مسيلية حيرانة يا شباب ساعدونى

[tear of angel]

السلام عليكم
انا اختكم نر من لمسيلة
ياخوانى حبيت نسقسيكم وخاصة الشباب
انا تعرفت على واحد فلسطينى يسكن فى غزة المهم كنا نحكيو وكل واحد حكى على جرحو وهكاك وقررنا انا نكونو اخوان وكل واحد يعاون خوه بأى طريقة
وهو اغلى واحد عندى من خارج عيلتى
مرة قلى نور اش رايك نشريلك كادو تخيلتو يتمصر ومن بعد قالى البورتابل الغالى عندك ولابيس الكل هكاك بالدولا وشحال قتلوو معلاباليش ممكن 400الف اورو لانى منعرف الدولار وشحال يساوى عندنا المهم قتلو قالى اطينى نيميرو كونت باباك ولا كشما واحد داير فيه الكونفيونس قتلو وعلاه قالى نبعتلك الدراهم قتلو ياك ماهبلت
وبعديها حكيت مع امو وخوه واختو وصارت العلاقة وطيدت
قبل يومين من ظرك ضافت واحد جزايرى لميلى
مع انو اخى ما كانش موافق قتلو خلينى برك لا قالى لازم نحكى معاه
انا حكيت مع الجزائري وتعرفنا وحكينا على لى كوبل نتاوعنا
وقتلو عندى خويا فلسطينى وهو اغلى واحد عندى تدير فى بليزير تتعرفو
قالى معليهش وهو عمرو32 سنة الجزايرى يعنى
فحكاو بدا خويا الفلسطينى يسأل فيه واش عامل فى حياتو وشحال عمرو وهكا
مع نو اخى حكى كل للجزايرى
لحتى وصل لعمرو قالو خويا وشحال قالو الجزايري 99
خويا اعتبرها مزحة
ومن بعد قلو وين تعرفتو سكت بزاف وقالى سعدت بمعرفتك ومانيش حاب نديرلك مشاكل مع خوك
وكى حكيت معاه لوحدو قالى كيفاه تفضلى فلسطينى على جزايرى قتلو هو خويا وانت بن بلادى
قالى اخر عمرى يجى فلسطينى يقللا وين تلاقيت ببنت بلادى
وانت بالزايد ساكتت
انا ما فهمت فيها والو وقالى هو ميعرفش الجزايرين وحسيتو غار منو لانى حكيتلو وشحال نحب خويا وقتلو هو خايف عليا من اليوم لول كون عينك كون قتلى لا لا قالى كون جا خايف عليك ميخليكش تشاتى
وانا علابالى بلى ما حبش خويا يخليها فى خاطرى ويزعفنى

ودرك حابتكم تقولولى وشكون الغلطان وخاصة الشبابات كون جيتو فى بلاصة الجزايرى واش تديرو
مع العلم انو درك ماهوش يحكى معايا وقالى ندمت كى عرفتك وحكيت معاك
ارجوكم مساعدتى
اختكم نور​

 

[tear of angel]

وشو واحد واهو حاب يساعدنى
مستنيتكم علابالى متخليونيش هكاك

 

[النظرية المتمردة]

هممممممممممممم

فالحقيقة حكايتك مفهمتهاش مليح

وشنو هو السؤال؟

وكي راكي تقولي خويا..كاين خوك نتاع الصح و لا خوك لي تعرفيه بالشات؟

خلطتيهالي

 

[tear of angel]

هههههههههههههه يا اخى خويا نتاع الشات
بصح احسبو كى نتاع ما ما وبابا

 

[xsxsx]

أنا ضرتنى عينى ومافهمت والو

خير الكلام ماقلا ودل​

أسمحيلى كان نفسى نخرجك من حيرتك​

 

[tear of angel]

