وش رايكم في خطاب الرئيس الأخير

[ElKaBeCh]

أيا يا جماعة ماعليهش فرقوا قشكم ولا فرق وش كاين في قلبكم


البارح شفنا خطاب الرايس للأمة كاين لي عجبو ووصفو بالحدث ولا بخطاب شديد اللهجة وكاين لي معجبوش الحال وقال هذا غير فيلم جديد يلهوا في الشعب بيه وخاصة الشبيبة و كاين لي قال نفس السناريو يعودوا فيه

حابين نعرفوا راي أعضاء المنتدى و المشاركين فيه باش نتقاسموا فيها هموم لبلاد وفرحتها

 

[younes]

أنا شفتوا عير يشرب في الماء
على كل حال ربي يعاونو و أطيعوا الله و رسوله و أولي الأمر منكم

 

[ElKaBeCh]

صح هههههههههههه

بصح حليلو راه يقعد بالسوايع وهو يخطب هههههههههههههه هنا حرم على لعزوج المسلسل لي تبع فيه مالفة تشتيه يخ كرهتو ههههههههههههههههه حرم عليها حلقة البارح ههههههههههههه تحتمت عليه ( بصح فووووور) زهاني

وعجبني ملي خلع مدير بنك الجزائر ملي كان يهدر على دين الجزائر 4.7 مليار وقالو على 700 مليون قادرين نخلصوها ولا لالا هههههههههه الخزين دو تترتق وهنا مش قادرين نخلصوها ؟؟؟؟؟؟؟؟؟؟ c'est normal قادرين نخلصوها .

المهم نشكرك خويا على ردك ومشاركتك وخاصة أنت شفتك من الأعضاء النشطين في هذا المنتدى شكرااااااا

 

[Bent alblad]

الخطاب تاعو صراحة اعجبني ...........خاصة انه تناول موضوع حساس جدا خاص بناس الغربة .......و بذلك الكلام حسسنا بزاف بالبلاد و انه لازم نديروها في بالنا من ناحية عدة امور ذكرها ....كان لي شخصيا تشجيع لعدة امور

حتى لو انه بارع في الخطابات و لازم الفعل اولا .............لكن ايضا هنا من الكلام ما هو دواء كيما يقولوا ........

و ربي يجيب الخير للبلاد و يحفظ ناسها الطيبين........و للبقية اراء.

 

[عاشق اللمة الجزائرية]

حقيقة بوتفليقة امس قد ذكر صراحة عيوب طاقم الحكومة ومسؤولي الدولة ولكن اظن انه كان مرآة فقط عما يدور في الشارع الجزائري ، ونحن لا نريد ان يعدد لنا المشاكل لاننا نعلم كلنا ان الوزراء يمارسون الجهوية وان الولاة نائمون وكل شيء ، ولكن نود منه ان يصلح ذلك بصفته المسؤول الاول امامنا لا ان يعدد لنا المشاكل ويذهب

 

[العقرب الاحمر]

كل واحد كيما يحب
بصح الهدرة نتاع اليوم نتاع الخبر

تدارك الامر دي كليمة يقولها رئيس دولة اتدارك كانت باقياا كليمة واحدة برك راهي طفرت برك يقولهاا

رئيس نحبو بزاف

بصح الكلاب التانين جيبهااا من قائد الاركان حتا لي تالي والله واحد فيهم ما فيه ريحة رجلة

كاره منهم من نهار اليوم لي تولت

 

[ElKaBeCh]

كلامك صح

كيما قلت خويا الكلام مايجب والو بصح الحمد لله مكانش رايس ضرك يخطب كيما بوتفليقة أنا ينزهني بطريقة الكلام

عارف بلي تحتو ذيوبة ما فيهمش لمان ولازم للدولة تتعدل . نعطي مثال صار هنا عدنا

كاين واحد جارنا سرق مركز البريد مع العلم أن هذا السيد خدام في مركز البريد . المهم هذا السيد سرق 6 ملاير من مركز البريد . ملا فاقولوا النهار لي كانوا يشرعولوا كان واحد معاه سارق دراجة نارية بداو بصاحب الدراجة النارية حكمولوا ب6 سنوات حبس وجات دالت جاري حكمولوا بعامين حبس مع العلم بلي القضية داروها جنحة و السيد قر على روحو وقالهم ماعنديش منين نجيبها .كسرت الدراهم .
هذا عدل ؟؟؟ لي سارق دراجة نارية مثل لي سارق 6 ملاير من الدولة ومن بعد يجي العفو يخرج في ست شهر هذا إذا مخرجش مع العيد هههههههههههههه .

 

[james blunt]

رد: وش رايكم في خطاب الرئيس الأخير

rabi yrahmak ya boumedien

 

[yanni]

رد: وش رايكم في خطاب الرئيس الأخير

الله يستر
ما فهمنا والو في بلادنا
خطرة تطييييييييييح
الدقيقة التالية تنوض سامحنا الارهاب ولاو لعوايدهم ​

 

[Mercure]

رد: وش رايكم في خطاب الرئيس الأخير

بوتفليقة ناس ملاح بصح الطاقم الفني ديالو ماشي ملاح :nerd:

بصح لي يحيرني هو وعلاه ما يعاقبهمش كي علابالو واش راهم يديرو

راهم الملاير يتسرقو من الخزينة و حقوق الشعب و نووورمال الشعب راقد و الحكومة تاكل و تنهب و الإرهاب يقتل ....ربي يسلكها على خير

كاين شيء واحد هو اني لا احب ان اكون مكان هؤلاء المسؤولين يوم القيامة

اللهم أصلح أحوال البلاد و العباد