاخ الكريم وكيما تقول الاية "وعسى ان تكرهوا شيئا و هو خير لكم"
انا ولد خالتي هذه المرة الرابعة باش جابو مالازمش تياس و خلي ثقتك بالله و بنفسك كبيرة و عسى ان تعوض خيرا ان شاء الله و نفرحو بيك العام الجاي

 

[ال - خليفة]

رد: *** خسرت الباك-bac- للمرة الثانية..

شكراااااااااااااا

 

[راحة البال]

رد: *** خسرت الباك-bac- للمرة الثانية..

سلام ...

الحمد لله مهما كان الحال ياخويا الباك ماهوش كلش مجبتوش العام هذا تان معليش عاود العام الجاي وألي موراه حتان تجيبو إن شاء الله ودير في بالك مليح بلي ربي مايكتبنا ويقدمنا غير الخير سبحانه يعني بالاك كي ماجبتوش كان فيه خيـــــــــر كبير وربي عوضهولك في حاجة أخرى وهذا أكيد دير الثقة في ربي واحمدو بزاف وصبر فما هو إلا اختبار منه تعالى وراح جي منبعد الفرج إن شاء الله وبدا من جديد وماتقولشش خسرت على خاطر ماهي إلا تجربة وخطوة تأخرك عن النجاح ألي جاي إن شاء الله وبالعكس إذا تعبت والله راك راابح بزااف عند ربي وماتخافش دير لكوراج خويا ومتنساش قدر الله وما شاء فعل لعله خير والله وربي هو المعين على كل شيء ​

 

[موح موح موح]

رد: *** خسرت الباك-bac- للمرة الثانية..

السلام عليكم
يا خويا المكتوب
انا تاني باك و نجحت مي كاين ناس لاعلاقة و نجحت خير مني
الله غالب هاذي هي الدانيا
نعرف واحد عاود 3مرات و كي نجحراح للجامعة و لقى صحابوا اللي نجحوا يستنوا فيه قرا و فاتهم و تخرج و خلاهم في الجامعة
معليش كبر قلبك و عاود
موح التبسي اخوك في الله
موح موح موح

 

[Ra Off]

رد: *** خسرت الباك-bac- للمرة الثانية..

خويا لعزيز

انا تانى مانجحتش من العام الاول ...
حاول برك تنحي على بالك في بداية هاد الصيف
وغير الجو

ومع بداية شهر اوت ان شاء الله ... ابدأ المراجعة
بحزم ... وشوف النقائص تاعك وصححها قبل الدخول المدرسي

هكدا تعاود عامك بكل راحة ... هدا واش درت انا لما عاودت
والحمد لله نجحت وراني الان قريب نتخرج

واذا حبيت اي مساعدة نحن في الخدمة خويااا
معليش كل عطلة فيها خير

ونقولك حاجة : ماتنجحش احسن من انك تنجح بمعدل صغير
دير في بالك الامتياز وواش حاب تقرا من بعد


وبالتوفيق ​

 

[faiza34]

رد: *** خسرت الباك-bac- للمرة الثانية..

اتوكل على ربي سبحانو ....................العام الجاي ان شاء الله تجيبوا.......متقلقلش روحك ياك درت لي عليك

 

[hafida nanicha]

رد: *** خسرت الباك-bac- للمرة الثانية..

الايمان بالله اقوى من كل شيىء فعسى الله ان يجعل لك خليفته في شيىء اخر فتوكل عليه فهو معينك في الدنيا ..........واذا مكنتش جبتو هذا العام تجيبو العام الجاي انشاء الله و الدنيا مكمل بالباك و لا بلا بيه....والصحة هي كلش.

 

[أم دارين]

رد: *** خسرت الباك-bac- للمرة الثانية..

السلام عليكم

أول حاجة الباك ماشي كل شي يا أخي وخلي ثقتك بربي قوية
وخلي عندك إرادة وقول إن شاء الله نجيب الباك ولو كان ندي حياتي كامل وأنا نعقب فيه

ثانيا
نصيحة مني هذا العام حاول تخلي روحك مرتاح عالآخر وتعبش نفسك بالمراجعة
ابدا من أول العام كل يوم اقرا درس ولا حل دالة صغيرة
بدون اجهاد ولا لقيت روحك تعبت ولا تقلقت طيش الكايي وارقد
وحاول تعاود تشوف المواضيع تاع هذا العام والعام اللي فات واعرف علاه بالضبط مديتش ووايني نقطة الضعف وحاول تركز عالمادة اللي خلاتك متديش

ونهار تروح تعقب الباك روح بنفسية مرتاحة
وحط في بالك كي تدي الباك كي متديش
قول كون ندي اللهم بارك منديش نعاود العام اللي ليه نورمال

بصح ماشي معناتو تنحيه من بالك خلاص ومتجاوبش

ربي يكون في عونك ويوفقك
ونشوفوك العام الجاي كيما هاد الوقت من الناجحين بتفوق

واصبر فإن الله مع الصابرين
وإن بعد العسر يسرا​

 

[خالد سيف]

رد: *** خسرت الباك-bac- للمرة الثانية..

