احلام طالب

[مولود حداد]

السلام عليكم ورحمة الله
قصيدة اليوم حول طالب في القسم النهائي كان يحلم أنو لما يتحصل على البكالوريا تفتح له الآفاق واسعا لكن ما وجد في الجامعة يا ترى؟ تابعوا معنا في القصيدة​

بسـم الله مــول المـنـة
والصلاة على صاحب السنـة
محمـد بـذكـرو نتهـنـى
جابلنـا الرسالـة والـديـن​

كنت إنسان عنـدي طمـوح
الطا ما جيسكـول ومفتـوح
نحب ديمـا نبلـغ الصـروح
ونـكــون مالـبـارزيـن​

وعلـيـه درت فالـخـطـة
نوّلـي قيـادة كـادر ديطـا
ويــذا ربــي زاد عـطـا
نترشح رئيـس للجزائرييـن​

وجـاو هـذوك الربـع ايّـام
وخـوكـم زيّــر لـحـزام
بـدلـت كــل السيسـتـام
ليلـي ونهـاري متماثلـيـن​

ظهرت النتيجة وخرج اسمي
والفرحة دوّات في جسمـس
الـدار ذبحـولـي عجـمـي
وكانـوا بـيـا فرحانـيـن​

وأول شـي فـي عقليـتـي
شوق كبيـر للونيفارسيتـي
اللي عقبـو عليهـا خاوتـي
وكانـو منهـا متخرجـيـن​

والنهار اللّول نتاع التسجيلات
الغاشي تقول الأمة كامل جات
والسخانة ترونت سات (37)
وحنـا فالشمـس مقابلـيـن​

خيّرت فرع العلوم السياسيـة
باش يخدملـي ذيـك الغايـة
اللي ذكرتها قبيـل فالبدايـة
ياخـي راكـم متفكريـن؟؟؟​

بدات الـدروس يـا سيـدي
وقلت نخرج كل مـا عنـدي
مـن طاقـة لكـن يـا ودّي
الإمكانـات كانـو غايبيـن​

كـي تخـل لـذاك المـدرج
نص يقرا والباقـي يتفـرج
قلولنا اصبروا راه ربي يفرّج
والكراسـى يكونـو كافييـن​

الشمبرا نتاع زوج فيها ربعة
والريستو أنتاردي الشبعـة
وكل يوم مظاهرات فالجامعة
بـالـظـروف مـنـدديـن​

ويذا ركبت في ذاك الكـوس
تقـول كريمينـال محبـوس
عالكـرامـة غـيـر دوس
ومـا تكـون مالطماعـيـن​

وبـــالاك الـغـيـابـات
خصوصـا فالتيدييـات (td)
وياويح اللي بقاولو لي دات
يتبعوه حتى عشـر سنيـن​

هنـا عـاودت شفـت لحالـي
وقلـت عـيـش يالـزوالـي
القناعة الكنز اللي مـا يفنالـي
والشي صعيـب يـا سامعيـن​

لكن ماعليـش طريـق المجـد
أَوْلُـو ديمـا صبـر وجـلـد
مــا نغـتـم مــا نتنـهـد
نـكــون مالإيجـابـيـيـن​

وهـذي سـنـة رب العـبـاد
ماشـي قـال مولـود حـداد
الدنيا تعب وتضحيـة وجهـاد
النفس هنا وكاين جهاد ففلسطين​

وبالمنـاسـبـة رح نغـتـنـم
هـاذ الفرصـة بـاش نترحـم
عالشيخ يسين وكل مـن قـدم
حياتـو فـداء لهـاذ الـديـن​

هـذاك هـو خيـر الأمثـلـة
اللـي تحبسـلـك المخيـلـة
رجـل قعيـد قـاد مرحـلـة
ديـال الـدفـاع والتمكـيـن​

قال مالازمش يتحول المسـار
إمـا شـهـادة أو انتـصـار
القضية ماهيش في مجرد أشبار
يقيـسـوهـا الجغرافـيـيـن​

القضيـة قضـيـة صـمـود
فـي وجـه الظلمـة اليهـود
ما رايحينش نغلبوهم إذا الجهود
تفرقـت وكـنـا متنازعـيـن​

وحـنـا يلزمـنـا الـوفــاء
لـهـاذ الـنـاس الأتـقـيـاء
ورثــــة الأنـبــيــاء
للهم نـكـونـوا حامـلـيـن​

الأم اللـي ترضـع
الشبل اللـي يطلـع
فـي قلبـو تطـبـع
أفكار أحمد ياسيـن​

التلميذ اللـي يقـرا
لازم يحقق النصـرة
بالفعل مو بالهـدرة
لأفكار أحمد ياسيـن​

المعلم اللي يـدرّس
يواصل مـا يحبـس
حتى فالنشء يتنغرس
أفكار أحمد ياسيـن​

الطالـب فالجامعـة
واجب عليه يسعـى
باش الناس تتوعـى
بأفكار أحمد ياسيـن​

الشاعر اللي يشعـر
لازم يدفـع ويؤثـر
فالجمهور الحاضـر
بأفكار أحمد ياسيـن​

فالأخيـر كلمـة نقولـهـا
فلسطيـن ياربـي احفظهـا
برعايتـك وحنـا فـداهـا
ومانـاش فيهـا مفرطيـن​

