الى اصدقاء اللمة تعيشوا ادخلوا

[روزاليندا]

السلام عليكم

تصدقوا هذي اول مرة نحس فيها روحي ضعيفة لهذي الدرجة ومنيش قادرة نفكر

وملقيت حتى واحد نحكيلوا ويفهمني صح ومبقيتولي غير نتوما

الحكاية وما فيها اني عندي وحدة صحبتي انتيم ملي كنا صغار وحنا مع بعض نكلوا ونشربوا نلعبوا

نقراو كيف كيف وكانت تحكيلي على دارهم ومشاكلهم لي كانت ماتخلاصش مع راجل يماها

المهم وصلنا للجامعة وين بديت نحسها بدات تتبدل ولات تقعد وحدها بزاف ومتكثرش الهدرة

وطول الوقت شاردة عن الدرس مع انها كانت من الاوائل وكنت كل منسقسيها واش بيها تقولي

عيانة بصراحة مكنتش غبية باش نصدقها وعرفت بلي كاين واحد يلعب بعقلها

نهارات ومن بعد لقيتها تخرج في اوراقها من البلدية كي سقسيتها محبتش جاوب وبدات تتهرب مني

ايام فتحت معاها الموضوع وضغطة عليها بش تهدر . و حكتلي على هذا الولد لي تخرج معاه

وقتلي بلي راهم رايحين لفرنسا با يتزوجوا و عيشوا ثم . صدقوني يا خوتي وهي تحكيلي كنت حابة

تقولي بلي راهي تكذب عليا ومكانش منها . بصح الحكاية خرجت صح و الطفلة كان عندها 6 اشهر

وهي معاه بقية نساير في هبالها على الاقل باش نعرف واش راه تخمم .

والمصيبة نهار لي سقسية على هذاك الولد حياتوا كاملة غير شراب وبنات و.......

ونهار قلتلها عليه وعلى عمايلوا تصدمت بلي كانت عارفة حوايج عليه اكثر مني

الظاهر غسللها موخها بكلاموا و الدارهم وفرنسا وعدها بلي يتبدل كي يتزوجوا

انا مقدرتش نوقف نتفرج عليها وهي تضيع رحت هدرت معاه بصح بلا فايدة حتى صحبتي زعفت كي

رحت ليه سمعتني كلام جرحني ومكنتش نسنى فيه. المهم بقتلهم 15 يوم ويروحوا


تعيشوا قولولي واش ندير منقدرش نقول لوالديها على بالي يقتلوها على خاطر عقليتهم صعيبة بزاف ووالديا انا على بالي ميفهمونيش ضرك لازم وقت

راني منقدرش نرقد وانا نخمم وملقيتش حل وانا برك لي راني عارفة الحكاية نتاع الهربة للخارج

صدقوني بلي الطفلة هذي عاقلة ومهيش من البنات نتاع الزنقة بصح مشاكل داره هي لي خلاتها تولي هكذا
روزاليندا

 

[mohamed ali 1992]

لا حول ولا قوة الا بالله
​

 

[bababi]

عزيزتي حاولي ان تنصحيها أولا فان لم تصغي لكي حاولي ان تتكلمي مع هذا الشاب لتعرفي نواياه

 

[mohamed ali 1992]

النصيحة أختي أن لا تتركي أعز صديقاتك تضيع أو بعبارة أخرى افضل تخسر حياتها
أو تقترف ذنبا ليسا عليها به سلطان

تقربي اليها بالنصيحة أثبتي لها بأن الرجل سيئ حاولي قدر المستطاع فوالله لن يخيب الله حسن نيتك
اذا كان فيه أحد صديقاتك ممكن تشرحيلهم الموضوع ممكن يفيدوك بأرائهم
المهم أختي أعملي قصارى جهدك لمنعها من هذا الزواج من الشاب الحقير
ربي يحفظك أختي ويحفظ جميع المؤمنين والمؤمنات
وفقك الله أختي
حقيقة مشكورة على صراحتك
نتمنى من ألأعضاء الابداء بأرائهم فالأمر يهم الجميع
فالفتاة أختنا
ربي يهدي الوالدين ويغفرلهم ويسامحهم

ان شاء الله نسمع خبرا سارا في القريب العاجل
​

 

[روزاليندا]

نقولك يا خويا محمد يعطيك الصحة على النصيحة وراني حاسة بلي راك فهمت الموقف لي تحطية فيه ونقولك الى حد الان ماكان حتى فايدة مع الاسف

 

[rafika32]

نقولك قطعيلها الكواغط باش متروحش معاه...
​

 

[فقير الى رحمته]

خبري يماها ، لانها الوحيدة لي تتفهم وضعها
ولا ادا حرتي خلاص و ما لقيتيش الحل
خبري البوليس ، قولي لهم كاين واحد
حاب يخطف واحد البنت ، و الله غير يباصي
الشمس ما يزيدش يشوفها .​

