يا خاوتي كيفاه ندير الله يستركم؟؟

[boutaina]

السلام عليكم ورحمة الله وبركاته أنا فتاة نية بزاف يا خاوتي نحكي مع الناس كامل ونحب نفرغ مع الناس كامل ونحب نعاونهم كامل بصح الله غالب الدنيا هادي غدارة بزاف وحد القصة صراتلي البارح مع واحدة جارتنا عمرها 33 سنة ومازال ماهداهاش ربي تظل تعس فيا وانا مانيش قدها المهم البارح من هدرة لهدرة تناشعنا أنا وياها جا الشيطان بيناتنا حتو وصلنا أننا علينا صواتنا على بعضانا حتى سمعونا الجيران وهي بزاف الناس تشكي منها وما تخاف حتى من واحد مع أنها عندها خواتها رجال الله يبارك هدرنا هكدا وقلتلها علاه راكي ظل تعسي فيا .وأنا راني نخدم في السيبار ومبعد حتى نلقاها قالتلي شوفي روحك راكي تخدم في السيبار مع الرجال وهما يظل يحضن فيك وأنا ما غاضتنيش هادي الهدرة غاضتني روحي كعندتها وهزيت معاها صوتي والناس تسمع والهدرة تاني دوك الناس كتسمع يقول صح هادي الطفلة راهي تخدم مع الرجال يفهم كلامها صح والله راني حايرة ومن البارح والمورال هابطلي خلاص يا خاوتي كيفاه ندير الله يستركم ؟؟؟وسمحولي بلاك راني قلقتكم بقصتي هادي بصح الله غالب قلبي تعمر ولازم نفرغ هنا سلام.

 

[سندس الجزائر]

اختي الكريمة انا اعرف انه قلب الانسان يتحسس ولو قتلك ما تديريش عليها رايحة تقولي كفاه نقولك ما دام عارفة نفسك صدقيني لا يهمك احد كل شيء يتغير الا طبيعة البشر وصقيني الناس لما تشوف الانسان المتخلق رايحة تحاربه من وراء ظهره بقدر ما تستطيع وتمدحه امام مسمعه فاجعلي الله طريقك وانت عملكي للاه وليس العباد هذه اكثر واحدة تخليك ما يهمك حتي واحد مادام الله راضي عليك

ربي معاك

 

[أريج الفجر]

اختي هاد النوعية تاع الناس بعدي عليها قد ماتقدري

وماتعانديهاش وراكي قلتي الناس كامل يعرفو واش تسوى

المهم انتي بينك وبين ربي صافية وخليها تهدر

وماتقلقيش روحك على هاد العباد على خاطر فارغين شغل

وربي حسابو عسير على لي يرمو المحصنات

ماتعمريش راسك كامل بيها الناس تشوف وتميز وتعرف مليح شكون لي عاقلة وشكون لي تاع مشاكل

واهم حاجة كي يكون راضي عليك ربي ​

 

[** غزال الصحراء **]

المهم لي في قلبك و لي يدير على الناس يبقى لتالي بالاك هاذيك نطقتها الغيرة المهم كبري بالك و ماتخليش حاجة صغيرة تهبطلك المورال .

 

[sofiane dj]

واش راح يجيك من واحد يغير نووووووورمال ختي و ماكان فيها والوا ما دريش عليها وقوليلها الكلمات لي فالتوقيع تاعي ههههههه

 

[زوزو 44]

حنونة الخدمة ماشي عيب او لبنات كامل يخدموا ماشي غير انتي
او قضية تخدمي معا الرجال علاه راح تحلي سيبار للنساء فقط ربي يهديهم
انتي قلتي راكي نية يعني نيتك صافية الباقي ما يهمك حتى واحد

مع تحيات فريق الضياء

 

[جازية]

اختي كنتي بنت عاقلة واحد مايسمعلها باش تنقصي الهدرة عليك لازم تبينيلهم بلي انتي بنت فاميليا تحلي بالصبر شكرااااااااااااااااا:thumbup1:

 

[MIMI+ALG]

أضربيها هي وناس في 0 مادمك صافية مع مولاك

 

[طيور الجنة21]

كلام الناس ما يعمر الراس................... و ما دام أنت صافية مع روحك و مع ربي علاه راكي خايفة

 

[نورالياقوت38]

مدامك عارفه روحك بتأكيد عارفيناك قاع الي يعرفوك وكلامها مش راح يأثر فيهم هذيك باينه غيرنه منك اعطيهالها غير بألغازههههههههههههه و خطيك منها ديري روحك مسمعتيش وفوتي الي فات علي كلمه فات علي روح

 

[الناصر صلاح الدي]

هادي راهي رماتك وحسابها عند ربي.اما الخدمة مع الرجال مشي عيب النساء معظمهم يخدمو مع الرجال.و مادام الجيران يعرفو سيرتها ماهومش راح يديرو عليها.الله يعاونك

 

[أم دارين]

هالسلام عليكم​

شوفي أختي أول حاجة إذا كان راكي تشوفي بلي راكي تخدمي في خدمة شريفة وربنا راضي عليك ونفسيتك مرتاحة
فمتسمعي لحتى واحد لأنو رضا الله وراحة النفس قبل كل شي واللي يهدروا فيك ما يزيدوا ما ينقصوا
وبالنسبة لجارتك إذا أخلاقها كيما راكي تقولي فبعدي عليها أحسنلك وخلي بيناتكم السلام برك
وإذا خاطبهم الجاهلون قالوا سلاما
وادعيلها ربي يهديها
وكيما تسبك مترديش عليها قوليلها شكرا وخليها
مناه كون تردي عليها رايحة تولي زيها
وهي ديجا تحوسك تتغششي
بصح أنتي عادي ابتسمي باه تقتليها بالبارد​

وميهمكش فالهدرة اللي راهي تقولها تهدر حتى تشبع
وإذا كان على الناس فلللي يصدقها مينفعكش مناه راهو كيفها
ومديريش في بالك بزاف مناه صحتك اهم من كل شي
هذا هو رايي وشكرا​

 

[boutaina]

لسلام عليكم ورحمة الله وبركاته يعطيكم الصحة وبارك الله وفيكم وربي يخليكم ديما وافيين في هذا المنتدى والله العظيم راكم طلعتولي المورال فوق الحق يعطيكم الصحة وربي يستركم سلام يا أعز وأغلى أصدقاء.

 

[الستار سوسو]

ماتديريش عليها اختي مادامك صافية مع روحك ومع ربي مايقلقك حتى واحد
وربي يهدينا كامل انشاء الله
وانا في رايي ماتدور بيك ماتدوري بيها
واديها من عندي سامحي وماتنسايش
ربي معاك اختي سوسو

 

[النظرية المتمردة]

حنونة

اجبدي روحك منها

ما تعاديهاش

بصح خلي اللي بناتكم وشراكي صافا و السلام

هذو الأشكال مشي مليح تقيميهم

 

[fun girl]

خليك انتي كبيرة ومتعنديهاش و لى هدر فيك كلمة راهي فيه...

 

[POLIYANA]

La3bad li kima hadi ki ta3kti 3lihom khir.matahdrich m3aha w khaliha tnabah ta3 roha ki lkalba hachak w taskot haci kamal lghira w nas matkhafich manhom madamak golti 3labalhom biha kifah .