بصح اسمعوني ياناس لملاح
اللي خان حي على الفـلاح
يخون حي علـى الكفـاح
والصـلاة عمـود الـديـن​

 

[مولود حداد]

السلام عليكم
القصيدة صوتية من هنا ( بالصوت أحسن)
http://rapidshare.de/files/40174012/universite.wav.html​

 

[منير]

بصح اسمعوني ياناس لملاح
اللي خان حي على الفـلاح
يخون حي علـى الكفـاح
والصـلاة عمـود الـديـن

بارك الله فيك اخ مولود
طبعا من لا فيه ذرة من الايمان
كيف تنتظر منه اي يحرر نفسه من العبودية
لك كل الاحترام والتقدير ​

 

[مولود حداد]

السلام عليكم ورحمة الله

اخي منير ربي يسترك والصلاة أهم شئ في حياة الإنسان وهي اللولة اللي رايحين ننسألو عليها يوم القيامة واللي إيمانو ضعيف ما يحمل حتى قضية في نفسو يدافع عليها.
لكن لوكان تشوف ميزيرية الطلبة وقد كنا طلبة ربي يبقي الستر

موفق ودام لك التألق​

 

[ديالى]

قصيدة معبرة جداً بارك الله فيك ​

 

[مولود حداد]

السلام عليكم
شكرا على المرور أختي الكريمة
موفقة​

 

[kariim]

بارك الله فيك اخي قصيدة جميلة جدا ​

 

[أسماء البرج]

قصيدتك روعة روعة أخ مولود .

 

[مولود حداد]

السلام عليكم
ومرورك أروع أخت أسماء أنت والأخ كريم وهي المرحلة الجامعية الحلوة رغم مرارة الظروف
موفقون​

 

[afaf]

شكرا جزيلا لك أخى على القصيدة الرائعة
سلمت يداك
فى انتظار جديدك

 

[مولود حداد]

بوركت الأخت عفاف
الجديد آت إن شاء الله نجيو وحدة وحدة
موفقة​

 

[مولود حداد]

السلام عليكم
بوركت الأخت عفاف والجديد آت إن شاء الله رانا جايين وحدة وحدة
موفقة​

 

[belle vue]

حقا هذا ما نراه و نعايشه في الواقع لكن خيبة الأمل لن تطفئ فينا شعلة الطموح

كل احتراماتي لك

تقبل مروري​

 

[مولود حداد]

السلام عليكم
أصبت اختي الكريمة وطريق النجاح محفوف بالمخاطر والجنة حفت بالمكاره
مشكورة وموفقة​

 

[xsxsx]

جزاك الله عنا خير جزاء
أنا معجب جدن بمقالاتك الأكثر من رائعه

 

[مريم امينة]

السلام عليكم هذه اول مرة اقرا فيها قصائدك انت حقا رائع و مميز و تستحق كل التقدير
وننتظر منك المزيد من الابداع
و اذا زرت قسنطينة مجددا اتمنى ابلاغي شكرااا ​

 

[مولود حداد]

السلام عليكم

اخي الكريم المقيم فوق السحب ربي يجازيك خير وإن شاء الله نبقى نقدم الجديد والمتميز.
الأخت أمينة اشكرك على كلامك المحفز، في العام المقبل إن شاء الله راني مبرمج 30 حفل في جامعة قسنطينة وإقاماتها، وسنخبرك بالمواعيد مفصلة مع انطلاق الموسم .

ادعو لي راني داخل يوم الإثنين المقبل إن شاء الله للأستوديو لتسجيل قصائدي بالصوت سيكون السي دي في الأسواق في شهر رمضان المعظم.

مشكورة وموفقة​

 

[صويلح]

قصيدة اجمل من الجمال و اروع من الروعة
بارك الله فيك

 

[khawla92]

الطموح يا اخي تتكسر في بلادنا كيما الكاس كي عود قريب يتعبا بالماء يطيح ويتكسر بكل سهولة يمكن طفل صغير يكسرو بصح لازم الانسان كيما قلت يدوس على الكرامة ويكون ذا عزيمة حتى يحقق الطموح وذاك الكاس يطيح وما يتكسرش يفرغ ويعاود يتعمر كلمات في غاية الروعة يعطيك الصحة والسرار...

 

[مولود حداد]

السلام عليكم
أخي صويلح مشكور على المرور الذي عطر صفحة القصيدة
الأخت خولة اللي يحب يوصل لمراتب عليا لازم يضحي ويتحلى بالإيجابية في حياتو
موفقين​