رانا نقراو ولا نعماو

[zolaelmahboula]

اود طرح هادا السؤال عليكم
ما رايك في مستوى التعليم بالجزائر على كافة مستوياته
و هل ترى الاصلاحات ناجعة
و ان كنت طالبا و حصلت على فرصة التعليم بالخارج هل تقبل
و ان قبلت اي جامعة تختار و لمادا

 

[sarah02]

رانا نعماو مشي نقراو
نقلك علااااااااااه
توك حتى واحد ماهو يمشي لسي ولا باصة خرى
غير للقراية برك
كاين لي تروح توزخ على صحاباتها
وكايت لي تروح على جال حنونها
وكاين تروح باش تريح من دااار ههههه
اسئلتك مانقدرش نجاوب باسكو مازال الباك
شكرااا للموضوع

 

[alucard.x.zaraki]

عندك الحق sarah
درك مبقاتش قرايا...أنا راني أعاودت زوج مرات في الباك على خاطر الليسي تاعنا مش تاع قراية

 

[zolaelmahboula]

او لا شكرا على الردود و المشاركة
انت سارة اعلاش راكي تروحي لليسي و انت تاني زكريا و لو ممكن الجواب بصراحة و كفاش راكم تشوفو فيه

 

[belle vue]

التعليم عندنا في وضعية مزرية لا تكفي كل الصفحة للتعليق عليه....تعرفين لماذا؟ لأننا لا نعرف قيمة العلم و لو عرفناها لقدسناها و بدل صرف الأموال الطائلة في السهرات الراقصة لحسنّا به وضع التعليم بما فيه من معلمين و متعلمين ...كلنا يعرف أنه لا حياة لمن تنادي​

 

[safa rym]

واشي هذا؟؟؟.و لاّ عنا مشكل وحد اخر"لاه الناس كامل ولاّت تشوف لقراية هكذا".أنا في قاموسي التعليم في الجزائر و لا في أي مكان اخر من العالم هو نفسو,مي كاين حاجة هو نقص الوسائل هو اللي خاصنا هذا أولا و ثانيا الشعب نتاعنا ولاّ ما يحبّش لقراية و يعتبرها مضيعة للوقت.
و حاجة اخرى أنا كون تصحلي لقراية في الخارج نروح نقرا مي نرجع طبعا,و الجامعة اللي نختارها هي جامعة فرنسا لأنّ تخصصي هي البيولوجيا و فرنسا هي الرّائدة في هذا المجال. و أخيرا تشكّراتي على هذا الموضوع الذي يفتح بابا للنقاش حول واقع التعليم في الجزائر.

 

[راحة البال]

السلام عليكم

التعليــــــــــم في الجزائر موضوع لازملو قعدة طويلة وياربي ونظن بلي التعليم عندنا ولا ماعندو حتى قيمة او بالأحرى ماعدناش نعرفوا قيمتو خاصة بسبب البطالة ألي ولات تقيس المتعلمين والمتخرجين بشهادات أكثر هكذا ولات حجة غير ألي يقولك علاه نقرى وبالطبع المعارف والواسطة ألي ولات كابوس ماش غير للي حابين يقراو ويكملو زيد على هاذي مكانش الامكانيات والوسائل اللي تحفز على التعليم التعلم غير ألي تثبط وتكبح العزائم عكس بلدان أخرى حتى ولينا كيما قالو نروحو نلعبو وحوايج أخرى ماش باه نقراو ... أما بالنسبة للاصلاحات بم اني خضت تجربة منها هي والله في مضمونها نظن أنها ناجحة لأنها تشمل بل مبدأها التطبيق وهذا ألي ناقصنا تلقاينا نقراو ونقراو بصح في التطبيق والممارسة وبعدها الانجاز والو يعني كلي نقراو وحنا مافاهمين والو وغير تفوت مدة ننساو واش قرينا والمشكل في هاذي الاصلاحات أنه مازال ربما مافهمناش هدفها وماراناش موالفين بهذا المنهج وبالطبع انعدام الامكانيات يعني لازملو وقت طويـــل باه يمد نتيجة
بالنسبة لفرصة الدراسة بالخارج إذا حصلت عليها بالطبع أقبل بشرط يكون بلد عربي مسلم نفضل الامارات بالضبط دبي لأنها تحوي مدينة طبية يعني من توجهاتي وكما سبق وقلت بلد مسلم عربي متطور أو الشارقة كذلك لما تعرف به بأنها المكان الأنسب للعلم والتعلم..

