حبيت نسمع رايكم راني قريب نهبل

[bababi]

انا نحب واحد وهو يحبني و عندنا 5 سنين كيفيف مي البروبلام هو عمرنا ما تفاهمنا على حاجة دايمن متشابكين صح انا منسمعش الكلام ونحب نهبلو مي هو ثاني يحب يتحكم في كل حاجة يعني ملازمش نروح لاي بلاصة بلا ما نقولو ميحبنيش نخرج ميحب نمد نيميرو ديالي حتى لانسان ميحبني نهدر حتى مع واحد ودايمن كااين لي بروبرام بيناتنا ادا قال هو صفرا انا نقول حمرا والعكس ودايمن نتفارقو بصح نرجعو . مرات نتسيباراو 5 مرات في النهار ونرجعو صح الحب لي بيناتنا كبر من بزاف صوالح مي ادا كملنا هاك رايحيين نهبلو معرفناش واش نديرو منقدروش نعيشو بلا بعضينا ومنقدروش نعيشو مع بعضينا راني حابة نسمع رايكم في الموضوع وارجو ارسال على بريدي الالكتروني nano.s28@hotmail.com

 

[khaoula1991]

و الله حكايتكم حيرتي لازم
تفوتوا لبعضاكم مرة انت مرة هو
مادام تحبيه و يحبك ما تخليش
حوايج صغار يحطمولكم حياتكم


و ربي يوفقك

 

[bababi]

مشكورة بزاف حنونتي على النصيحة

 

[مريم امينة]

لا تدع التوافه تغلبك على امرك
من وقت لاخر لازم تتنازلي و تتفهمي انتي تاني​

 

[s.dj35]

نقولك حاجة اختي علاقة كيما هاك غير خطيك منها انتي ما زالك صغيرة وشابة شوفي اللي يفهمك ويبغيك ومتبعيش الي تبغيه ممكن يجرحك بزاف وهذا من وجهة نظري ممكن تخالفيني الراي بصح انتي حرة

 

[bababi]

marci على النصائح وربي يخليكم ليا انشاء الله

 

[boualem zghari 91]

والله ساهلا هدي
نتي تبغيك وهو يبغيك ملا شراكم تسناو حتى تتفارقو

 

[خالد سيف]

أنا رايي أنكم تتزوجو حتى تُروح المشاكل إِلِيْ بَينَاتكم

في رايي أحسن حل في الوضعية هذي

 

[NOUNOU. 77]

المناوشات هادي متخرجش على الخير


مي واش نقلك يا أختي هاك الرجال كامل يبغو يتصرفو على الطفلة مديريش و متخرجيش و متقرايش


لوكان يصيبو يدفنوها

كلش بالمكتوب .مي منين تعرفي تجي معاه و هو يفهم بلي ينجم يدير فيك كونفيونس يعني ميخافش عليك

يستراح و تنقص المناوشات بيناتكم.

 

[nana66]

السلام عليكم انا نقول مدام بقيتو 5 سنين مع بعض لازم تتزوج وتتهناوسينو رح تهبل

 

[koukou9927]

الزواج هو الحل .
أما بالنسة للأمور التي تريها تضييق على حريتك كما فهمت من قولك .
أنا أرى أنه يحبك حقا ، وما يقوم به دليل على حرصه أن تكوني له لا لغيره فهو يرى بأنه زوجك أنت له وهو لك لا أحد ثالث بينكم .
هذا الشيء قل ما نعهده هذه الأيام ، فالرجولة نقصت .
خذي بيده ودعيه يأخذ بيدك ( الزواج أولا حل نهائي ) وتنازلا لبعضيكما ، وجمع الله بينكما على طاعته .
لا تنسي الزواج قبل كل شيء

 

[bababi]

مشكورين بزاف على النصائح

 

[انسة تشكر]

نقولك يا اختي ما لازمش تصعبوا في زوج لازم واحد يسبل و يهبط شوي من روحو خاطر السالب+السالب عمرو ما يمد نتيجة و لازم تديروا قصرة تحطوا النقاط فوق الحروف ما تغلطيش غلطة نور ........سومة..

 

[bababi]

marci انسة تشكر وحبيت نقولك نشاء الله نكونو حبابات

 

[الطموحة]

السلام عليكم اختي نوجهلك نصيحة مثل نفسي الحل حاولي تصلحي علاقتك مع الله و تبعدي على العلاقة المشبوهة-مارانيش نفتي لانني لست اهلا لها- ولكنها وجهة نضر ادعي الله يعوضك في الحلال بالزواج واستخيري لانه تقرير مصير -اختك الي تحبك في الله الطموحة-

 

[bababi]

مشكورة اخت نانا 66

 

[كلي امال]

الحب تضحية وتنازل مرة من عندك ومرة من عندو