مولود حداد
:: عضو مُشارك ::
- إنضم
- 29 جوان 2008
- المشاركات
- 272
- نقاط التفاعل
- 2
- النقاط
- 7
- العمر
- 47
السلام عليكم
جئتكم اليوم بقصيدة المرض الصعيب وهي قصيدة اجتماعية على شكل قصصي تتكلم عن الحب والزواج وغلاء المهور و....
جاني مرض صعيب **** وطحت فراش ايامات
ما نفعني قُول الطبيب **** ولا نوضوني ذوك الدواوات
اللي يحوس يفهم يخيب **** وما فهمو فيا العلامات
الوجه مصفار وشحيب **** ولا تونسيون سيس،سات (6.7) (la tension)
جا بابا وثرن مجرب **** قالي يا وليدي عندي إحساس
هذي حاجة ضربت فالقلب **** وعندك رسمي الستراس
قل لي شكون اللي راك تحب **** وعطيني إكزاكت لادراس
نروحو إن شاء الله تخطب **** وتولي كي بكري لاباس
قتلو يالشيخ والله غير هي **** وهاذ الشي اللي متعبني
شفت نهار واحد لبنية **** حبها طغى علي وغلبني
ماعلاباليش واش بيا **** خيالها ديما متبعني
وقيلا يلزمني رقية **** الشيخ الحسيني يريقليني
مرات نقول ندير النية **** نخطبها وخطرات نقول خليني
والشي الأساسي فالقضية **** ما نعرف إذا الشعور تبادلني
هذي هي الوضعية **** وهذا التخمام اللي مرضني
قالو يا وليدي شوفها **** مليح وشوف قبل نت روحك
إذا عزمت روح اسألها **** قولها هل نقدر نجي لأهلك
الفاميليا نتاعي نجيبها **** باش نشالله نخطبك
والحاجة خير ربي يكتبها **** وكي تستخير شي ما يضرك
السيد تم تم صحا **** تقول ماكان عيان
وجهو تنور مالفرحة **** بعد الكدرة ولى زهوان
وكأنو ماادى ذيك الطيحة **** وماكان مهموم وديخان
قالو ياباب يعطيك الصحة **** وكيفك ما خرج هاذ الزمان
راح ليها كلّمها **** وهو شوية حاشم
يابنت الناس قالها **** راني حاب ليك نتقدم
على سنة سيدنا طه **** وقتاش نجي لداركم
والمفاجأة هي أنها **** كانت بيه تاني تحلم
من شوقها قاتلو اليوم ولا خليها **** حتى مع دارنا نتكلم
وكي قالت لباباها **** فالها ماعليش مرحبا بيهم
جاو للدار وقالو **** جيناكم بلحسب والنسب
رانا منكم نأملو **** وليدنا في بنتكم راغب
نتمناو نشالله تقبلو **** وتعطيولو ما طلب
سألو واش الخدمة **** طبيب مهندس ولا طيار
والدراهم يا درى كشما **** والسكنى كيفاه الدار
بنتانا لازم تعيش مكرمة **** وحنا عايلة ملكبار
لازم تعيش في فيلا **** تطل علبحر النسيم تشمو
والطوموبيل مرسيداس كحلة **** والمفتاح هي اللي تحكموا
البارور لحزام والسنسلة **** 18 كارا باش نتفاهمو
وحاذرولنا على يدين الطفلة **** والبيت كثرو من خُدّامو
الكنيس والمسيح والشغل لالا **** ووليدكم ما يمشي عليها حكامو
وفاسبانيا تجوز العطلة **** مصر وتونس بلايص قدامو
هذي هي شروطنا كاملة **** وعندكم الوقت باش تخمموا
قالو وليدنا طالب داريار آني **** وكي يتخرج يخدم محامي
وعندنا تراب ذرك يبدا يبني **** لكن دوماج ما عندوش البارمي
تلقاو فيه الإنسان الحقاني **** بدينو متمسك محتمي
نطق هو قال في عيني **** نحطها بنتك يا عمي
تنهد باباها بالزفرة وقال **** يا فلان روح مازالك صغير