 

[hard_way1990]

,واش راح نقولك يا أختي والله ربي يستر برك صراحة تفكير إنساني في هاذ المشكلة ما ظنيتش يقدر يحلها نقولك الحل المليح هو أنك تدعي ربي سبحانو ليلا نهارا ما دامك راكي تقولي ما نقدرش نرقد وتاني صلي بزاااف وصلي لله وأدعيه لأنو هو سبحانو ألي يقدر يدير حل ما يجيش فالبال وإ>ا كان مكتوبها تروح الله غالب

 

[سمسوم]

خبري والدتها ...... ما تخفيش اذا كان رايحه تخسريها ..... رايحه تخسريها صح

لكان خليتيها تروح

ولكان على عذاب والدتها .... sur رايح يجيها اهون من العذاب اللي يستنى فيها



​

 

[الرجل الأزرق]

صباح الخير
إذا كان ما تقولين صحيح أن بعد 15 يوما ستسافر الى فرنسا هذا يعني أن وضعيتها القانونية مرتبة والشخص يعي ما يقول وما يفعل وبالتالي هي تعرف مصلحتها أكثر منك بدليل أنها أخبرتك بسلبياته التي كنت تجهلينها
وعليه الأحتمالات متعددة
راقبي وضعها وكوني على إتصال مستمر معها فقد تكون تجربتها ناجحة ومن يدري ؟
المهم تصرفي بحكمة وبدون تسرع
لأن صديقتك تعتقد أن لاخلاص لها من عذابها إلا السفر الي الخارج وعندما تمنعينها من ذلك ستكونين السبب في تحطيم حياتها من منظورها طبعا حتى ولو كانت هي على طريق الخطأ

 

[هند العصفورة]

السلام عليكم ورحمة الله تعالى وبركاته
يا أختي عمرك متخليها تروح حاولي تنصحيها وأقنعيها بلي ليراهي دير فيه هبال
وقوليلها راه جاي نهار وين تندم عليه

تقبلي مروري ورأي​

أختك هند​

 

[naruto11]

ما دزيديش دوري معاها

 

[sarah02]

بصحتها ,,
ماعندنا مانديرولها ربي يهدي المدموزال :thumbup1:

 

[malika55]

انا نقولك حاجة وحد يا روزليندا الام اولا بابنتها قوليلها وفهميها مليح ولمجبتش حتى فايدا شوفي كاش وحد من اقربها وهدا طفل مراهوش راح يتزوج بيها راه غير يكدب انا نقولك يختي متفشليش وتخليها وحدها لخطرش راح ترتكب ذنب في حق نفسها حولي ولا تياسي ونشاء لله نسمعو خبر مليح

 

[parkour14]

هدي فكرة مني وشوفي واش تقدري ديري
قوليلها تتحقق من اوراق الولد الي بش يديها معه وادا كانت دايرا فيه الثق و كانت متاكد من صدق نواياه تروح معاه . بصح ادا ملقتوش موجد لورق تروح تشكي بيه بدون نقاش
وادا كانت مش واثق فيه خليه هي لتشكي بيه بش تحس بلي صحة غلطته بيدها
وهده مجرد فكرة
وشوفي واش تقدري ديري وبقاي اعطيلها في النصائح ادا كنتي خيف عليها

 

[قطرة ندى1]

ربي معاها ان شاء الله

 

[parkour14]

ربي يوفقك ويوفقها
انشاء الله

 

[روزاليندا]

وش تحبوني نقوللكم يا خاوتي يعطيكم الصحة لي وقفتوا معايا مي ما بقالي حتى حل غير يماها ما كانش لي يخاف عليها كيما هي على بالي راح نخسرها و حياتها تولي صعيبة في دارهم مي احسن ملي تروح مع هذاك الانسان وربي عالم واش يصرالها ادعولي نكون قررت صح ومنندمش من بعد

 

[RaNiA]

مسكينة
مالقيتش حل

مي هي في بالها كي رح تتزوج هذا تحبس الميزيرية
وعلاه ماتبقاش في دار ماليها خير
كيف كيف من هم ل هم
مالا ماتزيدش على راسها هم خلاف افضل

ولاكان هي حابة تعيش هكا
هي حياتها وحرة فيها
ماعندك ماتنجمي تديريلها

 

[زينب يااااي]

:huh:السلام عليكم ، صح هادي مشكلة كبييييرة ، الله يعينك و يعينها عليها ، هو الصح كيما قالولك من قبل ن لازم تقولي ليمّاها مهما عاد تكون العقوبة لي تجيها من عندها أقل من لي تجيها بعد الزواج هادا ، و أنتي مادام عندك الوقت حاولي أقنعيها و كيما تبداي ابداي أهدريلها بلعقل و بالشوية حتان ترتاحلك و ما تبدايش تهدري على الموضوع هادا