أبو بسمة أمل
:: عضو منتسِب ::
أهلاً بَالرَّبيع جانا يتمختر
متبسَّم فرحان وَرْدَهْ زَاهِي بيه
كي لعروس أتزينت لرض بلخضر
يتراقص لحشيش لَلْمَا يلعب فيـــه
وحدايق بورودها زين أمْعَطَّرْ
زَادَه مُتْعَهْ طيور زينة دارت بيه
و أنا غزالي كي الربيع منين أحضر
فارح قلبي فَالْجْنَايَنْ مستنيه
و ثاني أنا كي أنشوفه نتغيّر
يهمل غيمي في سمايا و تنحِّيـــه
أوبعد اللي كان غيم و صار أمطر
و اسقى قمحي و بانت النوارة فيه
و قاع الناس أربيعها ما يتغير
و غي مرة في الحول و يجي الصيف أعليه
أمّا ربيعي راه جاني بعد الحر
و فَالْمَشية طاووس يختال أَبْجَنحيه
و ربيعي بحلاوته بنّة سكر
و السكر يحلى إذا زدناه أعليه
لام و نون أنقولها ما نفضح سر
همزة نون و سين ضميرك زيديه
صرفنا ذا الفعل فالحاضر و أحضر
و التقدير عليه ضميرك سقسيه
و ما ني قانط ما نحير ما نتحيّر
عندي في الآداب باع و نفهم فيه
أنضم الفاعل حين فعله ما يكسر
و المبتدا بسوء خبره أنتليه
الفعل الماضي أنخاصمه بلا ما نفجر
و يصالحني نروح نجري متلقيه
كي يعجبني الفعل نرجع للمصدر
كي يتشرح نفهمه و نرد أعليه
هاذ البوحة جبتها من بعد صبر
و كتبت للربيع كلمة نمدح فيه
متبسَّم فرحان وَرْدَهْ زَاهِي بيه
كي لعروس أتزينت لرض بلخضر
يتراقص لحشيش لَلْمَا يلعب فيـــه
وحدايق بورودها زين أمْعَطَّرْ
زَادَه مُتْعَهْ طيور زينة دارت بيه
و أنا غزالي كي الربيع منين أحضر
فارح قلبي فَالْجْنَايَنْ مستنيه
و ثاني أنا كي أنشوفه نتغيّر
يهمل غيمي في سمايا و تنحِّيـــه
أوبعد اللي كان غيم و صار أمطر
و اسقى قمحي و بانت النوارة فيه
و قاع الناس أربيعها ما يتغير
و غي مرة في الحول و يجي الصيف أعليه
أمّا ربيعي راه جاني بعد الحر
و فَالْمَشية طاووس يختال أَبْجَنحيه
و ربيعي بحلاوته بنّة سكر
و السكر يحلى إذا زدناه أعليه
لام و نون أنقولها ما نفضح سر
همزة نون و سين ضميرك زيديه
صرفنا ذا الفعل فالحاضر و أحضر
و التقدير عليه ضميرك سقسيه
و ما ني قانط ما نحير ما نتحيّر
عندي في الآداب باع و نفهم فيه
أنضم الفاعل حين فعله ما يكسر
و المبتدا بسوء خبره أنتليه
الفعل الماضي أنخاصمه بلا ما نفجر
و يصالحني نروح نجري متلقيه
كي يعجبني الفعل نرجع للمصدر
كي يتشرح نفهمه و نرد أعليه
هاذ البوحة جبتها من بعد صبر
و كتبت للربيع كلمة نمدح فيه