عاونو أختكم في الله....ما عنديش غير ناس اللمة اللي يفهموني

[saracove]

أنا أريدكم أن تعطوني رأيكم في مشكلة حصلت معي ....لقد أحببت شخصا منذ 5 سنوات لكنه حب عن بعد فقط يعني من بعيد لبعيد( هو يحشم و يخاف بزاف من ردة الفعل نتاعي )...المهم عندنا 7 أشهر و احنا مع بعض ...في هاذ المدة تحملت حوايج بزاف لاخاطر هو ثقيل بزاف و يحسب لكل خطوة....و بعد كل اللي حملتو معاه راح وخلاني وحدي وهو علاباو باللي ما نقدرش نعيش بلا بيه ..و السبة ما زال ما فهمتهاش....هو عمرو ما يعطيني إجابة واضحة ديما كي نسقسيه على أي حاجة يكون الجواب نتاعو .ما نعرف و لا سقسي روحك...أنا علابالي باللي راهيحبني بالصح هو شوية معقد............واش تشورو علي ..ربي يحفظكم عاونوني بآرائكم...راني محيرة بزاف و ما عنديش غيركم لي تقدرو تعاونو ني

 

[دمعة وردة]

السلام عليكم وش راكي
يا الاخت انت راكي من أول مر تسرعت في التعلق بيه

 

[Ra Off]

ديريلو كيف تع شاهد ماشفش حاجة
يابيض ياسود

يعنى مكانش حاجة اسمها مانعرف ولا سقسي روحك !!! ؟؟؟
يا مش متاكد من نفسو يا خايف تكون اجابتو ماتعجبكش
وعلى هدا يتهرب

وعقلية الرمادي ماتدومش ... يا تكونو بلون بلون
يا نوار نوار

ويلا ماتفاهمتوش ... الصراحة لي تفصل

وبالتوفيق

​

 

[حضارة أُنثى]

بغض النظر عن التفاصيل اعتقد اي شخص تركك ما يستحق حتى انك تحزن عليه او تكوني محتاره وحاابه تعرفي سبب هجره لكِ . قوي قلبك

 

[saracove]

مشكورين يا ناس اللمة.ربي يحفظكم و يستركم.....عندكم الحق اللي باعك بالفول بيعو بقشورو

 

[°~Kenza_02~°]

نصيحتي ما تلوميش نفسك......والي خلاك خليييييييييييييييه
والنسيان نعمة

 

[zozo]

واش نقولك يا أختي ربي يكون في العوم هكذا أنا سراتلي مي أنا علابالي علاش تفارقنا بصح بلعقل برك وتولي لباس عليك نوصيك حاجة برك ما تفرطيش في صلاتك وربي يكون معاك و الله لي يرجع لربي سبحان جامي يخليه والحمد لله نحمد ربي على كل شيء مادام كاين ربي سبحان ما تخفي من حختى حاجة.
وربي إن شاء الله يجيب لي فيه الخير والسلام عليكم ورحمة الله وبركاته.

 

[boualem zghari 91]

كيما يقول ناس بكري
لي بغانا نبغوه ونديروه فوق الراس عمامة
ولي كرهنا نكرهوه حتى ليوم القيامة

 

[dr.web]

اختى الى يحبك يجى يطرق الباب وهنا المنطق اما حب السنين والشهور نجاحه مو مضمون

 

[صمت الذكريات]

انا نطن ادا كنت تحبيه لازم اتضحي و تحوسي عليه

 

[نجمة قطبية]

انا نطن ادا كنت تحبيه لازم اتضحي و تحوسي عليه

​

مع إحترامي لرأيك أختي أنا أرى أنك مخطأة
كيفاه تروح تحوس عليه وهو لي راح بلا سبة ؟؟؟​

نقلك أختي سارة أنا حالتي قريبة لحالتك حبيت واحد وعام ونصف وحنا مع بعض وقبل رمضان إنقطعت أخباره دون سبب فسألت وبحثت عنه لمعرفة السبب وكان إتجاهي لأقرب صديق له نقلك أختي واش صرى صبت كل حاجة تخصني عطيتهالو عند صاحبوا قالو كي تشوفها أعطيلها كلش سقسيت صاحبوا علاه دار هكذا قالي ماعلاباليش علاش رمى كل شيء؟؟قالي صاحبو أصبر يا اختي والزمان دوار يجي نهار يفيق مع روحو حطي روحك في الموقف لي حطني فيه ؟؟في تلك اللحظة أصبح كل شيء أسود بين عينيا ،،حبيت نعرف سبب ؟؟وحاول هو يتصل بييا بعد ماحكالو صاحبو واش صرى فييا في تلك اللحظة لي عمرى مارح ننساها ليوضح الأسباب ؟؟ بصح أنا تعلمت حاجة لي حبني نحبوا ولي نساني ننساه مايهمنيش نعرف السبب بعد ما قرر خاطرش كنت عارفة بلي نعرف ولا مانعرفش حاجة ماراهي رايحة تتبدل ،وكيما هو ماعطاليش فرصة أنا مانعطيلوش ،،وحلفت ياختي قلبي مايزيد يحب حتى واحد قلبي تكوى ،:crying:
أسمحيلي أختي طولت عليك بصح حبيت نوضح للأخت صمت الذكريات
حبيتو وعمري ماحبيت واحد كيما هو وحوست عليه شفتي النتيجة ؟؟؟؟؟؟
أختي أنا أول مرة يمر عليا رمضان بهذه الطريقة مانيش حاسة بيه مره ،،كل يوم نبكي كل يوم نتعذب كل يوم نخمم فيه ماقدرتش ننساه حبيت نكرهو بعد شيء لي دارو بصح الله غالب لي يحب مايقدرش يكره إلى متى هذا العذاب ؟؟
علابالي شدة وتزول ونقلك حاجة أختي لازم نتعلمو من الشيء لي مرينا بيه باش مانزدوش نوقعو في الخطأ وكيما يقولو المرء لايلدغ من جحره مرتين .
ربي يصبرني ويصبرك ويصبر كل المؤمنين ،،
تقبلي تحياتي ومروري
صح فطوركم ​