الزواج للناس الرجال **** اللي تعرف فالدنيا تسير
الآن ماشي الأخلاق المال **** اللي تخليك وش تحب تدير
رانا رافضين وبنتنا محال **** بعد العز تروح للحصير
الولد تحطم يبسو رجليه **** والطفلة ثارت في وجه باباها
قاتلو حرام عليك إيه **** وفكراتو في فقرو وغنا ياماها
قاتلو غير هذا اللي نقبل بيه **** وحاجة اخرى ما نرضاها
قالها إذا صممتي وراسك ركبتيه **** الأبوة نتاعي منّك ننزعها
قعدت تندب حظها تبكيه **** وتشكي للرحمان حالها
وصاحب دعوتها سقسات عليه **** لقاتو هبل كوارطو دفعها
ما يجيب حد يعيطلو يناديه **** حوايجو فالطريق يقطعها
يتحسر عالوضع اللي وصل ليه **** سمح فروحو الدنيا كرهها
قال لهاذ الدرجة ولات المادة **** تِثر على حياة العباد
لوكان عرفت الدنيا هكدا **** نعيا عالدراهم مانشوف رقاد
كيفاه المرفه إذا قال أدّا **** وانا ما قدرت ندّي سعاد
أكيد أنو يغيض .. صح .. نكمل
إيه هذا حرموه من طفلة **** مابالك اللي يحرموه مالجنة
غدوا كي يوقف قدام المولى **** وكتابو بالشمال يقراه مو باليمنى
وش راح تكون تما الحالة **** ووضعية السي خونا
يقول لوكان كنت ندري **** أنو المعيار العمل الصالح
نجعل قول الخير ذكري **** نجتهد المستطاع ما نريّح
نعمل لما ينجيني في قبري **** وفجمع الحسنات ما نسمح
أيا حنا مادام عرفنا **** والوقت علينا مازال ما فات
نعلنو لله لكريم توبتنا **** من وش درنا صغير وموبقات
نبداو بالشي اللّول اللي يسألنا **** الله الله يا خوتي فالصلاة
واذا حسن الخاتمة تمثلنا **** بين الأعين يرزقنا النجاة
جئتكم اليوم بقصيدة المرض الصعيب وهي قصيدة اجتماعية على شكل قصصي تتكلم عن الحب والزواج وغلاء المهور و....
جاني مرض صعيب **** وطحت فراش ايامات
ما نفعني قُول الطبيب **** ولا نوضوني ذوك الدواوات
اللي يحوس يفهم يخيب **** وما فهمو فيا العلامات
الوجه مصفار وشحيب **** ولا تونسيون سيس،سات (6.7) (la tension)
جا بابا وثرن مجرب **** قالي يا وليدي عندي إحساس
هذي حاجة ضربت فالقلب **** وعندك رسمي الستراس
قل لي شكون اللي راك تحب **** وعطيني إكزاكت لادراس
نروحو إن شاء الله تخطب **** وتولي كي بكري لاباس
قتلو يالشيخ والله غير هي **** وهاذ الشي اللي متعبني
شفت نهار واحد لبنية **** حبها طغى علي وغلبني
ماعلاباليش واش بيا **** خيالها ديما متبعني
وقيلا يلزمني رقية **** الشيخ الحسيني يريقليني
مرات نقول ندير النية **** نخطبها وخطرات نقول خليني
والشي الأساسي فالقضية **** ما نعرف إذا الشعور تبادلني
هذي هي الوضعية **** وهذا التخمام اللي مرضني
قالو يا وليدي شوفها **** مليح وشوف قبل نت روحك
إذا عزمت روح اسألها **** قولها هل نقدر نجي لأهلك
الفاميليا نتاعي نجيبها **** باش نشالله نخطبك
والحاجة خير ربي يكتبها **** وكي تستخير شي ما يضرك
السيد تم تم صحا **** تقول ماكان عيان
وجهو تنور مالفرحة **** بعد الكدرة ولى زهوان
وكأنو ماادى ذيك الطيحة **** وماكان مهموم وديخان