إلي جابْها رِِِبي فيها اْلخير َحَضر العام ْالجاي ان شاء الله تجيبو بمعدل مليح يسهلك تدي الرغبة انتاعك

 

[houssemeddin]

رد: *** خسرت الباك-bac- للمرة الثانية..

حتى انا ماجبتوش هاذ العام ولكن مايش راح يكون هكذا العام الجاي وربي وفق كل مومن

 

[DALALFOREVER]

رد: *** خسرت الباك-bac- للمرة الثانية..

مرحبا اخي نصيحة لك ان لا تفقد الامل واصبر على ما اصابك فربما فيه خيرلك وانزع من راسك الياس و القلق و الخوف وحاول تكون قوي الايمان شجاع تقاوم اي شيء يعارض طريقك المستقيم اريد منك ان تبحت عن سبب فشلك حتى لا ترتكبه مرة تانية فالانسان ان لم يفشل لن ينجح وحاول ان لا تفكر في الجانب السلبي ربما الله سبحانه تعالى اختبر صبرك حتى يجازيك بالافضل ...............وفي الاخير كن قوي الايمان وشخص دو ارادة كبيرة متفائل دائما بالخير....................وانشاء الله العام المقبل جيبو بمعدل جيد ولدي احساس كبير يخبرني بانك شخص مدهل بمجرد قرات موضوعك وانك انسان كريم ...................ربي يوفقك هناك متل يقول النفس القوية متلك اخي لا تعرف الياس ...............شو هو رايك

 

[اسهاء]

رد: *** خسرت الباك-bac- للمرة الثانية..

اسئل الله ان يلهمك الصبر وما تزعلش بزاف المهم صحتك وانو تكون عندك ارادة قوية
وان شاء الله المرة الثالته تديه بصح انتا ما تياسش وخليك قوى

 

[biba1979]

رد: *** خسرت الباك-bac- للمرة الثانية..

لا داعي لليأس خويا دائما هناك أمل أنا ربحت الباك للمرة الثالثة علمي تصور ب 4.5 في العلوم ؟؟مع أنه هذه خارقة ولكن تفسيرها الوحيد ربي كتب والحمد لله ماتستعجلش استمتع بالدراسة وحاول أن ترى ما لم تره في ما مضى أصدقاء جدد نمي قدراتك وطورها وجيب الباك بمعدل جيد حتى تتاح لك الخيارات الأحسن والمهم أن يكون لديك صحة البدن والدين فماذا تفعل بالباكالوريا وأنت طريح الفراش مريض أو مصاب بمرض خطير لا يسعك بسببه أن تدرس وتذهب للجامعة أنظر إلى ماهو حولك أسرتك صحتك سترى أن الله حباك بالكثير أنا ربحت الباك كما قلت منذ 10 سنوات للمرة الثالثة وتخرجت والحمد لله مرتين وصدقني عندما ستجح ستنسى كل هذا الألم والتعب المهم لا تيأس حاليا لا تفكر في ما مضى وتتحسر عليه لأن الأسف تبديد مروع للطاقة لا يصلح للبناء فوقه ولكن للغوص فيه إذا اقلب الصفحة وابدأ من جديد ولا تأخذ مما مضى إلا ما هو مفيد تمنياتي ودعواتي لك بكل التوفيق استمتع بعطلتك فكل يوم يمضي لا يعود احمد الله على كل حال واستغل كل لحظة من حياتك لبناء نفسك من جديد .....تحياتي

 

[kojak]

رد: *** خسرت الباك-bac- للمرة الثانية..

​

نورمال خويا العام الجاي نفرحو مع بعضانا نشاله

 

[sousouna]

رد: *** خسرت الباك-bac- للمرة الثانية..

نورمال خويا العام الجاي انشاء الله المهم ما تفقدش الامل و دير القلب و وريلهم شطارتك

 

[alucard.x.zaraki]

رد: *** خسرت الباك-bac- للمرة الثانية..

خوياااا راني كيفك
هادا عامي الزاوج و الله غالب