تساؤلات بريئة

[مولود حداد]

السلام عليكم ورحمة الله​

عدت اليوم بقصيدة خفيفة هي عبارة عن حوار ناطق في شقه الأول من طرف ابن سمع اناس قالو له انت مسكين وصامت من جهة الأب في الإجابة عن التساؤلات البريئة للابن.​

تابعوا​

التساؤل​

وعـلاش دارنـا صغيـرة *** ووعلاش يقولولي مسكين؟
وديـال جـارنـا كبـيـرة *** وعندهـم جنـان وبيسيـن​

وعـلاش هومـا عندهـم *** طوموبيل وحنا ما عندناش؟
ووليدهم يجيب معاه دراهم *** ويجيب كرواصون وفـلاش​

وانـا والـو مـا نــدّي *** معايـا ماكـلـة ناكلـهـا
نقعـد فالساحـة وحــدي *** ماعندي دراهـم نحسبهـا​

وعـلاش هومـا دايـمـا *** يلبسـوا غـيـر الجـديـد
وانــا وخـويـا أيـمـن *** نستناو حتى يجـي العيـد؟​

الجواب​

يا وليدي غيـر اصبـر *** وش رح أنـا نقـولـك
غدوا نشالله كي تكبـر *** تفهم الشي اللي اتقالـك​

يا وليدي فهـاذ الدنيـا *** ربـي خلـق و فـرق
كاين اللي جعلهم أغنيا *** وبزاف نحَّالْهُم فالـرزق​

بصـح ربـي يحبـنـا *** نرضاو ومـا ننزعجـو
وكي صح يشوف صْبَرنا *** الهـم هـو يْفَـرجـو​

 

[faiza34]

بارك الله فيك اخي

 

[قمر ال14]

بارك الله فيك