قالو ياباب يعطيك الصحة **** وكيفك ما خرج هاذ الزمان
راح ليها كلّمها **** وهو شوية حاشم
يابنت الناس قالها **** راني حاب ليك نتقدم
على سنة سيدنا طه **** وقتاش نجي لداركم
والمفاجأة هي أنها **** كانت بيه تاني تحلم
من شوقها قاتلو اليوم ولا خليها **** حتى مع دارنا نتكلم
وكي قالت لباباها **** فالها ماعليش مرحبا بيهم
جاو للدار وقالو **** جيناكم بلحسب والنسب
رانا منكم نأملو **** وليدنا في بنتكم راغب
نتمناو نشالله تقبلو **** وتعطيولو ما طلب
سألو واش الخدمة **** طبيب مهندس ولا طيار
والدراهم يا درى كشما **** والسكنى كيفاه الدار
بنتانا لازم تعيش مكرمة **** وحنا عايلة ملكبار
لازم تعيش في فيلا **** تطل علبحر النسيم تشمو
والطوموبيل مرسيداس كحلة **** والمفتاح هي اللي تحكموا
البارور لحزام والسنسلة **** 18 كارا باش نتفاهمو
وحاذرولنا على يدين الطفلة **** والبيت كثرو من خُدّامو
الكنيس والمسيح والشغل لالا **** ووليدكم ما يمشي عليها حكامو
وفاسبانيا تجوز العطلة **** مصر وتونس بلايص قدامو
هذي هي شروطنا كاملة **** وعندكم الوقت باش تخمموا
قالو وليدنا طالب داريار آني **** وكي يتخرج يخدم محامي
وعندنا تراب ذرك يبدا يبني **** لكن دوماج ما عندوش البارمي
تلقاو فيه الإنسان الحقاني **** بدينو متمسك محتمي
نطق هو قال في عيني **** نحطها بنتك يا عمي
تنهد باباها بالزفرة وقال **** يا فلان روح مازالك صغير
الزواج للناس الرجال **** اللي تعرف فالدنيا تسير
الآن ماشي الأخلاق المال **** اللي تخليك وش تحب تدير
رانا رافضين وبنتنا محال **** بعد العز تروح للحصير
الولد تحطم يبسو رجليه **** والطفلة ثارت في وجه باباها
قاتلو حرام عليك إيه **** وفكراتو في فقرو وغنا ياماها
قاتلو غير هذا اللي نقبل بيه **** وحاجة اخرى ما نرضاها
قالها إذا صممتي وراسك ركبتيه **** الأبوة نتاعي منّك ننزعها
قعدت تندب حظها تبكيه **** وتشكي للرحمان حالها
وصاحب دعوتها سقسات عليه **** لقاتو هبل كوارطو دفعها
ما يجيب حد يعيطلو يناديه **** حوايجو فالطريق يقطعها
يتحسر عالوضع اللي وصل ليه **** سمح فروحو الدنيا كرهها
قال لهاذ الدرجة ولات المادة **** تِثر على حياة العباد
لوكان عرفت الدنيا هكدا **** نعيا عالدراهم مانشوف رقاد
كيفاه المرفه إذا قال أدّا **** وانا ما قدرت ندّي سعاد
أكيد أنو يغيض .. صح .. نكمل
إيه هذا حرموه من طفلة **** مابالك اللي يحرموه مالجنة
غدوا كي يوقف قدام المولى **** وكتابو بالشمال يقراه مو باليمنى
وش راح تكون تما الحالة **** ووضعية السي خونا
يقول لوكان كنت ندري **** أنو المعيار العمل الصالح
نجعل قول الخير ذكري **** نجتهد المستطاع ما نريّح
نعمل لما ينجيني في قبري **** وفجمع الحسنات ما نسمح
أيا حنا مادام عرفنا **** والوقت علينا مازال ما فات
نعلنو لله لكريم توبتنا **** من وش درنا صغير وموبقات
نبداو بالشي اللّول اللي يسألنا **** الله الله يا خوتي فالصلاة
واذا حسن الخاتمة تمثلنا **** بين الأعين يرزقنا النجاة