أخيرا بارك الله فيك على الموضوع وتقبلي مرووري الطويل​

 

[منتهى الصدق]

السلام عليكم
التعليم ...موضوع متشعب و متعب و مقرف
قد تتسالون لماذا اقولوا لكم ذلك
التعليم بدءت مشاكله منذ ان بدات الاصلاحات و يالها من اصلاحات قلبت كل شئ علي عاقبه ارجعت التلميذ فار تجارب و الاستاذ اداري و الاداري ملك المدرسة و المدير رئيس الجمهورية
نعم التلميذ كل عام او عامين ياتون بمقررجديد او منهاج جديد تعبت منه كل الدول الاوروبية و حابوا اجربوه عندنا واش صار من كل هذه التجربة اعماو كل الي يقروا النتيجة باك 2008 و البروفي 2008خير دليل علي ذلك
هذه نتائج سنين التجارب و المكر و كرههم لشعب حابينوا يعيش في الجهل و الفقر
ثاني الاستاذ صار اداري كيف كثرولوا الكتيبة يكتب الدرس و يكتب الدفتر اليومي و يكتب في الدفتر المدرسي و يكتب في الدفتر الاسبوعي و يكتب التوزيع اليومي و الشهري و السنوي و يصحح علي الاقل 200صفحة في الشهر امتحان كل شهر و امتحان كل شهرين و امتحان كل ثلاثة اشهر و امتحان تجريبي كل يوم و يصحح كراريس التلميذ و اصحح اوراق الامتحان و استدعوه باش اصحح امتحان السنة السادسة و امتحان البروفي و امتحان الباك و اعمر كشف النقاط الموسمي و كشف النقاط السنوي و اذا كان استاذ مسؤؤل اعمر الكشف كامل و يجري من وراء الاساتذة لما خدموش خدمتهم لانهم كرهوا حياتهم و يخدمها هو و زيدوا يكتب في السبورة و يدير دروس خصوصية و زيد ناحوا عليه قانون الضرب والا هو يتضرب يرحم ايام الزمان كان الاستاذ كيضرب التلميذ الوالدين ازيدوا يضرب وليدهم لانهم يعرفوا ان من علمني حرفا صرت له عبدا و الان راحت قدرية الاستاذ ولا هو و التلميذ كيف كيف و يخلص كما يخلص الزبال عندنا الشهرية ما تكفيهش حتي 15 يوم و الباقي كرادي و انزيدكم المرة هاذي ما خلصوهمش حتي 23جويلية من 15 جوان حتي 23 جويلية يا لطيف و اتحبوا الدنيا اتنور
اروحوا لاداري حسب السياسة الجديدة الاستاذ طاح علي راسوا كل شئ و الاداري صاحتلوا تسخين الكراسي انجوا للمدير صار كل مدير يحسب بان المدرسة ملك باباه وارثها علي جدودو و الواقع يثبت لكم ما اقوله الي عندوا وليدوا يقرا يفهم واش راني انقول .
و كل هذا المشاكل وكل هاذي العمى الي رانا فيه قالك من غشنا فليس منا واش صار هذي المرة ولا فيها التزيار و منعوا الكوبياج -خاطرش عام كامل يقروا امليح و اقروا فيهم امليح - كارثة في نتائج البروفي و الباك .
و مزال راهم امعولين علي الاستاذ رايحين هذا العام يعطوه اطريحة .
و لكن الي محيرني و سؤال ملح هذا الوزير ديالنا تاع التربية جابلي ربي وارث وزارة التربية قاع ماكنش جزائري قادر اسير هذه الوزارة و لكن زمام الامور اعطي لاعمى و هذه النتيجة الكل اعموا
نستنوا كانش واحد ايجي و انور لنا المدرسة الجزائرية

 

[سهى86]

واش من إصلاحات وشعبة اداب وفلسفة نظام جديد دارولهم sسوجي تاع الأدب هو نفسو تاع شهادة التعليم الأساسي تاع اول عام لول

 

[zakariamoumi]

نهدروا الصح يا خوا
انا راني طالب ثانوي
تعليم في بلادنا زايد غير يوخر لور
حتى الاصلاحات الاخيرة كيما يقولوا زادت الطين بلة.
خلاصة الكلام ..المنظومة التربوية الجزائرية غير صالحة تماما.