انا نقلكم وبأختصار
عندى اخ فى النت واخ بمعنى الكلمة وهو ميش جزايرى
تعرفت على واحد جزايرى وحكيتلو على اخى البرانى
وشحال نحبو وشحال يخاف عليا وهكاك
فقتلو رح نجمعكم بمحادثة قالى معلهش الجزائرى
فجمعتهم ولما بدا يسأل فيه خويا البرانى
الجزاير زعف زقالى كيفاه تقبليها على بن بلادك يديرلو تحقيق واحد اخر
وقالى فضلتى ولد الغرب على ولد بلادك
ومتزيدش تحكى معايا
مافهمتلو والو
ولا شكون غلط فينا
ولا هادى غيرة وادا كانت لازم تكون على هكدا حاجة

 

[نورالياقوت38]

اذا كنت تعرفي هدا الجزائري من مده كبيره بالك:blushing:راه تعلق بيك وميحبكش تهدري مع اي واحد غيرو وزيد علي هذا قاع الجزائريين يغيرو علي بنات بلادهم حتي أنا صراتلي الي نقولو راني متعرفه علي واحد سعودي او مصري او اردني و نقولو حابه نعرفك بيه وهو كي خويا ميحبش ويقولي متزيديش تهدري معاهم و يحكمو فيا كيما خاوتي نحسهم راهم معايا في دار:laugh:نقولك حجا خيتو انت لوكان جيتي في بلاصتو راح تحسي نفس احساسو صدقيني انا مره حصلتلي مع واحد حب يعرفني علي وحده اردنيه والله تنارفيت :thumbup:هذي الي نعرفها:thumbup:شكرا

 

[zolaelmahboula]

درك القصة و ما فيها ما تستاهلش هاد الحيرة كامل
لوكان جا هاد الجزايري حابك كاخت ليه او كصديقة ما يتنرفاش لسبب بسيط هو انو يعرفك بيان
انا نعرف واحد يدير حاجة كما هاك معناتها شكاك و غيور مهما كانت لا رولاسيون تاعكم
نقلك حاجة مرات تلقاي حوايج في البرانيين ما تلقايهمش في ولاد البلاد

 

[chahrra]

يا اختي انا انقلك انو كل جزائري عندو غيرة على بنت بلادو .شدي في خوك الجزائري و متضيعيش خوك الفلسطيني :confused1:

 

[نور الانوار]

ماكانش منها طفلة تتعرف على طفل في الشات

وتقول نعتبرو كلي خويا نتاع الصح


لاكان تتعتبريه صديق برك لا اقل ولا اكثر

وشىء ثاني مشي مليح تتعلقي بحتا واحد
وخاصة تاع الانترنيت راهم كلهم يشبهوا لبعضاهم​

 

[nana66]

انا مفهمتش وش هدى التخباص وعلاه عرفتيهم على بعض وش هو الهدف والله لا ربى يهدينا

 

[xsxsx]

ختى متكسريش راسك فخار يكسر بعضو

 

[عاشقة]

ايييه ياك قتلكم .......قراي ختي موضوع ديالي..دوك تلقاي الاجابة لرووحك

 

[عاشقة]

مهيشي غيرة ..........هكا خلقنا ربي .الجزاايريين هكا دوريجين.ههههههههههههههههههه

 

[tear of angel]

عطيكم الصحة
على كل ردودكم

 

[mimou359]

خبز الدار ياكلو البراني( هكذا راهو حاب يقولك)

 

[programmeur]

نقولك حاجة راهم قاع خوتك وقاع مسلمين مثلك بصح أنا واحد من الشباب الجزائريين نغير على بنت بلادي وخاصة كي تكون تتكلم مع رجل من بلد غير الجزائر
أخاف لو يستهزأ بها أو يقول لها أي كلام يجرح قلبها وأحس أنه قام بالاستهزاء بجزء هام من وطني

 

[dahman kz]

هاد الجزائري ما يرضاش اول شيء الغيرة على بنت بلادو وثاني حاجة يكون خايف عليك
بالصح اذا نتيا تعرفيهم مليح قادرة تفهمي السبب

 

[toma babia]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