 

[zolaelmahboula]

كنت اتوقع تفاعل اكبر مع الموضوع
على العموم شكرا لكل من ساهم بالرد على الموضوع

 

[POLIYANA]

Lokraya ????????????????????????????? Ana rani mazali 3am w nkhalas w manakdarch njawbak 3la wach golt .lokraya 3andna walat cochmar li yakra wala li yog3ad c kif kif. Rana nakraw wma3labalnach win noslo .lmohim njibo diplom w ndirolo kadar falhit w nkaliw kima li kbalna.

 

[fakhri-dz19]

مكاش مستوى دراسي في بلادنا والله مايسعى
وليجان معظمهم راهم يقراو غير باه يثقفو ومايبقاوش جاهلين
والناس كامل حابا تروح للخارج مالا لا لقيتيها غير فحتي يا الحنونة سينو ياكلك الدود هنا
يا اختي نسبة النجاح في الحياة بسسبب الدراسة في لالجيري هوا 30/100 يعني رانا في الريسك العظيم

 

[koukou9927]

رانا نعماو مشي نقراو
نقلك علااااااااااه
توك حتى واحد ماهو يمشي لسي ولا باصة خرى
غير للقراية برك
كاين لي تروح توزخ على صحاباتها
وكايت لي تروح على جال حنونها
وكاين تروح باش تريح من دااار ههههه
اسئلتك مانقدرش نجاوب باسكو مازال الباك
شكرااا للموضوع

كيما قالت الأخت الفاضلة ، النتيجة واحدة فالكل متوجه نحو طلب العلم لكن الدواعي و الهدف يتميز بين فرد وآخر . في نظري الإصلاحات بعييييييييييييييييييييييييييييدة بزاااااااااااااااااااااااف لأن المصلح نفسه ( الوزارة ) بعيدة كل البعد عن الواقع ، و السبب بسيط لأن أبناءهم يدرسون في مدارس خاصة . يعني = هات تخطي راسي = أنا لم أحلم يوما أن أدرس في الخارج ، رغم أن تخصصي هو تاريخ . بصح إذا كتب ربي يوما ما أريد الذهاب إلى فرنسا = ميش على جال الحرقة = على جال الأرشيف اللي مزالنا ما عرفنتا عليه والوا ( تاريخ الثورة الغامض ). على كل حال ، أتوجه لك أختي بالشكر الجزيل على طرح مثل هذه المواضع تقبلي مروري

 

[zolaelmahboula]

اشكر الجميع على المرو الكريم
و ردودكم كلها تصب في مجرى واحد الا و هو عدم نجاعة الاصلاحات و تدهور المستوى التعليمي شانه شان باقي المستويات ببلادنا
والله كل ما اتمناه ان تلقى هاته الاراء و الانشغالات اذانا صاغية

 

[سوار]

عنك حق
شكرا على الموضوع

 

[sarah02]

او لا شكرا على الردود و المشاركة
انت سارة اعلاش راكي تروحي لليسي و انت تاني زكريا و لو ممكن الجواب بصراحة و كفاش راكم تشوفو فيه

صح صح انا نروح نقرا علاجال حنوني (هدا السبب الرئيسي
ونحب نجتهد فيها مع انو نقرا ولانقعد ماهيش باد رانا فيها

:wub:


وسبب 2 نروووح نحطط (تقول عارضة ازياء)
وسبب3 نريح من شغل والغمة نتاع الدار

 

[sofiane dj]

اف من التعليم تاعنا
علييييييييييييها ما جبناش الباك هذا العام

 

[zolaelmahboula]

ايه صح كل واحد يروح يقرا على جال سبب معين
و ان شالله يا سارة ديري لقرايا من الاولويات وللو الرابعة معليش